අපගේ නිල ඩවුන්ලෝඩ් වෙබ් අඩවිය තවදුරටත් baiscopedownloads.co නොවේ. කරුණාකර අපගේ උපසිරසි සඳහා ගැලපෙන ලින්ක් බාගත කරගැනීමට https://baiscopedownloads.link/ හෝ https://baiscopedownloads.xyz/ වෙත පිවිසෙන්න.

MENU

Laadla (1994) Sinhala Subtitles | මවගේ සුරතලා! [සිංහල උපසිරැසි සමඟ]

Rating: 8.7/10. From 33 votes.
Please wait...

අද ඔබ හමුවට ගෙන එන්නේ Laadla නම් හින්දි චිත්‍රපටය යි. මේ හින්දි සිනමා පටයකට මා කළ පළමු උපසිරැසි නිර්මාණයයි. Laadla කියන්නේ 1994 වසරේ අප්‍රේල් 17 වැනිදා නිකුත් වුණු බොක්ස් ඔෆිස් වාර්තා තැබූ ජනප්‍රිය හින්දි චිත්‍රපටයක්. බොලිවුඩ් සිනමා රසිකයන් කම්පනයට පත් කරමින් පසුගිය පෙබරවාරි 24 වැනිදා අභාවයට පත්වුණු ශ්‍රී දේවි තමයි මේ චිත්‍රපටයේ ප්‍රධාන චරිතය වන ශීතල් ජෙට්ලිගේ චරිතය නිරුපනය කරන්නේ. අනිල් කපුර් සමඟ රවිණා තන්ඩන් ද මෙහි රංගනයේ යෙදෙනවා. Laadla චිත්‍රපටය 1986 වසරේ තිරගත කෙරුණු Anuraga Aralithu නම් චිත්‍රපටයේ ප්‍රතිනිර්මාණයක් ලෙස Raj Kanwar විසින් අධ්‍යක්ෂණය කෙරුණා. IMdb දර්ශකයේ 5.8/10 ක අගයක් හිමි කරගැනීමට මේ චිත්‍රපටය සමත් වුණා. එපමණක් නොවෙයි ඉන්දීය රුපියල් කෝටි 14 ක ආදායමක් ඉපැයීමට Laadla සමත් වුණා. Nitin Manmohan විසින් නිෂ්පාදනය කෙරුණු මෙම චිත්‍රපටයේ Anand-Milind විසින් සංගීත අධ්‍යක්ෂණය කළ මියුරු ගීත කිහිපයක් ද අන්තර්ගත වෙනවා. සුප්‍රකට හින්දි ගීතයක් වන “තේරී උඟලි පකඩ් කේ චලා…” ( “නුඹේ ඇඟිලි අල්ලා මා ඇවිදින්න පටන් ගත්තා.. “) ඇතුළත් වන්නේ මෙම චිත්‍රපටයේ යි.

චිත්‍රපටයේ කතාව ගැනත් යමක් කියන්නම්. ශීතල් කියන්නේ සුරූපී එහෙත් ඉතාම අහංකාර හිතුවක්කාර තරුණියක වන අතර පිය උරුමයෙන් ලද කර්මාන්තශාලාවක හිමිකාරියක්. ඇයට හිමි කර්මාන්තශාලාව ඉන්දියාවේ අංක එකේ කම්හල බවට පත් කරන්නේ ඇයගේ දැඩි කැපවීම, අධිෂ්ඨානය සහ විනය නිසා යි. රාජු හෙවත් රාජ් වර්මා, ප්‍රධාන කාර්මිකයෙකු ලෙස සේවය කරන කාරුණික හදවතක් ඇති තරුණයෙක්. ඔහු තම ආබාධිත මවට ඉතා ආදරයෙන් ගෞරවයෙන් සත්කාර කරමින් රැකබලා ගන්නවා.

