ImMATURE [S01 : E5 Sinhala Subtitles | ආදර අන්දරේ අවසන් කතාන්දරේ [සිංහල උපසිරැසි සමඟ]

ස්පොයිල් වෙයි කියලා ලිපිය කියවන්නේ නැතිව වෙනදට සබ බාගෙන ගියාට කමක් නැහැ. අද ලිපියත් කියවන්න. කතා සාරාංශේ ගැන මෙලෝ දෙයක් කියලා නෑ මම!!

මුලින්ම කියන්න ඕනේ, පුරා සති එකහමාරක් ImMATURE කතාමාලාව සමඟින් එකතු වුණු හැම දෙනාටම ස්තූතියි. මම හිතුවටත් වඩා ප්‍රතිචාර ලැබුණා. පළවෙනි කතාංගයේ ඉඳන් කතාමාලාව පුරාවටම ගොඩදෙනෙක් අදහස් පළ කරලා තිබ්බා. ලොකු ඇබ්බැහියක සාක්ෂි තමයි ඒ..! සම්පූර්ණ කතාමාලාවකට උපසිරැසි ගන්වපු පළවෙනි පාරම, වැඩේ සාර්ථකයි කියලත් දැනුණා. ඉතින් බොහොම ස්තූතියි ඒ වෙනුවෙන්.

අමුතුවෙන් කියන්න ඕනේ නෑනේ, අද ගෙනත් තියන්නේ පස්වන කතාංගය. එහෙමත් නැත්නම් අවසන් කතාංගය. එපිසෝඩ් පහක් වගේ පොඩි කොටස් ප්‍රමාණයකින් අවසන් වුණාට කතාමාලාවේ රහ කොහොමද කියලා බලපු හැමෝම දන්නවනේ… පොඩි ඉල්ලීමක් තියෙනවා, අද පළවෙනි වතාවට මේ කතාමාලාව ගැන කියවන මිතුරන්ට පේන්න කතාමාලවේ හොඳ.. නරක.. පහළින් කමෙන්ට් කරගෙන යන්න.

පළවෙනි කතාංගයේ සිට මේ දක්වාම ImMATURE උපසිරැසි ගැන්වීමේදී මට උපකාර කරපු කෙනෙක් ඉන්නවා. ඒ බේනුක නිම්හාන් සොයුරා. පළවෙනි ලිපියේදී ඔහුව මතක් කරන්න බැරි වුණේ මගේ අතපසුවීමෙන්.. ඔහුටත් ස්තූතිවන්ත වෙනවා කරපු උපකාරවලට. දැන් කට්ටිය බලනවැති, ඇයි මේ වල්පල් කියෝ කියෝ ඉන්නේ කියලා?? අද කතා සාරාංශය ගැන මුකුත්ම කිව්වෙත් නෑනේ..

මෙච්චර කල් කතා සාරාංශය කිව්වට අද නම් කිසිම දෙයක් කියන්නේ නැහැ. මොකද පොඩි හරි අතපසුවීමකින් මොනයම් හෝ කාරණයක් එළියට පැන්නොත් මෙච්චර දවස් කතාමාලාව පුරාම තිබුණු ආතල් එකත් ඉවරයි! ලාවට ලාවට කියන්න ගිහින් වැඩේ නරක් කරගන්නවට වඩා හොඳයි, කිසිම දෙයක් නොකියා ඉන්න එක… එනිසා, අවසන් කතාංගය බලලාම හොඳ නරක තීරණය කරන්න.

පළවෙනි ලිපියේදී මතක් කරපු කරුණු කාරණා කීපයක් ආයෙත් මතක් කරන්නම්. 2019 මුල් කාර්තුවේදී MX Player වෙබ් අඩවිය හරහා විකාශය වෙමින් දැනට මිලියන 17+කට අධික වාර්තාගත දර්ශනවාර ප්‍රමාණක් හිමි කරගත් මෙම වෙබ් කතාමාලව අයත් වන්නේ Comedy|Drama|Romance වර්ගීකරණයට. ඉස්කෝලේ කාලෙදී අපි හැමෝටම පොඩි පොඩි කල්ලි තිබුණනේ..? යාලුවෝ දෙතුන් දෙනා එක්කහු වෙලා ගැන්ග් එකක් හදාගෙන උපරිම විනෝදෙන් ගත කරපු කාලයක් තිබුණනේ..? ImMATURE කියන්නෙත් අන්න ඒ වගේ කොල්ලෝ තුන්දෙනෙකුයි ඔවුන් අතරට එන ගෑණු ළමයෙකුයි වටා ගෙතෙන කතාවක්.
විශ්වාස නැත්නම් මුල ඉඳන් ලිපි මාලාව කියෝගෙන එන්නකෝ. කමෙන්ට් තීරයේ අදහස් බලන්නකෝ. මුල ඉඳන්ම එකතු වුණු බොහෝ දෙනෙක්ගේ අත්දැකීම් එතන ඇති.

වල්පල් කියෙව්වා ඇති. එහෙනම් අපි සමුගන්නවා. 2018 වසරේ කොලිවුඩයෙන් බිහි වුණු සාර්ථකම චිත්‍රපටය වගේම පසුගිය වසරේ මුලු ඉන්දියාවෙන්ම බිහි වුණු දැවැන්තම Women-Centric චිත්‍රපටය Kanaa සමඟින් ළඟදීම ආපහු මුණගැහෙමු.

ලිපිය මුලදී කරපු ඉල්ලීම මතක ඇති කියලා හිතනවා.. ඔහේ නිකන් උපසිරැසිය බාගෙන යන්නේ නැතිව තමන්ගේ පුංචි අදහසත් සඳහන් කරගෙනම යන්න. කතාමාලාව ගැන හිතෙන දේවල්, අදහස් උදහස් ඔක්කොම බේරුමක් කරගන්න. ඇයි ඉතින් මේ අන්තිම කොටහ නොවැ!

 

 

Due to copyright issues, we do not provide any torrent links.

මෙම ලබා දී ඇති උපසිරසි WEB පිටපත් සඳහා අදාළ වේ.

 

Subtitle Contributor Rank

BRONZE MEMBER
JOINING DATE – 2018-08-25
SUBMAKER RATING BY ADMINS