අපගේ නිල ඩවුන්ලෝඩ් වෙබ් අඩවිය තවදුරටත් baiscopedownloads.co නොවේ. කරුණාකර අපගේ උපසිරසි සඳහා ගැලපෙන ලින්ක් බාගත කරගැනීමට https://baiscopedownloads.link/ හෝ https://baiscopedownloads.xyz/ වෙත පිවිසෙන්න.

MENU

Isle of Dogs (2018) Sinhala Subtitles | අටාරීගේ ලන්තෑරුම…. [සිංහල උපසිරැසි සමඟ] (250*)

Rating: 9.5/10. From 54 votes.
Please wait...

නොදැනීම ඔන්න 250 වැනි කඩයිමත් පහුවෙලා. හරියටම නම් මේ තමයි 255 වැන්න කොහොම නමුත් ඉතින් පොඩ්ඩක් ප්‍රමාද වුණා කියල ප්‍රශ්නයක් නැහැ නෙව. 2013 වසරේ ආරම්භ වුණ මේ ගමන කොහොම නමුත් අද මෙතනට ඇවිත් නමුත් මේ කාලය පුරාවට උපසිරස කරණය සහ බයිස්කෝප් අඩවියත් කාලයත් එක්ක බොහොම වෙනස් වෙලා… නමුත් ඊටත් වඩා වෙනස් වුණ කොටසක් ඉන්නවා ඒ තමයි අප අඩවියේ ප්‍රේක්ෂක ඔබ…

එදා අපි දැක්ක හුවමාරුව අද නැතිවෙලා ගිහින් උපසිරස කරණය ඒකපාර්ශවික පරිත්‍යාගයක් බවට පත් වෙලා… අපි ඔබට ලබා දෙන උපසිරස අරගෙන යන ඔබ ඒ වෙනුවෙන් කැපකළ කාලය ගැන මොහොතක්වත් නොහිතන, තැකීමක් නොකරන තත්වයට අද පත්වෙලා තියනවා… නමුත් සඳහන් කරන්න ඕන එදා ඉදලා අපිත් එක්ක හිටිය එදා ඉදලා අද වෙනකම් වචනයකින් හෝ අර කිව්ව හුවමාරුව තුළ අපි තනි නොකරන පිරිසක් ඉන්නවා ඔවුන්ට අපි සදා ණයගැති… නමුත් ඔවුන් බොහොම දුර්ලභයි කියන්න ඇහැකි… ඉතින් එහෙම කාලයක මේක කරලත් බැරි, නොකර හිටියත් පාඩුවකුත් නැති කාර්යය භාරයක් වෙලා ගිහින්… මේක මම විතරක් කියන දෙයක් නෙමෙයි කියන දේ ලගක දී කඩයිම් සපුරන පැරණි උපසිරසකරුවන් කිහිප දෙනෙකුගේ ලිපි කියවා බැලුවොත් ඔබට දැකගන්නට ලැබෙයි. මේ හේතුව නිසාවෙන්ම ඔවුන් බොහොමයක් අද අප අත්හැර ගිහින් එහෙමත් නැත්නම් අදහස් දැක්වීම් ලැබේ යැයි කියලා බලාපොරොත්තු වෙන ප්‍රධානම උපසිරස පමණක් ඔබ වෙත ගෙන එන තරමට මේ ක්‍රියාවලිය අත්හැර දමලා…

මගේ මතය නම් හොඳ ප්‍රේක්ෂක රසිකත්වයක් ඇති වෙන්න, තෝරා ගැනීමට ඉඩක් තියෙන්න ඕන, ප්‍රධාන වගේම අප්‍රධාන, ප්‍රසිද්ධ වගේම අප්‍රසිද්ධ, වැඩි වියදමක් දරා නිපැයු නිර්මාණ වගේම කුඩා නිදහස් චිත්‍රපටත් ඔබ අතට ලැබෙන්නට ඕන… මොකද මේ තුළ තමයි ඔබට සැබෑ ලෙසම මේ සිනමාව රස විදින්නට පුළුවන්… නමුත් ලැබෙන අඩු ප්‍රතිචාර නිසාවෙන් මේ ක්‍රියාවලිය බොහොම අපහසු තත්වයක් වෙලා ගිහින්… නමුත් මේ ගැන අපිට අදහසක් දක්වන්නටත් බැහැ මොකද එහෙම වුණාම අපිට අහන්නට ලැබෙන්නේ පහත සඳහන් අදහසක්…

මෙහෙම හරි අදහසක් දක්වා ගියාට ඔබට ස්තුතියි කරනවා මම

හැම උපසිරසකරුවෙක්ම ඔබ තබා යන අදහස් බොහොම ආශාවෙන් කියවනවා, මොකද ඒ තමයි මේ තුළින් අපට ලැබෙන දෙය… ඔබට ලැබෙන ස්තුතිය තමයි අපි ඒ සතුට හිත තියාගෙන ඔබ වෙත ඉක්මනින් ලබා දෙන ඊළග උපසිරස… මොකද 100 දෙනෙක්ට ස්තුතියි කියන වෙලේ ඒ 100 ට බලන්න තවත් චිත්‍රපටයක් උපසිරසක් එක්ක අරගෙන එන්න හැකි වෙනවා කියන්නේ ඇත්තටම වැඩක් වෙන වැඩක් හැටියටයි මම දකින්නේ… නමුත් ඉතින් ඒ මගේ අදහස… ඔබ මේ ගැන කොහොම හිතනවද කියල මම දන්නේ නැහැ…

බර හෑල්ලක් එක්ක කියන්න හදන කථාවේ අරමුණ මේකයි… හැකි තාක් උපසිරසකරුවන් අදහස් දක්වා දිරිමත් කරන්න.. ඒ තුළින් ලබන පන්නරය ඔබේ රසවින්දනය නම් උඳුනේ ඉන්ධන බවට පත් වෙනවාට කිසිම සැකයක් නැහැ. මොකද එයා ඒ අදහස් දැක්වූ අපේ මිතුරු මිතුරියන් නිසාවෙන් අද බයිස්කෝප් සිංහලෙන් උපසිරස 12 549 ක් මේ උපසිරසත් එක්ක උපසිරස 12550 ඔබ වෙත ගෙනවිත් තියනවා…

මේ ගමන් මගේ මගේ හෙවනැල්ල වගේ හිටිය අම්මා ඇතුළු ගෙදර හැමෝටමත් ස්තුතිවන්ත වෙන්න ඕන මේ තරම් කාලයක් නිදහස තියන පොඩි කාලයත් ගෙදර පිරිස නොසලකාහරිමින් පරිගණකයක් ඉදිරියේ රැදෙන්නට ඉඩ දුන්නට… ඊළගට ආදරයෙන් මතක් කරන්න ඕන අපේ ඇඩ්මින් මඩුල්ලේ සහෝදර සහෝදරියන් සහ ආසිරිවත්… එතනින් ගියාම බයිස්කෝප් නිසාවෙන් හඳුනාගන්නට ලැබුණ ඒ සුන්දර මිනිස්සු ටික ගැන නොකියාම බැහැ, බොහොම දෙනෙක් තවමත් සැබවින්ම දැක නැති වුණත් ඒ ලෙන්ගතුකම සැබවින්ම බොහොම වටිනා දෙයක් අපි හැමෝගෙම ජිවිතවලට… ඉතින් ඔබා සැමටම බොහොම ස්තුතියි මෙතෙක් මේ ගමන එන්න මට ලබා දුන් සහයෝගයට…

මගේ උපසිරස ගමන ගැන කියනවා නම් ඉතින් ප්‍රධාන සන්ධිස්ථාන ටික මෙහෙමයි,

1 – 2013 පෙබරවාරි 12 – Dr. No (1962)
50 – 2013 ජූලි 5 – Croods (2013)
100 – 2014 ජූනි 22 – The Raid 2 (2014)
150 – 2016 මැයි 7 – Crouching Tiger, Hidden Dragon Sword of Destiny (2016)
200 – 2018 අප්‍රේල් 4 – 12 Strong (2018)
ඔන්න එහෙනම් අද 2018 ජූනි 25 මේ ඔබ වෙත ගෙන එන්නේ 250 වැන්න.

