අපගේ නිල ඩවුන්ලෝඩ් වෙබ් අඩවිය තවදුරටත් baiscopedownloads.co නොවේ. කරුණාකර අපගේ උපසිරසි සඳහා ගැලපෙන ලින්ක් බාගත කරගැනීමට https://baiscopedownloads.link/ හෝ https://baiscopedownloads.xyz/ වෙත පිවිසෙන්න.

MENU

Game of Thrones [S5E07 – The Gift] (18+) | තෑගි තෑගි තෑගි!!!!! [සිංහල උපසිරැසි සමඟ]

Rating: 9.1/10. From 42 votes.
Please wait...

GoT5New2

හොඳයි මෙන්න ගෙනාවා හත් වෙනි කොටස. එහෙනම් මුලින්ම අපි කලින් කොටස මතක් කරගෙන ඉම්මු.

පටු මුහුදෙන් එහා…

ජෝරා හා කොට ආදිපාද දෙන්නා පයින්ම මිරීන් යන්න ගිහින් අන්තිමේ වහල් වෙළෙන්දනට අහුවෙනවා. යන්තමින් මැරෙන් නැතුව බේරෙන කොට ආදිපාදයි ජෝරා දෙන්නා සමත් වෙනවා වොලන්ටිස් ගිහින් විකිනෙනවට වඩා වැඩි ආදායමක් වහල් වෙළෙන්දනට මිරීම් වල උපයල දෙන්නම් කියලා ආපහු ඇරපු සටන් වළවල් වලින්.

මේ අතර බ්‍රාවෝස් වල ඉන්න ආර්යා වෙයිෆ්ගෙන් අහනවා මුහුණු සෙල්ලමෙන් සමත් වෙන හැටි. ඇය අඟවනවා බොරු කියන්න ඉගෙන ගන්න ඕනා කියලා. පස්සෙ ජැකෙන් විසින් ආර්යව පරීක්ෂා කරන්න ගිහින් අම්බානෙක ගුටිත් කනවා කියන බොරු වලට. පස්සෙ ආර්යා ලෙඩකින් දුක් විඳින කෙනෙක්ට ඉක්මන් මරණයක් ළඟා කරල දුන්නට පස්සෙ ජැකෙන් කියනවා ආර්යා සූදානම් කියලා “කිසි කෙනෙක් නොවෙන” කෙනෙක් වෙනවට වඩා වෙනස් කෙනෙක් වෙන්න.

ඩෝන් වලදි…

මේ අතර ජේමි හා බ්‍රොන් දෙන්නා මර්සෙලා ලැනිස්ටර් ගාවට ආවත් ඒ වෙලාවෙදිම සෑන්ඩ් ස්නේක්ලා පහර දෙන්න එනවා. හැබැයි අන්තිමේ මේ ඔක්කොම දෙනා රාජකීය හමුදා අත් අඩංගුවට පත්වෙනවා. සෑන්ඩ් ස්නේක්ලගේ නායිකාවවත් පස්සෙ අල්ලගන්නවා.

කිංග්ස් ලෑන්ඩින් වල…

ආපහු අගනුවරට එන බේලිෂ්ට ඉස්සෙල්ලම හම්බවෙන්නෙ ලාන්සල්ව. හැබැයි බේලිෂ් අඟවනවා ලාන්සල් ගේ පරණ වැරදිත් තමා දන්න බවත්. කොහොමහරි සර්සිව හම්බවෙන බේලිෂ්, සිංහාසනයට තියෙන තම පක්ෂපාතීකම නැවතත් මතක් කරලා, තවත් ආරංචියක් කියනවා. ඒතමා එයාම සන්සට අටවපු මඟුල මුකුත් නොදන්න ගානට එලිකරනවා. සර්සි හදන්නෙ බෝල්ටන්ලට පහර දෙන්න වුණත්, බේලිෂ් කියන්නෙ ස්ටැනිස්ටයි, බෝල්ටන්ලටයි ගහගන්න දීලා ඉතුරු වෙන අයව තමුන් ඉවරයක් කරල දාන්නම් කියලා. ඒ වෙනුවට උතුරේ නායකකම බේලිෂ් ඉල්ලනවා. සර්සි ඒකට එකඟ වෙන්නෙ සන්සගෙ ඔළුව හෙල්ලෙක ගහල ගෙනාවට පස්සෙ දෙන්නම් කියන කොන්දේසිය මතයි.

මේ අතර ඔලෙන්නා ටයිරෙල් තම මුණුබුරාව නිදහස් කරගන්න හදන ඔක්කොම වෑයම වතුරේ යනවා. ඒ වෙනුවට රැජින වෙච්ච මාජරී ටයිරෙල්වත් දැන් අත් අඩංගුවට ගන්නවා. රජ වෙච්ච ටෝමන් කොලුවා කිසි දෙයක් කරගන්න බැරුව බලන් ඉන්නවා. මේ ඔක්කොම පස්සෙ ඉන්නෙ සර්සි බව දන්න හින්දම, ඔලෙන්නා මොකක් කරයිද කියල ඉස්සරහට බලන්න ලැබෙයි.

වින්ටර්ෆෙල් වල…

ඔන්න ගොඩක් අය දුක්වෙච්ච දෙයක් සිද්ධ වුණා. සන්සාව රැම්සිට බන්දල දෙන රාත්‍රියේම තියෝන්ට බලන් ඉන්න කියලා රැම්සි සන්සව දූෂණය කරනවා. පොතේ නම් තියෙන්නෙ ඔයිට වඩා වෙනස් විදියට. අනික ගොඩක් විවේචකයෝ ඒ දර්ශණය අනවශ්‍ය එකක් බව තමා කියල තිබ්බෙත්. අපි බලමුකො ඉස්සරහට වෙන්නෙ මොකක්ද කියලා.

——————————————————————–

ගොඩ දෙනෙක් අහල තිබ්බා බාලම ස්ටාක් කොලුවො දෙන්නට මොකෝ වුණේ කියලා. තියෝන් අතින් මැරුම් කන්න යන බව දැනගෙන පැනල ගිය වෙලාවෙ එක ළමයෙක් වෙච්ච රිකොන් ස්ටාක් වනචාරි කෙල්ලෙක් වෙච්ච ඕෂා එක්ක ස්ටාක් වංශයේ උප වංශයක් වෙච්ච අම්බර් වංශයේ රැකවරණය පතාගෙන Last Hearth බලා පිටත් වුණා. තුන් වෙනි අදියරෙන් පස්සෙ ඔහු ගැන කිසි විස්තරක් තිබ්බෙ නෑ.

එතකොට අනික් කෙනා වෙච්ච බ්‍රෑන් ස්ටාක් පහුගිය කතා සමය අවසානයේ ප්‍රාකාරයට එහා තිබ්බ හදවත් ගසක් හොයාගෙන පිටත් වුණා. ඔහුට තමා ඇවිදින්න බැරි. හෝඩෝර් හා තවත් වනචාරි අය දෙන්නෙක් එක්ක ගියාට පස්සෙ අවසානයේ ඔහුට හොයන ගහ හම්බවුණා. Child of the Forest වරුන්ගේ උදව්වත් ඇතිව එතෙන්ට ගිය ඔහුට ආපහු ඇවිදින්න නොහැකිවෙන බවත් හැබැයි ඔහු පියාඹන බවත් දෝණකාකයාගෙන් දැනගන්න ලැබුණා.

