Dhadak (2018) Sinhala Subtitles | හද ගැස්ම [සිංහල උපසිරැසි සමග]

හදගැස්ම.. ඒ තමයි මේ අරන් එන චිත්‍රපටයේ නමේ සිංහල අරුත. තවත් එක ආදර කතාවක්ද කියලා හිතෙයි. ඒත් මම සහතික වෙන්නම්. මේක නිකන්ම නිකන් ආදර කතාවක් නෙවෙයි. අතීතයෙත්, වර්තමානයේත් සමහර විට තවත් අවුරුදු ගණනාවක් අනාගතය වෙනතෙක් භාරතයේ ආදරවන්තයන්ට ගැහැණුන්ට, පිරිමින්ට.. දරුවන්ට අත්විඳින්නට වෙන යථාර්තයක් තමයි මේ චිත්‍රපටයෙන් කියාපාන්නේ. වැඩි දෙයක් කියන්නේ නැහැ.. ඇත්තටම නරඹන්න.. බොලඳ ආදර කතාවකට එහා ගියපු දෙයක් චිත්‍රපටය අවසානයේදී ඔබට අත්විඳින්නට ලැබේවි.

සාමාන්‍ය පවුලක කොල්ලෙක් තමයි මධූකර් බාග්ලා කියන්නේ. චිත්‍රපටය පටන් ගන්නේ කෑම කන තරඟයකින්. මිනිහා කෑමට රුසියා. තාත්තට තියෙන්නෙත් කෑම කඩයක්. ඉතින් කාලා දිනනවා. මේ තරඟේ තෑගි දෙන්න එනවා ලස්සන කෙල්ලෙක්. ඔව් ඔව්.. එයා තමයි නිළිය. නම පාර්තවී. හම්මේ ලස්ස කෙලි පොඩ්ඩ. ඉතින් මේ මධූට හිත යනවා මේ කෙලී ගැන. මැට්ටා වගේ හිටියට කෙල්ල ඉස්සරහ කඩ්ඩෙන් වනන්නයි සූදානම. කෙල්ලත් ඉතින් දැඟලිලි වයසනේ. ගන්නවා මූව බයිට් එකට. ඔන්න ඉතින් ඒක පාර්ශවීය ආදරය මධූ පටන් ගන්නවා. පස්සෙන් යනවා. එක විකාරයයි. කොහොමින් හරි මධූගේ තාත්තාට තේරෙනවා මේ සෙල්ලම එච්චර දුර යන එක හරියන වැඩක් නෙවෙයි කියලා. මොකද පාර්තවී පවුල උසස් කුලයේ දේශපාලනයට සම්බන්ධ අය. ඉතින් තාත්තා මධූට කියනවා මං ගැන දිවුරලා කෙල්ලගෙන් ඈත් වෙයන් කියලා. තාත්තට බෑ කියන්න බැරි තැන දිවුරලා පොරොන්දු වෙලා පාර්තවීව මඟ අරින්නයි හදන්නේ දැන්. ඒත් ඉතින් මුළු හිතම එයා ලඟ තියෙද්දි කොහොමද එහෙම කරන්නේ. කොල්ලව බයිට් එකට ගත්තට, කෙල්ලගේ හිතෙත් මොකක්දෝ තියෙනවා වගේ. තමන්ව මධූ මඟ අරින්නේ ඇයි කියන එක පාර්තවීට දැන් ප්‍රශ්නයක්. ඉතින් ඔන්න කෙලින්ම අහනවා මොකෝ අවුල කියලා. මූත් ඉතින් කැත නැතුව කියනවා තාත්තා එපා කිව්ව නිසා ඒම කළේ කියලා. කෙල්ලට ඉතින් හෙන අවුල්. මෙනා කරන්නද එහෙනම් තාත්තා කියන හැටියටම ඉඳහන් කියලා යන්නයි හදන්නේ. දැන් කොල්ලට අප්සට්.. දන්න ගැට ඔක්කොම දානවා තමන්ගේ බුදු ෆිට් යාළුවෝ දෙන්නත් එක්ක එකතු වෙලා කෙල්ලගෙන් සමාව ගන්න. කොහොමහරි මේ නාඩගම අතරේ කෙල්ල කැමති වෙනවා මධූට. දැන් ඉතින් යාළුයිනේ.. කොල්ලා අහනවා. මට තොත්තුවක් දෙනෝද කියලා.. මූ වගේ මැට්ටෙක්.. කෙල්ලත් කියනවා තොත්තුවක් ඕනේ නම් අයියගේ උපන්දින සාදෙට එන්න කියලා බය නැතුව. මූටත් මොකද කෙල්ල ඉස්සරහ පොර වෙන්න හිතාගෙන යනවා සාදයට. කෙල්ලට මාරම සතුටුයි. තෑග්ග දෙන්නයි ලෑස්තිය. මේ කතාව අනිත් පැත්ත හැරෙන්නේ අන්න ඒ මොහොතේ. බොලඳ කමට වයසේ වැරැද්දට ආදරය කරන්න ගත්ත මේ දෙන්නව කෙල්ලගේ තාත්තට අහු වෙනවා. කොල්ලව පොලීසිය ලවා මරවන්නයි හදන්නේ. ඉතින් මොකක් වෙයිද. ඔයාලට බාරයි නරඹන්න..

