Jhanak Jhanak Payal Baaje (1955) with Sinhala Subtitles | පා සලඹ හඬ නගති [සිංහල උපසිරැසි සමඟ]

එදා මෙදා තුර හින්දි සිනමාවේ බිහිවූ ඉතාමත්ම කලාත්මක චිත්‍රපට කිහිපය අතරට .ගැණෙන මෙම දැවැන්ත සිනමාකෘතිය සම්පූර්ණයෙන්ම නර්තන කලාව වෙනුවෙන් වෙන් වූ එකකි. සියළුම අංශ වල විශිෂ්ඨයින් මේ සඳහා දායක කරගෙන ඇත. එවක ඉන්දියාවේ කථක් නර්තනයේ රජු ලෙස හැඳින්වූ ගෝපි ක්‍රිෂ්ණා මෙහි ප්‍රධාන චරිත නිරූපණය කරයි. මහා සිනමාවේදී ශාන්තාරාම්ගේ නිර්මාණයක් වන මෙහි සංගීතය සපයා ඇත්තේ් වසන්ත් දේශායි නම් ප්‍රකට ශෘස්ත්‍රීය සංගීතඥයා විසින් ය. ඉතා දුර්ලභ ගණයේ ශිව තාණ්ඩව නර්තන හා එම නර්තන පිළිබඳ විස්තර රැසක් මෙහි දැක්වේ.

නෞරාන් වැනි චිත්‍රපට වල නර්තනයෙන් ප්‍රේක්ෂකයන් අමන්දානන්දයට පත් කල සන්ධ්‍යා මෙහි ප්‍රධාන නිලියයි.

එවක ඉන්දියාවේ අග්‍රගණ්‍ය ගායකයින් ලෙස සැලකූ උස්තාද් අමීර් ඛාන්, හේමන්ත් කුමාර්, මන්නා ඩේ, ලතා මංගිස්කාර් මෙහි ගීත ගායනා කරයි. එසේම ආදායම් වාර්තා පිහිටවූ අල්බේලා චිත්‍රපටයේ නිර්මාතෘ භගවාන් ද මෙහි චරිත නිරූපණය කරයි.

1955 වර්ෂයේ තිරගත වූ මෙම චිත්‍රපටය භාරත සිනමාවේ දෙවන වර්ණ චිත්‍රපටයයි. ඉතා සුන්දර මල් උයන්, දිය ඇලි ආදිය නැරඹීම සඳහා එවක ලාංකිකයින් මෙය නැවත නැවතත් නැරඹූ බව පැරැණ්නන් පවසයි.

IMDB අගය 7.2 ක් වන මෙය එම වර්ෂයේ හොඳම චිත්‍රපටයට හිමි ෆිල්ම් ෆෙයාර් සම්මානය දිනා ගන්නා ලදී. ඊට අමතරව හොඳම අධ්‍යක්ෂණය, හොඳම කලා අධ්‍යක්ෂණය, හොඳ ශබ්ද පරිපාලනය වැනි සම්මානද දිනා ගන්නා ලදී.

කථාව – ප්‍රවීණ නර්තන ආචාර්ය මංගල් ගුරුගේ් පුත්‍ර ගිරිධර් ට නර්තනය පිළිබඳ නට්‍රාජ් සම්මානය දිනාගැනීම සඳහා තරඟයට සහභාගිවීමට සහය නර්තනයට සහකාරියක් සොයයි. මේ අතර නීලා නම් තරුණිය ඊට සුදුසු බව ඔවුන්ට වැටහුණු බැවින් ඔවුන් ඇයට පුහුණු කිරීමට පටන් ගනී. පුහුණුවීම් අතර නීලා සහ ගිරිධර් ප්‍රේමයෙන් බැඳෙයි. නීලාගේ පෙම්වතා වන මනිලාල් මීට විරුද්ධවී එය මංගල් ගුරු ට දන්වයි. ඔවුන් දෙදෙනාගේ ප්‍රේම සම්බන්ධතාවය නිසා පුහුණුවීම් කටයුතු ද ඇණ හිටියි. මෙයට විරුද්ධවන මංගල් ගුරු නීලාට දොස් පවරයි. ඉන් ඇතිවූ ප්‍රශ්න හේතුවෙන් නීලා ඔවුන් දෙදෙනා හැර යයි. පසුව මංගල් ගුරු සහ ගිරිධර් රූප්කලා නම් වෙනත් නර්තන ශිල්පිණියක් තරඟය සඳහා යොදා ගනී. නමුත් මනිලාල් රූප්කලා වෙත විශාල මුදලක් ලබා දී තරඟයේදී ගිරිධර්ව පරදවන්නට ඉල්ලා සිටී. ඉන් පසු සිදුවූයේ කුමක්ද යන්න නැරඹීම ඔබට භාරයි…!

මෙහි සිංහල උපශීර්ෂ නිර්මාණය සඳහා මා හට බෙහෙවින් උපකාර කල ප්‍රියන්ත දයාකීර්ති මහතාට විශේෂ ස්තූතිය…!

Youtube හි ඇති 2:29:26 ක ධාවන කාලයක් සහිත වීඩියෝව මීට ගැලපේ.

 

 

Due to copyright issues, we do not provide any torrent links.

මෙම ලබා දී ඇති උපසිරසි Youtube පිටපත සඳහා අදාළ වේ.

සිංහල උපසිරැසි මෙතනින් බාගන්න

596 downloads

මේ ලබා දී ඇති සිංහල උපසිරැසි පිළිබද “ තරංග සදකැළුම් වීරතුංග ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

NEW MEMBER
JOINING DATE – 2016-05-16
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.