දැන් ඔතනින් පස්සෙ, දැනට ලියවෙච්ච පොත් වල ඔහු ගැන විස්තරයකට කියල තියෙන්නෙ ඔහු තම හැකියාවන් භාවිතයෙන් නැසීගිය එඩාඩ් ස්ටාක් හා සමඟ මෙන්ම දැන් රික් විදියට ඉන්න තියෝන් ග්‍රේජෝයි එක්ක මනසෙන් කතා කරනවා කියලයි. හැබැයි රූපවාහිනි කතා මාලාවෙ එහෙම දෙයක් තිබ්බෙ නෑ. ඉතින් පොතට වඩා ටිකක් වෙනස් හින්ද වගේම, ඉදිරියෙදි පළවෙන්න තියෙන පොතේ කතාව මාටින් විසින් රූපවාහිනි කතා මාලා අධ්‍යක්ෂකවරුන්ට කියල තියෙන හින්දත් මොනා වෙයිද කියන්න අමාරුයි.

අනික් අහපු ධවල ඇවිදින්නො ගැන මම යට විස්තර කරල තියෙනවා.

———————————————————————

හොඳයි මම හිතුවා වෙස්ටරොස් ඉතිහාසයේ තියෙන යුද්ධ හා කැරලි ගැන විස්තර ටිකක් කියන්න. මේ වෙනකම් එහෙම ඒවා 20 කට වැඩි ගාණක් ගැන ඉතිහාසයේ සඳහන් වෙනවා. අපි කොටසෙන් කොටස බලමු එහෙනම් ඒ ගැන විස්තර.

මුලින්ම මතක් කරන්න ඕනා මේ වෙස්ටරොස් වල අවුරුදු ගණන් කරන්නේ ඒගොන් නම් විජයග්‍රාහකයා හෙවත් ටාගේරියන් අධිරාජ්‍යා මුලින්ම වෙස්ටරොස් වලට ගොඩබැසිමේ අවුරුද්දට පෙර (Before Aegon’s Landing – BAL) හා පසු (Aegon’s Landing- AL) වශයෙනුයි. ඉතින් ඒ අනුව තමා මම දින වකවානු යොදන්නෙ. මම කලින් දීපු මේ වන තෙක් සම්පූර්ණ ඉතිහාස කතාව කියන පිටුවත් වෙනම ටැබ් එකක විවෘත කරගත්තොත් මේ සටහන තවත් තේරුම් ගන්න හැකිවේවී.

Wars of the First Men and the Children of the Forest

100- WarsOfChildrenAndFirstMenප්‍රාග් ඓතිහාසික වෙස්ටරොස් වල උන්නයි කියන්නේ Children of the Forest නම් මනුෂ්‍ය නොවන කණ්ඩායම් හා යෝධයන් ලෙස හඳුන්වන කොටසුයි. කැලෑබද ප්‍රදේශ වලින් වැහිල තිබ්බ වෙස්ටරොස් වල Children of the Forest කියන මේ මනුෂ්‍ය නොවන කණ්ඩායම් ගණනින් අඩුවුණත් මායා බල වලින් විකුම් පාන්න අති දක්ෂයින් වෙච්ච බව කියවෙනවා. ඉතින් වෙස්ටරොස් වලට 12,000 BAL වලදී මුල්ම මනුෂ්‍ය කොට්ඨාසය වෙච්ච පළමු මිනිසුන් (First Men) නම් කණ්ඩායම ඩෝන් හී අත නම් එසොස් හරහා බැදී තිබුණු භූමියක් හරහා වෙස්ටරොස් ආක්‍රමණය කරනවා.

ඉතින් මේ පළමු මිනිසුන් කණ්ඩායම වෙස්ටරොස් වල කැලෑබද කොටස් එළිපෙහෙළි කරලා වගා කටයුතු ආරම්භ කරනවා. ඔය අතර තමා පළමු මිනිසුන් විසින් Weirwood නම් Children of the Forest වරුන්ගේ ශුද්ධවූ ගස් කපන්න ගන්නේ. මේ හින්දා ඔවුන් දෙගොල්ලෝ යුද වදින්න ගන්නවා. ගණනින් අඩුවුණත් Children of the Forest වරු මායා බලයන් හා පාථමික මට්ටමේ අවි වලින් වුණත් ගණනින් වැඩි හා ලෝහ අවි ආයුධ රැගත් පළමු මිනිසුන් (First Men) සමඟ සෑහෙන කාලයක් යුද වදිනවා.

Stepstonesආක්‍රමණය වළක්වන්න Children of the Forest වරු තම මායා බලය භාවිතා කොට එසොස් ඉඳන් ඔවුන් පැමිණි පාලමක් වැනි භූමි පෙදෙස ජලයෙන් යටකොට එය කැබලි වලට බිඳ Stepstones නම් දූපත් සමූහය නිර්මාණය කරනවා. (ඕක කියවනකොට මට මතක් වුණේ දැන් අපේ මන්නාරමෙන් තියෙන ආදම්ගේ පාලම කියන හනුමන්තා බැන්ද කියන පාලමේ කතාවයි. අද වෙච්දි ඒක පාලමක් විදියට නොතිබ්බට ඒ කාලේ එහෙම තියෙන ඇතිද කියල කවුද දන්නෙ) ඒ දකුණේ පාලම කැඩුවට ආක්‍රමණය නැවතුණේ නෑ.

The_Neckක්‍රමක්‍රමයෙන් උතුර ආක්‍රමණය කරන්න එනකොට Children of the Forest වරු තම මායා බලයෙන් මහා ජල ගැල්මක් නිර්මාණය කරලා THE NECK නම් කොටස ජලයයෙන් යට කරලා වහා වගුරක් බවට පත් කරවනවා. මේ හින්දා තමා අදටත් උතුරට මහා හමුදාවක් යවන්න භාවිතා කරන්න වෙන්නේ කිංග්ස් රෝඩ් නම් පටු පාර පමණයි. ඒ වගේම ඒක මෝට් කේලින් හරහා වැටී තියෙන නිසා තමා එතන ඉතා වටිනා වැදගත් යුද මර්මස්ථානයක් වන්නේ.

ඉතින් අවුරුදු 2000 ක පමණ කාලයක් ඇදිල ගියා කියම මේ යුද්ධය, 10,000 BAL හිදී Children of the Forest වරු හා පළමු මිනිසුන් (First Men) අතර ගිවිසුමක් අත්සන් කරමින් නිමාව දකිනවා. වෙස්ටරොස් මැද පිහිටි දේව ඇස නම් වැව මැද පිහිටි දූපතකදී එළඹෙන මේ ගිවිසුමකට අනුව පළමු මිනිසුන් (First Men) විවෘත භූමීන් හා Children of the Forest වරු වනාන්තර ප්‍රදේශ පාලනය කරන්න පටන් ගන්නවා. ඊට අමතරව Weirwood නම් Children of the Forest වරුන්ගේ ශුද්ධවූ ගස් කපන්න තහනම් වෙනවා. එය සනිටුහන් කරන්න දූපත මධ්‍යයේ තිබෙන හැම Weirwood ගසකම ඔවුන් මුහුණක් කෙටූ බව කියවෙනවා. එතැන් සිට එම දූපත් මූණූ දූපත ලෙස නම් වෙනවා.

ආරම්භය – 12,000 BAL
අවසානය – 10,000 BAL
ස්ථානය වෙස්ටරොස්
ප්‍රතිඵලය – Children of the Forest හා First Men අතර ගිවිසුමක් ඇතිවීම.

