Monday , November 30 2020
Breaking News

Kurukshetra (2019) Sinhala Subtitle | මහා භාරතයේ නොකී කතාව! [සිංහල උපසිරැසි සමඟ]

Rating: 9.9/10. From 14 votes.
Please wait...

මේ සැරේ සබ් එක දෙන්න යන්නේ කන්නඩ චිත්‍රපටයකටයි. එය Kurukshetra (2019) නම් ඓතිහාසික චිත්‍රපටයයි. මෙහි කතාව පදනම් වී ඇත්තේ රනා විසින් රචිත ගධායුධ නම් ඓතිහාසික කාව්‍යය මතයි. මෙය ඉන්දියානු වීර කාව්‍යයක් වන මහා භාරතය මත පදනම් වේ. නමුත් මේ කථාව කේන්ද්‍රගත වී ඇත්තේ කෞරව රජු වන දුර්යෝධන වටායි. මෙම කථාව මහා භාරත සංස්කෘත වීර කාව්‍යයේ විස්තර කර ඇති කුරුක්ෂේත්‍ර යුද්ධය හෙවත් ධර්ම යුද්ධය පිළිබඳව, දුර්යෝධනගේ දෘෂ්ටි කෝණයෙන් නැවත අර්ථ දැක්වීමකි. කෙසේ වෙතත් මට නම් හැඟෙන්නේ දුර්යෝධන කියන්නේ රාවණා පරිදිම හින්දු සාහිත්‍යයෙන් දුෂ්ටයෙකු වූ රජෙක් කියලයි.

3h 5min ක ධාවන කාලයක්  සහිත මෙය IMDb ශ්‍රේණිගත කිරීමෙන් 7.2 ක් වගේම Google පරිශීලකයින්ගේ 90%ක අගයකුත් ලබාගෙන තියෙනවා. මේ සිනමා පටය History, War ඛාණ්ඩයන්ට වර්ග කොට ඇති අතර මෙය  රචනා කරන්නේ J. K. Bharavi වන අතර අධ්‍යක්ෂණය Naganna විසින් සිදු කරයි. මෙම චිත්‍රපටය නිෂ්පාදනය කළේ Munirathna විසිනි. මෙම චිත්‍රපටයේ Darshan, Ambareesh, V. Ravichandran, P. Ravishankar, Arjun Sarja, Meghana Raj, Sneha, Sonu Sood, Danish Akhtar Saifi, Nikhil Kumar, Haripriya and Shashikumar යන නළු නිළියන් චරිත නිරූපණය කරනවා. චිත්‍රපටයේ සංගීතය සිදු කර ඇත්තේ V. Harikrishna විසිනි . මෙහි  කැමරාකරණය සිදු  කරන්නේ Jayanan Vincent විසිනි.

මෙම චිත්‍රපටය කන්නඩයට අමතරව භාෂා හතරකින් එකවර නිකුත් කිරීමට සැලසුම් කර තිබුණි. මෙම චිත්‍රපටය ශාලා 1000 කට අධික සංඛ්‍යාවක 2019 අගෝස්තු 9 වන දින කන්නඩ සහ තෙළිඟු යන භාෂා දෙකකින් ද්විමාන හා ත්‍රිමාණ ආකාර දෙකෙන්ම නිකුත් කරන ලදී. අගෝස්තු 15 වන දින මෙහි දෙමළ හඬකැවූ චිත්‍රපටයද නිකුත් කරන ලදී. කේරළයේ ඇති වූ ගංවතුර හේතුවෙන් මලයාලම් හඬකැවූ චිත්‍රපටය ඔක්තෝබර් 18 වන දින කේරළයේදී නිකුත් කරන ලදී. හින්දි අනුවාදය 2019 දෙසැම්බර් 20 වන දින සිනමාහල් වෙත පැමිණියා.

නිල එළිදැක්වීම 2017 අගෝස්තු 6 වන දින පැවැත්වූ අතර එහි රූගත කිරීම් එදිනම ආරම්භ විය. චිත්‍රපටයේ ප්‍රධාන කොටසක් හයිද්‍රාබාද්හි Ramoji Film City හිදී රූගත කරන ලදී. මෙම චිත්‍රපටය දෙවරක් රූගත කරන ලදී. පළමුව 2D වලින් සහ රූගත කිරීම් දින 230 කට වඩා අවසන් වීමෙන් පසුව ත්‍රිමාණ ආකෘති වලින් සිදු කරන ලදි. 1977 දී N. T. Rama Rao විසින් අධ්‍යක්ෂණය කොට නිෂ්පාදනය කරමින් ක්‍රිෂ්ණා, කර්ණ, දුර්යෝධන ලෙස ත්‍රිත්ව රංගනයක යෙදෙන Daana Veera Soora Karna තෙළිඟු චිත්‍රපටයේ ඇතුළත් දර්ශන හා දෙබස් කිහිපයක් මෙම චිත්‍රපටයට ලබාගෙන ඇත.