ඔය අතරේ භාෂා 18 ක චිත්‍රපට 133 ක් වෙනුවෙනුත් ටෙලි කතා මාලා කොටස් 121 ක් වෙනුවෙනුත් උපසිරස එක්කාසු කරන්නට මට ඉඩහසර ලැබී තියෙනවා. ඔය නිර්මාණ ගොන්න අතරේ හැකිතාක් විවිධත්වයක් තියන නිර්මාණ ඔබ වෙත ගෙන එන්නට මම උත්සහ කළා. ඉතින් ආයෙත් ස්තුතිවන්ත වෙනවා එදා ඉදලා අද වෙනකම් අදහසක් දැක්වූ, ඔබ සැමට…

250 වැන්න හැටියට ඔබ වෙත ගෙන එන්නට මම සුදානම් වුනේ මේ චිත්‍රපටය නම් නෙමෙයි ඇත්තෙන්ම, මුනින් හිතා හිටියා Sicario: Day of the Soldado අරගෙන එන්න ඒ වෙනුවෙන්ම වෙන් කරගත්තා වුනත් ඉතින් තවම ඒ නිර්මාණය නිකුත් වෙලා නැති නිසා සැදැහැවත් රොයිලි අයියා තමුන්ගේ Solo: A Star Wars Story මගේ 250 වෙනුවෙන් ලබා දෙන්නට තරම් කාරුණික වුනා. නමුත් ඉතින් එකෙත් උපසිරසක් නොපැමිණි එකේ බලා ඉන්නකොට තමයි මේ නිර්මාණය ආවේ, මම බොහොම ආස කරන අධ්‍යක්ෂකවරයෙක් නිසාවෙන් බලනකොට මේකත් වෙන් කරගෙන. නමුත් අපේ සොහාන් මලයා තවත් උපසිරසක් එක්ක හිරවෙලා ඉන්න නිසා මේක වෙනත් කෙනෙක්ට දෙන්න කිව්ව සැනින් මම දැහගත්තා බොහොම සතුටෙන්… රොයිලි අයියේ, සොහාන් මලේ බොහොම ස්තුතියි…

Wes Anderson කියන නම් අහල තියනවා ද? බොහොම දෙනෙක් අහලා නැති නැති වෙන්න බැහැ නෙව මෙතෙක් විශිෂ්ඨ සිනමා නිර්මාණ 9 ක් අධ්‍යක්ෂණය කරපු මේ උත්තමයා හොලිවුඩ් පුරයේ සැබවින්ම වෙනස් නිර්මාපකයෙක්. රැල්ලට නොයන හරයක් ඇති, වෙනස් නිර්මාණ කිරීම සම්බන්ධයෙන් නමක් දිනාගෙන තියන මෙතුමා මේ වෙනකොට ඔස්කා සම්මාන 6 ක් වෙනුවෙන් නාම යෝජනා ලබන්නත් සම්මාන 69 ක් දිනාගෙන තවත් සම්මාන 149 ක් වෙනුවෙන් නාම යෝජනා ලබන්නත් සමත් වෙලා තියනවා. ඔහුගේ නිර්මාණ තමයි,

මේවායෙන් එකක් හෝ නරඹා නැති වෙන්නට බැහැ. කොහොම වුනත් මේ වතාවෙත් ඔහු මේ නිර්මාණය වෙනුවෙන් විශිෂ්ඨ නළු නිලියන ගණනාවක් හඬ නළුවන් ලෙස යොදාගෙන තියනවා, නම් වශයෙන් කියනවා නම් Bryan Cranston, Koyu Rankin, Edward Norton, Bob Balaban, Bill Murray, Jeff Goldblum, Kunichi Nomura, Akira Takayama, Greta Gerwig, Frances McDormand, Akira Ito, Scarlett Johansson, Harvey Keitel, F. Murray Abraham, Yoko Ono මේ නම් ගොඩ දැක්කම හිතාගන්න පුළුවන් ඇති නෙව ඔහුගේ නිර්මාණ සඳහා ලේසී පහසු උදවිය සම්බන්ධ නොවෙන විත්තිය.

ඇමරිකානු ජර්මානු සම නිෂ්පාදනයක් ලෙස නිර්මාණ වන මේ සිනමා පටය 68 වන බර්ලින් සිනමා උළෙලේ දී Wes Anderson හට හොඳම අධ්‍යක්ෂකවරයාට ලැබෙන Silver Bear සම්මානයත් ලබා දෙන්නට තරම් විශිෂ්ඨ වෙලා තියනවා. ලොව පුරා මිලියන 61 ක් උපයන්නට සමත් වුන මේ අගනා නිර්මාණය IMDB 8.1 ක් වගේ විශිෂ්ඨ අගයකුත් රෝටන් ටෝමාටෝ අඩවියේ 89 % ක් වගේ ඉහල අගයකුත් ලබාගන්නට සමත්කම් පාල තියනවා. දාවන කාලය සඳහන් වෙන්නේ මිනිත්තු 101 ක් හැටියට.. අයත් වෙන්නේ Animation, Adventure, Comedy, Drama, Fantasy කියන කාණ්ඩයන් ටිකට.

කතාව ගැන කියනවා නම් මෙහෙමයි, මේ කාලය වෙනකොට ජපානයේ ගෘහස්ත සුනඛයන්ට බොහොම කටුක කාලයක් තමයි බලලා තියෙන්නේ. බිලාලයන් ප්‍රිය කරන පාලකයෙක් තමුන්ගේ වසමේ සුනඛයන් නැත්තටම නැති කිරීම වෙනුවෙන් සැලසුමක් නිර්මාණය කරනවා මේ සැලසුම නිසාවෙන් ලෙඩ වෙන මේ අහිංසක සතුන් අපරාධකරුවන් හැටියට හංවඩු ගහනවා වගේම ඔහු සමත් වෙනවා ස්වාමින්ගේ හිත් වෙනස් කරලා මේ අසරණ සතුන්ට අපේ උදව් අවශ්‍යම වෙලාවේ දී ඔවුන්ව කසල දිවයින ලෙස හඳුන්වන පළාතේ කලස බැහැර කරන හුදකලා දූපත වෙත ගෙන ගොස් දමන්න… නමුත් ඔහුගේ තාඩන පීඩනයන් එතනින් අවසාන වෙන්නේ නැහැ…

මේ අතර වාරයේ දුම්රිය අනතුරක් නිසාවෙන් තමන්ගේ දෙමව්පියන් අහිමිවුණ අටාරී ජිවත් තමුන්ගේ ආරක්ෂාවට හිටි ස්පෝට්ස් නම් සුනඛයා නැතිවීමේ දුක නිසාම ඔහු හොයාගෙන හොරකම් කල ගුවන් යානයකින් යනවා කසල දූපත වෙත… වයස අවුරුදු 12 වන මේ කොළුගැටයා හිතුවා වගේ ලේසියෙන් ඔහුට ගොඩ බහින්න නම් ලැබෙන්නේ නැහැ කොහොම නමුත් රුදුරුයි කියා හංවඩු ගැහුව සුනඛයන් පිරිසක් එක්ක තමුන්ගේ සුරතලා ආරක්ෂකයා සොයා යන ගමන එක්ක තමයි මේ කතාව මුලිඛ වශයෙන්ම ගෙතිලා තියෙන්නේ… නමුත් කතාව අර්ථවත් වෙන්නේ මම ඔබට නොකියූ කරුණු කිහිපයකුත් ඔබ දුටුවහම තමයි… ඒ අටාරී සැබවින්ම කවුද ? ස්පෝට්ස් කවුද ? ඔහුගේ හැකියාවන් මොනවා ද? කසල දූපතේ ඔහුට මුලින්ම හමුවෙන සුනඛ පිරිස අතර ඉන්නා කෙනෙක් වගේ දේවල් ටිකක්… ඒ වගේම මේ කතාව තුල කුමන්ත්‍රණයක් සහ එය හෙළි කරගන්න උත්සහ කරන පාසල් ශිෂ්‍යාවක් ගැනත් කතාවක් තියනවා… කොහොම නමුත් ලස්සන කතාවක් කියන්න පුළුවනි කෙටියෙන්…

