Into the Badlands [S03 : E12] Sinhala Subtitles | පරාජයන් සහ සමුගැනීම්..! [සිංහල උපසිරැසි සමඟ]

ආයුබෝවන්..!

ඔන්න අරගෙන ආව රුදුරුබිමේ 12 වැනි කතාංගය. හ්ම්ම්.. මොනවා නම් කියල කියන්නද තේරෙන්නෙ නෑ. මේක සෑහෙන හිත රිදෙන කතාංගයක් වේවි කියල තමයි ඉතිං කියන්න වෙන්නෙ. මෙතෙක් කතාව අපි බලාපොරොත්තු වුණා වගේ ඇදිල ගියා වුණාට අද වෙන සිදුවීම් එක්ක ඊලඟට මොනව වේවිද කියල හිතාගන්න බෑ. බලමු මතක් කරගෙන පහුගිය කතාංගයේ මොනවද වුණේ කියල.

පසුගිය කොටසින්…

පහුගිය කොටසෙදි ලිඩියට හෙන්රිව බාර දීල බාජි යනව මාස්ටර් හමු වෙන්න. මාස්ටර් හමු වෙන්න ගියාම එතනදි ඔහුට අනපේක්ෂිත දේකට තමයි මූණ දෙන්න වෙන්නෙ. එතන විඩෝ ඉන්නව. ඒක වෙන්න බැරි දෙයක්. ඒ වුණාට මාස්ටර්ට හැකි වුණානෙ විඩෝව නම්ම ගන්න පිල්ග්‍රිම් එක්ක සටනට යන්න. බාජි ආවට පස්සෙ මාස්ටර් මේ දෙන්නට විශේෂ මෙහෙයුමක් බාර දෙනව. ඒ තමයි අන්කාරා හොයාගෙන ආපහු ආශ්‍රමයට එන එක. ඒ වගෙම දකින්න ඇති ටිල්ඩා ගායස් එක්ක චාඕ හොයාගෙන යනව, ගායස්ගෙ අම්ම ලඟට. දැක්කනෙ ඔක්කොම ඉවර වුණාම කිසි අවුලක් නැතුව ටිල්ඩා ගායස්ගෙ අම්මව මරපු විදිය. මේ අතරෙ සනී, නික්ස් එක්ක අන්කාරා හමුවෙන්න මුඩු බිමට යනව. යනකොට බ්ලැක් ලෝටස්ල අන්කාරාට පහර දීල නමුත් අන්කාරා මැරිල හිටියෙ නෑ. ඊට පස්සෙ අන්කාරා කියනව පිල්ග්‍රිම් පරාද කරන්න ඕන විදිය දැනගන්න නම් ඇයව බ්ලැක්වින්ඩ් වලට අරගෙන යන්න කියල. ඊට පස්සෙ සනී නික්ස් එක්ක අන්කාරා බ්ලැක්වින්ඩ් වලට එක්ක එනව. හැබැයි අන්කාරා පස්සෙන් මේ වෙද්දි බ්ලැක් ලෝටස් නායකයෙක් පන්නනව. කොහොමද බ්ලැක්වින්ඩ් වලට ගියාම අහම්බෙන් සනීට හමු වෙනව අන්කාරා හොයාගෙන ආපු විඩෝව. මතකයිනෙ සනීගෙ කෝන්තරේ විඩෝ එක්ක තිබුණු. විඩෝ නිසා තමයි වෙයිල්ට,කුවීන් නිසා මැරුම් කන්න වෙන්නෙ. විඩෝ දැක්කම සනීට ඉහිළුම් නැතුව ගිහින් දෙන්න සටන් කරනව. නමුත් විඩෝ මේ සටනින් දිනල කියනව් පිල්ග්‍රිම් පරද්දන්න එකතු වෙන්නයි එයත් ආවෙ කියල. මේ අතරෙ MK පිල්ග්‍රිම්ට අඳුරු ඇස් හමුදාවක් හදන්න උදව් වෙනව කියල ආශ්‍රමවාසීන් පාවා දෙනව. අවසානෙ පිල්ග්‍රිම්ල ආශ්‍රමය ලඟට ඇවිල්ල නතර වුණා.

අද කොටසින්…

අද කොටස තනිකරම යුද්ධ පිටියක්. හැම තැනකම යන්නෙ සටන්. මෙතෙක් බලන්න ළැබුණු හොඳම කොටසක් කියල කියන්න පුළුවන්. අන්කාරා අරගෙන එන පිරිසට අතමඟ ලොකු ලොකු කරදර වෙනව. පස්සෙ ඔවුන් එක තැනක නතර වෙනව. මේ අතරෙ අන්කාරා විඩෝට යම් දර්ශනයක් පෙන්වමනව. මේකෙන් විඩෝ ගොඩක් කලබල වෙනව. චාඕ හොයාගෙන යන ටිල්ඩා, ගායස් දෙන්න චාඕ හොයා ගන්නව. හැබැයි හිතපු විදියට නම් නෙවෙයි වැඩේ යන්නෙ. ඔන්න ඔය අතරෙ තමයි චාඕ නොහිතපු කෙනෙක් එතනට කඩාපපාත් වෙන්නෙ. මේ ඔක්කොම අතරෙ අන්කාරා හොයාගෙන බ්ලැක් ලෝටස්ල එනව. එනව විතරක් නෙවෙයි. එතනදි කතාවට ජීවය වුණු චරිත දෙකක් එකම තැන සමු ගන්නව. මීට අමතරව තවත් එක චරිතයක් තව තැනකදි කතාවට සමු දෙනව. මේ අතරෙ ආශ්‍රමයට කඩා වදින පිල්ග්‍රිම් කරන දේ නිසා ලොකූ පෙරලියක් අනාගතේ වේවි. එහෙනම් හිත හදාගෙන බලන්න ගන්න. අද සමුගන්න එක චරිතයක් නම් ඉදිරියේදි ආයෙත් දකින්න ලැබෙනවනම් කියල තමයි මමනම් ප්‍රාර්ථනා කරන්නෙ. මොකද ඒ තරම්ම හිත රෙදෙනව එහෙම නොවුණොත්. කොහොම වේවිද දන්නෙ නෑ. ඒත් ඒ චරිත තුනට සමුදෙන්න බලාගෙන මේක බලමු. ජය වේවා..!

 

ඒ වගේම දැනුම් දීමක් කරන්න තියෙනවා අපේ නවතම බයිස්කෝප් සිංහලෙන් වෙබ් අඩවිය වෙනුවෙන් නිර්මාණය කල ෆේස්බුක් පිටුව ගැන. මොකක් හෝ අහේතුවකට 130,000 අධික ලයික් ප්‍රමාණයකින් යුතු අපේ ෆේස්බුක් පිටුව මකා දමා තිබෙනවා. ඒ වෙනුවෙන් අපි නැවත ෆේස්බුක් පිටුවක් ආරම්භකොට තිබෙනවා. මුහුනුපොත තුල උපසිරැසි පළකිරීම් ගැන දැනුවත් වෙන්න ඒ පිටුව සමහ මෙතනින් එක්වෙන ලෙසින් හැමෝටම ආරාධනා කරනවා.

 

 

 

Due to copyright issues, we no longer provide any torrent links.

ලබා දී ඇති උපසිරැසි WEB පිටපත් සඳහා අදාළ වේ.

 

Subtitle Contributor Rank

BRONZE MEMBER
JOINING DATE – 2017-07-03
SUBMAKER RATING BY ADMINS