සැ.යු. : චිත්‍රපටය බලන්නට කලින් මේ විස්තරය බලලා හිටියොත් කතාව තේරුම් ගැනීමට වඩාත් පහසු වේවි.

මහා භාරතය සහ මෙම චිත්‍රපටය වටා ගෙතුණු පරිසරය හා චරිත

ජනමේජය රජුගේ පරපුරෙන් පැවත එන රජෙකු වන ශාන්තනු, හස්තිනාපුරයේ රජු වී ගංගා දේවතාවිය සමඟ කෙටි කාලීන විවාහයක් සිදු කරගෙන ඇති අතර, එහි ප්‍රතිඵලයක් ලෙස දේවව්‍රත (පසුව භිෂ්ම නම් වන මොහු ශ්‍රේෂ්ට රණශූරයෙකු ලෙස හැඳින්වේ) නම් පුතෙකු සිටින අතර, ඔහු රාජ්‍යත්වයෙහි උරුමක්කාරයා බවට පත් විය. වසර ගණනාවකට පසු, ශාන්තනු රජු දඩයමේ යන විට, ධීවර ප්‍රධානියාගේ දියණිය වන සත්‍යවතීව දැක ඇගේ පියාගෙන් අත ඉල්ලයි. මේ සත්‍යවතීට පරාෂාර නම් ඍෂිට දාව විවාහ නොවී ලැබුණු ව්‍යාසා නම් පුතෙක් සිට ඇත. කෙසේ වෙතත් රාජ උරුමය සත්‍යවතීගේ අනාගත පුතෙකුට ලබා දෙන බවට ශාන්තනු පොරොන්දු නොවන්නේ නම් ඇගේ පියා විවාහයට එකඟ නොවන බව ප්‍රකාශ කරයි. තම පියාගේ උභතෝකෝටිකය විසඳීම සඳහා දේවව්‍රත සිංහාසනයට ඇති අයිතිය අත්හැරීමට එකඟ වේ. ධීවරයාට මේ පොරොන්දුව පිළිබඳව විශ්වාසයක් නැති වූ නිසා, දේවව්‍රත තම පියාගේ පොරොන්දුව සහතික කිරීම සඳහා ජීවිත කාලය පුරාම බ්‍රහ්මචාරී වීමට දිවුරුම් දෙයි.

සත්‍යවතීට ශාන්තානුට දාව චිත්‍රංගධ සහ විචිත්‍රවීර්‍ය නමින් පුතුන් දෙදෙනෙකි. ශාන්තනුගේ මරණයෙන් පසු චිත්‍රංගධ රජ වෙයි. ඔහු ඉතා කෙටි කාලයක් ජීවත් වී මිය යයි. බාල පුත් විචිත්‍රවීර්‍ය හස්තිනාපුරය පාලනය කරයි. මේ අතර හස්තිනාපුරයෙහි රාජකීය පවුලට ආරාධනා කිරීම නොසලකා හරිමින් කාසි රජු සිය දියණියන් තිදෙනා වෙනුවෙන් ස්වම්වරයක් සංවිධානය කරයි. විචිත්‍රවීර්‍යට විවාහ කොට දීම සඳහා භීෂ්ම අම්බා, අම්බිකා සහ අම්බලිකා යන කුමරියන් තිදෙනාගේ ස්වම්වරයට සහභාගී වී ඔවුන් පැහැර ගැනීමට උත්සාහ කරයි. ඉන්පසු විචිත්‍රවීර්‍ය සමඟ විවාහ වීමට අම්බිකා සහ අම්බලිකා එකඟ වෙයි.

