Despicable Me 2 (2013) | අලුත් මෙහෙයුමක්… [සිංහල උපසිරැසි සමඟ]

ඔන්න අද අරන් ආවේ ගොඩක් දෙනෙක් එනකන් ඇගිලි ගැනගැන හිටපු මේ අවුරුද්දේ නිකුත් උනු හොදම සජීවීකරන සිත්තමක්. දැනටමත් අන්තර්ජාතික සිනමා දර්ශකයේ ඉහලම වැජඹෙන්න මෙය සමත් වෙලා තියෙනවා. තව මේ අවුරුද්දේ බොක්ස් ඔෆිස් වාර්තා අතරත් දැනට තුන් වෙනි තැන තමා ඉන්නේ. ඉතින් කතාව සුපිරි එකක් කියල තේරෙනවනේ.

ඉතින් කතාව දිහාවට හැරුනොත් කට්ටියට මතකයිනේ Despicable Me (2010) දී අපේ ‘ගෘ’ හඳ උස්සල ආයේ ගානට තිබ්බ තැනින්ම තියපු සිද්දිය. (සෙල්ලන්ද ආයේ හඳ ඉස්සුව කිව්වාම). ඒත් දැන් ‘ගෘ’ ඔක්කොම නරක වැඩ අත්හැරලා ජෑම් බිස්නස් එකක් කරගෙන කලින් කතාවෙ හම්බුන ගෑනු ලමයි තුන් දෙනාවත් බලාගෙන සතුටින් සාමෙන් ඉන්නවා. ඔය අස්සෙ දුශ්ටයන් පිටුදැකීමේ සංගමෙන් ගෘව තෝරගන්නවා දරුනු අපරාධකරායෙක් අල්ලගන්න උදව්වට (මොකද ගෘ කියන්නෙත් හිටපු නියම අපරාධකාරයෙක්නේ). මේකට සහයට මෙයාට හම්බෙන්නෙ ලුසී කියන නියෝජිතවරිය. අපරාධාකාරයත් සෙල්ලම් වැඩකට නම් නෙමේ සැරසෙන්නෙ, ආයේ විනාශකල නොහැකි හමුදාවක් හදන්න. හැබැයි අපරාධකාරය අල්ලනව. කෙසේ වෙතත් ගෘයි ලුසීයි අතරත් පොඩි මෙව්වා එකක් නම් ඔය අතරේ ඇති වෙනවා.

ඉතින් කට්ටිය අරගෙනම බලන්නකෝ මේ දෙන්න හොරාව අල්ලයිද, දෙන්න අතරේ තිබ්බ මෙව්ව එක හරි යයිද. එතකොට අර කෙහෙල් ගෙඩි වගෙ හිටපු ගෘගේ සහයකයෝ ටිකට මොනායින් මොනා වෙයිද කියල.

ඉතින් අන්තිමට කියන්න තියෙන්නෙ ස්තූති කතාව තමා. මුලින්ම කියන්න ඕනේ මේ බයිස්කෝප් පටයෙ පළවෙනි එකට උපසිරසි කලේ අපි කවුරුත් හොඳින් දන්න අපේ වාසල අයියා. ඉතින් එයා මේ බයිස්කෝප් එකටත් උපසිරසි කරන්න බලාපොරොත්තුවෙන් ඉඳලත් මට අවස්ථාවක් ලබාදීම ගැන වාසල සහෝට ගොඩක් ස්තූති කරනව. තව අපේ විමා අයියත් ලොකු සහයක් ලබා දුන්නා එයාටත් ගොඩක් ස්තූති වෙන්න ඕනේ. ඉතින් වෙච්ච මහන්සියට මගෙ හිත හැදෙන්නත් එක්ක පොඩි කොමෙන්ට් එකක් දාල යන්න කියලත් ඉල්ලනවා.

මේ ලබා දී ඇති සිංහල උපසිරැසි පිළිබද “රෙහාන් චානක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.