———————————

War for the Dawn

100- TheLongNightVictory8,000 BAL හිදී මහා සීතලක් පැමිණ වෙස්ටරොස් පරම්පරා ගණනාවක් සීතලට යටවෙනවා. මේ කාලෙදි සදාකල් සීතලේ තියෙන ප්‍රදේශ වල ඉඳන් ධවල ඇවිදින්නන් නම් කොටසක් පැමිණ වෙස්ටරොස් ආක්‍රමණය කරනවා. ඔවුන් ආව හේතුවවත්, ඔවුන්ගේ ස්වභාවයවත්, ආරම්භයවත් කිසි කෙනෙක් නොදන්නවාවුණත්, ඔවුන් හා ඔවුන් සමඟ පැමිණි පණ ආ මැරුණු ශරීර (සොම්බිලා?) ඔවුන් ගමන් කළ පාරේ උන්න හැමෝවම මරල දානවා.

ඉතින් Children of the Forest වරු හා පළමු මිනිසුන් (First Men) එකතුව මොවුන්ට විරුද්ධව සටන් වදිනවා. ඉතින් ක්‍රම ක්‍රමයෙන් මේ ආක්‍රමණීක ධවල ඇවිදින්නන්ව උතුරට පලවා හරින්න මොවුන් සමත් වෙනවා වගේම බොහෝ වීරයන් මේ යුගයේදී මතුවෙනවා. එයින් කෙනෙක් තමා බ්‍රැන්ඩන් ස්ටාක් නම් ගොඩනගන්නා. (Brandon Stark -the Builder) මොහු තමා අනාගත ආක්‍රමණ නැවැත්වීමට උපායන් හා මායාවන් භාවිතයෙන් ප්‍රාකාරය ගොඩ නගන්නේ. ඒ වගේම වින්ටර්ෆෙල් බලකොටුව, ස්ටාක් වංශය හා නයිට්ස් වොච් නම් ආරක්ෂක කණ්ඩායම් ගොඩ නගන්නේ මොහු විසිනුයි. සමහරුන්ට අනුව මොහු උතුරේ පළමු රජ ලෙස අභිෂේක ලබන බව කියවෙනවා. නමුත් ජයග්‍රහණය ලැබුවා වුණත් Children of the Forest වරුන්ට සිදුවන හානි ඉතා විශාල බැවින් ඔවුන් ක්‍රම ක්‍රමයෙන් වඳ වී යෑමට පටන් ගන්නවා.

මේ ප්‍රාකාරය හදන කොට ඊටත් උතුරින් සිටි පළමු මිනිසුන් (First Men) ස්වල්පයක් දෙනා ප්‍රාකාරය ගොඩ නැඟූ පසු වෙස්ටරොස් වලින් වෙන් වෙනවා. පසුව රාජධානී ගොඩ නැඟීම් වැනි සියලු දෙයින් වෙන් වන මොවුන්ගෙන් පැවතෙන අය පසු කාලීනව වෙස්ටරොස් වලම සතුරන් වෙනවා. ඔවුන්ටද නායකයෙක් ඇති අතර, ඔවුන් තමන්ව “නිදහස් මිනිසුන්” ලෙස හඳුන්වා ගත්තත් ප්‍රාකාරයට දකුණෙන් ඉන්න අය ඔවුන්ව ම්ලේච්ඡන් ලෙස සලකා “වනචාරීන්” ලෙස හඳුන්වනවා. ඒ වගේම ප්‍රාකාරයේ මුල්ම බලකොටුව නයිට්ෆෝට් වන අතර මේ වන විට තවත් බලකොටු 18 ක් එහි ගොඩ නගා තිබෙනවා.

ආරම්භය – 8,000 BAL
අවසානය – 8,000 BAL (පරම්පරාවක් පමණ)
ස්ථානය වෙස්ටරොස්
ප්‍රතිඵලය – ධවල ඇවිදින්නන්ව පරාජය කොට සදාකල් ශීතල භූමිය වෙත පලවා හැරීම.
– ප්‍රාකාරය ගොඩ නැඟීම.
– ස්ටාක් වංශය උතුරේ පාලකයන් වීම.
– නයිට්ස් වොච් බලකාය පිහිටුවීම.

———————

Andal Invasion

100- AndalsCrossTheNarrowSea6,000 BAL යුගයේදී වෙස්ටරොස් වල තවත් විශේෂ සිදුවීමක් සිදුවෙනවා. ඒ තමා ඇන්ඩල් වරුන්ගේ ආක්‍රමණය. මේ සිදුවීම වෙස්ටරොස් වල සංස්කෘතියට බොහොම වෙනස් කම් සිදු කළ සිදුවීමක් වුණා. ඇන්ඩාල් වරු කියන්නෙ උස, පැහැපත් හිසකේ හිමි මනුෂ්‍ය කොට්ඨාශයක්. ලැනිස්ටර් වංශය මොවුන්ගේ ලේ වලින් පැවත එන්නන් වෙනවා. පටුමුහුදෙන් එහා බටහිර එසොස් හී ඇන්ඩාලෝස් නම් ස්ථානයේ සිට තමයි ඔවුන් පැමිණියේ. ඔවුන්ගේ යුද විරුවන් තම නළලේ ආගමේ සංකේතය වූ සත් තරුව කොටාගෙන උන්න බව කියවෙනවා. (හරියට දැන් සත් ආගමේ බලකාය කොටාගෙන ඉන්නවා වගේ)

The_Fingersඔවුන් මුලින්ම පටු මුහුද හරහා යාත්‍රා කර වෙස්ටරොස් වල ගොඩ බැස්සේ ඒරින් හී ඇඟිලි නම් හඳුන්වන භූමියටයි. (රූපය ලොකු කරන්න ඒ මත ක්ලික් කරන්න) ජනප්‍රවාද වලට අනුව ඇරන් වංශයේ ආරම්භක සර් ආටස් ඇරන් යෝධ උගුස්සෙක් පිට පැමිණ පළමු මිනිසුන්ගේ අවසාන කඳුකර රජ වූ Griffin රජව පරාජය කළ බව කියවෙනවා.

පළමු මිනිසුන් (First Men) ගේ ලෝකඩ ආයුධ වලට හැප්පෙන්න සිදුවුණේ ඇන්ඩල් වරුන්ගේ ලෝහ හා වානේ සමඟයි. ඒ වගේම මේ වෙද්දි පළමු මිනිසුන් (First Men) වෙස්ටරොස් පාලනය කළේ සිය ගාණක් වූ කුඩා කුඩා රාජධානී විදියටයි. ඒ හින්දම වෙස්ටරොස් ආක්‍රමණය කරන්න ඇන්ඩල් වරුන්ට බොහෝ පහසු වුණ බව තමා කියවෙන්නේ. ඒ වගේම නයිට්වරු කියන සංකල්පය ආවෙත් මේ ඇන්ඩල් සංස්කෘතියෙන්.

හැබැයි නැවත වතාවක් ස්ටාක් වංශයේ අය විසින් උතුර මේ ආක්‍රමණයෙන් බේරගන්න සමත් වෙනවා. ඒ ඇන්ඩල් වරුන්ට THE NECK කියන ප්‍රදේශය තරණය කරගන්න බැරි වෙන හින්දයි. ඒ හින්දම පසුව ඔවුන් උතුරේ රජ වරුන් හා එකඟතාවකට පැමිණ ඊට යටින් තිබෙන භූමිය පාලනය කරන්න තෝරගන්නවා. ඒ වගේම ඔවුන් කලින් යුද්ධයෙන් හොඳින්ම බැට කෑ Children of the Forest වරුන්ගේ මායාවන් ගැන දැනගෙන ඔවුන්ව සදහටම වෙස්ටරොස් වලින් අතුගා දානවා. ඉතුරු වූ ස්වල්පයක් වූ Children of the Forest වරු ප්‍රාකාරයෙන් එහා ශීත පෙදෙස්වලට ගිය බව තමා කියවෙන්නේ.