කෙසේ වෙතත්, වැඩිමල් කුමරිය අම්බා, භීෂ්මට පවසන්නේ තම ස්වම්වරයේදී භීෂ්ම පරාජය කළ ෂල්වා රජු සමඟ විවාහ වීමට ඇය කැමති බවයි. ෂල්වා රජු සමඟ විවාහ වීමට භීෂ්මා ඇයට අවසර ලබා දුන්නද, ෂල්වා ඇයව විවාහ කර ගැනීම ප්‍රතික්ෂේප කරයි. අම්බා පසුව භීෂ්ම සමඟ විවාහ වීමට පැමිණියද බ්‍රහ්මචාරී පොරොන්දුව නිසා ඔහු එය ප්‍රතික්ෂේප කරයි. ඇයගේ දුක්ඛිත තත්වයට වගකිව යුතු සතුරා භීෂ්ම නිසා අම්බා ඔහු සමඟ කෝපයට පත් වී ඔහුගෙන් පළි ගන්නා අටියෙන් සියදිවි නසා ගන්නා ලදි. පසුව ඇය පංචාල දේශයේ දෘපද්‍ය රජුට ෂිකන්දි ලෙස නැවත ඉපදී අර්ජුනගේ උපකාරයෙන් කුරුක්ෂේත්‍ර සටනේදී භීෂ්මව මරා දමයි.

විචිත්‍රවීර්‍ය කිසිදු උරුමක්කාරයෙකු නොමැතිව තරුණ වියේ මියැදුණු පසු, සත්‍යවතී තම පළමු පුත් ව්‍යාසාගෙන් දරුවන් නොමැති වැන්දඹුවන් විවාහ කරගෙන රාජ්‍යත්වයට දරුවන් ලබාදෙන ලෙස ඉල්ලා සිටී. වැඩිමහල් අම්බිකා ව්‍යාසාව දුටු විගස දෑස් පියාගන්නා අතර ඇගේ පුත් දෘඨරාෂ්ට උපත ලබන්නේ අන්ධවයි. අම්බලිකා ඔහුව දුටු විට සුදුමැලි වී ලේ අඩු වන අතර, එබැවින් ඇගේ පුත් පණ්ඩු ඉපදුනේ සුදුමැලි හා දුර්වල සෞඛ්‍යයෙන් යුතුවයි. (පණ්ඩු යන වචනයේ තේරුම සෙංගමාලයයන්නයි.) පළමු දරුවන් දෙදෙනාගේ ශාරීරික දුර්වලතා හේතුවෙන් සත්‍යවතී නැවත වරක් උත්සාහ කරන ලෙස ව්‍යාසාගෙන් ඉල්ලා සිටී. කෙසේ වෙතත්, අම්බිකා සහ අම්බලිකා තමන් වෙනුවට තම සේවිකාව ව්‍යාසාගේ කාමරයට යවයි. මෙහෙකාරියගෙන් ව්‍යාසාට දාව විදුර නම් තුන්වන පුතෙකු උපත ලබයි. ඔහු නිරෝගීව උපත ලබා මහා භාරතයේ බුද්ධිමත්ම චරිතයක් බවට පත්වේ. ඔහු පණ්ඩු රජුට සහ දෘඨරාෂ්ට රජුට මහඇමති ලෙස සේවය කර ඇත.

කුමාරවරු වැඩෙද්දී, භිෂ්ම දෘඨරාෂ්ටව රජු ලෙස කිරුළු පළඳවන්න සැරසෙන විට විදුර මැදිහත් වී දේශපාලනය පිළිබඳ ඔහුගේ දැනුම උපයෝගී කරගනිමින් අන්ධ පුද්ගලයෙකුට රජ විය නොහැකි බව ප්‍රකාශ කරයි. මෙයට හේතුව අන්ධ මිනිසෙකුට තම යටත්වැසියන් පාලනය කිරීමට හා ආරක්ෂා කිරීමට නොහැකි වීමයි. සිංහාසනය පණ්ඩුට ලබා දෙන්නේ ධර්තාරාෂ්ට්‍රගේ අන්ධභාවය නිසායි. පණ්ඩු කුන්ති සහ මද්‍රි යන කුමරියන් සමඟ දෙවරකදී විවාහ වෙයි. දෘඨරාෂ්ට විවාහ වන්නේ ගාන්ධාර දේශයේ කුමරියක වන ගාන්ධාරි සමඟයි. මැය තම ස්වාමිපුරුෂයා ජීවත් වූ අන්ධකාරය බෙදා ගැනීමට පොරොන්දු වී ඔහුට දැනෙන වේදනාව ඇයටද දැනෙන පිණිස දෑස් බැඳගෙන සිටියි. දිනක් පණ්ඩු වනාන්තරයේ විවේකීව සිටින විට ඔහුට සතෙකුගේ ශබ්දයක් ඇසී ශබ්දය පැමිණි දිශාවට ඊතලයක් විදියි. කෙසේ වෙතත්, ඊතලය ගොස් වැදෙන්නේ කින්දමා නම් ඍෂිවරයෙකුටයි. මෙයින් කෝපයට පත් ඍෂිවරයා රජු ලිංගික ක්‍රියාවක යෙදුනහොත් මිය යන්නැයි ශාප කරයි. පණ්ඩු පසුව ඔහුගේ භාර්යාවන් දෙදෙනා සමඟ වනාන්තරයට ගොස් තපස් රකිමින් සිටින අතර ඔහුගේ සහෝදරයා වන දෘඨරාෂ්ට අන්ධභාවය නොතකා රට පාලනය කරයි.

