Extraction (2013) | මුදවා ගැනීම! [සිංහල උපසිරසි සමඟ]

ඔන්න යාළුවනේ මම තවත් සුපිරිම ක්‍රියාදාම චිත්‍රපටියක් ගෙනාවා.මේක 2013 සැප්තැම්බර් මාසයේ නිල වශයෙන් නිකුත් වුණත් හොඳ කොපියක් ඇවිත් සතියක්වත් ගිහින් නෑ. වෙනදා වගේම මේ නිර්මාණය ගැනත් මාව දැනුවත් කළේ විකියා සහෝ. ඉතින් විකියා සහෝටත් මේ වෙනකල් මම ඉදිරිපත් කරපු නිර්මාණවලදී කමෙන්ට් කරලා මාව දිරිමත් කරපු හැමෝටමත් මම බොහොමත්ම ස්තූතිවන්ත වෙනවා.

මට බය නැතුව කියන්න පුළුවන් මේක මම බලලා තියන සුපිරිම ක්‍රියාදාම චිත්‍රපටයක්. ඒත් Imdb 5.1 වගේ අගයක් තමයි ලැබිලා තියෙන්නේ. මටත් හිතාගන්න බැරි වුණා එච්චර අඩු වෙලා තියෙන්නේ ඇයි කියලා. මේකෙ ප්‍රධාන චරිතය ඒ කියන්නේ මර්සි කැලෝ ගේ චරිතයට පණ පොවන්නේ jon foo. මෙයා the protector චිත්‍රපටයටත් රංගනයෙන් දායක වෙලා තියනවා. ඊට අමතරව Sean Astin, Joanne Kelly, Danny Glover යන රංගන ශිල්පීනුත් මෙම සලරුව තුළ රංගනයෙන් දායක වෙනවා.

කථාවේ සාරාංශය මෙහෙමයි. මර්සි කැලෝ ඉන්නේ ඇමරිකාවේ බ්ලැක් ඕප්ස් ඒකකයේ. බ්ලැක් ඕප්ස් කියන්නේ FBI වගේ සංවිධානයක්. මේ බ්ලැක් ඕප්ස් කණ්ඩායමට අමුතු මෙහෙයුමක් ලැබෙනවා. ඒ තමා වෙනත් චෙච්නියා කියන රාජ්‍යයේ සිරකඳවුරක ඉන්න හිරකාරයෙක්ව බේරගන්න එක. මේ සිර කාරයා කවුද? මොකක්ද එයා කරලා තියන වැරැද්ද? මොකටද එයාව බේරගන්නේ වගේ දේවල් ෆිල්ම් එකේ තියන නිසා මම කියන්න යන්නේ නෑ. ඉතින් මර්සි කැලෝ සහ එයාගෙ කණ්ඩායම හිර කඳවුරට ඇතුල් වෙලා මෙහෙයුම ක්‍රියාත්මක කරන්න පටන් ගන්නවා. ඒත් එක පාරටම සැලසුම් ඔක්කොම අවුල් වෙනවා. බ්ලැක් ඕප්ස් කණ්ඩායමේ හැම දෙනාවම ඝාතනයට ලක් වෙනවා. හෝව් හෝව්… හැම දෙනාම???? ඇත්තටම මර්සි කැලෝ හැර හැම දෙනාම. අන්තිමේදි අපේ වීරයා තනි වෙනවා. එතනින් එහාට කතාව ඔයාලම බලන්න.මර්සිට මෙහෙයුම අවසන් කරන්න පුළුවන් වෙයිද? කොහොමද මෙයාලගේ සැලසුම් එළි වුණේ? මෙයාලා අතරේ ඔත්තුකාරයෙක් ඉන්නවද? එහෙනම් කවුද ඒ ඔත්තුකාරයා? ඔන්න ඔය ප්‍රශ්න ටික මම ඔයාලට ඉතුරු කරනවා.

ඉතින් ඔන්න ඔහොමයි කතාව දිව යන්නේ.ත්‍රාසය,ක්‍රියාදාම,කුතුහලයෙන් පිරි සුපිරිම චිත්‍රපටයක්.ඔයාලත් එහෙනම් රස විඳින්න.රස විඳලා කමෙන්ට් එකක් එහෙම දාන්නත් අමතක කරන්න එපා.ඇත්තටම යාළුවනේ ඔයාලා නිර්මාණය බලලා ඒකෙ අඩුපාඩු එහෙම කියනවනම් මම ගොඩක් සතුටු වෙනවා.මොකද එතකොට තමයි අපිට ඒවා හදාගන්න පුළුවන් වෙන්නේ..එහෙනම් යාළුවනේ මම දැනට සමු ගන්නවා.තවත් සලරුවක් සමඟ නැවත එන බලාපොරොත්තුව ඇතුව මම ගිහින් එන්නම්. හැමෝටම ජය වේවා!!!

697 MB කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “රවිඳු නිපුන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.