Jumanji: The Next Level (2019) Sinhala Subtitles | සෙල්ලම දැනුයි පටන්ගත්තෙ.. [සිංහල උපසිරැසි සමඟ] *250

ඔන්න එහෙනම් මේ අරගෙන එන්නෙ හැමෝම වගේ මඟ බලාගෙන හිටිය චිත්‍රපටයක්. ඔයාලා වගේම මාත් මේක එනකම් බලං හිටියෙ ලොකු උනන්දුවකින්. මොකද කිව්වොත් උපසිරැස ජීවිතයෙ පස්වෙනි කඩයිමට එහෙම නැත්තම් 250 ස් වෙනි උපසිරැසය සැමරීමටයි මේ සූදානම. එහෙනම් වෙනදා වගේම උපසිරැස වල කාල වකවානුව කියලාම පටන්ගන්නම්කො.

1. ප්‍රථම උපසිරැසය 2016 අගෝස්තු 20
2. 50 වෙනි උපසිරැසය 2017 ජූනි 02
3. 100 වෙනි උපසිරැසය 2018 මාර්තු 14
4. 150 වෙනි උපසිරැසය 2019 ජූනි 08
5. 200 වෙනි උපසිරැසය 2019 අගෝස්තු 01

ඔන්න ඔය විදියට තමයි ඒ කාල වකවානු ටික ගතවුණෙ. වැඩියෙන්ම වගේ තියෙන්නෙ ඉතිං රූපවාහිනී කතාමලා තමයි. චිත්‍රපටය ගොඩක් අඩුවෙන් තමයි සිදු කරන්නෙ. එයිනුත් වැඩි හරියක්ම තියෙන්නෙ #නෙට්ෆ්ලික්ස් චිත්‍රපට. මේ වැඩේ පටන්ගත්තෙ හිතෙ තියෙන ආශාවකට වගේම කම්මැලිකට. කොහොමහරි පළවෙනි එක කරල ලැබිච්ච සතුටට තව එකක් කරන්න හිතුණා. ඔන්න ඔහොම එක දිගට කරල තමයි මේ තරම් දුරක් ආවේ. දැන් නම් නිකන් ඇබ්බැහි වෙච්ච එකෙක් වගේ තමයි. නවත්තන්න හිත දෙන්නෙම නැහැ. කොහොමහරි ඉස්සරට වඩා දැන් ටිකක් උපසිරැස කිරීමෙ වේගය අඩාල වෙලා තියෙනවා. මොකද රස්සාවත් එක්ක කරන්න බැරි තත්ත්වයක් උදාවෙලා තියෙන්නෙ. ඉතා කුඩා වේලාවක් තමයි මෙය වෙනුවෙන් කැප කරන්නෙ. ඉතිං ඒ චූටි මොහොත පාවිච්චි කරල ඉදිරියට පුළු පුළුවන් විදියට අරගෙන එනවා.

පස් වසරක් මේ බයිස්කෝප් අඩවිය එක්ක එකතු වෙලා ඉන්දැද්දි දැන හඳුන ගත්තු කට්ටිය බොහෝමයි. ඒ අතරින් අපෙ බයිස්කෝප් අඩවියෙ ඇඩ්මින් මඩුල්ලෙ සිටින සෑම දෙනෙක්ම වගේ මේ වෙලාවේ ආදරයෙන් මතක් කරනවා. ඒවගේම තමයි බයිස්කෝප් අඩවියෙ සිටින සෑම උපසිරැසකරුවෙක්ම මේ වෙලාවේ මතක් කරනවා. නම් වශයෙන් කියන්න ගිහිල්ලා කෙනෙක්ගෙ නමක් හරි මඟ හැරුණොත් හරි නැහැනෙ. මීළඟට ඉන්නෙ උපසිරැස බාගත කිරීම පැමිණෙන ප්‍රේක්ෂක ඔබ. ඔයාලගෙ අදහස් නිසා තමයි අද වෙනකනුත් උපසිරැසකරුවන් ගොඩක් පිරිසක් සිටින්නෙ. ඇත්තෙන්ම සමහරු හිතනව ඇති “අපි කමෙන්ට් දැම්මට වැඩක් නැහැ මෙයාල කියවන්නෙත් නැහැ” කියලා. එහෙම නැහැ, මං වුණත් සතියකට සැරයක් ඇවිත් ඒ අදහස් එහෙම බලලා යනවා. මට විශ්වාසයි අනිත් උපසිරැසකරුවනුත් එහෙම කියලා. ඉතිං හැමදාම වගේ කමෙන්ට් එකක් හරි දාලා දිරිමත් කරන ඔබලාවත් අද මම මතක් කරනවා. ඒවගේම 250 ට මේ චිත්‍රපටය ලබාදීපු “හසන්ත අයියාව” මතක් කරන්න ඕන. එහෙනම් වෙන කතා ඕනෙ නැහැ අපි කෙලින්ම කතාව පැත්තට හැරෙමුකො.