ලිපියේ අවසානයට කියන්න ඕනි දේවල් මුලින් කිව්වද මංදා කියලා හිතෙනවා. කොහොම හරි කමක් නැහැ, කියන්නම් චිත්‍රපටයේ නිර්මාණ දායකත්වය ගැන බිඳක්. Shashank Khaitan ගේ අධ්‍යක්ෂණයෙන් සහ Karan Johar, Hiroo Yash Johar, Apoorva Mehta කියන තුන් ගොල්ලගේම නිෂ්පාදන දායකත්වය යටතේ Zee Studio හරහා ලොව පුරා 2018 ජූලි 20 තිරගත වුණු මේ චිත්‍රපටය, 2016 තිරගත වුනු Sairat නම් මරාති චිත්‍රපටයේ බොලිවුඩ් ප්‍රතිනිර්මාණයක්. ප්‍රධාන චරිත විදියට Ishaan Khatter සමඟ බොලිවුඩයේ අග්‍රගන්‍ය තාරකාවක් වූ මෑතකදි වියෝ වූ ශ්‍රී දේවිගේ සහ බොනී කපූර්ගේ දියණිය. ජාන්වී කපූර් රංගන දායකත්වය දක්වනවා. මේ ඇගේ පළමු බොලිවුඩ් චිත්‍රපටයයි. ඒ වගේම මම බොහොම කැමති වුනා ඇගේ රංගනයට. <3 මීට අමතරව Ashuthosh Raana, Ankit Bisht, Aishwarya Narkar ඇතුලු පිරිස රංගන දායකත්වය සපයනවා. මිනිත්තු 138 ක් පුරා දිවෙන මේ නිර්මාණය ටිකක් වෙනස් ආකාරයේ රසවත් ගීත කිහිපයකින්ම සමන්විතයි.

තව දෙයක් කියන්න ඕනේ.. මේ චිත්‍රපටයට උපසිරැසි ගන්වන්නට මට අවස්ථාව ලැබුනේ, අඩවියේ පවත්වනු ලබන ඡන්ද විමසීමේ ප්‍රතිඵලයක් විදියටයි. ඒ ඡන්දේ දුන්න අයට බොහොම ස්තූතිවන්ත වෙන ගමන් උපසිරැසියට ප්‍රමාද වීම ගැන සමාවෙන්න කියලත් කියනවා. එහෙනම් හැමෝටම ජයෙන් ජය..!

Due to copyright issues, we do not provide any torrent links.

මෙම ලබා දී ඇති උපසිරසි HDRip පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “ යශෝධ ශ්‍රීමාල් අතුරැලියගේ ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

ADMIN MEMBER
JOINING DATE – 2013-12-28
SUB MAKER RATING BY ADMINS