“…ඔබගේ ඇඟිලි අල්ලා මා ඇවිදින්නට ගත්තා
මව් සෙනෙහසේ වැස්සෙන් මා නැහැවුවා
අම්මේ, මගේ අම්මේ…. මමයි ඔබේ සුරතලා”

මේ කම්හලේ වත්මන් හිමිකාරිණිය වන ශීතල් තමන්ගේ තරඟකාරී උද්ධච්ඡ ක්‍රියාකලාපය නිසා සතුරන් ගණනාවක් නිර්මාණය කරගන්නවා. ඒ සතුරන් ශීතල් සහ පියාගෙන් පළිගැනීමට ශීතල්ගේ පියාගේ වාහනයට පහර දෙනවා. එහිදී ශීතල්ගේ කම්හලේ සම්මුඛ පරීක්ෂණයකට යමින් සිටි රාජු මෙය දැක ඔහුගේ ජීවිතය බේරාගැනීමත් සමඟ ඔහුට ඒ කම්හලේ රැකියාවක් ලැබෙනවා. සේවකයන් අතර ජනාදරයට පත්වන රාජු සේවක සංගමයේ නායකයා බවට පත්වෙනවා. යුනියන් ලීඩර් රාජු සහ කම්හලේ හිමිකාරිය වන ශීතල් අතර විවිධ ඝට්ටනයන් ඇතිවෙනවා. මෙයින් දැඩි ලෙස කිපෙන ශීතල් රාජුගෙන් පළිගැනීමට අදිටන් කරගන්නවා.

“මගේ වහලාණෙනි, නුඹේ ජීවිතය මා නැති කරන්න ද?
සිරගත කරන්න ද ? නිදහස් කරන්න ද?
නැත්නම් නුඹව විනාශ කරන්නද?
මා කවුරුන් ද, කුමක් කළ හැකි ද? නුඹ එය නො දනියි…!!”

ශීතල් රාජුගේ මවට බලපෑම් කර ඔහු හා විවාහ වීමට තීරණය කරන්නේ ඔහුගේ ජීවිතය විනාශ කිරීමටත්, සේවක සංගමයේ නායකයා ලෙස සේවකයන් අතර ඔහුට ඇති පිළිගනිම දුර්වල කිරීමටත් හිතාගෙනයි. ඒ වනවිටත් ශීතල්ගේ කම්හලේම වැඩකරන කාජල් සහ රාජු අතර ආදර සම්බන්ධයක් තිබෙනවා. ශීතල්ගේ පියා රාජුට ශීතල්ව විවාහ කරවන්නේ ඇයගේ උඩඟුකම සහ හිතුවක්කාරකම මර්ධනය කරවන්න රාජුව භාවිතා කරන්න යි. විවාහයෙන් පසු ශීතල්ට රාජුගෙන් පළිගැනීමට හැකි වෙයි ද? නැත්නම් රාජු නිසා ශීතල්ගේ මුරණ්ඩුකම් මැඩී යාවි ද? ශීතල් වැනි ලේලියක සමඟ රාජුගේ මව ගතකරන ජීවිතය කෙසේ වේවි ද? ශීතල් තම උඩඟුකම සහ හිතුවක්කාරකම නිසා ඇතිකරගත් සතුරන් ගෙන් කෙසේ ගැළවෙයි ද? රාජුට ආදරය කළ කාජල්ගේ ඉරණම කෙසේ විසඳේවී ද? මේ ගැන දැනගන්න මේ චිත්‍රපටය බලලම ඉන්න!

මේ චිත්‍රපටය හා සම්බන්ධ එක් ඛේදජනක කතන්දරයක් තියෙනවා. මේ චිත්‍රපටයේ ප්‍රධාන චරිතය වන ශිතල්ගේ චරිතය සඳහා මුලින් යොදාගෙන තිබුණේ ’90 දශකයේ ඉන්දියානු සිනමාවේ සිටි ජනප්‍රිය නවක නිළියක වූ සුරූපී දිව්‍යා භාරතිව යි. එහෙත් චිත්‍රපටයේ රූගත කිරීම් වලින් 80% ක් පමණ අවසන් කර තිබිය දී ඇය අභිරහස් ලෙස මරණයට පත්වූ නිසා ඇය වෙනුවට ශ්‍රී දේවි යොදාගෙන මුළු චිත්‍රපටයම නැවත රූගත කිරීමට කාර්ය මණ්ඩලයට සිදුවුණා. 1993 දී තිරගත වීමට සැලසුම් කෙරී තිබුණු Laadla චිත්‍රපටය දිව්‍යාගේ මරණය නිසා 1994 වසරේ දී තිරගත කිරීමට සිදුවුණා. දිව්‍යා භාරතී මිය යන විට එකල භාරතීය සිනමාවේ ලාබාලතම නිළිය වුණා. එකල ඇගේ වයස යන්තමින් අවුරුදු 19 ක් පමණ යි. සිනමා රසියකයන් දිව්‍යා භාරතී ව දුටුවේ එවකට බොලිවුඩයේ නිළි රැජිණක වූ ශ්‍රීදේවි ගේ රුවට බෙහෙවින් සමාන රූපයක් ඇති සුන්දරියක ලෙස යි. ඒ වනවිටත් හින්දි සිනමාවේ ඉතා ජනප්‍රිය තැනක් ගොඩනඟාගෙන සිටි ඇය 1992 දී හින්දි සිනමාවට පිවිස 1993 දී අවාසනාවන්ත ලෙස ඉන් සමුගන්නාවිට, හින්දි චිත්‍රපට පමණක් 14 කට රංගනයෙන් දායක වී තිබුණා. ඇය රංගනයෙන් දායක වූ තෙලිඟු චිත්‍රපට ද රැසක් තිබෙනවා.

