Evan Almighty (2007) Sinhala Subtitles | නවලොවක් කරා [සිංහල උපසිරසි සමඟ]

කාලයක් තිස්සේ සිංහල සබ් එක්ක ෆිල්ම් බලපු මට ලොකු ආසාවක් තිබ්බා සිංහල උපසිරැසිකරණයේ යෙදෙන්න. සිංහල සබ් එක්ක ෆිල්ම් බලද්දි කල්පනා කරපු දෙයක් තමයි මේවා කෙහොම කරනවා ඇත්ද කියලා.සිංහල උපසිරැසිකරණය ගැන මට පැහැදිලි වැටහීමක් ලැබුනේ බයිස්කෝප් එකේ උපසිරැසි සාදන ආකාරය ගැන කියවද්දි.ඒක හන්දා මාත් හා හා පුරා කියලා ඕන් සිංහල සබ් එක්කට අත ගැහුවා.මේ ෆිල්ම් එක ගැන ලිපියක් රොයිලි සෙහොයුරා පල කර තිබුනත් එහි උපසිරැසිය නොතිබූ නිසාවෙන් මට හා හා පුරා කියලා ඒකට අත ගහන්න හිතුනා.

Evan Almighty චිත්‍රපටය 2007 වර්ෂයේදි තිරගත වුන එකක්.මේකේ සමහර චරිත Bruse Almight චිත්‍රපටයේ එන චරිත වලට සමානයි.IMDB දර්ශකයේ 5.4 කරකවන්න මේ ෆිල්ම් එක සමත් වෙලා තියෙනවා. Tom Shadyac අධ්‍යයක්ෂණය කල මේ ෆිල්ම් එකේ ප්‍රධාන චරිතය ඔයාලා කව්රැත් හොදට අදුරන Steve Carell විසින් නිරෑපණය කරනවා.මීට අමතරව මෙහි Morgan Freeman, Jonah Hill, Ed Helms වැනි තරමක් ජනප්‍රිය නලුවන් මෙහි චරිත නිරෑපණය කරනවා.පටන්ගැන්මේ සිට අවසානය තෙක් හිනාවෙවී ආසාවෙන් කුතුහලයෙන් යුතුව මේක බලන්න පුලුවන්.

චිත්‍රපටය දෙසට හැරැනොත් ඉවන් බැක්ස්ටර් නම් මාධ්‍යය වේදියා ඡන්දයෙන් කොන්ග්‍රස් සභිකයෙකු බවට තේරි පත්වෙනවා.ඔහුගේ මැතිවරණ පෙරොන්දුව නම් ලෝකය වෙනස් කිරීම යන්නයි.ඔහුට ලැබෙන නිල නිවාසයේ පදිංචියට යාමෙන් පසු ඔහුට එක දිගට කොණ්ඩය දික්වීම, සතුන් ඔහු අනුගමනය කිරීම වැනි තවත් අමුතු සිදුවීම් වලට මුහුණ දීමට සිදුවෙනවා.මේ සිදුවීම් අස්සේ ඔහුට දෙවියන් පෙනී සිට බයිබලයේ එන නෝවා නම් පුද්ගලයාගේ කතාවේ ලෙස විශාල නැවක් සාදන ලෙසත් එම නැවට තම පවුලේ අය සහ සියලුම වර්ගවල සතුන්ගෙන් යුගලය බැගින් ඇතුලත් කරගන්නා ලෙස පවසනවා ඒ ඇයි කීවොත් සැප්තැම්බර් 22 දා වන විට මහා ගංවතුරක් ඇතිවෙනවා කියලා . මෙම සිද්ධිය පිලිබදව ඔහුගේ පවුලේ අය සහ මිතුරන් හා ප්‍රදේශයේ මිනිසුන් ඔහුට මානසික රෝගයක් යැයි සිතනවා.හාස්‍යය යම්තාක් පැවතුනත් මේක අනිවාර්යෙන් බැලිය යුතු ෆිල්ම් එකක්. එහෙනම් මේ කියන ගංවතුරක් එන්නේ ඇයි, මොහු ඇත්තටම නැවක් සාදයිද, එහෙමත් නැත්නම් ඔහුට ඇත්තටම මානසික ආබාධයක්ද යන්න ඔයාලම බලලා තීරණය කරන්න.

