Irandaam Ulagam (2013) | දෙවන ලෝකය [සිංහල උපසිරැසි සමඟ]

2013 නොවැම්බර් 22 නිකුත් වුන සුපිරිම දමිල චිත්‍රපටයක් ඔයාලට ලබා දෙන්න මේ සූඳානම. සෙල්වරාගවන් අධ්‍යක්ෂණය කල ආර්යා සහ අනුෂ්කා ෂෙට්ටි රඟපෑමෙන් දායක වුන Irandaam Ulagam නැත්නම් දෙවන ලෝකය කියන චිත්‍රපටය තමා අද අරගෙන ආවේ. (ආර්යාගෙ චිත්‍රපටි ඔයාලා ඕනිතරම් බලලා ඇතිනෙ.ඒ නිසා වැඩි විස්තර කියන්න ඕනි වෙන එකක් නෑ මම හිතන්නෙ :)) අන්තර්ජාතික සිනමා දර්ශකයෙ 6.6/10අගයක් ලබාගන්න සමත් වෙලා තියෙන මෙම චිත්‍රපටිය දමිල සිනමාවෙ තවත් එක ඉදිරි පියවරක් විදිහටයි මම දකින්නෙ.

ඉතින් වැඩි විස්තර නැතිව අපි චිත්‍රපටියෙ කතාව පැත්තට හැරෙමු. මම චිත්‍රපටි පසුබිම් කථනයෙන්ම ඔයාලාට කතාව ගැන ටිකක් කියලා සම්පූර්ණ කතාවම ඔයාලට බලන්න ඉතුරු කරන්නම්. එහෙම හොඳයිනෙ නේද?

ජීවත්වීමේ තේරුම මොකක්ද? ඇත්තම කිව්වොත් කිසිම දෙයක් නෑ. යන්ත්‍රයක් වගේ ජීවිතය. වෙහෙසෙන. කවදද මේක වෙනස්වෙන්නෙ? ඒ අපි කා එක්කහරි ආදරෙන් බැඳුනහමද? නෑ… කෙල්ලෙක් අපි එක්ක ආදරෙන් බැඳුනහම. එහෙම වෙයිද? කෝටියකින් එක්කෙනෙක්ට එහෙම වෙන්න පුළුවන්. ඒක මට සිද්ධවුනා. දෙව්දුවක් මා එක්ක ආදරෙන් බැඳුනා. මම ඔයාට කතා දෙකක් කියන්න යන්නෙ. දෙකම ඇත්ත. දිව්රනවා. එකක් සිදුවුනේ මේ ලෝකයෙ. අනෙක පෘථිවියෙන් සැතපුම් මිලියන ගණනක් දුරින් පිහිටි ලෝකයක සිදුවුනේ. මේ අපි නොදන්න වෙනත් ලෝකයක් මෙහි තවමත්, රජුන් තමා පාලනය කරන්නෙ. මේ ඔවුන්ගෙ දෙවියන්. මේ ලෝකය නිර්මාණය කලේ ඇය බව මේ මිනිස්සු විශ්වාස කරන්නෙ. ඇය ඉපදුනේ කවදද… කොහේ ඉඳන් ආවද… කවුරුවත් දන්නෙ නෑ.

හැමදෙනාවම ආරක්ෂා කරන නිසා මේ දේවතාවියට හැමෝම ආදරයෙන් කිව්වෙ මව්තුමිය කියලා. මේ ලෝකයෙ හැමදෙයම තිබුනත්, ආදරය විතරක් පිබිදිලා තිබුනෙ නෑ. ඒ නිසා, මෙහි මල් පිපුනෙ නෑ. කාන්තාව පිරිමියන්ට වහලියක් විතරක් වුනා. කාන්තාවන්ට ගෞරව නොකරන කොහේවුනත්, ඒ දේශය ඉක්මණින්ම විනාශයට පත්වෙනවා. කාන්තාවන්ව සතුට වෙනුවෙන් විතරක් පාවිච්චි කල මේ ලෝකයත් විනාශවෙන්න පටන්ගත්තා. අලුත් රෝග ව්‍යාප්ත වුනා. අපරාධ ඉහල ගියා. දෙවියන් සිටින්නෙ කොතනද, එතැන යක්ෂයාත් සිටිනවා. මේ ලෝකයෙත් යක්ෂයන් හිටියා. දේශයෙ හිටිය අපරාධකාරයො එකට එකතු කරලා ඔහු නගරයක් ගොඩනැගුවා.

කොහොමහරි මේ දේවතාවිය පැහැරගෙන තමන්ගෙ වහලියක් කරගත්තොත්… මුළු ලෝකයම තමන්ගෙ වෙන බව ඔහු හොඳින්ම දැන හිටියා. ඒකට නිතරම උත්සහ කරමින් හිටියා. එකපාරටම ඔවුන් නගරයට ඇතුල්වෙලා එයාලට වුවමනා වෙන ඕනෑමදෙයක් අරගත්තා. ඔවුන් කාන්තාවන් හා දරුවන් පැහැරගන්න ගත්තා. කණ්ඩායමෙ දමාරික ක්‍රියා වැඩිවෙමින් පැවතුනා. මේ මිනිස්සුන්ව නවත්වන්න, රජු ඇතිතරම් නිර්භීත වුනේ නෑ. මිනිස්සු ගැන ඔහු වදවුනෙත් නෑ. දේවතාවිය තේරුම්ගත්තා මේ භූමියට නිර්භීත රණශූරයෙකු අවශ්‍ය බව. එවැනි නිර්භීත රණශූරයෙක් නිර්මාණය කරන්න, කාන්තාවකගෙ ආධාරය ඕනි. ඇයගෙ ආදරය ගොඩක් වැදගත්. මේ කතාව ඉතිහාසය නිර්මාණය කල නිර්භිත රණශූරයෙක්ගෙ පැමිණිම ගැනයි. ඒ ලෝකයේ ප්‍රථම ආදර කතාවයි මේ.
ඉතින් වෙනදා වගේම මෙ චිත්‍රපටිය උපසිරැසි නිර්මාණය කරන්න ලබාදුන්න විකියා සහෝට ස්තුති කරන ගමන් තවත් දිනයක හමුවෙන බලාපොරොත්තුවෙන් අදට සමුගන්නම්.

ලබන්නා වූ නව වසර ඔබ සැමට සතුට සෞභාගය පිරි නව වසරක් වේවා කියලා මුළු හදින්ම ප්‍රාර්ථනා එක් කරනවා මේ සමඟම. ගිහින් එන්නම්.
ඔබ සැමට ජය හා සතුට..!

මේ ලබා දී ඇති සිංහල උපසිරැසි පිළිබද “කැලුම් රණවක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.