ජුමාන්ජි කිව්වම කවුද නොදන්නෙ? මතකද ඉස්සර අපි නිවාඩුව රූපවාහිනීය ඉස්සරහට දුවගෙන යනව චිත්‍රපට බලන්න. ඔතනදි පොඩි අපි හැමෝම වගේ අමුතුම ආකාරයෙ චිත්‍රපට අත්දැකීමක් විඳින්නෙ. හැමෝගෙම හිතෙ තියෙන්නෙ, ඊළඟට මොකක් වෙයිද? දාදු කැටෙ මොන අංක පෙරලිලා මොන වගේ දෙයක් වෙයිද? කියන දේවල්. කියන්න සතුටුයි ඒ අත්දැකීම අවුරුදු ගාණක් ගිහිල්ලත් අදටත් එලෙසෙම තියෙනවා. කවුරුත් හිතුවෙ නැහැ පුංචි කාලෙ විඳපු ඒ රසාස්වාදය ආයෙ විඳින්න ලැබෙයි කියලා. හැබැයි 2017 වර්ෂයෙදී එය නැවතත් අපිට විඳින්න පුළුවන්කම ලැබුණා එක්තරා වෙනස්ම ආකාරයකින්. තාක්ෂණයෙ ලොකු වෙනස්කමක් සමඟ වගේම අලුත්ම තේමාවකින්.

ඉතිං මේ ජුමාන්ජි චිත්‍රපටයට පාදක කරගෙන ඇත්තෙ “Chris Van Allsburg” ගේ පොතක් පාවිච්චි කරගෙනයි. ඇත්තම මෙය අයිති වෙන්නෙ ෆැන්ටසි ගණයට. ඒවගේම තමා මෙය ළමයි වෙනුවෙන්ම කරපු පොතක්. මෙහි චිත්‍ර තමයි අඩංගු වෙන්නෙ. පහළින් දකින්න ලැබෙන්නෙ එහි කතෘ සහ එම පොතයි.

 

 

 

 

 

 

 

ඉතිං 1981 වර්ෂයෙදී එළි දැක්වුණු මෙම පොත පාවිච්චි කරලා 1955 වර්ෂයෙදී තාක්ෂණයෙ එක්තාරා දියුණුවක් ඇති කාල වකවානුවේදී චිත්‍රපටයක් එළි දක්වනවා. එය ළමයි අතරෙ ගොඩක් ජනප්‍රිය වෙනවා. ඒවගේම ”IMDb මීටරේ 7.0′‘ ක ඉහළ අගයක් සහ ”කුණු තක්කාලි 54%” අරගන්න හැකියාවක් ලැබෙනවා. “Joe Jonston” අධ්‍යක්ෂණය කරන මෙම චිත්‍රපටය ”බොක්ස් ඔෆිස් ආදාම මිලියන 263” ක් ලබාගන්නවා. ඒවගේම රංගන ශිල්පීන්ට Robin Williams | Kirsten Dunst | Bonnie Hunt | Bradley Pierce | Jonathan Hyde | Bebe Niuwirth දායක වෙනවා.

