Harry Potter and the Prisoner of Azkaban (2004) Sinhala Subtitles | අස්කබාන්හි සිරකරු..! [සිංහල උපසිරැසි සමඟ]

ආයුබෝවන්..!

බයිස්කෝප් වලට හුරු වුණු, හැරී පෝටර් බලපු නැති 80, 90, 2000 කාල සීමා වල අය නම් හොයාගන්න එක ටිකක් අමාරු වෙයි. කොහොමහරි ඉතිං මේක ඉතිං බැලුව කියල ආයෙ ආයෙ බලන්න බැරි එකක් නෙවෙයිනෙ. මම මේ ටික බලපු තරම කිව්වොත් සමහර දෙබස් කට පාඩම්. ඒත් ඉතිං ආයෙ බලන්න හිතුණොත් ආයෙත් මුල ඉඳලම බලනව. ඉතිං ඔන්න ඔහොම හිතෙන කට්ටියට තමයි මේ යාවත්කාලීන කරපු අලුත් සබ් එක අරගෙන එන්නෙ. එහෙනම් හැමෝම දන්නව වුණත්, තව පරම්පරා දෙකකින් හරි අලුතෙන් හැරී පොටර් බලන කෙනෙකුට ඒ කාලෙ වෙනකොට විස්තර මොකුත් මඟ නොහැරෙන්න ඔන්න මම ලිපියකුත් දෙන්නයි යන්නෙ.

J.K රෝලිං මේ නම අපි හැමෝටම “හැරී පෝටර්” කියන නම් තරම්ම හුරු වචනයක්. ඇය තමයි මේ අපූරු කතා මාලාවේ නිර්මාතෘවරිය වෙන්නෙ. ඇත්තටම ඇය තමයි කතා මාලාවේ කතුවරිය. ඉතිං මේ කතා පොත් පෙළ අපූරු විදියට චිත්‍රපටි වලට පෙරළෙනකොට පොත් පෙළ වැළඳගත්තා වගේම චිත්‍රපට පෙළත් වැළඳගත්ත. ඉතිං IMDb මීටරයේ මේ වෙනකොට, මනාපයන් 520,314ක් ලබාගෙන, 7.9/10 සාමාන්‍ය අගයක් ලබාගෙන තියෙනව. ඒ විතරක් නෙවෙයි ඔස්කා සම්මාන දෙකකට නිර්දේශ වෙලා තියෙන, මීට අමතරව විවිධ සම්මාන ප්‍රදර්ශන ගණනාවක දී සම්මාන 17 දිනා ගෙන ඇති, තවත් සම්මාන 51ක් සඳහා නිර්දේශයන් ලබාගෙන තියෙන මේ සිනමා කෘතිය එසේ මෙසේ එකක් නම් නෙවෙයි. පුද්ගලිකව හැරී පෝටර් කතා මාලාවේ මම කැමති චිත්‍රපටිය තමයි Harry Potter and the Prisoner of Azkaban (2004) කියන්නෙ. තව ආරංචියක් තියෙනව ඉතිං කාගෙත් ආදරයට පත් වුණු “හර්මයිනි” නැත්තං “එමා වොට්සන්” පවා මේ චිත්‍රපට පෙළේ ආසම චිත්‍රපටිය මේක කියල. ඒක ඉතිං අරුමයක් නෙවෙයි, මොකද මුළු කතාව පුරාම මේකෙ ප්‍රධානම චරිතය වෙන්නෙ හර්මයිනිමයි.

කතාව පැත්තට පොඩ්ඩක් හැරිල බැලුවොත්, මේ කතාව ගලාගෙන යන්නෙ අස්කබාන් සිර මැදිරියෙන් පැනගත්ත සිරසිරකරුවෙක් වටා. නමින් ඔහු “සිරියස් බ්ලැක්.” සිරියස් කියන්නෙ හැරීගෙ අම්මයි තාත්තයි, ඒ කියන්නෙ ලිලී සහ ජේම්ස් පොටර් දෙදෙනා මරා දාන්න වෝල්ඩමෝට් හට උදව් කරපු කෙනා කියල තමයි හැමෝම දන්නෙ. ඉතිං හැරීගෙ දෙමාපියන් මරා දැම්මට හැරී මැරෙන්නෙ නැති නිසා පටන් ගත්ත දේ ඉවර කරන්න හිතාගෙන, හැරීව මරා දමන්න තමයි සිරියස් මේ ඇවිල්ල ඉන්නෙ කියල මුලදිම අපිට දැනගන්න ලැබෙනව. මේ හේතුව නිසා හොග්වෝට්ස් මායා පාසලට භූතාරක්ෂකයන් යොදව මැජික් කටයුතු අමාත්‍යංශය කටයුතු කරනව. ඉතිං මේ භූතාරක්ෂකයන් නිසා හැරීට සෑහෙන කරදර වෙනව. ඒ වගේම කතාව මැදට යනකොට අපිට දැනගන්න ලැබෙනව හැරීගෙ දෙමාපියන් පාවා දෙන්නෙ සිරියස් නෙවෙයි, පීටර් පැටිගෲ කියන, සිරියස්ලගෙ පාසල් කාලෙ යාළුවෙක් කියල. සිරියස් ඇවිල්ල ඉන්නෙ ඔහුව මරා දමන්න කියල. මේ කටයුත්ත මෙහෙම වෙන අතරෙ තමයි රේමුස් ලූපින් නැත්තං මහාචාර්ය ලූපින් සම්බන්ධව ලොකු රහසක් එළි වෙන්නෙ. මේ සිදුවීම එක්ක මුළු කතාවම කණපිට හැරෙනව. ඔක්කොම කිව්වොත් හොඳ නෑනෙ නේද? අලුතෙන් බලන කෙනෙකුට ස්පොයිල් වෙනවනෙ. කුතුහලය නැති වෙනවනෙ. ඔන්න එහෙනම් මේ තියෙන්නෙ හැරී පෝටර් කතා මාලාවේ ඔබ වඩාත්ම කැමති වෙන කොටස වෙන්න පුළුවන්. ඉතිං ආරාධනා කරනව මේ විතරක් නෙවෙයි, හැරී පෝටර් කතා මාලාවේ පොත් පෙළත් රස විඳින්න කියල. මොකද ඒ රසයන් දෙක රස දෙකක්. එකම කතාව දෙවිදියකට විඳින්න ඒක හොඳ අවස්ථාවක්. කියවීම කියන්නෙ තමන් කැමති චරිත එක්ක ජීවත් වෙන්න ලැබෙන අවස්ථාවක්. එහෙනම් ඉතිං ආයෙත් උපසිරැසියක් අරන් එන්නම්. එතෙක් ඔබට ජය වේවා..!

Due to copyright issues, we do not provide any torrent links.

මෙම ලබා දී ඇති උපසිරසි BR / REMASTERED BR පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “උදයංග සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2017-07-03
SUBMAKER RATING BY ADMINS