Homeland [1×1 – Pilot] (18+) | යුද වීරයෙක්ද තස්ත්‍රවාදියෙක්ද?… [සිංහල උපසිරැසි සමඟ]

හැමෝටම සුබ අලුත් අවුරුද්දක් වේවා කියලා බයිස්කෝප් සිංහලෙන් අඩවිය වෙනුවෙන් ඔන්න මම ප්‍රාර්ථනා කරලා සුබ මොහොතින් වැඩ අල්ලන්නයි යන්නේ. 🙂

මේ දවස් වල Revolution කතා මාලාවත් නැති එකේ අලුත් අවුරුද්දේ මුලම අලුත් වැඩකට අත ගහන්න හිතුවා. ඒ තමා IMDB හී සමස්ත ශ්‍රේණිගත අගය ලෙස 8.6/10 ලබා පහුගිය 16 වැනිදා විකාශය වූ දෙවන අදියරේ අවසාන කොටස වන විට Golden Globes සම්මාන 2ක්, Emmy සම්මාන 6 ක් ඇතුළු සම්මාන 20 ලබමින් හා තවත් සම්මාන 24 කට නිර්දේශ වීම් ලැබූ මේ සුපිරි කතා මාලාව මුල ඉඳන්ම සිංහල උපසිරැසි එක්ක රැගන ඒමයි. පසුගිය දා අවසාන වූ දෙවන අදියරත් සමඟ මුළු කොටස් 24 ම ඔබ හට ඉතා ඉක්මනින් දෙන්න තමා මම හිතන් ඉන්නේ. මතකයිනේ Band of brothers. දිනපතා කොටසක් බැඟින් මුළු කතාමාලාවම ඉතා ඉක්මනින් ගේන්න වෙච්ච පොරොන්දුව මම ඉටු කළා. මේකත් එහෙම්ම වේවි. මොකද මම හොඳාකාරවම දන්නවා බලන්න ගත්තොත් එක හුස්මට බලන එක නවත්වන්න බැරි නිසා බැලුවට පස්සේ උපසිරැසි දීලා වැඩකුත් නැති නිසාත් තමයි මම එහෙම කරන්න හිතුවේ. ඒ වගේම මේකේ සමහර කොටස් පවුලේ සැමට එකට ඉඳගෙන නරඹන්න අමාරු දර්ශන තියෙනවා. හැම කොටසෙම එහෙම නොවුණත් ඉතින් කියන එක හොඳයිනේ නේද? 🙂

අද පළමු කොටස නිසා මම කතාව ගැන කියන කොටස කෙටියට කියන්නම්. ඉරාකයේ මෙහෙයුමකින් අතුරුදහන් වෙන ඇමරිකානු මැරීන් බලකා සෙබළෙක් හදිසියේම කරන වැටලීමකදි බේරගන්නවා. ඒ අවුරුදු අටකට පස්සේ. ඔහු මිය ගියා කියලා තමා හැමෝම හිතන් ඉන්නේ. ඒත් මේහෙම අතුරුදහන් වෙලා ඉන්න සෙබළෙක් බේරගත්තා කියන කොට යුද්ධය කෙරෙහි මිනිස්සුගේ විරෝධාකල්පය අයින් කරවලා ජන සහය දිනාගන්න, මුළු රටටම ඔහු වීරයෙක් කරන්න දේශපාලන බලවතුන් හා මාධ්‍ය කටයුතු කළත් එකම එක CIA නියෝජිත වරියෙක් හිතනවා මේ වීරයෙක් නෙවෙයි අල් කයීඩා එකෙන් තමුන්ගේ පැත්තට වැඩ කරන්න නම්ම ගත්තු තස්ත්‍රවාදියෙක් කියලා. ඒ සැකේ ඔප්පු කරන්න ඇය බොහෝ දේවල් කරන්න ලෑස්තියි. ඒ ගැන කොටසින් කොටස අපි කතා කරමු.

හිත හිත ඉන්න එපා. මුළු කොටස් 24 ටම ඉක්මනින්ම මම උපසිරැසි දෙන්න පොරොන්දු වෙච්ච නිසාම ඔයාලත් බාගෙන බලන්න කියලා ඉල්ලනවා. බලල තියෙන අය ඉන්නවනම් කතාව කොච්චර පට්ටද කියලත් කමෙන්ට් එකකින් කියන්න කියලත් ඉල්ලනවා. බා ගන්න හැමෝමත් කමෙන්ට් එකක් එහෙම දාමු නේ?

Due to copyright issues, we do not provide any torrent link.

මෙම ලබා දී ඇති උපසිරැසි HDTV පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “රොයිලි ප්‍රනාන්දු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
ADMIN MEMBER
JOINING DATE – 2009/03/10