Iddarammayilatho (2013) | ත්‍රාසය, කුතුහලය, ආදරය [සිංහල උපසිරැසි සමඟ]

ඔන්න කට්ටියට අලුතෙන් ආපු තෙලිඟු චිත්‍රපටියක් ගේන්නයි යන්නේ. කට්ටිය දන්නවනේ අල්ලු අර්ජුන්ව. ආය ඉතිං පිස්සු හැදෙන චරිතයක්නේ. එයාගෙ නැටුම්, සටන් වගේම රංගනයත් ඉතිං ආය කියන්න ඕන නෑනේ. අනික ඇහැට කනට පේන්න ඉන්න මිනිහෙක්නේ. ඊයෙ තමයි හොඳ රිප් එකක් එලියට ආවේ. . මේ අවුරුද්දෙ අප්‍රේල් 28 වෙනිද තමයි මහජන ප්‍රදර්ශණයට පත්වුනේ.

කතාව පොඩ්ඩක් කියන්නම්.

ආකාෂා කියන්නේ ඉන්දියාවේ ප්‍රධාන ඇමතිගේ දුව. ඉතින් ආකාෂා යුරෝපයට යනවා එයාගෙ වැඩිදුර අධ්‍යාපනය වෙනුවෙන්. එයා එහෙ නවතින්න තෝරගන්න ගෙදර තිබිලා එයාට හම්බවෙනවා පෙට්ටියක්. ඒකෙ තිබිල එයාට හම්බවෙනවා දිනපොතක්. ඒ කියන්නේ ඩයරියක්. ඉතින් මේ ඩයරිය ආක්ෂා කියවන්න ගන්නවා. එතකොට හොයාගන්නවා මේ පොත අයිති ගෝමතී කියල කෙනෙක්ට. එයාත් යුරෝපයට ඇවිත් තියෙන්නේ ඉගෙන ගන්න. එතකොට යම් සිදුවීමක් තුලින් එයාට සන්ජු කියල පිරිමි ලමයෙක්ව හම්බවෙනවා. ඉතින් ආක්ෂාට ටික දවසක් ඔහොම ඉද්දි මේ සන්ජුව හම්බවෙනවා. ඉතින් ඔහොම කාලය ගත වෙද්දි මේ ආක්ෂා ඩයරිය කියවනවනේ. ඉතින් එක තැනකදී ඩයරියේ ලියවිලා තියෙනවා එයාල විවාහ වෙන්නයි හදන්නේ. ඔහොම තියෙද්දි ගෝමතීට කෝල් එකක් සන්ජුගෙන් එනව කියල ලියල තියෙනවා. ඒත් එතන ඉදන් කිසිම දෙයක් ඩයරියේ ලියවිලා නෑ. ඉතිං ආක්ෂා සන්ජුගෙන් මේ ගැන අහනවා. ඉතින් ඊටපස්සෙ සන්ජු විස්තරේ කියන්න පටං ගන්නවා. ඔය අතරේ ආකාෂට සන්ජු ගැන ආදරයක් ඇතිවනෙවා. මෙයා කොහොම හරි සන්ජුව අයිතිකරගන්න හදන්නේ.ගෝමතීට මොකද උනේ, එයාලගෙ ආදරය නැතිවුනාද, දැන් ගෝමතී කොහෙද, ඇයි දැන් සන්ජු තනියම ඉන්නේ, ඇයි ඩයරියේ ඉතුරු ටික ලියල නැත්තේ, සන්ජුව ආකාෂාට අයිති වෙයිද …. ඔය අනං මනං සේරටම උත්තර හොයාගන්න වෙන්නේ චිත්‍රපටිය බැලුවට පස්සෙ තමයි.

පැය දෙක හමාරක් පුරා දිවෙන චිත්‍රපටිය ත්‍රාසය, කුතුහලය, සහ සටන් ජවනිකා, ආදරය, සෙනෙහස ඔස්සේ දිවයනවා.

අනේ මංද ඉතිං මම කතාව ලියන්නනම් එච්චර දක්ෂ නෑ. Trailer එක බලල තීරණයක් ගන්න. හැබැයි කියන්න ඕන අවසාන පැය භාගයේදී ඔයා මුලු චිත්‍රපටියේම දකින කතාව උඩු යටිකුරු වෙනව කියලත් 🙂

ඒනං මම ගියා. අලුත් එකකින් හම්බවෙමු. ජයවේවා!!!

මේ ලබා දී ඇති සිංහල උපසිරැසි පිළිබද “චලිදු දේශන් (කිනා)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.