1993 වසරේ අප්‍රේල් 05 වැනිදා, රාත්‍රී 11 ට පමණ, දිව්‍යා භාරතී මුම්බායි හි වර්සෝවා වල පිහිටි ඇයගේ සැමියාට අයත් තුල්සි නම් තට්ටු නිවාසයේ පස්වන තට්ටුවෙන් බිමට ඇද වැටුණා. ඇය කෙලින්ම වැටුණේ එළියේ තිබුණු කොන්ක්‍රීට් පොළව මතට. අසල්වැසියන් ඇයව දුටු වහාම ගිලන් රථයකින් කූපර් රෝහලට රැගෙන ගිය ද වෛද්‍යවරුන්ට ඇයගේ ජීවිතය ගලවා ගැනීමට නො හැකි වුණා. රෝහලට ගෙන යන තෙක්ම හුස්ම ගනිමින් සිටි ඇය රෝහලේදී ඇය අවසන් හුස්ම හෙලුවා. මරණයට ආසන්නතම හේතුව ලෙස අනාවරණය වුණේ කම්පනය සහ දරුණු ලෙස හානි වුණු ඇයගේ හිස පිටුපස පෙදෙසෙන් හිස අභ්‍යන්තරට වුණු රුධිර වහනය වීමක් නිසා බවයි. ඇයගේ සිරුරේ ඇල්කොහොල් සහ Diazepam නම් මත්ද්‍රව්‍ය අන්තර්ගත බව අනාවරණය වුණා. මරණයට හේතුව අනාවරණය වුවත්, ඇය ඇදවැටීමට හේතුව කුමක්ද යන්න පැහැදිලි වුණේ නැහැ. එකල ජනමාධ්‍යය තුළ මේ ගැන විවිධ මතවාද ප්‍රචාරය වුණා. මේ අනතුරකින් වුණු ඇදවැටීමක් ද, ඇය දිවිනසා ගත්තා ද, නැතහොත් මිනීමැරුමක් ද යන්න ඔවුන්ගේ සැකයට භාජනය වුණා. පාතාලයට සම්බන්ධකම් ඇති බවට සැක කෙරුණු සිනමා නිෂ්පාදකවරයෙක් වන දිව්‍යාගේ සැමියා Sajid Nandiadwala විසින් මේ මිනීමැරුම කරවූ බව ඇතැම් ජනමාධ්‍ය සැක පහළ කර තිබෙනවා. කෙසේවෙතත් මේ මරණය මිනීමැරුමක් යැයි තහවුරු කිරීමට ප්‍රමාණවත් තරම් සාක්ෂි පොලිසියට ලැබුණේ නැහැ. එහෙත් සිද්ධිය ගැන ඇසින් දුටුවන්ගේ සහ ප්‍රධාන සාක්ෂිකරුවන්ගේ ප්‍රකාශ වල සැක සහිත බව නිසා මෙය මිනීමැරුමක් ද යන්න සැකය පැවතුණා. කෙසේවෙතත් 1998 දී ඇයගේ මරණය සම්බන්ධ විමර්ෂණ කටයුතු සාක්ෂි මදි කම නිසා මුම්බායි පොලිසිය මඟින් අත් හිටවනු ලැබුවේ ඇයගේ මරණය අදටත් නො විසඳුණු අභිරහසක් ලෙස ඉතිරි කරමින්.

