Gippi (2013) | මමත් හොඳ වැඩ්ඩෙක් තමයි [සිංහල උපසිරැසි සමඟ]

ඔන්න යහලුවනේ නැවතත් හින්දි බයිස්කෝප් එකක් ඇරන් මම ආවා .මෙදා පොටේ මම ඇරන් ආවේ Karan Johar ගේ නවතම සිනමා පටයයි ..කතාව,තිර රචනය ,සහ අධ්‍යක්ෂණය යන තුනම Sonam Nair ගෙන් සංකලනය වුත්,,ගායනය අතින් Udit Narayan , Sukhwinder Singh,වැනි අය දායක වූත් අපූර්වතම සිනමා නිර්මාණයකි .අපේ විකී සහෝදරයාගේ පුර්ව දැණුවත් වීමක් සහිතව නැරඹූ මේ සලරුව පොඩ්ඩක් පොඩ්ඩක් අමුතු ආකාරයේ එකක් කියල දැනෙන්න එච්චර වෙලාවක් ගියේ නෑ . Comedy | Drama ගණයට දාන්න පුලුවන් මේ සලරුව අපේ පුංචි ළමා ලෝකය වටා තමා සැරිසරන්නේ

”අපොයි එහෙනම් බලලා වැඩක් නෑ “කියලා ඔයගොල්ලන්ට හිතෙන්න පුලුවන්. ප්හ්හ් ඒත් මේකෙ ඉන්න නංගිලාගේ වැඩ දැක්කම තනි ඇහැට ඇඩෙනවා. මේකේ ඉන්නෙ 16+වත් නැති පුංචි සෙට් එකක්. ගිප්පි කියලා ගැහැණු ළමයෙක් වටා තමයි මේක පැය එක හමාරකට අධික කාලයක් දුවන්නෙ. යොවුන් විය ආරම්භ අවදියේ පුංචි මනසට දැනෙන ආදරය, විරහව, දුක, අත්දැකීම්, මේ සියල්ලක්ම කැටිකොට හාස්‍ය රසය උත්පාදනය වෙන අයුරින් මේ සලරුව ගොඩනඟා තියෙනවා. කම්මැලිකමකින් තොරව, අවසානය තෙක්ම බලන්න පුලුවන් එකක්. හැමදාම වගේ අපි බලන්නේ කපාගන්න, කොටාගන්න, වෙඩිතියාගන්න ඒවානොවැ. ඒවා බලලා මේ වගේ එකක් බලපුවම හරියටම වැස්සක් වැහැල පෑව්වා වගේ. එහෙනම් ඉතින් වැඩි කයිවාරු නැතුව කතාවට යන්නම්කෝ…

මම කලින් කීවා වගේ මේක ගිප්පි කියල ගැහැණු ළමයෙක් මූලික කරගෙන තමයි ගොඩනගලා තියෙන්නෙ. වයස අවුරුදු 14 ක් වෙන මේ ගිප්පි තමන්ගේ වයසට වඩා ටිකක් වැඩිලා. ඒ කියන්නෙ ටිකක් මහතයි. මෙයා එයාගේ අම්මයි, මල්ලි බුබූයි එක්ක තම ජීවත් වෙන්නෙ. ඉතින් අඩුව මොකක්ද කියල තේරෙනවනේ. ඒ අඩුවත් යම් යම් තැන් වලින් කතාව ගොඩනඟන්න දායක වෙනවා. මේ ගිප්පිට කොහොමද තමන්ගේ කය, මනස සහ සමාජය පාලනය කරන්නෙ කියල දැනීමක් නෑ. ඒ නිසාමද මන්ද ඇය ගොඩාක් දෙනාගේ හිනාවට ලක් වෙනවා. ඒ වගේම තමා ඇයගේ හොඳම යහලුවා අන්චල්. මේ දෙන්නම අනිත් අයගෙන් කොන් වෙලා පැත්තකට වෙලා ඉන්න දෙන්නෙක්. අනිත් කතාවන් වල වගේම මේකෙත් ගිප්පිගේ තරහා කාරයා තමයි සමීරා කියල ගැහැණු ළමයෙක්. සමීරා ගිප්පිට වඩා හැම දේටම දක්ශයි. මෙයාලගේ ඉස්කෝලෙට අලුතින් එනවා කබීර් කියල පිරිම් ළමයෙක්. ආපු ගමන්ම සමීරා මෙයාව අල්ලගන්නවා. තේරෙනවනේ ඉතින් ? ටිකක් කල් යනකොට කබීර් ගිප්පිට ඇගෑලුම් පාන බවක් පේනවා. ඒත් ඔහු සමීරාත් එක්ක ඉන්න නිසා ගිප්පි ඔහුව ගනන් ගන්නේ නෑ. මේ අතරතුර තමයි ගිප්පිට අර්ජුන්ව මුනගැහැන්නේ. කාලයාගේ ඇවෑමෙන් ගිප්පි ඔහුට ආදරේ කරන්න පටන් ගන්නවා. අර්ජුන් කියන්නෙ ගිප්පිට වඩා ටිකක් වැඩිමල් කොල්ලෙක්. ඒත් එක්කම පාසලේ සිසු නායිකාව තෝරන චන්දයක් තියෙනවා. මේකට ගිප්පි සහ සමීරා අපේක්ෂකයන් ලෙස ඉදිරිපත් වෙනවා.. ඉතින් මේ ගිප්පිගේ ආදරේ සාර්ථක වෙයිද ?කවුරු චන්දෙන් දිනයිද ? කියල ඔයාලම හොයා ගන්නකෝ. ඒ වගේම මේකේ ශම්මි කපූර්ගේ ඩාන්ස් දාන්න මේ ගිප්පි සහ ඇයගේ සහෝදරයා හරිම දක්ශයි. ඒ නැටුම් සහ මේ පාසලේ ඉන්න ගුරුවරුන්ගේ කතා එහෙම අහපුවාම හිනා කාලාම මැරෙනවා… ඔයාලත් එහෙනම් හොදට හිනාවෙන්නකෝ…

එහෙනම් තවත් බයිස්කෝප් එකක උපසිරැසි අරගෙන එනකම් හැමෝටම ජය වේවා!!!

මේ ලබා දී ඇති සිංහල උපසිරැසි පිළිබද “චතුර මදුසංක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.