ලගකදී මුහුණු පොත පැත්තේ එහෙම ගියා නම් දකින්න ඇති අපේ රටේ තිරිසනුන් මහපොළොවේ පයගසා යන්නට කකුල් කීයක් නම් භාවිතා කරනවද කියා, එහෙම කාලෙක මෙහෙම කතාවක් ඇත්තටම අපේ සමාජයටත් ගන්නට දෙයක් තියන කතාවක් වේවි.. අනික මේකේ සුනඛයන් ගැන කියන නමුත් සුනඛයන් ගැන නොවන කතාවක් කියන්න ඇහැකි, මේ තුල සමාජයේ ජාති බේද, රෝග නිසා මිනිසුන් කොන් කිරීම් වගේ මාතෘකා තමයි ඇතුලාන්තයෙන් දිව යන්නේ. මෙතනින් එහා ලිපිය කැමති නම් කියවන්න නැත්නම් දැන් ඔබට පුළුවනි මේ නිර්මාණය රස විදින්නට උපසිරස බාගත කරගන්නට…

මින් පෙරත් stop-motion තාක්ෂණයේ සජීවිකරණ යොදාගෙන නිර්මාණය වෙන මේ නිර්මාණය වෙනුවෙන් මුලින්ම අධ්‍යක්ෂකවරයා අදහස ලබා උද්දීපනය කරගන්නේ 2015 වගේ ඈත කාලයක. ඔහුට අනුව නම් ජපානයේ විශිෂ්ඨ සිනමාකරුවෙකු වූ Akira Kurosawaගේ නිර්මාණ ඔහුට මේ සඳහා ලොකු පිටුවහලක් වෙලා තියනවා… ඉතින් මොකද්ද මේ ජපන් සම්බන්ධය කියල බලනවා ඇති දැන් ඔබ… මේ නිර්මාණය තුල ඉංග්‍රීසි වගේම ජපන් භාෂාවෙනුත් දෙබස් ගලා යනවා… නමුත් විශේෂ වෙන හේතුව ඒ කිසිවක් නොවෙයි සාමාන්‍යන් අපි දකින්නේ මෙවැනි අවස්තාවක ඒ දෙබස් උපසිරසක් මාර්ගයෙන් ප්‍රේක්ෂකයා හට කියවා ගැනීමට ඉඩ සලසනා ආකාරය.. නමුත් මේ සලරුව තුල එය සිද්ධ වෙන්නේ නැහැ ඒ වෙනුවට එක්කෝ තිරයට පරිවර්තිකාවක් පැමිණේවි, එහෙමත් නැත්නම් තිරයේ ඉන්න කෙනෙක් එකපාරම කිව්ව දේ අපිට පැහැදිලි කරාවි… ඉතින් ඒ වගේ අමුතුම ක්‍රමයක් එක්ක තමයි මේ නිර්මාණය හැඩ වෙලා තියෙන්නේ… ඒ වගේම දෙබස් ටිකක් වෙනස් බව ඔබට දැකගත හැකි වේවි.

එතනින් ගියහම මේ නිර්මාණය වෙනුවෙන් ඔවුන් පසුතල පමණක් 240 කට එහා ප්‍රමාණයක් නිර්මාණය කරලා තියනවා, මෙතනින් ඔබට දැකගත හැකි වේවි පසුතල නිර්මාණය වුන හැටි… පසුතල එහෙම නිර්මාණය වෙනකොට මේ සලරුව තුල අපි දකින චරිත 900 කට අදික ප්‍රමාණයක් වෙනුවෙන් අතින්ම නිර්මාණය වුන ඒ චරිත අනුරූ වගේම අවස්ථාවට ගැලපෙන හැටියට අවශ්‍ය ලෙස වෙනස් කරන්නට නිර්මාණය වුන මුහුණු නිර්මාණය වෙන හැටි ඔබට මෙතනි දැකගත හැකි වේවි…

ඉතින් මෙහෙම අපූරු නිර්මාණයක් මගහැර ගන්නට එපා යැයි කියමින්, මෙතෙක් මා එක්ක හිටිය ඔබ සැමටම ආයෙත් ස්තුති කරමින් මම සමුගන්නවා… ආයෙත් උපසිරසක් එක්ක හමුවෙනතුරු ඔබ සැමට ජය වේවා !!!

අර කොල්ලා තට්ට තනියම
මෙහෙට පියාසර කරගෙන ආවා,
මේ දුපතට කඩා වැටුනා, එකම හේතුවක් නිසා,
එකම එක හේතුවක් නිසා,
එයාගේ බල්ලව හොයාගන්න.
මගේ දැනුමේ හැටියට වෙන කිසිම
ස්වාමියෙක්,
එක මිනිස් ස්වාමියෙක්වත්,
කිසිම අභිප්‍රායක් දරල නැහැ
එහෙම කරන්න.
එයාල අපිව අමතක කරලා දාලා.

 

 

 

Due to copyright issues, we do not provide any torrent links.

ලබා දී ඇති උපසිරසිය HD / WEB / BR පිටපත් සඳහා අදාළ වේ.

 

මේ ලබා දී ඇති සිංහල උපසිරැසි පිළිබද “සමීර කරුණාරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2013-02-12
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

149 thoughts on “Isle of Dogs (2018) Sinhala Subtitles | අටාරීගේ ලන්තෑරුම…. [සිංහල උපසිරැසි සමඟ] (250*)

  • Thanks for the sub

    Reply
  • Thanks ………………..good luck ………………..

    Reply
  • Thanks bro…jaya wewa

    Reply
  • thank you bro keep it up cheers!!!

    Reply
  • බොහෝම ස්තූතී සබට සහෝ… පට්ට ඩිරෙක්ටර් කෙනෙක්ගෙ ෆිලුමක් …. ඔබට ජය

    Reply
  • 250 weni kadaimata subapathum..

    Reply
  • බොහොම් ස්තූතියි සහෝ.Good luck !

    Reply
  • thank you very much!!!!!!

    Reply
  • Thanks broo. you are very impotent to us. thanks again

    Reply
  • Thank you sub akata..

    Reply
  • 50 ට උනුසුම් සුබ පැතුම් මල්ලි.

    Reply
  • නියමයි, 250 ට සුභ පැතුම් සහෝ.

    Reply
  • godak honda wdak.. digatama api oyath ekkama innawa saho

    Reply
  • සිංහල උපසිරැසි වලට බොහොමත්ම ස්තූතියි

    Reply
  • Mahansi wela oba pamini gamanata suba pathum saho..
    jayawewa…

    Reply
  • සිංහල උපසිරැසියට බොහොම ස්තුතියි සහෝ.
    ඒ වගේම කඩඉම් සබ් එක වෙනුවෙන් මගේ උණුසුම් සුබ පැතුම්.
    ඔයාලගේ මහන්සිය හා උත්සාහය මෙන්ම අපි වෙනුවෙන් කැප කරපු කාලය නිසා තමයි බයිස්කෝප් සයිට් එක අද මේ වගේ තැනක තියෙන්න හේතුව.
    ජයෙන් ජය.

    Reply
  • godak isthuthi laba dila thiyena upasirusi walata .

    Reply
  • Japaneese films tyennet English category1mada ayye? Manhunt film1 hoygnna baneeee
    Sub1ta thankz gdaaaaaaakk

    Reply
  • ෆිල්ම් එකට කලින් සබ් එක යනවනෙ.ඒකත් හදලම දෙනවනම්.ගොඩක් හොදය්.ගොඩක් ස්තූති අලුත් ෆිල්ම් වල සබ් දානවට

    Reply
  • සුබපැතුම් සහෝ.බොහොම ස්තූතියි
    ජය..!