Laadla චිත්‍රපටය වෙනුවෙන් දිව්‍යා භාරතී රංගනයෙන් දායක වුණු ඇතැම් ජවනිකා කිහිපයක් සංස්කරණය කර සැකසු වීඩියෝ පටයක් ඇයගේ රසිකයන් වෙනුවෙන් රුපවාහිනියේ විකාශය කෙරුණා. පසුකාලිනව ඒ සම්බන්ධ වීඩියෝ යූ ටියුබ් අඩවියට නිකුත් කෙරී තිබෙනවා. 1993 න් පසු නැරඹීමට සිටිය ද, ඔබට නැරඹීමට නො හැකි වුණු ඇයගේ රංගනයෙන් වර්ණවත් වුණු ඒ දුර්ලභ වීඩියෝ දර්ශනයන්හි නම් පහතින් දක්වා තිබෙනවා. මෙම නම් ගූගල් වෙබ් අඩවිය තුල සෙවුමක් මගින් පහසුවෙන් නැරඹීමට හැකියාව තිබෙනවා.

1) Divya Bharti – Behind The Scenes Of Laadla (Very Rare Video)
2) Ladala unfinished by divya bharti
3) Sridevi & Divya -They will remain immortal for-Unreleased Scenes of Ladla
4) Mere Ghulam Tera RARE – Divya Bharti (UNFINISHED)

කෙසේ වෙතත් දිව්‍යා වෙනුවට ශිතල්ගේ චරිතයට ආදේශ කළ පරිණත නිළියක වන ශ්‍රිදේවී මෙහි ඉතා සාර්ථකව එම චරිතය නිරුපණය කරන බව ඔබට දකින්න ලැබේවි. මෙහි කළ චරිත නිරූපණ වෙනුවෙන් 1995 වසරේ Filmfare සිනමා උළෙලේදී ශ්‍රීදේවි හොඳම නිළියටත් රවිණා තන්ඩන් හොඳම සහය නිළිය ලෙසත් නිර්දේශ වුණා. දිව්‍යා භාරතීගේ හතළිස් හතර වැනි ජන්ම සංවත්සරය යෙදෙන 2018 පෙබරවාරි 25 ට එක් දිනකට පෙර ශ්‍රීදේවි ද අවාසනාවන්ත ලෙස මරණයට පත්වුණා. රූපයෙන් ද ආසන්න සමානකම් දැක්වූ මේ රංගන ශිල්පිණියන් දෙදෙනාම බොලිවුඩ් රසිකයන් තුළ නො මැකෙන මතක සටහන් තැබුවා.

මෙම චිත්‍රපටයට රංගනයෙන් දායක වෙන්නෙ:
Anil Kapoor – රාජ් වර්මා ලෙසින් (රාජු)
Sridevi – ශීතල් ජෙට්ලි ලෙසින්
Raveena Tandon – කාජල් ලෙසින්
Farida Jalal – ගයත්‍රී වර්මා ලෙසින් (රාජුගේ මව)
Aruna Irani – ශීතල්ගේ මව ලෙසින්
Prem Chopra – සුර්යදේව් ලෙසින්
Paresh Rawal – හිරාවත් (සුර්යදේව් ගේ සොහොයුරා)
Anupam Kher – ලක්ෂ්මිනාරායන් ජෙට්ලි ලෙසින්
Shakti Kapoor – තිලක් භණ්ඩාරි ලෙසින්
Alok Nath – කාජල්ගේ පියා ලෙසින්
Kalpana Iyer – කාමිණී ලෙසින්
Arun Bakshi – මේතු ලෙසින්
Shawn Jhajj – රේගු නිළධාරියා ලෙසින්

එහෙම නම් මේ හින්දි චිත්‍රපටය බාගත කරගෙන සිංහල උපසිරැසි සමඟින් රස විඳින්න. සීඩ්ස් ගැන ප්‍රශ්නයක් තියෙනවා නම් යූ ටියුබ් එකෙන් බාගත කරගන්න. දී ඇති උපසිරැසි එකක් ඒ හා ගැළපෙනවා.

දිගටම බයිස්කෝප් අඩවියත් එක්ක රැඳී ඉන්න! කරුණාකර මේ නිර්මාණය පිළිබඳ ඔබේ අදහස් Comment එකකින් අප වෙත දන්වන්න. ඔබට තෙරුවන් සරණයි!!

 

 

Due to copyright issues, we do not provide any torrent links.