මේ ඇන්ඩල් වරු මුලින්ම ආක්‍රමණය කරනකොට ඔවුන් ආවේ සත් විශ්වාසය නම් ධජ පතාක යටතේයී. ඒ වගේම ඒක තමා ඔවුන්ගේ ආගම වුණෙත්. ඉතින් ඔවුන් ආවට පස්සෙ Old Gods of the Forest දෙවියන් ඇදහීම, ඔවුන් යටත් කර නොගත් උතුරට පමණක් සීමා වෙලා දකුණු දිග ප්‍රදේශ වල Faith of the Seven නම් දහම ව්‍යාප්ත වෙන්න පටන් ගන්නවා. ඒ වගේම ඇන්ඩල් වරු තමා නයිට්වරුන්ව හඳුන්වා දෙන්නෙත්. නයිට් වරු ගැන ලියපු ලිපිය බලන්නකෝ.

ඉතින් මෙහෙම ගත්තහම දකුණේ උන්නු පළමු මිනිසුන් (First Men) සියලු දෙනාවම ඇන්ඩල් වරු මරා දැම්මේ නෑ. ඔවුන් මුලින්ම ගොඩ බැහැපු වේල් වල එහෙම වුණා වුණත් අනික් තැන් වල මරා දානවට වඩා පාලනය කරන්න තමා ඇන්ඩල් වරුන් පෙළඹුණේ. ඉතින් දකුණෙ උන්නු පළමු මිනිසුන් (First Men) හා ඇන්ඩල් වරුන් අතර ආවාහ විවාහ මඟින් භූමියේ අයිතිය තහවුරු කරගැනීම් වගේ ඒවා වෙච්ච බව තමා කියවෙන්නේ. ඒ වගේම උතුරේ වුණත් ආවාහ විවාහ ඇන්ඩල්වරුන් එක්ක සිදුවුණා. හැබැයි උතුරෙ කලින් තිබ්බ පැරණි භාෂාව වෙනුවට ඇන්ඩල් වරුන්ගේ භාෂාව වෙච්ච සාමාන්‍ය භාෂාවට හුරු වෙච්ච එක සිදු වෙච්ච සිදුවුණා.

මේ කාලයේ තව වෙච්ච විශේෂ දෙයක් තමා ඇන්ඩල් වරු 4,000 BAL දී පමණ අයන් දූපත් ආක්‍රමණය කිරීම. හැබැයි මෙහිදීත් පළමු මිනිසුන් වගේම ඇන්ඩල් වරුනුත් අයන්බෝන් මිනිසුන්ගේ සංස්කෘතියට හා ආගමට නැඹුරු වෙච්ච එක විශේෂ සිදුවීමක් විදියට සැලකෙනවා.

ආරම්භය – 6,000 BAL
අවසානය – 4,000 BAL
ස්ථානය – Neck කොටසට පහළ වෙස්ටරොස්.
ප්‍රතිඵලය – Neck කොටසට පහළ වෙස්ටරොස් සම්පූර්ණයෙන්ම යටත් කර ගැනීම.
– උතුර ආක්‍රමණයෙන් ආරක්ෂා වීම.
– ප්‍රාකාරයෙන් උතුරට පැන ගිය ස්වල්පය හැරුණු විට Children of the Forest සම්පූර්ණයෙන්ම වඳ වී යාම.

————-

Ghiscari Wars

100- Valyrian_Ghiscari_WarGhiscari යුද්ධ කියන්නේ ආසන්න වශයෙන් 5,000 BAL වගේ කාලෙක, වෙස්ටරොස් වලට පටු මුහුදෙන් එහා තියෙන එසොස් වල ඇතිවෙච්ච යුද්ධ මාලාවක්. ව්‍යාප්ත වෙමින් පැවති වැලේරියානු අධිරාජ්‍යයේ ව්‍යාප්තිය නතර කිරීමට පැරණි Ghiscari අධිරාජ්‍ය තීරණය කරනවා. වැලේරියානු අර්ධවීපය හා වහල් බොක්ක ප්‍රදේශ හරියේ Ghiscari හමුදා වලට සටන් කරන්න වුණේ වැලේරියානු මකරුන් එක්කයි. මේ හින්දා හැම සටනකින් ඔවුන් පැරදිලා පස් වෙනි හා අවසාන යුද්දෙදි වැලේරියානු හමුදාව විසින් Ghiscari අධිරාජ්‍යයේ අගනුවර Ghis වෙත පහර දීලා ඒක අලුකරල දාපු බව කියවෙනවා. කිසිම ජීවී දෙයක් එහි නැවතත් පැන නොනගින්න හින්දා ලුණු ඉස්ස බවත් අදටත් එම නගරය නටඹුන් නගරයක් විදියට පවතින බවත් කියවෙනවා.

ආරම්භය –
අවසානය – ~5,000 BAL
ස්ථානය – එසොස් මහාද්වීපයේ වැලේරියානු අර්ධවීපය හා වහල් බොක්ක.
ප්‍රතිඵලය – පැරණි Ghiscari අධිරාජ්‍යයේ විනාශය.
– වහල් බොක්ක ප්‍රදේශය යටත් කරගෙන වැලේරියානු කොලනි පිහිටවීම.

————-

Rhoynish Wars

100-Nymeria_Ten_Thousand_Shipsවැලේරියානු අධිරාජ්‍ය රොයින් ගඟ ආශ්‍රිත ප්‍රදේශ පහු කරලා රොයිනාර් ප්‍රදේශත් ආක්‍රමණය කරනන ගන්නවා. ඒ 700 BAL වගේ කාලෙකයි. ඉතින් මේ රොයින් ප්‍රදේශ වල රොයිනාර් වැසියන්ගේ නායිකාවක් වෙච්ච Nymeria නම් කුමරිය මේ මකරුන් එක්ක සටන් කරන්න බැරි බව තේරුම් අරගෙන, ඔවුන්ව වහල් කමට ගන්න කලින් යාත්‍රා 10,000 ක නැගල සමර් මුහුද තරණය කරලා වෙස්ටරොස් දිහාට එනවා. අවසානයේ ඔවුන් ගොඩ බහින්නේ ඩෝන් රාජ්‍යයටයි. ඔවුන් එහෙම ගොඩ බැස්සට පස්සෙ ආපහු කාටවත් එසොස් දිහාට යන්නවත් බැරිවෙන්න ආපු බෝට්ටු ඔක්කොම පිච්චුව බව කියවෙනවා.

ආරම්භය –
අවසානය – ~700 BAL
ස්ථානය – එසොස් මහාද්වීපයේ වර්තමාන නිදහස් නගර හා රොයින් ගඟ ආශ්‍රිත ප්‍රදේශවල.
ප්‍රතිඵලය – බටහිර එසොස් මහාද්වීපය වැලේරියානුවන් යටත් කරගැනීම.
– රොයිනාර් නගර විනාශය.
– රොයිනාර් වැසියන් ඩෝන් වෙත ගොඩ බැහීම.