කෙසේ වෙතත්, පණ්ඩුගේ වැඩිමහල් රැජින වන කුන්තිට විශේෂ මන්ත්‍රයක් භාවිතා කරමින් ඕනෑම දෙවියෙකුට ආයාචනා කළ හැකි වන ලෙසට දුර්වාසා ඍෂිවරයා විසින් වරයක් ලබා දී තිබුණි. මැය ක්‍රිෂ්ණගේ පියා වාසුදේවගේ නැගණියයි. කුන්ති මෙම වරප්‍රසාදය භාවිතා කරමින් යුක්තියට අධිපති ධර්මා හෙවත් යමගෙන්, සුළඟට අධිපති වායූගෙන් සහ ස්වර්ගයට අධිපති ඉන්ද්‍රගෙන් ආයාචනා කොට මෙම දෙවිවරුන් තුළින් යුධිෂ්තිරා, භීම සහ අර්ජුන යන පුතුන් තිදෙනා බිහි කරයි. මේ අතරින් වැඩිමහල්ලාගේ “යුධිෂ්තිරා” යන නාමයේ තේරුම “යුද්ධයේ ස්ථාවර තැනැත්තා” යන්නයි. මොහු හඳුන්වන අනෙක් නම් වන්නේ :

  • භාරත වන්ෂි – භාරතයෙන් පැවත එන්නා
  • අජටාෂතෘ – සතුරන් නොමැතිව උපත ලැබූ පුද්ගලයා
  • ධර්මානන්දන් – ධර්මාගේ පුත්‍රයා
  • ධර්මරාජ් හෙවත් ධර්මාරායා – ධර්මයේ අධිපති (මෙම චිත්‍රපටියේ හඳුන්වන්නේ මේ නාමයයි.)
  • පාර්තා – කුන්ති ලෙසද හැඳින්වෙන ප්‍රිතාගේ පුත්.

තවද කුන්ති තම මන්ත්‍රය මද්‍රි කුමරියටද පවසන අතර ඇය අශ්විනී කුමාරවරුන්ට ආයාචනා කොට නකුල සහ සහාදේව යන නිවුන් දරුවන් බිහි කරයි. කෙසේ වෙතත්, පණ්ඩු සහ මද්‍රි ලිංගිකව හැසිරෙද්දී පණ්ඩු මිය යයි. මද්‍රි සති පූජාව පිණිස සැමියා දැවෙන සෑයට පැන මැරෙයි. කුන්ති සහෝදරයන් පස්දෙනා ඇති දැඩි කරන අතර, එතැන් සිට ඔවුන් පාණ්ඩව සහෝදරයන් පස්දෙනා ලෙස හැඳින්වේ. මොවුන් පස් දෙනාම දෘපදි නම් පංචාල දේශයේ කුමාරිකාව සමඟ විවාහ වේ. මේ කුමරිය කෞරවයන් හා පාණ්ඩවයන් අතර ඇති වන මහා සටනට හේතුවක්ද වෙනවා.

ගන්ධාරි කුමරියට දෘඨරාෂ්ට රජුට දාව පුතුන් සියයක් උපත ලබන අතර ඔවුන් සියල්ලෝම යුධිෂ්තිරාගේ උපතින් පසු උපත ලබා ඇත. ගාන්ධාරීගේ ගැබ් ගැනීම අසාමාන්‍ය ලෙස දීර්ඝ කාලයක් තිස්සේ පැවතුන අතර, ගැබ් ගැනීමෙන් වසර දෙකකට පසු ගාන්ධාරී බිලිඳෙකු නොවූ පණ නැති මස් කැබැල්ලක් බිහි කළාය. ඇය කලකිරීමෙන් ඇගේ ගර්භාෂයට පහර දෙන්නට විය. ඇයට “ෂත පුත‍්‍ර ප්‍රාප්තිරස්තු” (සංස්කෘතයෙන් “පුතුන් සියයකට උරුම ලත්”) ලෙස ඇයට ආශීර්වාද කළ ව්‍යාසාට ඇය අයැද සිටියාය. ව්‍යාසා මස් ස්කන්ධය සමාන කැබලි එකසිය එකකට වෙන් කොට ඒවා ගිතෙල් භාජනවලට දමා මුද්‍රා තබා වසර දෙකක් පොළොව යට වළලන ලදි. දෙවන වසර අවසානයේදී පළමු බඳුන විවෘත කරන ලදි. මෙයින් ඉපදුන කුමරුවන් කෞරව සහෝදරයන් වන අතර වැඩිමහල් තැනැත්තා දුර්යෝධන වන අතර දෙවැන්නා දුශ්ශාසනය. අනෙක් කෞරව සහෝදරයන් වූයේ විකර්ණ සහ සුකර්ණය. අනෙක් සහෝදරයන් 96 දෙනා පසුව උපත ලබයි. ගන්ධාරි දියණියක්ද ඉල්ලූ හෙයින් තව එක් සහෝදරියක් උපත ලබන අතර ඇය දුෂාලාය.