 

මේ ලබා දී ඇති සිංහල උපසිරැසි පිළිබද “ප්‍රබුද්ධ කේ්‍සර විතානගේ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2016-02-26
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

35 thoughts on “Laadla (1994) Sinhala Subtitles | මවගේ සුරතලා! [සිංහල උපසිරැසි සමඟ]

  • මේ උපසිරසියට හරියන film එක දාන්නකො ඔයලගෙ films site එකට please

    Reply
  • අතීතයට අපි ආසයි..බොහෝම ස්තුතියි පරණයි කියලා අතාරින් නැතුව උපසිරැසි නිර්මාණය කළාට..ජයවේවා !!

    Reply
  • මේ ෆිල්ම් එක ඇත්තටම ලස්සන එකක් සබ් එක දුන්නට තැන්ක්ස් සහෝ. පරන එවත් බලන්න ඔනේ . අඩුවෙන් කස්ටිය බැලුවත් පරන එවාගේ කතා මරැ

    Reply
  • Thanx .junoon (1992) ෆිල්ම් එකටත් සිංහල උපසිරැසි ලබා දෙන්න .

    Reply
  • ස්තූතියි .junoon (1992) ෆිල්ම් එකටත් සිංහල උපසිරැසි ලබා දෙන්න .

    Reply
  • සිංහල උපසිරැසියට ස්තූතියි . Junoon (1992)) ෆිල්ම් එකටත් සිංහල උපසිරැසි ලබා දෙන්න .

    Reply
  • Thanks for subtitles . 90 දශකයේ ෆිල්ම් වලට සබ් දෙන එක නම් සුපිරි ..

    Reply
  • ෆිල්ම් එක නම් මම කාලයක් තිස්සේ බලන්න ආසාවෙන් හිටපු එකක්….ඒත් ෆිල්ම් එකේ copy එකක් නම් හොයා ගන්න බැරිඋනා. torrent ලින්ක් එකක් නැති එක හරිම පාඩුවක්….

    Reply
  • ඒ දවස් වල ආසාවෙන් බලපු බයිස්කෝප් එකක්. බොහෝම ස්තූතියි
    ටොරන්ට් ෆයිල් එක ගන ඉගියක් වත් තිබුනනම් තවත් හොදයි
    ජයවේවා

    Reply
  • ස්තුතියි උපසිරසියට
    ගොඩක් හොඳ ලිපියක්…
    ජයෙන් ජය…!!! දිගටම කරගෙන යම්මු…

    Reply
    • ඒ වගේම මං අහල තියෙන තවත් කතාවක් මතක් කරන්නම් ඔය ලිපියටම…

      ඔය චිත්‍රපටිය දිව්‍යා භාරති යොදාගෙන මුලින් රූගත කරනකොට එක සීන් එකක් තියෙනවා ඒක නැවත නැවත කීපවරක්ම රූගත කරන්නට සිදු උනාලු. එතන තියෙන්නේ දිව්‍යා විසින් වේගයෙන් කියාගෙන යන දෙබස් කීපයක්. රවීනා තන්ඩන් සහ ශක්ති කපුර් එහෙමත් ඒ දර්ශනයේ ඉන්නවා.
      ඒ සීන් එක කම්ප්ලිට් කරන්න දිව්‍යාට ගොඩක් අමාරු උනාලු. (දෙබස් පටලැවීම වගේ කරුණු නිසා).
      ඉතින් සිද්දිය කියන්නේ දිව්‍යා නැති උනාට පස්සේ ආයේ ශ්‍රී දෙවි යොදාගෙන මේ චිත්‍රපටිය නැවත රූගත කරද්දී අර කලින් දර්ශනයේදී නැවතත් අත්භූතජනක සිද්දියක් වෙලා තියෙනවා.
      දිව්‍යාට වගේම ශ්‍රී දෙවිටත් අර කිව්ව දර්ශනය එකවර ගන්න අපහසු වෙලා නැවත නැවත ඒක කරන්න වෙලා තියෙනවා. නමුත් ඒ සැරේ වැඩේ ලේසියෙන් ගොඩදාගන්න බැරි උනාලු. ශ්‍රී දේවි කොයිතරම් උත්සහ කරත් සීන් එක කම්ප්ලීට් කරගන්න බැරිවෙලා

      පස්සේ රවීනා තන්ඩන් ශ්‍රී දේවිව කතා කරගෙන දේවාලයකට ගිහින් පූජාවක්/භාරයක් වගේ ආගමික වතාවක යෙදිලා ආපහු එක්කරගෙන ඇවිත් තමයි ඒ සීන් එක ගොඩදාගෙන තියෙන්නේ.