මේක මගේ පලමු උපසිරැසිය හන්දා වැරදි අඩුපාඩු නම් බොහෝමයක් ඇති ඒවද පෙන්නලා දීලා කමෙන්ට් එක්කුත් දාලා යන්න සබ් එක ගැන.එහෙනම් ආයෙත් උපසිරැසියකින් හමුවෙමු.

රොයිලි ප්‍රනාන්දු සොයුරා පෙර පළකරනා ලද ලිපිය

ඇත්තටම මේ ෆිල්ම් එක මීට කලින් තිරගත වූ Bruce Almighty ෆිල්ම් එකේ තිබුනු සමහර චරිත අරගෙන නිපදවු ෆිල්ම් එකක්. ඒත් ඒක බැලුවේ නැහැ කියලා අවුලක් වෙන්නේ නැහැ..මෙන්න මෙහෙමයි කතාව..

එවන් බැක්ස්ටර් නම් රූපවාහිනී ප්‍රවෘත්ති නිවේදකයා කොන්ග්‍රස් මණ්ඩලයට ඡන්දය ඉල්ලා තේරී පත්වෙනවා. ඔහුගේ මැතිවරන තේමාව වුනේ ලෝකය වෙනස්  කරමු යන්නයි. නමුත් එය කරනා ආකාරය ඔහු සඳහන් කරලා නැහැ.ඉතින් ඔහු ජයග්‍රහනයෙන් පසු තමාට වෙන්වුනු නව නිවසේ පදිංචි වී සිටින අතරතුර අමුතු අමුතු  දේවල් වලට මුහුන දෙනවා.

1. සතුන් ඔහු පසුපස ගමන් කරනවා කිසිම හේතුවක් නැතිව.
2. රැවුල කපානිම වෙන විටම නැවත රැවුල තිබෙන ලෙසම වැවී තිබීම.
3. ඔහුගේ නිවස ආසන්නයේ තිබෙන  හිස් බිම් කොටස් අටක් ඔහුගේ නමින් මිලදි ගෙන තිබීම.
4. ඉතාපැරණි ආකාරයේ ආයුධ සහ ලී වර්ග ඔහුගේ නිවසට තොගපිටින් ලැබීම.
5. ඔහු යන සෑම තැනම නො. 614 පෙනෙන්නට තිබීම

ඉතින් ඔහු අන්දුන් කුන්දුන් වී සිටින විට දෙවියන් ඔහු වෙත පැමින පවසනවා බයිබලයේ සඳහන් වන කතාවක ඇති ලෙස විශාල නැවක් සාදන්න කියා. ඔහුගේ පවුලේ අයට සහ සියලුම වර්ග වල  සතුන් දෙදෙනා බැගින රැගෙන යාමට හැකිවන ලෙස මක්නිසාද සැප්තැම්බර් 22 මහා ගංවතුරක් පැමිනෙන නිසා. මෙය පැවසූ විට පවුලේ අය සිතන්නේ ඔහු යමකිසි මොලේ ආබාධයකින්  පෙලෙනවා කියායි..

ඇත්තටම මේක කොමඩි පැත්තට බර කතාවක්. ඒත් සම්පූර්ණයෙන්ම කොමඩියක් එහෙම නෙවෙයි. හිනාවෙන්න පුලුවන්. බොහොම ජනප්‍රිය නලුවන් දෙදෙනෙක් වන Steve Carell හා Morgan Freeman රගපාන මේ චිත්‍රපටය ඔයාල හැමෝම ආසාවෙන් බලයි කියල හිතනව. බාලම බලන්නකෝ….

Due to copyright issues, we do not provide any torrent link.

මෙම ලබා දී ඇති උපසිරසි BR පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “ රවිසර ධර්මපාල ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

NEW MEMBER
JOINING DATE – 2020-05-26
SUBMAKER RATING BY ADMINS