මේ අනුව කුරුක්ෂේත්‍ර සටනට මුල පුරන කෞරවයන් හා පාණ්ඩවයන් වන්නේ ව්‍යාසට දාව අම්බිකා සහ අම්බලිකා යන කුමරියන් බිහිකරන පණ්ඩු සහ දෘඨරාෂ්ට යන සහෝදරයන්ගේ පුත්‍රයන්ය. අරගලය අවසන් වන්නේ කුරුක්ෂේත්‍ර මහා සටනෙනි. මෙම සටනින් යුක්තිය සහ සාධාරණයට වඩා ඥාති සබඳතා, මිත්‍රත්වයේ ගැටුම්, පවුල් පක්ෂපාතිත්වය ප්‍රමුඛත්වයක් ගන්නට විය.

කොහොමහරි මහා භාරතයෙන් බාගයක්ම මං කිව්වා. හැබැයි කුරුක්ෂේත්‍ර සටන ඇතිවීමට හේතුවවත් එය ජයග්‍රහණය කරන ආකාරයවත් මං කියන්න බලාපොරොත්තු වෙන්නෙ නෑ. ඔය ගොල්ලෝ මේක බලලම දැන ගන්න. ආයෙත් චිත්‍රපටියකින් හමු වෙනකන් ඔය ගොල්ලො හැමෝටම බුදු සරණයි.

 

 

 

 

Due to copyright issues, we do not provide any torrent link.

මෙම ලබා දී ඇති උපසිරසි HD පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “පුබුදු ප්‍රසන්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2018-09-17
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Check Also

Black Beauty (2020) Sinhala Subtitles | බලාපොරොත්තුව හා ආදරය කෙදිනකවත් අත්නොහරිමි [සිංහල උපසිරසි සමඟ]

Ashley Avis විසින් අධ්‍යයක්ෂණය කරන, 1877 වසරේ නිකුත් වූ Anna Sewell විසින් රචිත බ්ලැක් බියුටි …

Leave a Reply

Your email address will not be published.

18 comments

  1. සබට තුති වේවා සහෝ…‍
    මහන්සි වෙලා ලොකු විස්තරයක් ගෙනල්ලා…
    දිගටම සබ් දෙමු ආ… ජය!

  2. ස්තුතියි සහෝ. ඔබට ජය

  3. උපසිරැසියට බොහෝම ස්තුතියි

  4. dovnload karagnne kohenda

  5. ස්තුතියි සහෝදරයා පොඩිකාලේ ඉදන් ආස කරන කතාවක් නියමයි !

  6. thanks bro sinhla sube ekata supiri ruler telugu film ekatath sube dannako,

  7. දෙවෙනි පාරටත් බලමු එහෙනං ❤️
    මරු විස්තරේ…

  8. … ගොඩක්ම ස්තූතියි. …
    ඔබට සහ ඔබ පවුලේ සැමට
    තෙරුවන් සරණ ලැබේවා..!

  9. බොහොම ස්තූතියි සිංහල උපසිරැසියට. ජය෴෴ 😛 😛

  10. letter eka nam superb.n thanks 4 the sub

  11. බොහොම ස්තුතියි නියම විස්තර කිරීමක් කරලා තියෙනවා .

  12. Thanks sub ekata supiri pluwanman Netflix The Main Event 2020 WWE film the Willoughby cartoon 2020 movie sub dennko please Trolls 2020 plz denna

  13. ලිපියටත් උපසිරැසියටත් ස්තුතියි.

  14. Hashan M. Priyadarshana

    බොහොම ස්තුතියි සබ් එකට 🙂 🙂

  15. මහාභාරතය හොඳටම pehedili කරා

  16. #ChalinduDeshan(kinaa)

    Mahansi wela karala tiyenawa wage. Thanks bro.

error: Alert: Content is protected !!