————-

Nymeria’s War

100- Nymeria_and_Mors_Martellකලින් යුද්දෙදි ඩෝන් වෙත ගොඩ බැස්ස රොයිනාර් වැසියන්ගේ නායිකාවක් වෙච්ච නිමේරියා නම් කුමරියව මාටේල් වංශයේ මෝස් මාටෙල් නම් ප්‍රාදේශිය රජ ඇයව විවාහ කරගෙන එමඟින් හමුදා සන්ධානයක් හදාගන්නවා. ඊට පස්සෙ ඔවුන්ගේ හවුල් හමුදා ශක්තියෙන් ඔවුන් ඩෝන් ඉතිරි සුළු රජවරුන්ව පරදා ඩෝන් එක්සේසත් කරනවා. ඩෝන් වංශයේ සලකුණෙන් සංකේතවත් වෙන්නෙත් ඒ එකමුතුවයි. මෝස් මාටේල් ගේ රත්‍රං හෙල්ලය හා නිමේරියාගේ රත්‍ර හිරුයි. ඉතින් එදා ඉඳන් මේ සලකුණ භාවිතා කරනවා වගේම රයොනාර් සංස්කෘතිය අනුව යමින් තම පාලකයා රජ ලෙස නොව “කුමාරයා” ලෙස ඔවුන් හඳුන්වනවා. තවත් විශේෂ ලක්ෂණයක් තමා සත් රාජධානීයේ අනෙක් රාජධානී හයටම වඩා වෙනස් විදියට ලිංග භේදයක් නැතුව රජකම පවුලේ වැඩිමලා කාන්තාවක් නම් ඇයට හිමිවීම.

ආරම්භය –
අවසානය – ~700 BAL
ස්ථානය – වෙස්ටරොස් මහාද්වීපයේ ඩෝන් ප්‍රදේශය.
ප්‍රතිඵලය – ඩෝන් මාටේල් වංශය යටතේ එක්සේසත් වීම.
– ඩෝන් සංස්කෘතිය හා රොයිනාර් සංස්කෘතිය ඒකාබද්ධ වී වර්තමාන ඩෝන් සංස්කෘතීන් ඇතිවීම.

————-

Century of Blood

100- Century_of_Blood_Qohorරුධිර ශතවර්ෂය හෝ රක්ත අවුරුදු විදියට හැඳින්වෙන්නෙ බලගත වැලේරියානු අධිරාජ්‍යයේ පිරිහිමේ ආරම්භයයි. බලගතු වැලේරියානු අධිරාජ්‍යයේ හදවත බඳු නගරය විශාල ගිනිකඳු පිපිරීමකින් විනාශ වෙලා අළු වලට යට වෙනවා. (Doom of Valyria) ඔවුන්ගේ මකරුන්ගෙන් වැඩි ප්‍රමාණයක් එහිදි මිය යනවා. මේ විනාශයට ශතවර්ෂයකට විතර කලින් ටාගේරියන් කියන එක වැලේරියානු අධිරාජ්‍යයේ පවුලක් වෙස්ටරොස් වලට කිට්ටු ඩ්‍රැගන්ස්ටෝන් කියන දූපත අල්ලාගෙන එහි වෙලඳ මර්මස්ථානයක් කර එහි පදිංචියට එනවා. ඒ ගැන අපි ඊලඟ යුද්දෙදි වැඩිපුර කතා කරමු. ඉතින් මේ වැලේරියානු විනාශයෙන් පස්සෙ පොඩි පොඩි නගර එකිනෙකා යුද වදින්න ගන්නවා. මුලින්ම දැනට තියෙන නිදහස් නගර නවයෙන් බ්‍රාවෝස් ඇරෙන්න අනික් අටම එකිනෙකා යුද වදින්න ගන්නවා. කලින් ඔවුන් වැලේරියානු අධිරාජ්‍යයට අයිතිව තිබුණ ඒවා. එතකොට ඒ අධිරාජ්‍යයෙන් පැනල ගියපු වහලුන් විසින් හැංගිලා ඉන්න සාදාගෙන තිබ්බ තැනක් තමා බ්‍රාවෝස් කියන්නේ.

ඔය අතර මකරුන්ගේ තර්ජනයක් නැති නිසා ඩොත්‍රාකීවරුත් තම ව්‍යාප්තිය ආරම්භ කරනවා. ඉතා විනාශකාරී ලෙස සිදුවෙන මේ ආක්‍රමණයෙ කොටසක් විදියට Khal Temmo නම් ඩොත්‍රාකී නායකයා Qohor වෙතට පහර දෙන්න එනවා. මුල්ම දවසේ නගර බලකාය සමූල ඝාතනය කරන්න 20000 ක් වෙච්ච ඩොත්‍රාකි වරු සමත් වුණත් හැබැයි අවසාන මොහොතේ එන නිකලැල් හමුදාවේ 3000 ක් හින්දා හින්දා ඩොත්‍රාකී රැල්ල පහුබහිනවා. Battle of Qohor නම් මේ සටෙනෙන් නිකැළැල් හමුදාවෙන් 600 ක් ඉතුරු වෙද්දි ඩොත්‍රාකි හමුදාවෙන් ඉතුරු වෙන්නෙ 8000 ක් විතරක් කියනවා. ඔවුන්ගේ නායකයා හා පුතුණුවන් නිකැළැල් හමුදාව අතින් මිය යනවා.

ඊට පස්සෙ වොලන්ටිස් තීරණය කරනවා තමුන් යටතට අනික් හැම නගරයක්ම යටත් කරගන්න. මුලින්ම Lys සහ Myr කියන නගර දෙක පරම්පරා දෙකක් පුරාවට ඔවුන් අල්ලගෙන ඉන්නවා. ඊට පස්සෙ Tyrosh අල්ලගන්න ගිය වෙලාවෙදි Tyrosh නගරය පෙන්ටෝස් හා ඔවුන්ට ආසන්න වෙස්ටරොස් මහාද්වීපයේ උන්න ස්ටෝම් රජවරුන් එක්ක හවුලක් හදාගන්නවා. බ්‍රාවෝස් හමුදා ඛණ්ඩත් සක්‍රීය දායකත්වයක් සැපවූයේ නැතත් ආර්ථික හා ද්‍රව්‍යමය දායකත්වය දෙනවා. ඒ වගේම Lys හා Myr වල ඇතිවෙච්ච කැරලි හින්දා වගේම Qohor හා Norvos වල නැව් ගිනි ගැනීම් හින්දා රෙයොනාර් ගඟේ තිබ්බ පාලනයත් වොලන්ටිස්ලට අහිමි වෙනවා. මේ හින්දා වොලාන්ටිස් නගර උත්සහයත් අසමත් වෙනවා. හැබැයි මේ සටනේ තියෙන වැදගත්ම දේ තමා, එවකට තරුණ පළමු ඒගොන් ටාගේරියන් නම් පසුවට මහා ගොඩක් අපි කතා කරන කෙනා වොලන්ටිස් වලට විරුද්ධ පැත්තට එකතු වීම. වැලෙරියානු විනාශයෙන් පස්සෙ ලොවට ඉතුරු වුණ එකම මකරු තුන් දෙනා උන්නෙ ඔහු සතුවයි. (මතකයිනේ මම මේ සටන ගැන කියනන් ගත්ත වෙලාවේ කිව්වා වැලේරියානු විනාශයෙන් එකම එක පවුලක් බේරුණ බව.) ඔවුන්ගෙන් පැවත එන මේ ටාගේරියන්වරයාගෙන් වොලන්ටිස් උදව් ඉල්ලුවත් ඔහු එකතු වෙන්නෙ විරුද්ධ පැත්තටයි.

මේ යුද්ධ මාලාවෙන් පස්සෙ දැනට තියෙන නිදහස් නගර නවය හා වහල් බොක්ක ප්‍රදේශයේ ස්වාධීන නගර තුනක් ඇතිවීමේ අඩිතාලම වැටෙනවා.

ආරම්භය – ~ 400 BAL
අවසානය – ~ 10 BAL
ස්ථානය – එසොස් මහාද්වීපයේ නිදහස් නගර හා වහල් බොක්ක ප්‍රදේශය.
ප්‍රතිඵලය – වොලන්ටීස් හී පරාජය.
– නිදහස් නගර ඇතිවීම.
– එසොස් මහාද්වීපයේ බොහෝ නගර ඩොත්‍රාකි වරුන් විනාශ කර දැමීම.

