Game of Thrones [S5E03 – High Sparrow] (18+) | මොළවල් හොඳයි ඇලේ දාල හෝදන්න… [සිංහල උපසිරැසි සමඟ]

හොඳයි කොහොමද කට්ටියටම? ටිකක් විතර ප්‍රමාද වෙලා හරි මෙන්න ගෙනාවා 03 වෙනි කොටස. ලබන සඳුදා වෙද්දි තත්වයෙන් හොඳ කොපියට අනිවා සබ් එක යාවත්කාලීන කරන්නම්. නියම පිටපතට යාවත්කාලීන කරල තියෙන්නෙ. මුලින්ම අපි බලමු 02 කොටසෙ වෙච්ච දේවල් ගැන.

කිංග්ස් ලෑන්ඩින් වල

සර්සිට ඩෝන් වල ඉඳන් ලැබෙන පාර්සලයක තමුන්ගේ දුවට පලන්දල තිබ්බ මාලේ තිබිල හම්බවෙනවා. මේක අනිවා තර්ජනාත්මක පණිවිඩයක් විදියට සලකන ජේමි ඉදිරිපත් වෙනවා බ්‍රොන් එක්ක ගිහින් ඇයව ඩෝන් වලින් කොහොමහරි බේරගෙන එන්න. බ්‍රොන් බඳින්න උන්න කෙනා වෙන කෙනෙක් බඳින බවත්, ඒ වෙනුවට මේ වැඩෙන් පස්සෙ ඊට වඩා ලොකු මන්දීරයක් සහිත වංශවත් කාන්තාවක්ව බ්‍රොන්ට බන්දල දෙන්න ජේමි පොරොන්දු වෙනවා.

මේ අතර සර්සි, කොට ආදිපාදව දඩයම් කරන්න අරගෙනයි තියෙන්නෙ. ඉතින් දඩයම් කාරයෝ මරල ගෙනල්ලා තියෙන්නෙත් වැරදි කෙනෙක්වයි. කොහොමහරි කුඩා කවුන්සිල හමුවෙදි ඇය කියනවා රජු අලුත් පුරෝහිතයෙක්ව තෝරගන්නකම් ඇය තාවකාලිකව වැඩ බලන්නම් කියලා. ඒ අතර ඇය මේස් ටයිරෙල්ට නව මුදල් ඇමති කමත්, කයිබර්න්ට බුද්ධි අංශ ඇමතිකමත් දීලා තමුන්ගේ මාමට යුද ඇමතිකම දෙන්න යද්දි ඔහු ඒක ප්‍රතික්ෂේප කරනවා. මව් රැජිනට කිසි බලයක් නොමැති බවත්, ඇයගේ රූකඩ වලින් පිරි කවුන්සිල හමුවට ඔහු අකමැති බවත් පවසනවා. ඒ වගේම රජුගෙන් කෙළින්ම සේවය පතා ඉල්ලීමක් කරනකම් ඔහු කාස්ලි රොක් වල නවතින්න තීරණය කරනවා.

ප්‍රාකාරයේදී….

ස්ටැනිස් බැරැතියන් විසින් ජෝන් ගෙන් ඉල්ලනවා තමා හා යුද්ධයට පැමිණ තම අවජාතක නම වෙනුවට ස්ටාක් නාමය ලබාගන්නා ලෙසත් යුද්ධයෙන් පසුව උතුරේ පාලකයා විදියට පත්වෙන ලෙසත්. මොකද උතුරේ අය තමුන්ගේ නියම පාලකයෙක් විදියට පිළිගන්නෙ ස්ටාක් කෙනෙක් පමණක් නිසා. හැබැයි ජෝන් තම මිත්‍ර සෑම්ට කියනවා එයා ඒ යෝජනාව ප්‍රතික්ෂේප කරන බව. මොකද ඔහු දැනටමත් නයිට්ස් වොච් එකට තම ජීවිතය කැමකිරීමට පොරොන්දු වෙලා ඉන්න නිසා. (මූ නම් තාම කිසි දෙයක් දන්නෙ නෑ තමා 🙂 ) කොහොමහරි එදා රෑ නියත ජයග්‍රහණයක් ලබා සිටි සර් ඇලිසර්ව පරදවා ජෝන් නයිට්ස් වොච් හී 999 වැනි ප්‍රධානියා බවට පත්වෙනවා.

වේල් රාජ්‍යයේදී…

බ්‍රියෙන්නෙ හා පොඩ්‍රික්ට බොජුන්හලකදී සන්සාව හමුවෙනවා. හැබැයි ඇයට සන්සාගේ ආරක්ෂාව බාර දෙනවට බේලිෂ් කැමති වෙන්නෙ නෑ. සන්සාගෙ කල්පනා කොහොමත් ඉතින් අපි නොදන්නවයෑ කොච්චර බුද්ධිමත් ඒවද කියලා. මොකද මුල ඉඳන්ම අපිත් මේක බැලුව නොවැ. 🙂 කොහොමහරි බේලිෂ් ඇයව අත් අඩංගුවට ගන්න කිව්වත් ඇය පොඩ්‍රික් සමඟ බේරිලා පැනගන්නවා. දැන් සන්සා හා ආර්යා දෙන්නම බ්‍රියෙන්නෙගේ උදව් එපා කියපු නිසා ඇයව දිවුරුමෙන් මිදෙන බව පොඩ්‍රික් කිව්වත් බේලිෂ් එක්ක සන්සා ආර්ක්ෂිත නෑ කියල තමා බ්‍රියෙන්නෙ කියන්නෙ..