    Reply
  • සිංහල උපසිරැසි වලට බොහොමත්ම ස්තූතියි

    Reply
  • Bluray සබ් Update ඕනේ!

    Reply
  • මචං tikiri82…. . උබ මෙගලන්ට දෙන්න පුලුවන් උපරිම ගරුත්වය දිලා තියනවා…
    උබේ ටිකම තමයි මටත් කියන්න තියෙන්න.

    සමීර සහෝ වචන වලින් කියලා නිම කරන්න බැරි මහන්සියක් සහා කැප කිරිමක්…………

    Reply
  • මචං tikiri82…. sorry මෙක copy කරාට. උබ මෙගලන්ට දෙන්න පුලුවන් උපරිම ගරුත්වය දිලා තියනවා…
    උබේ ටිකම තමයි මටත් කියන්න තියෙන්න.

    උබලව මෙ ලෝකෙට එවල තියෙන්නේ දෙවියෝ බොල. අපි සුපිරි ෆිල්ම් රහට බලන්නේ උබල වගේ බොක්ක හොද කොල්ලෝ කෙල්ලෝ හින්ද බන්.

    සමීර සහෝ වචන වලින් කියලා නිම කරන්න බැරි මහන්සියක් සහා කැප කිරිමක්…………

    Reply
  • Please bluray update ……………………..

    Reply
  • උබලව මෙ ලෝකෙට එවල තියෙන්නේ දෙවියෝ බොල. අපි සුපිරි ෆිල්ම් රහට බලන්නේ උබල වගේ බොක්ක හොද කොල්ලෝ කෙල්ලෝ හින්ද බන්.කොමන්ට් නම් ලොකුවට දාල නැ.එත් උබලව සජිවිඉව දැක්කොත් කකුල් දෙක අල්ලලා වදින්න උනත් ලෑස්ති හොදෙයි ..

    Reply
  • තෑන්ක්ස් සහෝ සබ් වලට………….

    Reply
  • උපසිරැසියට බොහෝම ස්තුතියි..
    250 වෙනි උපසිරැසියට සුභ පැතුම්!!!

    Reply
  • thanks bro!keep going..

    Reply
  • Congratulations machan. Subtitle ekata thanks

    Reply
  • 250වෙනි උපසිරැසියට සුභපැතුම් සමීර සහෝ!!
    කියන්න තියෙන හැම එකක්ම පහල කමෙන්ට් වල තියෙනවා ඕං..එදා හම්බුන දවසෙ තේරුනා පට්ට ආතල් පොරක් කියලා.. 🙂 උපසිරැසිකරණයෙත් පට්ට පොරක් තමා..ආච්චි වැහුනා වගේ සබ් ගහගෙන ගහගෙන යනවනෙ.. උබයි මායි ගත්තොත් 50ට 1ක වේගයක් මං පවත්වාගෙන යනවා.. එහෙනම් ඊලග කඩයිමටත් යමු..ජය!!

    Reply
  • උපසිරැසියට බොහෝම ස්තුතියි
    250 වෙනි උපසිරසියට සුභ පැතුම්

    Reply
  • 250k kiyanne sellan wedak nemei, subapethum malli
    mama nitharama comm.t karana kenek newei, eth oyalata hemadaama garu karanawa.
    all da best

    Reply
  • 250k kiyanne sellan wedak nemei, subapethum malli

    Reply
  • congrazz brother…….thnx sub ekta…..

    Reply
  • ජුරාසික් වර්ල්ඩ් වලින් පස්සේ සුබපතන්නේ එන්නේ මේකට. කියන්න ලැජ්ජයි කාලෙකින් මේ සයිට් එකට ආවේ. ගොඩක් අයට සුබපැතුම් එකතු කරන්න බැරිවුනා. අන්තිමට කෝමහරි හැබෑවට දැක කියාගන්න ලැබුනු එකටත් ගොඩක් සතුටුයි. 250ක් නේ. කාලයක් සද්ධ නැතුව හිටපු නිසා තමයි ඔය 250 වෙලා තියෙන්නේ. නැතිනං දැනටමත් තුන්සිය හාරසිය ගනන් වල තමයි ඉන්නේ. ඒ මොකද කිව්වොත් ඔබතුමා නොබලන ෆිල්ම් ජාතියක් නැති නිසා. ගොඩක් ඒවා නම් පෞද්ගලිකව මම බලන්න අකමැති වුනත් බලන බලන කතා වල පෝස්ට් එකක් ෆේස්බුක් එකේ දාන නිසා ට්‍රයි කරලා බලන්නත් එක්කලා එපිසෝඩ් එකක් ඩවුන්ලෝඩ් කරලා නොබලා ඉන්නෙත් නෑ. 😀 😛 කෝමහරි ඉතිං පහල කමෙන්ට් වල කියලා තියෙනවා වගේ ෆිල්ම් ගැන හොද රසාස්වාදයක් තියෙන, අනාගතේ විමාගෙයි මගෙයි මනඃකල්පිත, ෆැන්ටසි, (ඒ කියන්නේ නොකෙරෙන) ෆිල්ම් එකේ අධ්‍යක්ශක කෙනෙක් විදියට තෝරගන්නත් ඔබතුමාට හොද සුදුසුකම් තියෙනවා. 😀 250ට උණුසුම් සුබපැතුම්. 300ට සුපිරිම ෆිල්ම් එකකින් හමුවෙමු.

    ආයු – බෝ – වේවා !!!.

    Reply
  • ලිපිය කියවගෙන ❤❤❤❤❤❤
    ❤❤❤❤❤❤යනකොට මග ❤❤❤❤❤❤
    ❤❤❤❤❤❤තිබ්බ වීඩියෝ ටික ❤❤❤❤❤❤
    ❤❤❤❤❤❤බැලුවා හෙන ගේමක් දීලනේ මේක ඒ අය
    හදන්ඩ .අර රූ ප එහෙම පොඩියට හදලා❤❤❤❤❤❤
    ❤❤❤❤❤❤පාට කරන්ඩ හෙන කාලයක් යන්ඩ ඇති නේ
    ………………………………………………..❤❤❤❤❤❤
    ඉස්සරහට මේ වගේ වැඩ සිද්දවෙනකොට
    ❤❤❤❤❤❤මේ වගේ දේවල් හැබෑවක් වෙනද තියෙනවා නේ
    අර කොටියාගේ සීන් එක වගේ
    ඉස්සර කාලේ නම් කට්ටිය හොද සහයෝගෙන් හිටියනේ
    එකට daන් ❤❤❤❤❤❤
    මිනිස්සුන්ගේ හදවත් විනාශ වෙලා තියෙන්නේ ❤❤❤❤❤❤
    ❤❤❤❤❤❤තමන් ගැනමයි හිතන්නේ
    කොහොමද zoo එකේ වගේ උනානම් ආතල්
    එක
    …………………………………………………
    ❤❤❤❤❤❤කාලයක් අයියා උපසිරස දෙන එක නතර කරලා හිටියනේ
    එහෙම නැත්තම් 250 හේ කෑලිත් නෑ daන් ❤❤❤❤❤❤
    මනං ඔයා උපසිරස දුන්නා ඒවගෙන් කොහොම හැරී 200 කට කිට්ටු වෙනද බලල ඇති මයේ හිතේ
    ❤❤❤❤❤❤ඒවාට ස්තුතියි
    ඒ ටික හදන්ඩත් ඔයාට හෙන කාලයක් යන්ඩ ඇති නේ
    මෙච්චර කාලයක් සබ දුන්නට ❤❤❤❤❤❤
    ස්තුතියි
    ❤❤❤❤❤❤ඔයාගේ ඉස්සරහට කරන වැda කටයුතු සර්වප්ප්‍රකාරයෙන් සාර්ථක වෙනද කියල praර්තැන කරනවා
    හම්ම්මේ daන් ඇති වගේ තව ඒවා දෙකකක්ටත් තියෙනවා❤❤❤❤❤❤
    සුබ pathanda❤❤❤❤❤❤
    ඒ නිසා මන් ගොගින් එන්නම්
    ❤❤❤❤❤❤ටටා
    ❤❤❤❤❤❤බායි❤❤❤❤❤❤
    ❤❤❤❤❤❤චෙරියෝ ❤❤❤❤❤❤

