Hellboy (2004) | ආපායෙන් ආ ආරක්ෂකයා [සිංහල උපසිරැසි සමඟ]

නාසින් යුද්ධය සඳහා ලෝකයට පිටතින් උදව් උපකාර ලබාගත් බව කියවෙනවා. දවසක් ආචාර්ය බෘම් සහ ඇමරිකානු සොල්දාදුවො කරන වැටලීමකදි ලෝකයට පිටින් ආව හෙල් බෝයි දරුවව හොයාගන්නවා. ආචාර්ය බෘම් මේ දරුවව හදාගන්නවා. එයා ලොකු මහත් වුනාට පස්සෙ අසීමිත ශක්තියක් තියෙන කෙනෙක් බවට පත්වෙනවා. එයා කරන්නෙ එෆ්.බී.අයි. එකත් එක්ක එකතු වෙලා මේ ලෝකයට පිටින් පැමිණෙන ආක්‍රමණ වලින් ලෝකය බේර ගන්න උත්සහ කරන එක. හැබැයි එයා ක්‍රියාත්මක වෙන්නෙ ලෝකයට රහසින්. එත් සමහර අවස්ථාවල මෙයා ගැන හෙලි වෙනවා. ආචාර්ය බෘම් මාරාන්තිය අසනීපයකින් පෙලෙනවා. ඉතින් හෙල්බෝයිව රැක බලාගන්න බෘම් නිර්දේශ කරන්නෙ ජෝන් මායර් කියන තරුණ එෆ්.බී.අයි නිළධාරියව. ඒත් හෙල් බෝයිගෙ එයා ගැන ඒ තරම් මනාපයක් නෑ. ඒකට ගොඩක්ම හේතුවෙන්නෙ එයා ආදරය කරන එළිසබත් ශර්මන්ට මායර් ලංවෙන එක. ඔය අතරෙ රුසියානුවො කාලයකට ඉහත ආචාර්ය බෘම් සහ ඇමරිකන් සොල්දාදුවො නිසා බිඳවැටුන ඔවුන්ගෙ ක්‍රියාදාමය සාක්ෂාත් කරගන්න උත්සහ කරනවා. ඔවුන් නැවතත් බාහිර බලවේග උපකාරි කරගෙන මේ ලෝකය විනාශ කරන්න සැරසෙනවා. අපේ ලෝකය හා බාහිර ලෝකය අතර දොරටුවෙ යතුර වෙන්නෙ හෙල් බෝයි. ඉතින් ඔවුන්ට ඒ සඳහා හෙල් බෝයිව අවශ්‍යය වෙනවා. හෙල් බෝයි උපතින් යක්ෂයෙක් වුනත් ආචාර්ය බෘම්ගෙ පිය සෙනෙහස ඔහුව මනුෂ්‍යයෙක් තත්වයට පත් කරලා.

ඒත් හැමදේම වෙනස්වෙන්න පුළුවන් ලෝකයක් මේ. හෙල් බෝයිට තමන්ගෙ අතීතය අමතක කරලා ඒකෙන් ගැලවිලා මේ ලෝකයේ හා මිනිස්සුන්ගෙ සුරක්ෂිතභාවය තහවුරු කරන්න පුළුවන් වෙයිද?

ෆිල්ම් එක සිංහල උපසිරැසිත් එක්ක බාගෙනම බලන්නකො. කම්මැළි නැතිව බලන්න පුළුවන් කතාවක්. අඩු පාඩු හොඳ නරක කියලා කොමන්ටුවක් දාගෙන යන්නත් අමතක කරන්න එපා යාළුවනෙ.

ඔබට ජය…!!