Gangs of Wasseypur II (2012) | වාසෙයිපූර් මැර සේනා, 2 කොටස [සිංහල උපසිරැසි සමඟ]

මුලින්ම දෙවැනි කොටසට උපැසිරස ගැන්වීමට ප්‍රමාද වීම ගැන සමාව අයැද සිටිනවා. පළමු නිර්මානය පැසසීමට ලක් කළ දෙවැනි කොටසටත් සබ් ලබා දෙන ලෙස අරාධනා කළ සියල්ලන්ටම ස්තූතිවන්ත වෙනවා. පළමු නිර්මානයේ අඩුපාඩු තියෙන්න ඇති, එහෙත් ඒ තුළින් ලැබු අත්දැකිම් මඟින් දෙවැන්න ප්‍රශස්ථ අයුරින් ඉදිරිපත් කිරීමට හැකි වුණා කියලා හිතනවා.

“Gangs of Wasseypur 2” අධ්‍යක්ෂණය කරන්නේ සම්මානනීය, ආන්දෝලාත්මක අධ්‍යක්ෂකවරයෙක් වන අනුරාග් කාශ්යප් (Anurag Kashyap) විසින්. Black Friday (2004), No Smoking (2007), Dev D (2009), Gulal (2009), The girl in yellow boots (2011) චිත්‍රපටි අධ්‍යක්ෂණය මෙන්ම ජාතික සම්මානලාභී Satya හා ඇකඩමි සම්මානලාභී Water යන චිත්‍රපට වල තිර රචනය ද කාශ්යප්ගේ. IMDb Ratings 8.1ක් තරම් ඉහල අගයක් ලබා ගන්නා මෙම චිත්‍රපටිය Asia Pacific Film Festival, Cannes Director’s Fortnight යන සිනමා උළෙල වලදී ඇගයීමට පාත්‍ර වුණා.

පළමු කොටස අවසාන වෙන්නේ බොහොම කුතුහලය දන්වන සිදු වීමකින්, එනම් සර්දාර් ඛාන් [Manoj Bajpay]මරණයට පත් වීමෙන්. ඉන්පසු ඔහුගේ වැඩිමහල් පුතා ධනීශ් ඔහුගේ තැන ගන්නවා. එහෙත් ඔහුගේ පියාගේ මරණයට වන්දිය ගැනීමට ඔහුට හැකි වන්නේ නැහැ. උසාවිය ඉදිරි පිට ඔහුව වෙඩි තබා ඝාතනය කරනු ලබනවා. ඊට පස්සේ කරළියට එන්නේ කුඩා කාලයේ පටන්ම මත්ද්‍රව්‍ය වලට ඇබ්බහි වී සිටින නිතටම මත් වූ දෙනෙත් තියෙන ෆයිසල් ඛාන්. ඔහුගේ මිත්‍රයා ෆස්ලු තමයි සර්දාර්ව මරන්න ඔත්තුව දෙන්නේ. ෆයිසල් මෙහෙයුම පටන් ගන්නේ ෆස්ලුගේ හිස කපලා ඔහුගේ ගෙදර එල්ලීමෙන්. මේ දරුණු මිනී මැරීම ත් සමඟ ෆයිසල්ට බිහිසුණු ප්‍රතිරූපයක් ගොඩ නැගෙනවා. කෙමෙන් ඔහු වාසෙයිපූර්හි සර්දාර්ගේ තැන හිමි කර ගන්නවාත් සමඟම ධන්බාද්හි මාෆියා රජු බවටත් පත් වෙනවා

මේ ෆයිසල් ඛාන් කියන චරිතය කරන්නේ Nawazuddin Siddiqui. ඔහු New York [2009], Kahaani [2012], Talaash [2012] වැනි සිනමාපට වළ වැදගත් චරිත නිරූපණය කලා. ඒ අතරින් Talaash [2012] චරිතය සඳහා හොඳම සහය නළුවා සම්මානය හිමි වුණා. පසු ගිය 2013 Cannes Film Festival හි ඔහු රංගනයෙන් දායක වූ සිනමා සිත්තම් කිහිපයක්ම ඉන්දියාව නියෝජනය කෙරුණා. චිත්‍රපටය තුළ Richa chadda, Reema sen, Piyush Mishra, Jameel Khan, Vineet Singh, Pankaj Tripathi, Zeishan Quadri, Adithya Kumar, Tigmanshu Dhulia යන රංගනවේදීන් විශිෂ්ඨ ලෙස තම චරිතය පණ ගන්වලා තිබෙනවා. මේ සිනමා සිත්තම නරඹන්න කියලා බයිස්කෝප් රසිකයන්ට ආරාධනා කරමින් සමු ගන්නම්.

මෙම උපසිරසි BR සහ DVD පිටපත් සඳහා ලබා දී ඇත.

මේ ලබා දී ඇති සිංහල උපසිරැසි පිළිබද “හිරුෂාන් ෆර්නෑන්ඩු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.