————-

War of Conquest

100- War_of_Conquestටාගේරියන් ආක්‍රමණය කියන්නෙ වෙස්ටරොස් වල ඉතිහාසය අලුතෙන් ලියවිච්ච වැදගත්ම සිදුවීමක්. The Stormlands වල ස්ටෝම් රජවරුන් විසින් 360 BAL වලදී Riverlands ආක්‍රමණය කිරීමත් සමඟ වෙස්ටරොස් වල රාජධානි ගණන හතකට බහිනවා. එනම් උතුරු රාජධානිය, වේල් රාජධානිය, දූපත් හා ගංඟා රාජධානිය, රොක් රාජධානිය, රීච් රාජධානිය, ස්ටෝම් රාජධානිය හා ඩෝන් රාජ්‍යයයි. මම කලින් සටනෙදි කිව්ව වගේ, වැලේරියානු අධිරාජ්‍යයේ විනාශයට කලින් ටාගේරියන් කියන පවුලක් වොස්ටරොස් වල වෙස්ටරොස් වලට කිට්ටු ඩ්‍රැගන්ස්ටෝන් කියන දූපත අල්ලාගෙන එහි වෙළඳ මර්මස්ථානයක් කර එහි පදිංචියට එනවා. ඉතින් වැලේරියානු විනාශයෙන් පස්සෙ මකරු සියලු දෙනා මිය ගියත් ඒ පවුලේ අය සතුව මකරුන් තිදෙනෙක් රහසේ ඇතිදැඩි වුණා. මේ පවුලේ එවකට පාලකයා වෙච්ච ඒගොන් ටාගේරියන් තීරණය කරනවා වෙස්ටරොස් අල්ලන්න. අර දූපතේ ඉඳන් කුඩා හමුදාවක් හා රහසිගත ආයුධයත් සමඟ වෙස්ටරොස් ප්‍රධාන භූමියට පය තියනවා. ඒ ගොඩ බහින්නෙ රජතුමා ගොඩබැස්ස කියන තේරුම තියෙන කිංග්ස් ලෑන්ඩින් විදියට පසුව වෙනස් වෙච්ච ප්‍රදේශයේ තියෙන බ්ලැක්වෝටර් බොක්ක නම් බ්ලැක්වෝටර් රශ් කියන ගඟ මුහුදට වැටෙන ස්ථානයටයි.

ඊට පස්සෙ මුහුදට නෙරාගිය ස්ථානයක ලී බලකොටුවක් හදනවා. (දැන් එතෙන්ට කියන්නෙ රෙඩ් කීප් කියලා. එහෙ තමා දැන් රජු නැවතිලා ඉන්න මන්දීරය තියෙන්නේ.) දැන් මේ ප්‍රදේශය මම කලින් කිව්වා වගේ යටත් කරන් ඉන්නේ අයන්බෝන් මිනිසුනුයි. රිවර්ලෑන්ඩ් අල්ලා ගත් රජුගේ මුනුබුරා වූ හැරන් හෝර් විසින් මුළු දේශයේම තියෙන ශ්‍රේෂ්ඨතම බලකොටුව රිවර්ලෑන්ඩ් හී Gods Eye වැව ඉස්මත්තෙ ගොඩ නඟනවා. මේක හදල ඉවර වෙන දවසේ තමා ටාගේරියන් ආක්‍රමණය පටන් ගන්නෙ. 100- Burning_of_Harrenhalහැරන්ගේ දුෂ්ට කම හා ආඩම්බරකම නිසාම එහි යටත් වංශ බොහෝමයක් එඩ්මයින් ටලීගේ නායකත්වය යටතේ ඒගොන් ටාගේරියන්ගේ පැත්ත ගන්නවා. හැරන් හෙල් හී ශක්තිමත් ප්‍රාකාර වල ඕනෑම භූමි ප්‍රහාරයක් වැළැක්වීමට හැකියාව තිබුණත් ඒගොන්ගේ මකරුන් පියාඹාවිත් හැරන් රජුව හා ඔවුන්ගේ දරුවන්ව පණපිටින් පුළුස්සා දමා හෝර් වංශයේ අවසානය සනිටුහන් කරනු ලබනවා. කටකතා වලට අනුව හැරන් හා එම පුතුණුවන් තවමත් හැරන් හෙල් හී හොල්මන් කරන බව කියවෙනවා.

100 Orys_vs_Argilacඔය සටන ඔහොම වෙද්දි ඒගොන් ගේ අවජාතක අඩ සොහොයුරෙක් වෙච්ච ඕරිස් බැරැතියන් විසින් ස්ටෝම් රජුව පරදා එහි පාලනය භාර ගෙන බැරැතියන් වංශය පිහිටුවනවා. අපි ඒක කලින් සතියෙ කියෙව්වනේ.

100- Field_of_fireඑවකට ලැනිස්ටර් පාලක වෙච්ච ලෝරන් ලැනිස්ටර් විසින්, ගාඩ්නර් වංශයේ මර්න් ගාඩ්නර් එකතුව යුද්දෙට ගියත් Field of Fire නැමැති ඒ සටනේදී මේ හමුදා දෙකේ එකතුව 60,000 පමණ වූ බවත් එය ඒගොන් ගේ හමුදාව මෙන් පස්ගුනයක් වූ බව කියවෙනවා. හැබැයි ඒගොන් ගේ මකරුන් විසින් මුල්ම දවසේ මර්න් රජු ඇතුළුව 4,000 පුළුස්සා දමනු ලබනවා. ඊට පස්සෙ ලෝරන් ලැනිස්ටර් ඒගොන්ට දණ නමනවා. එතකොට ගඩ්නර් වංශයේ උප වංශයක් වූ ටයිරෙල් වංශයේ හාලන් විසින් හයිගාඩ්න් බලකොටුව ඒගොන් හට යටත් කර පරාජය බාරගන්නවා.

ඒ වගේම උතුරේ ස්ටාක්වරු හා ඇරන්වරුත් සටනට ගියත් සතුරාගේ ප්‍රබලත්වය දැකලා, රාජ්‍යතාන්ත්‍රික විදියට සාමාකාමීව යටත් වෙනවා. ඒ වගේම සත් ආගමේ නායක පූජකයාත් ටාගේරියන් වරුන්ට පක්ෂපාතීත්වය දැක්වීම නිසා ඉතුරු කැරලිත් යට යනවා.

හැබැයි මුළු වෙස්ටරොස් වල අනික් හැම කොටසක්ම යටත් කරගන්න ටාගේරියන් ආක්‍රමණය වෙලාවෙ පුළුවන් වුණත්, ඩෝන් එම හමුදාවටවත්, මකරුන්ටවත් යටත් කරගන්න බැරිවුණා. මොකද විශාල හමුදාවලුත්, ශක්තිමත් බලකොටුත් මකරුන් විනාශ කළත්, ඩෝන් හමුදාව අනුගමනය කළේ වෙනස් විදියක්. ඩෝන් හමුදාව කෙළින්ම යුද්ධයකට යනවා වෙනුවට ගරිල්ලා උපක්‍රම අනුගමනය කරලා, ටාගේරියන් හමුදාවට සුළු පහර එල්ල කිරීම්, මකරුන් එක තැනකට ගෙනියනකොට වෙනත් තැනක සැපයුම් මාර්ග අවහිර කිරීම් කරලා ආපහු මකරු එද්දි කාන්තාරයට අතුරු දහම් විම් වගේ උපක්‍රම නිසා ඔවුන්ව යටත් කරගන්න ටාගේරියන් ආක්‍රමණික රජුට හැකිවුණේ නෑ. ඒ වගේම ඩෝන් කාන්තාර වල අධික උෂ්ණත්වය විශාල හමුදාවකට නොගැලපෙන විදියට ඩෝන් වලට වාසිදායක වීම නිසාම ටාගේරියන් රජු තීරණය කරනවා ඩෝන් අත ඇරල ඉතුරු රාජධානි හය පාලනය කරන්න ගන්න.