    Reply
  • ලිපිය කියවගෙන ❤❤❤❤❤❤
    ❤❤❤❤❤❤යනකොට මග ❤❤❤❤❤❤
    ❤❤❤❤❤❤තිබ්බ වීඩියෝ ටික ❤❤❤❤❤❤
    ❤❤❤❤❤❤බැලුවා හෙන ගේමක් දීලනේ මේක ඒ අය
    හදන්ඩ .අර රූ ප එහෙම පොඩියට හදලා❤❤❤❤❤❤
    ❤❤❤❤❤❤පාට කරන්ඩ හෙන කාලයක් යන්ඩ ඇති නේ
    ………………………………………………..❤❤❤❤❤❤
    ඉස්සරහට මේ වගේ වැඩ සිද්දවෙනකොට
    ❤❤❤❤❤❤මේ වගේ දේවල් හැබෑවක් වෙනද තියෙනවා නේ
    අර කොටියාගේ සීන් එක වගේ
    ඉස්සර කාලේ නම් කට්ටිය හොද සහයෝගෙන් හිටියනේ
    එකට daන් ❤❤❤❤❤❤
    මිනිස්සුන්ගේ හදවත් විනාශ වෙලා තියෙන්නේ ❤❤❤❤❤❤
    ❤❤❤❤❤❤තමන් ගැනමයි හිතන්නේ
    කොහොමද zoo එකේ වගේ උනානම් ආතල්
    එක
    …………………………………………………
    ❤❤❤❤❤❤කාලයක් අයියා උපසිරස දෙන එක නතර කරලා හිටියනේ
    එහෙම නැත්තම් 250 හේ කෑලිත් නෑ daන් ❤❤❤❤❤❤
    මනං ඔයා උපසිරස දුන්නා ඒවගෙන් කොහොම හැරී 200 කට කිට්ටු වෙනද බලල ඇති මයේ හිතේ
    ❤❤❤❤❤❤ඒවාට ස්තුතියි
    ඒ ටික හදන්ඩත් ඔයාට හෙන කාලයක් යන්ඩ ඇති නේ
    මෙච්චර කාලයක් සබ දුන්නට ❤❤❤❤❤❤
    ස්තුතියි
    ❤❤❤❤❤❤ඔයාගේ ඉස්සරහට කරන වැda කටයුතු සර්වප්ප්‍රකාරයෙන් සාර්ථක වෙනද කියල praර්තැන කරනවා
    හම්ම්මේ daන් ඇති වගේ තව ඒවා දෙකකක්ටත් තියෙනවා❤❤❤❤❤❤
    සුබ pathanda❤❤❤❤❤❤
    ඒ නිසා මන් ගොගින් එන්නම්
    ❤❤❤❤❤❤ටටා
    ❤❤❤❤❤❤බායි❤❤❤❤❤❤
    ❤❤❤❤❤❤චෙරියෝ ❤❤❤❤❤❤

    Reply
  • ❤❤❤❤❤❤ලිපිය කියවගෙන ❤❤❤❤❤❤
    ❤❤❤❤❤❤යනකොට මග ❤❤❤❤❤❤
    ❤❤❤❤❤❤තිබ්බ වීඩියෝ ටික ❤❤❤❤❤❤
    ❤❤❤❤❤❤බැලුවා හෙන ගේමක් දීලනේ මේක ඒ අය
    හදන්ඩ .අර රූ ප එහෙම පොඩියට හදලා❤❤❤❤❤❤
    ❤❤❤❤❤❤පාට කරන්ඩ හෙන කාලයක් යන්ඩ ඇති නේ
    ………………………………………………..❤❤❤❤❤❤
    ඉස්සරහට මේ වගේ වැඩ සිද්දවෙනකොට
    ❤❤❤❤❤❤මේ වගේ දේවල් හැබෑවක් වෙනද තියෙනවා නේ
    අර කොටියාගේ සීන් එක වගේ
    ඉස්සර කාලේ නම් කට්ටිය හොද සහයෝගෙන් හිටියනේ
    එකට daන් ❤❤❤❤❤❤
    මිනිස්සුන්ගේ හදවත් විනාශ වෙලා තියෙන්නේ ❤❤❤❤❤❤
    ❤❤❤❤❤❤තමන් ගැනමයි හිතන්නේ
    කොහොමද zoo එකේ වගේ උනානම් ආතල්
    එක
    …………………………………………………
    ❤❤❤❤❤❤කාලයක් අයියා උපසිරස දෙන එක නතර කරලා හිටියනේ
    එහෙම නැත්තම් 250 හේ කෑලිත් නෑ daන් ❤❤❤❤❤❤
    මනං ඔයා උපසිරස දුන්නා ඒවගෙන් කොහොම හැරී 200 කට කිට්ටු වෙනද බලල ඇති මයේ හිතේ
    ❤❤❤❤❤❤ඒවාට ස්තුතියි
    ඒ ටික හදන්ඩත් ඔයාට හෙන කාලයක් යන්ඩ ඇති නේ
    මෙච්චර කාලයක් සබ දුන්නට ❤❤❤❤❤❤
    ස්තුතියි
    ❤❤❤❤❤❤ඔයාගේ ඉස්සරහට කරන වැda කටයුතු සර්වප්ප්‍රකාරයෙන් සාර්ථක වෙනද කියල praර්තැන කරනවා
    හම්ම්මේ daන් ඇති වගේ තව ඒවා දෙකකක්ටත් තියෙනවා❤❤❤❤❤❤
    සුබ pathanda❤❤❤❤❤❤
    ඒ නිසා මන් ගොගින් එන්නම්
    ❤❤❤❤❤❤ටටා
    ❤❤❤❤❤❤බායි❤❤❤❤❤❤
    ❤❤❤❤❤❤චෙරියෝ ❤❤❤❤❤❤

    Reply
  • ela thanks kolla

    Reply
  • ඔබට අවශ්‍ය උපසිරසි
    කියල අපට ඕන ෆිල්ම් වල නම් comment කරන්න
    පොඩි comment section එකක් හැදුවනම් කොහොමද
    වැඩේ තවත් සාර්ථකයි නේද
    මගේ අදහස හොදයි නේද

    මොකද මන් දැන් ගොඩක් අයට comment කරල ඉල්ලුව
    තාම ලැබුනෙ නෑ
    American horror story වලට subtitles

    කරුනාකරල සලකා බලන්න

    Reply
  • patta machoo mechchra kal dunn ewta tnx..issrht sub krnna jayawewa

    Reply
  • බෝම ස්තූතියි සබ් එකට…
    250ට සුබපැතුම්…… ජයවේවා….!!!

    Reply
  • සිංහල උපසිරැසියට බොහොම ස්තූතියි.
    250 වෙනි කඩඉමට සුබ පැතුම්.

    Reply
  • බොහොම ස්තූතියි සහෝ උපසිරසියට…..

