Fukrey (2013) | කම්මැළියො [සිංහල උපසිරැසි සමඟ]

2013 ජුනි 14 වෙනිදා නිකුත් වුන තවත් අලුත්ම හින්දි සිත්තමක් අරගෙන අදත් සුපුරුදු විදිහට මේ පැත්තට ගොඩවුනා.Mrighdeep Singh Lamba ගෙ අධ්‍යක්ෂණයෙන් Farhan Akhtar,Ritesh Sidhwani ගෙ නිෂ්පාදනයෙන් Pulkit Samrat, Varun Sharma, Ali Fazal, Manjot Singh, Richa Chadda, Vishakha Singh,Priya Anand රඟපෑමෙන් හැඩගැන්වූ Fukrey සිත්තම IMDb අගය 6.6/10 ලබාගන්න සමත්වුන සුපිරි සිනමා පටයක්.කෝටි 5ක වියදමක් දරා නිමැවුනු මේ සිත්තම තිරගත වුන පළමු සති හතර තුල කෝටි 35 ක ආදායමක් ලබන්න සමත්වෙලා තියෙනවා.මිනිත්තු 139 ක් පුරා ඔයාලට ජීවිතේ ප්‍රශ්ණ සියල්ල අමතක කරලා හිනාවත් එක්ක ගත කරන්න අවස්ථාවක් උදාවෙලා තියෙන්නෙ.ඒ ගැන නම් මම වගකියනවා. ඉතින් වැඩි විස්තර පැත්තකින් තියලා අපි කතාවට හැරෙමු එහෙනම්.

පන්ජාබ් බාෂාවෙන් Fukrey එහෙම නැත්නම් ‘කම්මැළියො’ හාස්‍ය රසයෙන් පිරුණු සිත්තමක්.හනී සහ චූචා කියන්නෙ එකට ඉස්කෝලෙ යන හොඳම යාළුවො දෙන්නෙක්.එයාලට විද්‍යාලයට ඇතුලත් වෙන්න ඕනි වුනත් ලකුණු මදි.ඉතින් මේ විද්‍යාලෙ ආරක්ෂකයා පණ්ඩිත් එයාලට කියනවා රු:50000 ක් ගෙවන්න පුළුවන්නම් 12 ශේණිය ප්‍රශ්ණපත්‍ර ලබා දෙන්නම් කියලා.සෆර් කියන්නෙ මේ විද්‍යාලෙම ආදි ශිෂ්‍යයෙක්.එයාගෙ ආශාව තමා ගායකයක් වෙන එක.එතකොට අනිත් කෙනා තමා ලාලි.එයාටත් හනී සහ චූචාට වගේම විද්‍යාලයට ඇතුලත්වෙන්න උවමනාව තියෙන්නෙ.පණ්ඩිත් ලාලිට කියනවා විද්‍යාල සංවර්ධන අරමුදලට රු, 250000 ක් ආධාර කලොත් එයා අසුනක් අරන් දෙන්නම් කියලා.සංගීතය නිසාම තමන්ගෙ පෙම්වතිය නිතූ එක්ක ප්‍රශ්ණ ඇති කරගෙන ඉන්න සෆර්ගෙ තාත්තාව හදිසියෙම අසනීප වෙලා රෝහල් ගතකරනවා.ඔහුටත් තාත්තාගෙ ප්‍රතිකාර වලට මුදල් අවශ්‍ය වෙනවා.හනී සහ චූචා මෙයාලාට අදහසක් ඉදිරිපත් කරනවා.ඒ වූචා රෑ දකින සිහිනය හනි විසින් පහුවදා උදේ ලොතරැයි අංකයක් බවට හරවනවා.මෙයාලා මේකෙන් ලොතරැයි දිනලත් තියෙනවා.ඉතින් හනී කියනවා ලොකු මුදලක් ආයෝජනය කරන්න පුළුවන්නම් ඒ වගේ කීපගුණයක් මුදල් දිනාගන්න පුළුවන් කියලා.දැන් මෙයාලා සල්ලි ආයෝජනය කරන්න කෙනෙක්ව හමුවෙන්න යනවා.මේ කෙනා තමා බෝලි පන්ජාබන්.බෝලි නමට අහිංසක වුනාට මැර කාන්තාවක්.ඔන්න ඔහොම චරිත ටික පෙලගැහෙද්දි ඉතුරුහරිය මම ඔයාලට ඉතුරු කරන්නම්. 😉

 අපේ   දිල්ෂාන් කාලිංග සහෝ තමයි මේකට සබ් දාන්න පටන් ගත්තේ නමුත් ඔහු කාර්යයබහුල වීම නිසා  ඔහු කරපු ලයින් 400 ක් එක්ක විකියා සහෝ තමා මට මේක කරලා දෙන්න කියලා වෙනදා වගේම බාර දුන්නෙ.ඔහුටත් මගේ ස්තූතිය පුද කරන්න කැමති ,ඉතින් මමත් ලයින් 100 ක් විතර කරගෙන යනකොට වැඩේ ලේසි වෙන්නෙ නෑ කියලා තේරුණා.ඉංග්‍රිසි උපසිරැසිය සංක්ෂිප්ත වගේම අඩුපාඩු සහිතයි.කතාව අහලා කරන්න හැදුවම මේක හින්දි වුනත් සාමාන්‍ය හින්දි වලට වඩා වෙනස්.මම හිතන්නෙ පන්ජාබ් හුරුවක් තියෙන්නෙ කියලා.ඉතින් මම වැඩේ අත්හරින්න හදද්දි විකියා සහො ආයෙත් කිව්වා හෙමින් සැරෙ බලන්න කියලා.ඔන්න ආයෙත් වැඩේ පටන්ගත්තා.කොහොමෙන් කොහොමහරි අවසානය දක්වාම කරගෙන ගියා.සම්පූර්ණයෙන්ම(ගීත පවා) උපසිරැසි ගන්වලා තියෙන්නෙ.ඉතින් අඩුපාඩු තිබුනොත් සමාවෙන්න ඕනි.ආ…තව දෙයක් කියන්න ඕනි.මම වෙනදා කරපු උපසිරැසියන්ට වඩා වෙනසක් මේකෙ තියෙනවා.ඒ තමා මේකෙ භාෂාව.චිත්‍රපටයෙ රසය ඔයාලට ඒ විදිහටම තියන්න ඕනි නිසා මම මේකෙ යන විදිහටම රස්තියාදුකාර භාෂාව ඒ අයුරින්ම හැකි විදිහට උපසිරැසියට එකතු කලා.චිත්‍රපටිය බලලා අහවර වෙලා ඒ ගැනත් අදහසක් ඉදිරිපත් කරන්න කියලා ඔයාලගෙන් ඉල්ලනවා.

එහෙනම් තවත් උපසිරැසියක් සමඟින් නුදුරු දවසක හමුවෙන තුරු මම සමුගන්නම්.
ඔබට ජය…!!

මේ ලබා දී ඇති සිංහල උපසිරැසි පිළිබද “කැලුම් රණවක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.