Enemy at the Gates (2001) Sinhala Subtitles | සතුරාට එරෙහිව…[සිංහල උපසිරැසි සමඟ]

ඉතින් යාළුවනේ අපි සිංහල උපසිරැසි එක්ක බයිස්කෝප් බලන්න එන බයිස්කෝප් සිංහලෙන් අන්තර්ජාල අඩවියට මටත් බයිස්කෝප් එකක් උපසිරැසි ගන්වලා දාන්න හිතුණා. මට මේ බයිස්කෝප් එකට උපසිරැසි දාන්න කියලා දුන්නේ අපේ විකියා සහෝදරයා. වැඩිය වෙන කතා ඕනේ නෑ. බයිස්කෝප් එක ගැන කියනවනම් යාළුවනේ මේක මැක්සා බයිස්කෝප් එකක්.

2001 වසරේදී තිරගතවුණ මේ බයිස්කෝප් එක IMDB වර්ගීකරණයේ 7.5 ක අගයක් ලබාගෙන තියෙනවා ඒ වගේම මේක අධ්‍යක්ෂණය කරලා තියෙන්නේ Jean -Jacques Annaud කියන අධ්‍යක්ෂකවරයයි. ඒ වගේම මේකේ ප්‍රධාන චරිතය රගපාන්නේ Jude Law (Vassilli Zaitsev) කියන රංගන ශිල්පියයි. කථාව ගැන කෙටියෙන් කියනව නම් මෙහෙමයි. 1942 ශිත කාලයේදී රැසියානු ජාතිකයින්ට එරෙහිව ජර්මානු ජාතිකයින් සටන් වදිනවා. මේ යුද සමයේ රැසියානු හමුදාවට තරැණ සොල්දාදුවෙකු ඇතුලත් වෙනවා. ඔහුට දුර සිට ඉලක්ක වලට වෙඩි තැබීමේ හැකියාවක් තියෙනවා. මෙයා මෙයාගේ හැකියාවෙන් ගොඩක් දක්ෂතා පෙන්නනවා. මේක ජර්මානු හමුදාවට විශාල ප්‍රශ්ණයක් වෙනවා. ජර්මානු ජාතිකයින් කරන්නේ ඔවුන්ගේ විශේෂ නිලධාරියෙක්ව යවනවා මේ තරැණ සොල්දාදුවාව මරා දමන්න.

ඕක තමා මේ කථාවේ සාරාංශය. කථාව බලන්න ආස හිතෙනවනම් කථාව බාගෙන බලන්න. අනික් දේ මේකේ කතාව ඔයාල Call of Duty ගේම් එක ප්ලේ කරලා තියෙනවා නම් අන්න එකේ මේක එහෙම් පිටින්ම තියෙනවා.. එකේ ගේම් එක හදලා තියෙන්නෙත් මේකෙන්. ඉතින් අනිවා මේ බයිස්කෝප් එක නරබන කො‍ට අනිවා මතක වේවි ඔයාල ගේම් එක ගහපු තැන් ඒ විදියටම..ඉතින් අනිවා බලන්න මොකද මේක සුපිරිම එකක්..

හැබැයි අමතක කරන්නේ නැතුව යන ගමන් ඔය පහළින් පොඩි අදහසකුත් දාගෙන යන්න. මොකද මේක මගේ පලවෙනි උපසිරැසි ගැන්වීමයි. පොඩි පොඩි වැරදි අඩු පාඩු ඇති. ඒවා වැඩිය ගනන් ගන්න එපා. මගේ ඊළග උපසිරැසි නිර්මාණය කරනකොට මම ඒවා හදා ගන්නම්. එහෙනම් හැමෝටම ජය…

මීට පෙර රොයිලි ප්‍රනාන්දු සොහොයුරා විසින් පල කළ ලිපිය.

ස්නයිපර් තුවක්කු කරුවන් කියන්නෙ කවුද කියලා අමුතුවෙන් කියන්න අවශ්‍ය නෑනේ. ඔවුන් ගේ තේමා පාඨය වෙන්නෙ One shot-one kill කියන එකනේ. ඉතින් ඔවුන් බොහොම හොඳ ඉලක්කකරුවන්. අද ගෙනාපු මේ යුධ චිත්‍රපටය සැබෑ ලෙසම ජීවත් වූ මිනිසුන් දෙදෙනෙක් ගේ ජීවිත කතාව ගැන නිපදවූ චිත්‍රපටයක්. රතු හමුදා ස්නයිපර් තුවක්කුකරු වූ Vasily Grigoryevich Zaitsev හා ජර්මානු ස්නයිපර් කරුවෙක් වූ Major Erwin König යන දෙදෙනාගේ එකිනෙකාට කුරුමානම් ඇල්ලීම මෙම චිත්‍රපටය පුරා ලස්සනට නිරූපනය කරලා තියෙනවා කිව්වොත් නිවැරදියි.

ස්ටාලින්ග්‍රාඩ් නගරයේ සටන කියන්නේ දෙවන ලෝක යුද්ධ කාලෙදි ඉතා වේගයෙන් ඉදිරියට ගියපු ජර්මන් හමුදා ලබපු මුල්ම විශාලම පරාජය වගේම ලෝක යුද්ධයේ ජර්මනියේ ඉරණම වෙනස් කරන්න මුල් වුනු සටන කිව්වොත් නිවැරදියි. සටන අවසානයේ නගරය නටඹුන් ගොඩක් බවට පත්වුනත් රුසියානු රතු හමුදාව තම ජීවිත පරිත්‍යාග කරමින් සටන් වදිමින් බේරා ගත් නගරයක්. කොටින්ම කියනවනම් සමහර විටෙක බිම් බෝම්බ වලට හසුව තම සගයන් බිම වැටුනු විට, සිරුර අයින් කරනු වෙනුවට බිම් බෝමබ මතින් බේරීමට ඔවුන්ගේ සිරුරු මතින් ගමන් කොට ඉදිරියට ගමන් කරනු ලැබූ බවත් ප්‍රසිද්ධ කරුණක්. තවත් විටෙක එක කුළුනක සිටි රතු හමුදාව දින දෙකක් ජර්මන් හමුදාවේ ඉදිරි ගමන ප්‍රමාද කර ඇති අතර එසේ කළේ බටයන් 40ක් පමණක් වූ බව දුටු ජර්මන් හමුදාව පුදුම වූ බවද සඳහන්. ඉතින් මේ යුද්ධයේදීද ස්නයිපර් කරුවන් බොහොම වැදගත් සාධකයක් වුනා.

කතාව ඔය ඇති කියලා හිතනවා. බාගෙන බලන්න. කමෙන්ට් එකකුත් දාලම යන්න අමතක නොකර හොඳේ. 🙂

 

 

Due to copyright issues, we no longer provide any torrent links.

ලබා දී ඇති උපසිරැසි BR පිටපත් සඳහා අදාළ වේ.

සිංහල උපසිරැසි මෙතනින් බාගන්න

12227 downloads

මේ ලබා දී ඇති සිංහල උපසිරැසි පිළිබද “මේලක ලමල්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

NEW MEMBER
JOINING DATE – 2012/09/22