    Reply
  • Ela saho thanks

    Reply
  • උණුසුම් සුබ පැතුම් සමීර හෙවත් අපේ සබ් මැෂිමට. 😛 ඇත්තම කිව්වොත් කඩ ඉමක් පහු කරන හැම වෙලාවකම මට මතක් වෙන්නෙ හරිනම් තව සබ් 50 ක් උඹේ නමින් හැංගිලා තියනවා නේද කියන එක. ඒවා කොහොම වුණත් මේක නම් කියන්නම ඕනා. ඔයා දාන සබ් හින්දම මඟ ඇරෙන්න තිබ්බ නියම ෆිල්ම් බර ගානක් මම බලන්න ඇති. මම විතරක් නෙවෙයි තව ගොඩක් දෙනෙක් ඒ කතාව කියාවි. ඉල්ලද්දි බෑ නොකිය ලිපි ලියල දෙන එකටත්, 007 සෙට් එකම ඉවරයක් කරන්න මුල් අඩිතාලම් දැම්ම එකටත් අපි ඔයාට ණය ගැතියි. ඇස්වහක් කටවහක් නෑ හැකි ඉක්මනින්ම 300 ගහමු. එහෙනම් වෙනද වගේම බොහොම ස්තූතියි සිංහල උපසිරැසියටත්. ජය෴෴ 😛 😛

    Reply
    • ඔබට අවශ්‍ය උපසිරසි
      කියල අපට ඕන ෆිල්ම් වල නම් comment කරන්න
      පොඩි comment section එකක් හැදුවනම් කොහොමද
      වැඩේ තවත් සාර්ථකයි නේද
      මගේ අදහස හොදයි නේද

      මොකද මන් දැන් ගොඩක් අයට comment කරල ඉල්ලුව
      තාම ලැබුනෙ නෑ
      American horror story වලට subtitles

      කරුනාකරල සලකා බලන්න

      Reply
  • බොහොම ස්තූතියි සිංහල උපසිරැසියට

    Reply
  • Congtzzzzzzz thnxxxxxxxxxx

    Reply
  • උපසිරැසියට ගොඩක් ස්තුතියි

    Reply
  • utorent akan kisma film akak downlod karanna be..halp akak denna yaluwak danna kanak kohamada film aka downlod kale

    Reply
  • කඩයිමට සුභපැතුම් සැමි
    සබට තුති වේවා!

    Reply
  • thank you saho……

    Reply
  • Deep web 2015 film Akata. Sub Denna puluwanda

    Reply
  • 250ta subapethum .Thanks for sub too

    Reply
  • Congratulations සමීර සහෝ.. සබ් 250 කියන්නෙ ලේසි ගාණක් නෙවෙයි.. ඒ කාලය ඒ කැපකිරීම වචන වලින් විස්තර කරන්න අමාරුයි.. මොකද ඒ කැපකිරීම ගැන හරියට ගොනු කරන්න වචන හොයාගන්න බෑ..ඉතිං ඔහොමම 300ත් ගහමු එක හුස්මට.. අවුරුදු 6ක මහන්සියට උඹලට ගොඩක් පින්.. ජය වේවා මිත්‍රයා..!

    Reply
  • good luck broo thawa thawath sub denna hakiwewaaaaa….

    Reply
  • thank you machan sub ekata

    Reply
  • ගොඩක් ස්තූතියි.තවත් ලස්සන animation movie එකකට sub ලබාදෙන ලෙස ඉල්ලා සිටිනවා.

    Reply
  • thanks mchn..

    Reply
  • Malli ඔයා මෙක බලයි කියල මම හිතනව
    Wildling 2018 මෙක ඔන්න අදයි බලලා ඉවර කලේ
    .. සුපිරිම ෆිල්ම් එකක්.. එකේ දිගටම එයිද දන් නැ කතාව ඉවර වෙන විදිහට … ගොඩක් ස්තුතියි ඔයාගෙ සිංහල සබ්ටයිල් එක නැත්නම් මෙව එ විදිහට රසවිදින්න අපිට කවදාවක් හම්බවෙන් නැ ඇත්ත කියන්ම ඔනේ ……….අපි දිගටම ඔබත් එක්ක ඉන්නව…. ලොකේ ලස්සන ලස්සන නිර්මාණ …. අපේ ඇස්වලට දකින්න,, අපිට මේ විදිහට තෙරෙන සිංහලෙන් පරිවර්තනය කරල එව රසවිදින්න ගෙනවට වචන නැ කියන්න…ජය වෙවා ඔයාලට……

    Reply
  • Thanks sub akta bro………..

    Reply
  • සිංහල උපසිරැසියට ගොඩාක් ස්තූතියි………………….

    Reply
  • මේක කරන්න බෑ බන්,
    300 ගහපං දිග කමෙන්ට් එකක් දාන්නම්.

    ලබන මාසේ වගේ 300 ගහනවනෙ නෙ ?
    අර කමෙන්ට් සින් එක නම් සිරා
    මාත් දාන හැම කමෙන්ට් එකක්ම කියවනවා
    ඇත්තටම ඒවාට රිප්ලයි කරන එක ගැන මගේ අදහසත් ඔයිට සමානයි ටිකක්
    අපිට ඒ විදිහට කමෙන්ට් කරන්න හැකිනම් හොඳා, නරකක් නෑ තමා
    ඒත් ඒ කාලයත් සබකට දාන එකත් වටින කතාවත් හරි
    බලමු බලන්ට වෙනසක් වෙයිද කියල
    කඩයිමට සුභපැතුම් සැමි
    සබට තුති වේවා!
    අනිවා බලනවා.

    [විමාගෙන් කොපි කළා.] 250 සුභ පැතුම් සමීර අයියේ 🙂

    Reply
  • 250ට උණුසුම් සුභ පැතුම් සහෝ. සිංහල උපසිරැසියට ගොඩාක් ස්තූතියි!
    ජය වේවා!
    බුදු සරණයි!

    Reply
  • Suba pathnawa ayyee…..
    Thoragaththa film eka hinds comment aduwela eknm apradw..
    Mmth me 250 bll kwd blnna awe..brlinm sameer ayya..kiynn wachnee ayye..300n hmuwemu.m

    Reply
  • Thnxxxxxxxxxxxxxx Congtzzzzzzzzzzzzzzzzzzzz

    Reply
  • සුභපැතුම්. ඉස්සරහටත් අපිට මෙවගෙ නිර්මාණ දෙන්න❤ බ්ලුරේ එකක් බලමු ඉදලම ස්තුතියි උපසිරසියට

    Reply
  • 250ක් කියන්නෙ සෙල්ලම් ගානක් නෙමේ…
    එළ කොල්ලෝ………

    Reply
  • මාස දෙකක්වත් ගියෙ නෑ 250ත් ගහලා… ඔය වේගෙට මට කමෙන්ට් එකක්වත් ලියාගන්න බැහැ නෙව. කොහොම නමුත් සමීර කරුණාරත්න කියන්නේ මං බයිස්කෝප් වෙබ් අඩවියෙ දැක්ක සුපිරිම වේගවත් සහ බොහොම ලස්සන ලිවීමේ කලාවක් ගත්තු, අග්‍රඝණයෙ සිනමා රසවින්දනයක් තියෙන සහෝදරයෙක්… ඉතින් සහෝදරයාගේ ඊළඟ කඩයිමටත් ඉක්මනින්ම යන්න හැකි‍යාවත් ජීවිතයෙ අනිකුත් වැඩකටයුතුත් සාර්ථක වේවා කියලා පතනව.

    Reply
  • 250 උණුසුම් සුබපැතුම්.ඉක්මනට 300ත් ගහමු එහෙනං.සුභ පතනවා සහෝ ජය…

    Reply
  • හම්මේ සැමී 250ත් ගැහුව එහෙනං ඈ..තද තද..කියන්න දෙයක් නෑ උඹ ගැන නං. බයිස්කෝප් එකේ ඉන්නේ තවත් එලකිරි බොක්කෙ ෆිට් එකක් තමයි ඉතිං..වෙන මොකුත් නෑ 500 600 700 800 900 1000 කඩයිම් වලටත් ඕම්ම යමු.. 250ට උණුසුම් සුභ පැතුම් මචං.. ඔබට ජයින් ජයම වේවා..

    Reply
  • සමී එහෙනම් බෑ බෑ කියලා ඉඳලා ක්ෂණිකව 250ත් පැන්නා නේද ?
    මට භාර දීපු ටිකත් කලා නම්, ගිය මාසෙම මේ කඩයිම පැනලා නේද සමී !!!
    හැමදාමත් වගේ තනියම නැතිව, හැමෝටම් උදව් කරන ගමන්….
    දිගු ගමනක් යන්න…. ,හදවතින්ම සුභ පතනවා සහෝ ජය… !!!

    Reply
  • 250ට උණුසුම් සුභ පැතුම් සහෝ. සිංහල උපසිරැසියට ගොඩාක් ස්තූතියි!
    ජය වේවා!
    බුදු සරණයි!

