Dolly Ki Doli (2015) | මංකොල්ලකන මනමාලි. [සිංහල උපසිරැසි සමඟ]

ඔන්න ආයෙත් මං හින්දි චිත්‍රපටයක් අරන් ආවා, මේක නිකුත් වුනේ මේ අවුරුද්දේ ජනවාරි මාසයේ, ඒත් හොඳ පිටපතක් ලැබුනේ ලඟදි, ඒකයි උපසිරැසිය ටිකක් පරක්කු වුනේ. එහෙමනම් මං කතාව ගැන ටිකක් කියන්නම්. මේ චිත්‍රපටියේ ප්‍රධාන චරිතය තමයි ඩෝලි (Sonam Kapoor).

ඩෝලි කියන්නේ අහිංසක තරුණියක් නම් නෙමේ. මෙයා කරගෙන යන්නේ ටිකක් අමුතුම තාලේ ව්‍යාපාරයක්. ඒ තමයි බඳින්න ඉන්න තරුණයින්ව හොයාගෙන එයාලත් එක්ක විවාහ වෙනවා, හැබැයි ඒ එක දවසකට විතරයි, විවාහ උත්සවය දවසේ රාත්‍රියේ මනමාලයාගේ ගෙදර සේරම සල්ලියි බඩුමුට්ටුයි අරගෙන පහුවදා උදේ වෙද්දී පැනල යනවා. මේ සේරම ඩෝලි කරන්නේ තනියම නම් නෙමේ. එයත් එක්ක ඉන්නවා එයාගේ අම්මයි, තාත්තයි , ආච්චියි ඒවගේම අයියයි, හැබැයි මේ අය ඇත්තම පවුලක් නෙමේ, එකට එකතු වෙලා ව්‍යාපාරය කරගෙන යනවා විතරයි. හැබැයි ඩෝලිට වැඩි දවසක් මේ වැඩේ කරගෙන යන්න ලැබෙන්නේ නම් නැහැ, ඩෝලි කියන හොරාකන මනමාලිව හැමතැනම ප්‍රසිද්ධ වෙන්න ගන්නවා.

ඒවගේම එක පොලිස් නිලධාරියෙක් ඩෝලිව අල්ලගන්න ගොඩක් උත්සහ දරනවා, ඒ ඩෝලි කරගෙන යන මේ වැරදි වැඩේට දඬුවම් දෙන්න නම් නෙමේ. එහෙමනම් කව්ද මේ පොලිස් නිලධාරියා? ඇයි එයා ඩෝලිව හොයන්නේ? ඒවගේම ඩෝලි කවදහරිම මේ ව්‍යාපාරය අතහැරලා තමන්ගෙම ජිවිතයක් ගොඩනගා ගනියිද කියල දැනගන්නත් එක්කම, මේ චිත්‍රපටය රසවිඳින්න ඔයාලට ආරාධනා කරනවා.

ඊළඟ උපසිරසියෙන් හමුවෙමු….. 

මේ ලබා දී ඇති සිංහල උපසිරැසි පිළිබද “ ගයේෂා සත්සරණි” සොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇගේ අවසරය මතම සිදුවිය යුතුය.