මේ ආක්‍රමණය පටන් ගන්න හේතුවෙච්ච තව පොඩි පොඩි කාරණා ගැන කරුණු තිබ්බත් අපි ඒවා මඟ ඇරල කෙටියෙන් තමා ඔය විස්තර කිව්වෙ. ඒ වගේම මේ මකරුන් තුන් දෙනාව සමහර සටන් වලදි වෙන් වෙන්ව යැව්වා වගේම සමහර ඒවලිදි එකට සටන් වැදුණා. ඔවුන්ව මෙහෙව්වෙ ඒගොන් හා තම සහෝදරියන් වගේම බිරින්දෑ වරුන්ද වූ Rhaenys හා Visenya විසිනුයි.

අවුරුදු දෙකක් පමණ කාලයක් තිස්සෙ පැවති යුද්ධය මෙහෙම නිම කරලා වෙස්ටරොස් වල රජු විදියට පළමු ඒගොන් ටාගේරියන් යන නාමයෙන් ඔහු දිවුරුම් දෙනවා. මෙතෙක් කල් වෙන වෙනම පැවති රාජධානි හතෙන් හයක් එක රජෙක් යටතේ තියෙන රාජධානි බවට පත්වෙනවා. එදා සිට නව අවුරුදු ක්‍රමයක් හඳුන්වා දෙමින් එය 1 AL (Aegon’s Landing) ලෙස නම් කරන අතර තමන් ගොඩ බැහැපු භූමියේ කිංග්ස් ලෑන්ඩින් නගරය ගොඩනඟනවා. (වර්ෂ ක්‍රමය සමහර විටෙක AC (After Conquest) ලෙසත් හඳුන්වනවා.

ආරම්භය – 2 BAL
අවසානය – 1 AL
ස්ථානය – වෙස්ටරොස්.
ප්‍රතිඵලය – ස්වාධීන රාජධානි හතෙන් හයක් එක රජෙක් යටතේ තියෙන රාජධානි බවට පත්වීම.
– ටාගේරියන් රාජවංශය පිහිටවීම.
– බැරැතියන් වංශය පිහිටවීම.
– හෝර් හා ගාඩ්නර් වංශය අභාවයට යෑම.
– ටලී හා ටයිරෙල් වංශ දෙක ප්‍රධාන වංශ බවට පත් කිරීම.
– ග්‍රේජෝයි වංශයට අයන් දූපත් බල පාලනය බාර දීම.
– ඩෝන් ස්වාධීනව පැවතීම.

————-

හොඳයි එහෙනම් මේ වැදගත් සටනෙන් පස්සෙ ඉතුරු සටන් ගැන විස්තර ලබන සතිය තෙක් කල් දානවා. ඔයාලටත් කියවලා එපා වෙනවා ඇතිනෙ. එහෙනම් සෙස්ස පස්සට෴෴…

පසුබිම් විස්තර ලිපි.
1) අදාල භූමියේ සිතියම් සමඟ විස්තරය.
2) මේ වන තෙක් සම්පූර්ණ ඉතිහාස කතාව සරලව.
3) ඇදහීම් හා නයිට්වරු.
4) ප්‍රබල වංශවත් පවුල් – පළමු කොටස.
5) ප්‍රබල වංශවත් පවුල් – දෙවන කොටස.
6) ඓතිහාසික යුද්ධ හා කැරළි – පළමු කොටස.
7) ඓතිහාසික යුද්ධ හා කැරළි – දෙවන කොටස.
8) ඓතිහාසික යුද්ධ හා කැරළි – තෙවන කොටස.
9) තරිඳු සහෝගේ යූටියුබ් කුප්පි ටික.383

Game of Thrones (2011) on IMDb

 

 

Due to copyright issues, we do not provide any torrent links.

 

මේ ලබා දී ඇති සිංහල උපසිරැසි පිළිබද “රොයිලි ප්‍රනාන්දු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<< Previous Episode                      All Episodes                        Next Episode >>

83 thoughts on “Game of Thrones [S5E07 – The Gift] (18+) | තෑගි තෑගි තෑගි!!!!! [සිංහල උපසිරැසි සමඟ]

  • sub ekata thanks…….! good job..!

    Reply
  • පට්ට පට.පට. subtitles

    Reply
  • බොහොම ස්තූතියි සිංහල උපසිරැසියට………………..ජයවේවා………….!!!!!!!!!!!!!!!!!!!!

    Reply
  • උපසිරැසියට තුති…
    ඊළඟ උපසිරසියෙන් හමුවෙමු..
    ඔබට ජය

    #Hail_Hydra

    Reply
  • පිස්සු හැදෙනවා රොයිලි ….මාර story ක් මේක නම් ….කව්රු බැලුවේ නැතැත් එක්කෙනෙක් බලනවා මේ වටිනා ලිපි…ඒ ඇතිනේ ..අඩුම තරමේ දැන් දැන් GOT බලන අයත් වැඩි වෙලා …ඒ මදැයි …අපේ එවුන්ට quality දෙයක් තොරගන්නත් හරි අමාරුනේ …ඉස්සර කී දෙනාද sub එකවත් බාගෙන තිබුනේ ….thank you so much …… සිංහල type කරන්න අමාරුයි …හිතේ හැටියට comment එකක් දාන්න බැරි එකයි එකයි ….

    Reply
  • hutto subbb dpnkooo ikmntaaaaaaaaaaaa

    Reply
  • bohoma sthuthi upasirasiyata.jaya wewa !

    Reply
  • thaenkuu weawaa mea karanna wu upakaarayata.. jayen jaya weawaa bayiskop

    Reply
  • sub 1ට ස්තුතියි…….

    Reply
  • මුලින්ම සමාවෙන්න රොයිලි අයියේ, අදහස් දැක්වීමට මෙපමණ ප්‍රමාද වීම ගැන.
    සබ් එක පිලිබඳ වෙනදා මං ඉල්ලන උදව්ව ඉල්ලන්න මට අමතක උනා මෙන්ම ඔයාටත් එ ගැන අමතක වෙලා.
    කොහොම හරි දමැල් සහෝගේ පිහිටෙන් ඔයාගේ සබ් එක්ක කතාව බැලුවා.
    අද කොටස නම් සුපිරියටම තිබ්බා.
    මගේ ගොඩ කල් ආසාවක් ඉටුවෙන පෙරනිමිත්තක් පහල උනා.
    සර්සි අක්කාව සිර කිරීම තමා ඒ. ඒ තුලින් බර දඩුවමක් ලැබේවා කියලා මං ප්‍රාර්ථනා කොරනවා.
    අනිත් පැත්තෙන් තියෝන් මහම ගොන් වැඩම කරන එක තමා දුක. (ඒකට අවුලක් නෑ, තියෝන්ව  බේර ගන්න “ඉයුරෝන් ග්‍රෙජෝයි” සීසන් 6දී පැමිනෙනවා)
    අපේ සන්සා අක්කා දැන් බර අසරන වෙලා නේ.
    අපේ සෑම් කොළුවත් අසරන වෙලා ඉන්නේ.(සෑම් කොළුවා ගේ සහයට සීසන් 6 දී “රැන්ඩ්ල් ටාලී” ගේ සහය ලැබේවී)
    කලීසී අක්කා ටිරියන් කාරයාට මොන වගෙ සැලකිල්ලක් දක්වයිද දන්නේ නෑ නේ.
    ලබන සතිය වෙනකම් ඒකට බලන් ඉන්න ඕනේ නේ.