    Reply
  • උණුසුම් සුභ පැතූමි සහෝ 250ට…තව අළුත් උපසිරැසි කරන්න වෙලාව කාලය ශක්තිය ලැබෙිවා!!!!දෙවි පිහිටයි….

    Reply
  • 250ට උණුසුම් සුභ පැතුම් අයියේ.එනකං බලං හිටියෙ. සදා ජය.ඉක්මනට 300ත් ගහමු එහෙනං.

    Reply
  • ela ela bro gigatama karagena yamu ….

    Reply
  • welldone….Hat off Respect Bro….Great work & Lot of thanks SAMEERA saho.wish u’r great future…..

    siyalla mila mudhal matha yapena me kalaye oyala ape rasawindanaya wenuwen labadena me sewaya nm itha vishishtai…yam sewawak ithin lanakwe karaddi e de agaya kranawata wada podi waraddak hoyagena banina pirisa wadi..mal walata wada gal pellana aya ne inne..salenna epa……baiscope eka thamange family eka vidiyata hithana rasika pirisa wenuwen digu gamanak ymu…jaya wewa…

    Reply
  • මේක කරන්න බෑ බන්
    300 ගහපං දිග කමෙන්ට් එකක් දාන්නම්
    ලබන මාසේ වගේ 300 ගහනවනෙ නෙ ?

    අර කමෙන්ට් සින් එක නම් සිරා
    මාත් දාන හැම කමෙන්ට් එකක්ම කියවනවා
    ඇත්තටම ඒවාට රිප්ලයි කරන එක ගැන මගේ අදහසත් ඔයිට සමානයි ටිකක්
    අපිට ඒ විදිහට කමෙන්ට් කරන්න හැකිනම් හොඳා, නරකක් නෑ තමා
    ඒත් ඒ කාලයත් සබකට දාන එකත් වටින කතාවත් හරි
    බලමු බලන්ට වෙනසක් වෙයිද කියල
    කඩයිමට සුභපැතුම් සැමි
    සබට තුති වේවා
    අනිවා බලනවා

    Reply
  • තෑන්ක්ස් මචන්

    Reply
  • සුබපැතුම් සහ ස්තුතියි,සමීර සහෝ !

    Reply
  • සිංහල උපසිරසියට ස්තූතියි.
    සුභ පැතුම් සමීර සහෝ.

    Reply
  • Thank you very much bro and wish you all the best…

    Reply
  • සිංහල උපසිරැසි වලට බොහොමත්ම ස්තූතියි.

    Reply
  • සුබපැතුම් සමීරයෝ… ජයවේවා!

    Reply
  • 250 වෙනි උපසිරසියට සුභ පැතුම් සමීර සහෝ. 300 වෙනි උපසිරසියත් ඉක්මනටම ද්හෙන්න පුළුවන් වේවා කියල ප්‍රාර්ථනා කරනවා. බොහොම ස්තුත්යි.

    Reply
  • 250 වෙනි උපසිරසියට සුභ පැතුම් සහෝ.තවත් උපසිරසි කරණයට ශක්තිය
    ධෛර්යය ලැබේවා.බයිස්කෝප් එකට ජය වේවා…!!!

    Reply
  • බොහොම ස්තුතියී උපසිරසියට.. ජය වේවා…
    ඒ වගෙම 250 කඩඉමටත් සුභ පැතුම්!
    දිගටම මෙහෙම උපසිරසි කරන්න ශක්තිය ලැබේවා.

    Reply
  • සිංහල උපසිරසි ලබා දුන්නාට බොහොම ස්තුතියි…

    Reply
  • අප්‍රේල් මාසේ දෙසීය ගැහුවා. මෙන්න යකෝ අනිත් පැත්ත හැරෙන්න නැහැ, 250ත් ගහලා ඉවරයි. ඔක්කොමත් හරි, මෙහෙම කඩයිම් පහුකරන්න ගත්තොත් උඹට විශ් කරන්න ගිහිල්ලා අසරණ වෙන්නේ අපි 😀 [විශ් කරනවා කියලා ඔහොමත් විශ් කරන්න පුලුවන්ද 😀 ]
    උඹ ගැන අමුතුවෙන් වර්ණනා අවශ්‍ය වෙන්නේ නැහැ. භාෂා බේදයක් නැතුව, වර්ගීකරණයකින් තොරව, සිනමාව කියන්නේ මොකක්ද කියලා තේරුම් ගත්ත, සිනමාව තමන්ගේ ජීවිතය කරගත්ත, බයිස්කෝප් වෙබ් අඩවියට ලැබිච්ච ඉන්ද්‍රනීල මාණික්‍යයක් විදියට තමයි මං නම් දකින්නේ. ඒ වගේම, වෙබ් අඩවියේ වේගවත්ම උපසිරැසිකරුවෙක් විදියට ඉහලින්ම තියන්න පුළුවන් උපසිරැසිකරුවෙක්. මේ වගේ සම්පතක් ලැබිච්ච එක ගැන ඇත්තටම බයිස්කෝප් වෙබ් අඩවිය පැත්තෙන් අපේ වාසනාවක්.
    250 වෙනි උපසිරැසි කඩයිම වෙනුවෙන් හදවතින්ම සුභ පතන ගමන්, ඉදිරි කඩයිම් වලටත් මේ වගේම බොහොම ඉක්මනින් ලඟා වීමට ශක්තිය, ධෛර්‍යය නොඅඩුව ලැබේවා කියලා හදවතින්ම ප්‍රාර්ථනා කරනවා.
    එහෙනම්, 300 වෙනි කඩයිම තව මාස 2-3ක් යද්දී බලාපොරොත්තු වෙනවා. ඒකටත් දැන්මම විශ් එකක් ලෑස්ති කරගෙන ඉන්න එක ඇඟට ගුණයි කොහොමත් 😀
    ජයවේවා!

    Reply
  • Well done sameera brother

    Reply
  • Congratulaitions and Two hundred and fifty thanks for subs….

    Reply
  • Sub ekata thankz mcn apiva athaharala yannam epa

    Reply
  • පල්ලෙහා හොද කමෙන්ට් ටිකක් තියෙනව.සියලු දෙනාගෙම කමෙන්ට් ගොඩ කාලෙකින් හොදට දැක්ක.සමීර සහෝ ජය වේවා.

    Reply
  • 250 උණුසුම් සුබපැතුම්
    මටත් හිතුන ඉක්මනටම සබ් දෙද්දි.250 උනා කියල සුබ් කිරිල්ල නවත්තන්න එපා.දැන් ගොඩක් අය සබ් කෙරිල්ල නවත්තල.Thisara Neo, වගේ ගොඩක් පරන අය.ඒ අයටත් කියන්න පුලුවන් වෙලාවට සබ් එකක් කරන්න කියල.
    මේ විදිවට ඉදිරියට යන්න සුබ පතනව,ජය වේවා.

    Reply
  • 250 THANKS SUB WALATA MALLIYA

    Reply
  • THANKS SUB EKATA.GOOD LUCK

    Reply
  • 250 උණුසුම් සුබපැතුම් … බොහොම ස්තූතියි උපසිරැසියට.

    Reply
  • Congtzzzzzzzzzzzzzzz….thnxxxxxxxxxxxxxxxxxxxxxxxxxxxxx

    Reply
  • Fattama, supiri aiya all the best

    Reply
  • සබ් එකට බොහොම ස්තූතියි සහෝ…..
    ඒ වගේම 250වෙනි සබ් එකටත් සුබ පැතුම්…..