ඔන්න ඊට පස්සෙ හරියටම අවුරුදු 22 කට පස්සෙ නවතම තාක්ෂණය භාවිතයෙන් සහ අලුත් ට්‍රෙන්ඩ් එකට හරියන විදියට චිත්‍රපටයක් නිර්මාණය කරනවා. එය “Jumanji : Welcome To The Jungle“ යන නමින් තමයි එළි දක්වන්නෙ. මෙහි ‘‘IMDb අගය 6.9” ක් සහ ”කුණු තක්කාලි අගය 76%” අරගන්න සමත් වෙලා තියෙනවා. ඒවගේම මෙය අධ්‍යක්ෂණය කරන්නෙ ”Jake Kasdan” විසින්. ඇමරිකානු ඩොලර් මිලියන 150 ක පිරිවැයකින් නිපද වු මෙය ”ඩොලර් මිලියන 962” ලබාගැනීමට හැකියාව ලැබුණා. ඒවගේම රංගනයෙන් Dwayne Johnson l Karen Gillan l Kevin Hart l Jack Black l Nick Jonas l Madison Iseman l Alex Wolff වැනි සුප්‍රකට රංගන ශිල්පින් ප්‍රමාණයක් එකතු වෙනවා. ඒවගේම මෙහි ලබපු සාර්ථකත්ව නිසාම මෙහි දෙවැන්නක් බලපොරොත්තු වෙන්න කියලා එහි අධ්‍යක්ෂකවරයා මාධ්‍ය ප්‍රකාශනයකදී පවසා හිටියා. ඉතින් මෙලෙස 2019 වර්ෂයෙ තිරගත මෙය වෙච්ච ජුමාන්ජි චිත්‍රපටය හඳුන්වන්නෙ ”Jumanji : The Next Level” යනුවෙන්. එයත් පළමුවැන්න වගේම අති සාර්ථක සිනමා පටයක් වීමට හැකියාව ලැබුණා. එහි ”IMDb අගය 7.0” වැනි අගයක්ද ”කුණු තක්කාලි 71%” අගයක්ද අරගන්න සමත් වී තිබෙනවා. රංගන ශිල්පින් කලින් එකේම හිටපු කට්ටිය තමයි ඉන්නෙ. හැබැයි අමතර චරිත දෙකක් දායක වෙනවා. ඉතින් Action l Adventure l Sci-Fi යන කාණ්ඩ ත්‍රිත්වයට අයත් වෙන මෙය පැය දෙකක් පුරාවට ඔබට රසවිඳින්න පුළුවන්. ඒවගේම තමයි ඩොලර් මිලියන 132 ක පිරිවැයකින් නිපද වූ මෙය ”බොක්ස් ඔෆිස් ආදායම 752” ක ලබාගන්න හැකියාව ලැබිල තියෙනවා. හැබැයි මෙය වෙනස් වෙන්න පුළුවන්. මොකද තාමත් මෙය තිරගත වෙන නිසා. එහෙනම් අපි කතාව පැත්තට හැරෙමුකො.

කලින් චිත්‍රපටයයෙදී දකින්න ඇතිනෙ මේ හැමෝටම වගේ සිද්ධ වෙච්ච දේවල්. කොහොමහරි ස්පෙන්සර්ගෙ යහළුවෝ ටික හිතාගෙන ඉන්නෙ ස්පෙන්සර් ගේම් එක විනාශ කළා කියලා. නමුත් ඔහු එය කරන්නෙ නැහැ. ඔහු එය ළඟ තබාගන්නවා. ඔන්න දැන් නිවාඩු කාලෙ ඇවිත් ස්පෙන්සර් යනවා අම්මගෙ ගෙදර. මෙයාලගෙ සීයත් ඉන්නෙ මෙහෙමයි. හැබැයි ස්පෙන්සර් ලොකු කලකිරීමකින් ඉන්නෙ. මොකද එයා රූබි එක්ක තරහ වෙලා ඉන්නෙ. මොහු කරන්නෙ ආපහු සෙල්ලම ඇතුළට යන එක. ඔය අතරේ මේ යහළුවෝ ටික ස්පෙන්සර්ව හොයාගෙන එනවා. ඔය අතරේ මෙයාලා දකිනවා ස්පෙන්සර් නැවතත් සෙල්ලම ඇතුළට ගිහින් තියෙන විත්තිය. ඉතින් මෙයාලා ඔහුව එහෙම අතාරින්නෙ නැහැ. මෙයලාත් යනවා සෙල්ලම ඇතුළට. කලින් වතාවට වඩා මේ පාර ගොඩක් වෙනස්. මොකද චරිත තොරගනෛමක් සිද්ධ කරන්න බැරි වෙනවා. ඒවගේම තමයි ගෙදර හිටිය අනිත් කට්ටියත් සෙල්ලමට ඇතුළට ඇදිල යනවා. ඒ එඩී සීයා සහ එයාගෙ යහළුවා මයිලෝව. ඒවගේම සම්පුර්ණුයෙන් චරිත මාරු වීමක් සිදු වෙනවා. මෙයාලට ලැබෙන්නෙ කෘර ජර්ගන් නමැති පුද්ගලයෙක් නවත්තන එක. ඔහු ගොඩක් සාහසික පුද්ගලයෙක්. ජුමාන්ජි වල ඉන්න බිහිසුණුම කෙනා ලෙස තමයි හඳුන්වන්නෙ. ඉතිං මේ චාරිකාවේදී ගොඩක් දේවල් මුහුණ දෙන්න ලැබෙනවා. ඔයාලා පුර්ව ප්‍රචාරක පටයේදී දකින්න ඇතිනෙ එයින් ටිකක්. එහෙනම් අපි බලමුකෝ මෙයාලට ස්පෙන්සර් බේරාගෙන මේ කෘර ජර්ගන්ව නවත්තන්න පුළුවන් වෙයිද කියලා?

තවත් උපසිරැසයකින් හම්බවෙනකම් හැමෝටම ජය!!

 

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසිය WEB / HD / Blu-Ray පිටපත් සඳහා ලබා දි ඇත.

 

Subtitle Contributor Rank

PLATINUM MEMBER
JOINING DATE – 2016-08-20
SUB-MAKER RATING BY ADMINS