    සිංහල උපසිරැසියට ගොඩ ගොඩාක් ස්තූතියි රොයිලි අයියේ.!!!!
    දිගටම සබ් කරන්න අවැසි ශක්තිය හා කාලය ලැබේවා!!!!
    ජයෙන් ජයම වේවා!!
    එහෙනම් “Hardhome” කොටසින් හමුවෙමු .

    Reply
  • බොහොම ස්තූතියි සහෝ…..
    පුලුවන්නම් ආර්යා ගෙ Kill List එක පොඩ්ඩක් විස්තර කරන්න. පොතයි TV Series එකයි පැටලිල. පුලුවන්නම් පොටො කෑල්ලක් එක්කම දාන්න.
    ඔබට ජයෙන් ජය….

    Reply
  • ස්තුතියි සහෝ

    Reply
  • නියමයි රොයිලි අයියේ…
    ලිපියේ විස්තරේ මරු..
    අද කතාවේ නම the gift කියන්නේ ප්‍රකාරයට කෑම බීම සේවා සපයන ගමක් වුනාට කතාව බැලුවමයි තේරුනේ ටිරියන් ලැනිස්ටර් ටයි එහෙම කියන්නේ කියලා…..
    සබට තුති…
    එහෙනම් ලබන සදුදට හම්බවෙමු

    Reply
  • බොහොම ස්තූතියි සහෝ…..

    Reply
  • Good job. Thanks a lot.

    Reply
  • බොහෝම ස්තූතියි සහො සබට….

    Reply
  • බොහෝම ස්තූතියි සහො සබට…….. ඔබ සැමට ජයෙන් ජය:::…

    Reply
  • Supiri macho….wisthareth ekka dana nisa supiri dagatama karagena yamu

    ත‍ෙරුවන් සරණයි….
    ජය වේවා !! 😀 😀

    Reply
  • බොහොම තුති උපසිරැසි වලට

    Reply
  • සුපිරිම සුපිරි රොයිලි අයියේ හොඳේ….
    මේ විස්තරේ නම් කියලම වැඩක් නැහැ…
    ඒත් රොයිලි අයියේ දැන් කොටස් 6 ක් ඇවිල්ලත් කිසිම ගැම්මක් නැහැ නොවැ කතාවේ…
    කලින් සීසන් එක තරම් නම් මට තවම මේක අල්ලලා ගියේ නැහැ..
    අනේ මංදා මට පේන හැටිද කියලත්…
    කාරී නැහැ..තව කොටස් 4 ක් තියේ නේ අද කොටහත් එක්කම..
    බලමුකෝ මොන දෙයක් වෙයිද කියලා.
    ජය වේවා!!

    Reply
  • තෑන්ක් යු රෝය්ලි අය්යේ…..

    Reply
  • ස්තුතියි රොයිලි,ඔබේ විස්තරය හරිම වටිනවා.ජය වේවා

    Reply
  • බොහෝම ස්තූතියි සහො සබට!!!! ELA

    Reply
  • thank you very much roily aiyye…. ela meda parath jayatama lipiya dila thiyenne….. bohoma pin…

    Reply
  • නියමයි සහෝ… හැමදාමත් එනකම් මග බලන් ඉන්නෙ.සබටබොහොමස්තූතියි. ඒ වගේම ඉතිහාස පාඩමටත් බොහොමස්තූතියි. ජයෙන් ජය.

    Reply
  • godak isthuthi wethareta.

    Reply
  • Thank for the details given bro . Keep up your great work . Cheers !!!!

    Reply
  • එලකිරි!!
    බොහොම ස්තූතියි…

    Reply
  • Niyama article 1 Bro. Sub1ta thanks.

    Reply
  • Thanx yaluwa hoda wistharayk ! Kiyawima minisa sampurna karanawane oya hoda awabodayen meka karala thynawa !

    Reply
  • බොහොම ස්තුතියි අයියේ මේ බලලා ආවේ 😀 අද කොටස නම් නියමයි ඒත් කතාවේ ආසම චරිතයක් සමුගත්ත එක නම් දුකයි 🙁 ලිපියටත් බොහොම ස්තුතියි !!

    Reply
  • thanks niyamaiii//////////

    Reply
  • දෙන්නෙ කොයි වෙලාවෙද කියල බලන් ඉන්නෙ.
    ඔෆිස් ආපු ගමන් බාන්න දැම්ම.
    අදම බලන්න ඕනි කොහොම හරි.
    නියමයි රොයිලියෝ.
    ජයවේවා.බොහෝ……………………………………………………………….ම ස්තූතියි…!

    Reply
  • බොහොම ස්තුතියි උපසිරසියට…………

    Reply
  • sub ekata thanx aaaaaaaaaaaaaa

    Reply
  • ස්තුතියි සහෝ පොඩි ස්ටාර්ක් දෙන්නා ගැන කිව්වට………

    Reply
  • Ela ela. Game of throne kiyanne pothak witharamada? nathnam ithihasayata mokaka hari sambandayak thiyanawada? tikakak wisthara karala dennako. mama wisthara okkoma baluwa. ekata uththrayak hamba une naha. pothaknam BAL walata kalin idanma pothe katawa patangena thiyanawada?

    Reply
  • pattai sahooo..ikmnta sub dunnata thnkss sahoo..jaya wewa..

    Reply
  • Saho ‘Olympus’ series ekath dendakoooooooooooo

    Reply
  • Thanks Saho…………….

    Reply
  • Tanks Saho…………….

    Reply
  • bohoma sthuthi sahooo degatama karagena yamoo

    Reply
  • elzzzzzz.story 1ta godak thank u….

    Reply
  • මෙච්චර විස්තර රොයිලි අයියා කොහෙන් හොයා ගන්නවද මන්දා………..ඉක්මනටම සබ් එක ගේනවට බොහෝම ස්තුතියි.මේකෙත් දැන් කතා 7 ක් ගිහින් කියලා දැනුනෙවත් නෑ.ඉක්මනටම ඉවර වෙයි.දුකේ බෑ……………..

    Reply
  • බොහෝම ස්තූතියි සහො සබට ….ඔබ සැමට ජයෙන් ජය..!

    Reply
  • thanks roily ayye. niyamai

    Reply
  • නියමයි

    Reply
  • ඒල නියමයි

    Reply
  • Thanx aiyeee……!!! Sub daannna wena mahansiyata. (Y) Great….!!!

    Reply
  • appeeeeeeeee udema nagitte meka balnnami
    thank u ayyaaaaaaaaaa

    Reply
  • තෑන්ක් යු රෝය්ලි අය්යේ…..

    Reply
  • thanks saho………….

    Reply
  • මම අද 1 දෙනකම් බල බල හිටියේ
    තෑන්ක්යු වේවා ඉතිහාස පාඩමටත් 🙂 🙂

    Reply
    • ඇත්තටම කොහෙන්ද අප්පා මෙච්චර විස්තර හොයා ගන්නෙ ?
      wikipedia එකෙන්ද? කොහෙන් උනත් අද ලිපියත් මරු.
      සබ් එකටයි ලිපියටයි ගොඩක් ස්තුතියි සහෝ. 😉
      ජය වේවා. ! 😀

      Reply
      • නියමයි…
        ගොඩාක් මහන්සි වෙලා තියනවා.
        ලස්සනට ලිපිය ගලපලා තියනවා.
        උපසිරසියට බොහෝම ස්තූතියි රොයිලි අයියේ…
        ජය වේවා…
        😀

        Reply

Leave a Reply to sam Cancel reply

Your email address will not be published. Required fields are marked *