Homeland [1×11 -The Vest] (18+) | සියදිවි නසා ගැනීමේ බෝම්බ ඇඳුම…. [සිංහල උපසිරැසි සමඟ]

සම්මානයට පාත්‍ර වූ හා ගිය අවුරුද්දේ හොඳම රූපවාහිනි කතාමාලාවට හිමි සම්මානය ඇතුළු තවත් Emmy සම්මාන 6 ක් දිනාගත් මේ කථාවේ ඊයේ දීපු දහවෙනි කොටස බලන්න ඇති කියලා හිතනවා. අද එකොළහ. හෙට අවසාන කොටස. හොඳයි කලින් වගේම මුලින්ම අපි ඊයේ කොටස පොඩ්ඩක් මතක් කර ගම්මු.

ඡන්දය ඉල්ලන්න උපජනාධිපතිගෙන් ලැබෙන ඉල්ලීම පිළිගැනීම නසීර්ට තමුන් තවම ඒ වැඩේ කරන බවට කරන සංඥාවක් ලෙස ගන්නා බව දැනුම් දීපු නිසාම ඔහු එක පයින් ඒකට කැමැත්ත දෙනවා. ඒත් බිරිඳ අකමැති වීම නිසා මෙච්චර දවසක් තමා නැති කාලේ බිරිඳ එක්ක සම්බන්ධයක් පවත්තපු මයික් හමුවෙන්න ගිහින් තරහ අමතක කරලා බිරිඳව කැමති කරලා දෙන්න කියලා ඉල්ලනවා. අවසානයේ කෙසේ හෝ ඇය කැමැත්ත දෙනවා.

මේ අතර බ්‍රෝඩි සම්බන්ධකම් පවත්වන අබු නසීර්ගේ නියෝජිතයා වෙන සවුදි තානාපති කාර්යයාල නිලධාරියා පස්සේ CIA සංවිධානය එලවනවා. හැබැයි ඒ ටොම් වෝකර් හා සමඟ තියෙන ගනුදෙනුවක් මත සැකයට මිසක් බ්‍රෝඩි සමඟ තියෙන සම්බන්ධතාවක් දැනගෙන නම් නෙවෙයි. තානාපති වරප්‍රසාද නිසා උපායකින් ඔහුව අල්ලාගෙන ප්‍රශ්න කර අවසානයේ ඔහු හා එකඟතාවයකට පැමිණෙනවා. ඒ තමයි ටොම් වෝකර් ව අත් අඩංගුවට ගැනීමට ඔහු හා හමුවක් සූදානම් කර ගැනීමයි.

අවසානයේ මේ හමුවට ඉතා සූක්ෂම අන්දමින් නිරීක්ෂණය කරමින් හා ඔහුව අත් අඩංගුවට ගැනීමට නියමිතව CIA නියෝජිතයින් රැක සිටියත් වෝකර් සූක්ෂම අන්දමින් එතැනට බෝම්බයක් එවා එය පුපුරවා හරිනු ලබනවා. එයින් කැරී බරපතල තුවාල ලබා රෝහල් ගත කරනු ලබනවා.

බ්‍රෝඩිගේ තස්ත්‍රවාදී ප්‍රහාරයට උදව් වෙන විශේෂ අංගය අද ඔහු ලබාගන්නවා. ඒක මොකක්ද, ඒක අහුවේවිද, වගේම රෝහල් ගත කරපු කැරීට සිද්ධ වෙන දේ මොකක්ද, තමුන්ට බාධාවෙක් වෙන්න පුළුවන් කමක් තියෙන කැරීට, බ්‍රෝඩි කරන්නේ මොකක්ද කියලා අද කොටසෙන් අපි බලමු. මතකයිනේ, හෙට තමා තස්ත්‍රවාදී ප්‍රහාරය එල්ල වෙන්න නියමිත දවස. අද කොටසේ එක තත්පරයක්වත් මඟ ඇර ගන්න නම් එපා. 

Due to copyright issues, we do not provide any torrent link.

මෙම ලබා දී ඇති උපසිරැසි HDTV පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “රොයිලි ප්‍රනාන්දු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
ADMIN MEMBER
JOINING DATE – 2009/03/10