    Reply
  • ලොවෙත් නෑ බ්‍රෝ බොහොම ස්තූතියි සබ් එකට..
    🙂

    Reply
  • නියමයි…සබ් එකට තැන්ක්ස්….
    250ට සුබ පැතුම්!
    300ත් ඉක්මනට ගහමු…

    Reply
  • සිංහල උපසිරැසියට ස්තූතියි සමීර අයියේ
    250 ට හදවතින්ම සුභ පතනවා
    මාසෙකට උපසිරැසි 25ක් විතර කරලනේ…
    තවත් උපසිරැසියකින් හැකි ඉක්මනින් හමුවෙමු…
    ජය…

    Reply
  • hadawatinma obata suba patanawa saho budusaranai mage nam mataya oyala dana hama sub akaktama stutiyak puda kala utui kiyala hamotama jaya oya atuluwa

    Reply
  • 250 වෙනි උපසිරසියට හදවතින්ම සුභ පතනවා…!!!
    සිංහල උපසිරැසියට ස්තූතියි සහෝ…
    ජය වේවා………………………………..

    Reply
  • 250 වෙනි කඩයිමට සුභ පැතුම් සහෝ. වසර ගණනාවක් තිස්සෙ එකම ආරකට, එකම භාෂාවකට කොටු වෙන්නෙ නැතිව විවිධාකාරයේ සිනමා නිර්මාණ ඉතා විශාල ප්‍රමාණයක් බයිස්කෝප් වෙබ් අඩවියට ලබා දුන් කෙනෙක්. ඉතිං මේ වටිනා කර්තව්‍යය ඉදිරියටත් කරගෙන යාමට අවශ්‍ය ශක්තිය, ධෛර්යය, කාලය ලැබේවා කියලා ප්‍රාර්ථනා කරනවා සහෝ.

    Reply
  • 250 වෙනි උපසිරැසිය වෙනුවෙන් සුභපැතුම් සමීර…
    වෙනස්ම විදිහේ, සම්මාණනීය, අර්ථවත් චිත්‍රපට අරගෙන එන කෙනෙක් විදිහටයි උඹව දකින්නේ. ඒ වගේමයි ලිපියත්. ආය ඉතින් කියන්න වදන් නෑ. කතා දෙකක් නෑ ඉතින් උඹ තමා මේකේ ඉන්න වේගවත්ම උපසිරැසිකරු. මාස දෙකෙන් 50 ක් ගැහුවා. ඒ කියන්නේ මාසෙකට 25යි. පිස්සු හැදෙයි. (පොඩි ක්ලාන්ත ගතියක් දැනෙයි). ලඟදි ඡන්දෙකුත් දින්නා නේහ්. පුදුමයක්යැ ඉතින් මෙහෙම සබ් දෙද්දි. “ඇඩ්මින් මඩුල්ලේ සහෝදර සහෝදරියන් සහ ආසිරිවත්” 😛 ඇයි බං ආසිරිට ඔහොම කරන්නේ. තවත් උපසිරැසි අරන් එන්න කාලය ශක්තිය ලැබේවා කිව්වා. එහෙනම් සුපුරුදු පරිදි දිගටම සබ් දෙමු ආ…
    ඔබට ජය!

    Reply
  • 250 වෙනි උපසිරසට සුබ පැතුම් සමීර! සමීර නිසා බයිස්කෝප් එකේ චිත්‍රපට අඩුපාඩුව නම් ඔන්න දැන් හොඳින්ම මග ඇරිලා. තව මාසෙකින් වගේ 300 වෙනි උපසිරසත් දැකගන්න ලැබේවි. ජය!!!

    Reply
  • සමීර 250 ට තෝර ගෙන තියෙන්නෙත් වෙනස්ම චිත්‍රපටයක්. අර කිව්වත් වගේ එකම ආරකට සීමා නොවුන, උපසිරැසියෙ ගුණාත්මක බව උපරිමයෙන් තියා ගන්න උපසිරැසිකරුවෙක් කියනෙකට සම්පූර්ණයෙන් එකඟයි.
    හැබැයි හැමෝටම රහට ලියන්න බැහැ නෙවෙ. සමහරු රහට ලිව්වත් ලියපුවගේ තේරුමක් නැහැ නෙව.
    සමීරගෙ ලිපි වල කරුණු ගලා ගෙන යන විදිය හරි අපූරුයි. ඒ වගේම ගත යුත්ත උපරිමයි. ඔන්න ඔය කියපු කාරණා නිසා උපසිරැසි කරපු චිත්‍රපට බලනෙක කෙසේ වෙතත් ලිපිය නම් අනිවාර්‍යෙන් කියවනවා.
    ඉතින්, ඉතා ඉක්මනින් ඉදිරි කඩයිම් පසු කරන්න අවශ්‍ය ශක්තිය, ධෛර්යය වගේම අනෙක් කටයුතුත් සාර්ථක වෙන්න කියලා ප්‍රාර්ථනා කරනවා.

    Reply
  • හදවතින්ම සුබ පතනව..ඔබගේ උපසිරස වලට විශේෂයෙන් මා ඇල්මක් දක්වනව..ස්තූතියි.

    Reply
  • 250 වෙනි උපසිරසියට හදවතින්ම සුභ පතනවා…!!!
    උපසිරැසියට බොහෝම ස්තුතියි,
    ජයෙන් ජයම වේවා…!!

    Reply
  • හැමදාම වගේ වෙනස්ම ආකාරයේ සිනමා නිර්මාණ වලට වගෙම කතාමාලා වලට උපසිරසි ලබාදෙන, පෞද්ගලිකවම් මම කැමතිම උපසිරසිකරුවෙක් තමයි ඔන්න…
    250* වැනි උපසිරසි නිර්මාණයට වගෙම සවිස්තරාත්මක ලිපියටත් බොහොම ස්තුතියි සහෝ…
    මෙතනින් නොනැවතී ඉදිරියටත් තවත් අපූරු සිනමා නිර්මාණ වලට වගෙම කතාමාලා වලටත් උපසිරසි ලබාදෙන්න හැකිවෙන්න කියල සුබපතනවා…!!
    ~~ඔබට ජය~~

    Reply
  • 250 weni subtitle ekata subha pethum saho!!.idiriyatama yanna.bs

    Reply
  • Bohoma sthuthi sahodarayaa!!

    Reply
  • 250 වෙනි උපසිරසියට හදවතින්ම සුභ පතනවා…!!!
    ඔබගේ සියලු කටයුතු සාර්ථක වේවා..!
    බුදු සරණයි – දෙවි පිහිටයි..!

    Reply
  • 250ට හෘදයාංගම සුබපැතුම් සැමි…
    හැමදාමත් කියනවා වගේ කියන්න තියෙන්නේ
    ඉතින් ඔහේ ඇවිත් උපරිම ගුණාත්මකභාවයකින්
    යුතුව ඉතාමත් කාර්යක්‍ෂමව එදා ඉදලම තමාටම
    ආවේනික ආරේකට සබ් කරන එළකිරි පොරක් තමා.
    එකම ආරෙකට සිමා නොවී සෑම භාෂාවකටම අයත් වෙනස්ම
    විදිහේ සිනමා නිර්මාණ රැසක් ඔහේ ඉතින් අපි වෙනුවෙන් උපසිරසි
    ගන්නලා තියෙනවා කියන එක හැමෝම වාගේ දන්න දෙයක්නෙ..
    කාලයක් සබ් කරන එකෙන් ඈත්වෙලා උන්නේ නැත්නම් මේ 250
    සෑහෙන කාලෙකට කලින් පහු කරන්න තිබ්බ කඩයිමක්.. එහෙමනම්
    තව මාස දෙකකින් වගේ 300ත් බලාපොරොත්තු වෙනවා.. දිගටම
    සබ් කරහන් ඈ.. ඊට අවශ්‍ය ශක්තිය ධෛර්ය හා කාලය නොඅඩුව ලැබේවා කියලා
    ප්‍රාර්ථනා කරනවා ඕන්.. ඔබට ජයෙන් ජය!

    Reply
  • ලස්සන ෆිල්ම් එක්ක සහෝ…. බොහෝම ස්තුතියි……. ජය වේවා

    Reply
  • sub එකට ස්තූතියි.තවත් කරගෙන යන්න ඔබට සුභ පතනවා.

    Reply

Leave a Reply to dtk Cancel reply

Your email address will not be published. Required fields are marked *