Gremlins (1984) Sinhala Subtitles | ග්‍රෙම්ලිනයෝ [සිංහල උපසිරසි සමඟ]

ඔයා ඉංග්‍රීසි චිත්‍රපටි බලන්න හුරු වුන කෙනෙක් නම් Joe Dante, Chris Columbus, Steven Spielberg කියන සිනමා ලෝකේ නම් දැරූ අධ්‍යක්ෂකවරු ගැන අහලා නැති වෙන්න බෑ. ඔව්, Steven Spielberg තමයි අතිශය ජනප්‍රිය ජුරාසික් පාක්, ඉන්ඩියානා ‌ජෝන්ස් වැනි චිත්‍රපටි අධ්‍යක්ෂණය කළේ. ඒ වගේම Chris Columbus තමයි Harry Potter පළමු හා දෙවන චිත්‍රපට, Pixels(2015) Percy Jackson පළමු චිත්‍රපටය ව‌ගේ තවත් දැවැන්ත චිත්‍රපට අධ්‍යක්ෂණය කළේ. ඒ ව‌ගේම Joe Dante තමයි Small Soldiers(1998), Innerspace(1987), The Howling(1981) වගේ ජනප්‍රිය චිත්‍රපටි ලෝකෙට දායාද කළේ. ඉතින් ඔයාලා කැමති නැද්ද සිනමාවේ මෙන්න මේ දැවැන්තයො තුකන් දෙනා‌ගෙ එකතුවෙන් හදපු මේ Gremlins (1984) චිත්‍රපටය බලන්න? මං හිතන්නේ චිත්‍රපටිවල නිකුත් වුන වුරුද්ද හොය හොය චිත්‍රපටි බලන අය ඇරුණම අනිත් කවුරුවත් අකමැති වෙන එකක් නෑ.  මනාප 194,937 කින් IMDB අගය 7.3 ක් දිනාගත්ත මේ චිත්‍රපටයේ අධ්‍යක්ෂණය Joe Dante ගෙන්. කතාව ලියලා තියෙන්නේ Chris Columbus. නිෂ්පාදනය Steven Spielberg ඇතුළු තවත් කිහිප දෙනෙක්ගෙන්. ඒ වගේම Zach Galligan, Phoebe Cates, Hoyt Axton වගේ අය රංගන දායකත්වය දීලා තියෙන මේ චිත්‍රපටය අයත් වෙන්නේ Comedy, Horror, Fantacy කියන තේමා යටතට.

කතාවෙ වෙන දේ චුට්ටක් කියනව නම් රෑන්ඩ් පෙල්ට්සර් එයාගෙ පුතාට චයිනාටවුන් වලින් හොයාගත්ත අමුතු හුරතලෙක්ව ගිහින් දෙනවා. ඒත් ඒ හුරතලාව බලාගන්න අය නීති 3 කට යටත් වෙන්න ඕනි. ඒ තමයි එයාව ආලෝකයෙන් ඈත් කරලා තියන්න ඕනි, වතුරෙන් ඈත් කරලා තියන්න ඕනි සහ රෑ 12 පහු වුනාට පස්සෙ මේ හුරතලාට කෑම දෙන්න බෑ. මෙහෙම නීති තුනක් දාලා තියෙන්නෙ නිකන් නෙමෙයිනේ. ලොකු හේතුවක් ඇතුව. ඔතනින් එහාට වෙන දේ බලන එක ඔයාලට බාරයි.

ඒ ව‌‌ගේම මේ චිත්‍රපටියේ එන Gremlin කියන සංකල්පය ගැන අන්තර්ජාලේ විස්තර හොයද්දි මට හම්බුන දේ තමයි ලෝක යුද්ධ කාලවලදි ප්ලේන් ඇතුලේ තියෙන වයර්, පරිපථ වගේ දේවල් විනාශ කරලා ප්ලේන් බිමට වට්ටන්න හේතු වුන අද්භූත ජීවීන් වර්ගයක් කියලයි කියන්නේ. ඒ වගේම කතාවට අනුව නම් Gremlin කෙනෙක් වෙන්න පෙර අවධිය තමයි Mogwai කියන්නේ. මේ කතාවෙ එන හුරතලා ගිස්මෝ කියන්නෙත් මොග්වායි කෙනෙක්. එයාගෙන් තමයි Gremlins ලව බිහි වෙන්නේ. ඒ කොහොමද කියලා ඔයාලට ෆිල්ම් එකෙන් බලාගන්න පුළුවන් වෙයි. කතාවෙ එහෙම තිබුනත් චීන සම්ප්‍රදායට අනුව මොග්වායි කියන්නේ මිනිස්සුන්ට කරදර කරන්නම බලන් ඉන්න යක්ෂ බලවේගයක් වගේ එකක්. ඒ වුනත් ෆිල්ම් එකේ මොග්වායි කියන්නේ අහිංසකයෙක්. ග්‍රෙම්ලින්ස්ලා තමයි මිනිස්සුන්ට මාරක විහිළු කරන්නේ. ඒ වුනත් මේ ජීවීන්‌‌ගේ ප්‍රජනනය ගැන චීන සම්ප්‍රදායේ එන විදිහයි, ෆිල්ම් එකේ තියෙන විදිහයි ‌ගොඩක් දුරටම සමානයි. ඉතිං මේ සංකල්ප එකිනෙකට මොන තරම් දුරට සම්බන්ධද කියන්න නම් මං දන්නෑ. දන්න කෙනෙක් ඉන්නව නම් මටත් කියන්න. එහෙනම් Gremlins දෙවෙනි චිත්‍රපටිය Gremlins:The New Batch (1990) චිත්‍රපටයෙන් හමුවීමේ බලාපොරොත්තුවෙන් මං සමුගන්නවා.

ඒ ව‌‌ගේම කියන්න ඕනි එන්න එන්නම සබ් වලට කමෙන්ට් වැටෙන ප්‍රමාණය නම් අඩු වෙනවා. ඒ හින්දම දැන් සබ් කළත් ගොඩක් දුරටම ඉස්සර වගේ ආසාවකින් නෙමෙයි කරන්නේ. මේ කරන දේ ගැන හිතට සතුටකුත් දැනෙන්නෙ ඔයාලගෙ කමෙන්ට්ස් බලද්දි. කමෙන්ට්ස් වැඩිය ලැබෙන්නැත්නම් දවස් දෙක තුනක් මහන්සි වෙලා මේ කන කට්ට තේරුමක් නෑනේ. එහෙනම් හැමෝටම ජය වේවා!

Due to copyright issues, we do not provide any torrent link.

මෙම ලබා දී ඇති උපසිරසි BR  පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “සොහාන් ජයසූරිය” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

SILVER MEMBER
JOINING DATE – 2014-09-01
SUBMAKER RATING BY ADMINS