Death Race 4: Beyond Anarchy (2018) Sinhala subtitles | පාලනය උදෙසා මරණීය තරග බිමට.. [සිංහල උපසිරැසි සමඟ] (18+)

Death Race කිව්වාම ඉතිං ඕන කෙනෙක් දන්නවා මොකක්ද කියලා. ඔන්න අද මේ උපසිරැසි ලබා දෙන්නෙ Death Race චිත්‍රපටි මාලාවෙ 4 වෙනි චිත්‍රපටයට. කලින් බලලා තියෙන උදවිය නම් මේ සීරියස් එක ගැන හොදට දන්නවා ඇති ඒත් මම කලින් චිත්‍රපටි තුන බලලා නැති නිසා ඒ ගැන කියන්න දන්නෙ නැහැ.

හැබැයි මෙහෙමයි, Death Race චිත්‍රපට සීරීස් එක කොටස් දෙක්කට කැඩෙනවා. ඒ තමයි Original Series සහා Remake Series කියලා. අපි ටිකක් බලමු මේ යටතෙ නිකුත් වුන චිත්‍රපට මොනවද කියලා.

Original Series

1) Death Race 2000 (1975)
2) Death Race 2050 (2017)
ඔය චිත්‍රපට දෙක තමයි ඔය කාණ්ඩය යටතෙ නිකුත්වෙලා තියෙන්නෙ. හැබැයි ගොඩක් දෙනෙ ඔය දෙවනියට ආව චිත්‍රපටයට නම් කැමති වුනේ නැ. මම දන්න විදිහට.

Remake Series

1) Death Race (2008)
2) Death Race 2 (2010)
3) Death Race 3: Inferno (2013)
4) Death Race: Beyond Anarchy (2018)
ඔන්න ඔය කාණ්ඩය යටතෙ ආව චිත්‍රපටි වලට තමා කට්ටිය වැඩි කැමැත්තක් දක්වන්නෙ. ඔය කාණ්ඩ දෙක යටතෙ ආව චිත්‍රපටි කවලමට බලලා විකාරවෙලා නම් දැන් ඒක මගෑරවගන්න පුළුවන්වෙයි.

එහෙනම් අපි කතාව ගැන පොඩ්ඩක් බලමු, විශාල බැම්මකින් වෙන් කරපු අක්කර ගණනාවක භූමි භාගයක් යොදාගෙන වේලන්ඩ් කියන අයතනය නිර්මාණය කරපු හිරගේ දැන් එක් අයෙකුගෙ පාලනයට නතුවෙලා. ඒ කියන්නෙ දැන් මේ භූමිය අරාජිකත්වයෙන් තොරයි. ඒකම තමා මෙදා පාර චිත්‍රපටයෙ නමත්. ඉතිං වේලන්ඩ් ආයතනයට අවශ්‍යය වෙනවා මෙතන පාලනය කරන කෙනාව මරලා දාන්න. හැබැයි ඒක කරන්න වෙන්නෙ ඩෙත් රේස් එක අතරතුර.

මේ භූමිය හදුන්වන්නෙ ස්ප්‍රෝව්ල් කියලා. මෙතන පාලනය කරන්නෙ ෆ්රෑන්කෙන්ස්ටයින් කියලා කෙනෙක්. මෙයත් ධාවකයෙක්. මෙයාව ඩෙත් රේස් එහෙකින් පරාද කලොත් ඒ කෙනා ඊලගට මෙතන රජ වෙනවා. ඉතිං බැරිම තැන වේලන්ඩ් ආයතනය මේක කරන්න කෙනෙක් එවනවා. ඒ තමා කෝනර් ගිබ්සන්. හැබැයි ඉතිං ඩෙත් රේස් එකට ඇතුවෙන්නත් ලේසි පහසු නැ. ඒකටත් වෙනම තරගයක් තියෙනවා. ඔය කඩයිම් පහු කරලා තමයි කෝනර්ට මේ කටයුත්ත සාර්ථක කරගන්න වෙන්නෙ.

හැබැයි වේලන්ඩ් ආයතනය මෙයාව විතරක් නෙවෙයි මේ වැඩේට එවන්නෙ තව කෙනෙක් එවනවා. ඒ කවුද? ඒ වගේම ගිබ්සන්ට ෆ්රෑන්කෙන්ස්ටයින්ව පරාද කරන්න හැකිවෙයිද? ඊට පස්සෙ මොනා වේවිද කියලා චිත්‍රපටිය නරඹලාම දැනගන්න. එහෙනම් මම ගියා.

ජය වේවා!