Game of Thrones [S03E10] – Sinhala Subtitles (18+) | අම්මා [සිංහල උපසිරැසි සමඟ]

ඔන්න හැම දෙනාම නොයිවසිල්ලෙන් බලාගෙන සිටින “කිරුළක ගැටුම” තෙවන දිග හැරුමේ අවසාන කොටස අද අපි අරගෙන එනවා. මම හිතන්නෙ පසු ගිය කොටස නරඹපු හැම දෙනාම කුඩා හෝ කම්පනයකට මුහුණ දෙන්න ඇති, රොබ් ස්ටාක්ට යකඩ සිහසුන ලබා ගැනීමට තිබුනු අවස්ථාව, ගංගා හරස් මාරුවේ ෆ්‍රරෙ විසින් බොහොම කුරිරු උපායකින් තවත් එක් සිහිනයක් බවටම පත් කරමින් මංගල සාදයේදී බොද කර හරිනවා. “කිරුළක ගැටුම” කථා මාලාවේ රීතිය තමයි “ඔබ ජයග්‍රහනය කළ යුතුයි, නැති නම් ඔබ මිය යායුතුයි” කෙටියෙන්ම පැවසුවොත් එය තමයි සිදු වුයේ. දැන් අපි අද දවසේ කතාව දෙසට එමුකො, රොබ් ස්ටාක් සහ ඔහුගේ මව කැතරින් ස්ටාක් ඇතුළු සියළු දෙනාම මරණයට පත් වනවා, තවද රොබ් ස්ටාක්ගේ 10,000උතුරු හමුදාවත් බොහොම කුරිරු ලෙස ඝාතනය වෙනවා, තම පවුලේ අය සමඟ එක් වීමට රෙඩ් ෆොට් වලට යන අර්යා ස්ටාක්ට ඒ අවස්ථාව හිමි වෙන්නෙ නෑ. ඇය සැන්ඩො කැලැගෙන් ඒ කියුවෙ ජොෆ්‍රි රජුගෙ දඩ බල්ලා සමඟ පණ බේරා ගෙන රෙඩ් ෆොට් වලින් පලා යනවා, ඇය මෙම කොටසේදී බොහොම දරුණු ලෙස හැසිරෙනවා අපි බලමු ඒ කෙසේද කියා.

අපේ කොට උතුමානන් වන ටීරියන් ලැනිස්ටර් සන්සා ස්ටාක් සමඟ මාලිගා උයනේ ඇවිදින විට, ඔහුට තමන්ගේ පියා වන මහා තයිවින් ලැනිස්ටර් ගෙන් කැද වීමක් ලැබෙනවා, ඒ කුමකටද, ඒ වගේම ඔහුට පැවරෙන රාජකාරිය කුමක්ද?. ඊලගට අපේ ළපටි රජුවන ජොෆ්‍රි, රොබ් ස්ටාක්ගේ මරනය සැල වූ විට කුමන ආකාරයට හැසිරේවිද? ඊලගට කවුද උතුරේ පාලකය වන්නෙ?. රොබ් ස්ටාක්ට ද්‍රොහි වූ ඔහුගේ කොඩි කරුවා වන රොස් බොල්ටන් තියොන්ගේ මිනිසුන්ගෙන් කෙසේද උතුර නිදහස් කර ගන්නෙ. ඒ අතර තුර තියොන් ග්‍රෙජොයිට කුමක් සිදුවේවිද, ඔහු තව තවත් වද බන්දන වලට ලක් වේවිද? ඊලගට අපේ රොබ් ස්ටාක්ගේ සහොදරයා වන බ්‍රයන් ස්ටාක් සහ ඔහුගේ පිරිවර ප්‍රකාරයෙන් උතුරට යන්න හදනවා. ඔහුට සිහිනයෙන් පෙනුනු ඇස් තුනේ කපුටව සොයාගෙන. ඉතින් ඔහු කෙසේද උතුරු ප්‍රකාරය තරණය කරන්නෙ. රොබට් බ්‍රාදියන්ගේ අවජාතකයා වන ගැන්ඩ්‍රිට කුමක් සිදුවේවිද? රතු ගැහැණිය ඒ කියුවෙ මැලිසෙන්ඩ්‍රා අර්යාව, ගැන්ඩ්‍රිව ගිනි දෙවියන්ට බිලිදේවිද? අවසාන වශයෙන් අපේ රිදී රැජින ඩැනේරිස් ස්ටොන්බොන් යුන්කායි අල්ලා ගත්තානෙ, ඉතින් යුන්කායි වල සිටින වහල් මිනිසුන් ඇයව කෙසේ පිළිගනීවිද? ඉතින් එකී මෙකී නොකී හැම දෙයක්ම බලා ගැනීමට අවසාන කතාංගය නරඹන ලෙස කියනවා.

ඔන්න ඉතින් තවත් ත්‍රාසයෙන් භීතියෙන් ඇලලී ගිය “කිරුළක ගැටුම” කථා මාලාවේ තුන්වෙනි දිගැහැරුමත්, මෙම කොටසින් නිමා වෙනවා. යකඩ සිහසුනට සටන් වදින තවත් ප්‍රබල සටන් කරුවෙක්ව සටන් බිමින්, ඉවත් කරමින් තව තවත් තරඟකාරීත්වය තීවෘ කරමින්, කුතුහලය අවුස්සමින් නිමාවක් සනිටුහන් කර තිබෙනවා. රූපවාහිනී කතාංග ඉතිහාසයේ වැඩිම වියදමක් දරමින් ඒ කියුවෙ ඇමරිකන් ඩොලර් මිලියන 60ක වියදමින් නිෂ්පාදනය කරන ලද කතා මාලාවක්. ඒ වගේම IMBb rating 9.4 ලෙස රූපවාහිනී කථාංග ඉතිහාසයේ වැඩිම අගයක් ලබා ගනිමින් පළමු තැන ලබා ගෙන තිබෙනවා. ඒ වගේම එමී සම්මාන උළෙලේදී හොදම සහය නළුවාට හිමි සම්මානය ටීරියන් ලැනිස්ටර් (කොට උතුමානන්) චරිතයට පණ දුන් පීට ඩින්ක්ලික්ට හිමිවී තිබෙනවා. ඒවගේම ඔබ බලාපොරොත්තුවෙන් සිටින season4 2014 වසරේ අප්‍රියෙල් 21 වෙනිදා පිට වීමට නියමිතයි, මම හිතන්නෙ එකත් මේවගේම සුපිරිම බයිස්කොප් එකක් වේවි. අවසාන වශයෙන් මෙම කොටසද එක ලෙසම නරඹන ලෙස කියමින්, ඔබ සැමට ජයවේවා කියනවා.

Due to copyright issues, we do not provide any torrent link

මෙම ලබා දී ඇති උපසිරැසිය BluRay පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “චානක කමල් (ගොඩයා)” හා “රොයිලි ප්‍රනාන්දු” සොහොයුරන්ට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.