ඩෝන් වල…

එලාරියා සෑන්ඩ් දැන් ඉන්නෙ සර්සිගේ දියණිය එක්කත් සෑහෙන තරහෙන්. ඇය ගිහින් ඩෝරන් මාටෙල් හෙවත් එහෙ පාලකයාගෙන් ඉල්ලනවා ඇයව කෑලි වලට කපල කෑල්ල කෑල්ල සර්සිට යවන්න ඉඩ දෙන්න කියලා ඕබ්‍රන්ගේ මරණයේ පලිය ගන්න. හැබැයි ඩෝරන් මාටෙල් කියනවා ඇයට ඔබ්‍රින් මියගියේ සටනකින් කියලා. ඉතින් නීතිය අනුව ඒක ඝාතනයක් වෙන්නෙ නෑ කියලා. හැබැයි ඇය එතනින් යන්නෙ ඔහු සදහටම පාලනයේ ඉන්නෙ නෑනේ කියන එක මතක් කරලා දීගෙන මයි.

පටුමුහුදෙන් එහා….

වොලන්ටිස් වලට යන ගමන් කොටආදිපාදතුමා තමුන් රජුගේ පුරෝහිත විදියට ගෙවපු කෙටි කාලය ගැන කතා වෙනවා.

බ්‍රාවෝස් වලට එන ආර්යාව නැවේ කපිතාන් විසින් කළු හා සුදු වංශයේ මන්දීරය වෙත ගෙනියනවා. හැබැයි එතනින් දොරටුපාලය ඇයව ඇතුළට ගන්නෙ නෑ ජකෙන් හගාර් දීපු කාසිය පෙන්නුවත්. එතන රෑ ගත කරලා කාසියත් විසි කරල යන්න ගියාට පස්සෙන් පහු ඇයව කොල්ල කන්න එන කට්ටියක් අර දොරටුපාලය දැකල පැනල ගියාට පස්සෙ ඇය දැනගන්නවා ඒ ජැකෙන් හගාර් කියලා. කලින් ඇයව පිළිනොගත්තෙ ඇයි කියල ඇහුවම කියනවා එහෙම නමක් තියෙන කෙනෙක් නෑ කියලා. කොටින්ම ඇයව ඇතුලට ගන්න නම් ඇය නමක් නැති කෙනෙක් වෙන්න ඕනා කියල කියනවා.

මෙරීන් වල දැන් ඩැන්රිස්ට මේ හාපි පුතණුවන් නිසා පාලනය හරියට කරන්න අමාරු වෙලයි තියෙන්නෙ. ඩාරියෝගේ ඉව නිසා අල්ල ගන්න ඔවුන්ගේ සාමාජිකයවත් ඇය සර් බැරිස්ටන්ගේ ඉල්ලීම මත එකඟ වෙන නඩු විභාගයට කලින් වහලෙක් විදියට උන්න මොසඩෝර් මරල දානවා ඇයගේ හිරභාරයේ ඉන්නකොට. මේ හින්දා ඇය ප්‍රසිද්ධියේ මොසඩෝර්ව මරල දානවා. මේ වෙලාවෙදි කැරැල්ලක් පටන් ගන්නවා පරණ හාම්පුතාලයි හිටපු වහල්ලුයි අතර. එදා රෑ අර අතුරුදහන් වෙච්ච තුන්වෙනි මකරා ආපහු ඇවිල්ලා ඉන්නවා. හැබැයි ඩැනේරිස් උගෙ මූණ අල්ලන්න යද්දී ඌ ආපහු පියාඹල යන්න යනවා.

හොඳයි එහෙනම් ඊලඟ කොටසෙන් හමුවෙමු.

පසුබිම් විස්තර ලිපි.
1) අදාල භූමියේ සිතියම් සමඟ විස්තරය.
2) මේ වන තෙක් සම්පූර්ණ ඉතිහාස කතාව සරලව.
3) ඇදහීම් හා නයිට්වරු.
4) ප්‍රබල වංශවත් පවුල් – පළමු කොටස.
5) ප්‍රබල වංශවත් පවුල් – දෙවන කොටස.
6) ඓතිහාසික යුද්ධ හා කැරළි – පළමු කොටස.
7) ඓතිහාසික යුද්ධ හා කැරළි – දෙවන කොටස.
8) ඓතිහාසික යුද්ධ හා කැරළි – තෙවන කොටස.
9) තරිඳු සහෝගේ යූටියුබ් කුප්පි ටික.379

 

 

Due to copyright issues, we do not provide any torrent links.

 

<< Previous Episode                      All Episodes                        Next Episode >>