      ඉතින් ඔන්න ඔය වගේ බොහොම අමුතු අත්භූතජනක සිද්දීත් නැතුවාම නොවේ.
      මේවා තවමත් නොවිසඳුණු අභිරහස් වගේම ඒවා ඉදිරියටත් එලෙසම පවතීවි.
      කෙසේවෙතත් ඔය සුරුපිනියන් දෙදෙනාම අප අතර සදා නොමැකෙන මතක සටහන් ඉතිරි කර බොලිවුඩයට අහිමි වූ දැවැන්ත සම්පත් දෙකක්
      ඉතින් දෙදෙනාටම නිවන් සුව…!!!!

      Reply
  • me sinduwa ahena ahena serayak gane beluwa meka dalada kiyalada sub eka …eth ada dekkma puduma una mama meka tv eka issara hindi flms yana kale belala thiyanawa aye balanna ona tnx bro

    Reply
  • Tnq bro..lassana movei ekk..oya niyameta wisthara krla tynwa..ohoma ymu.bs

    Reply
  • උපසිරැසියට ගොඩක් ස්තුතියි………………. බුදු සරණයි

    Reply
  • ගොඩක් ස්තූතියි උපසිරැසියට.

    Mr. India 1987
    Tezaab 1988
    Lamhe 1991
    ෆිල්ම් තුනටත් උපසිරැසි දෙන්න පුළුවන්ද?

    Reply
  • thanx bro… jayen jaya

    Reply
  • උපසිරැසියට ගොඩක් ස්තුතියි.
    බුදු සරණයි – දෙවි පිහිටයි..!

    Reply
  • බොහොම ස්තූතියි සිංහල උපසිරැසියට. ජය෴෴ 😛 😛

    Reply
  • බොහොම ස්තුතියි ප්‍රබුද්ධ කේ්‍සර විතානගේ සහෝ මම පොඩි කාලේ ගොඩාක් අසාවෙන් බලපු ෆිල්ම් එකක් තමයි මේ . පුංචි කාලේ මට මේ ෆිල්ම් එකේ හැම සිංදුවක්ම හොදට කටපාඩම් . පැරණි වුනත් මේ වගේ වටිනා හින්දි ෆිල්ම් අරගෙන එනවට නැවතත් බොහෝම ස්තුතියි .

    Reply
  • Teri ungli pakad ke chalaa
    Mamta ke aanchal mein palaa
    Maa.. o meri maa
    Tu mera laadla
    Maa.. o meri maa
    Main tera laadla

    Reply
  • me wage parana films walata sub dena ekata thanks broo, meka lassana film ekak lassana song ekak thiye meke mulama, godaaak isthuthi sahoo me film ekata sub dunnata api meka e dawas wala beluwe vhs walin e kaale sub koheda, ayeth dan sinhala sub ekka balanna puluwan, me wage thawa godak films thiye ewatath sub denna balanna puluwannam, me supirima films tikaka nam – -=== Tango Charlie

    Teri Meherbaniyan

    yeh dil Aashiqanaa

    MAA (1992)

    Ek Ladka Ek Ladki

    Main Tera Dushman

    Parivaar

    Qahar

    Teri Meherbaniyan

    Jigar 1992

    Reply
  • mekatanm pin saho.aurudu ganak balan hitiya meka sinhala sub ekka balanna.me film wala story&song puduma lassanay.issara tv eke balala thiyenawa godak pin bro

    Reply
  • Thanks for the sub

    Reply
  • Thaks. Eth sub eka download wenne ne. 403 not found

    Reply
  • Old is gold කියනවනේ, බොහොම ස්තූතියි මල්ලි මේ වගේ චිත්‍රපටයකට උපසිරැසි ගෙනාවට!

    Reply
  • මම ලිපිය උඩ ඉඳන් කියවගෙන එද්දී හිතුවේ මේක අපේ දහරා මුතු අමා සහෝදරියගේ
    වැඩක් කියලා. මොකද අපට අමතක වෙලා තිබුණු පැරණි හින්දි චිත්‍රපට ගොඩක් සමීප කලේ ඒ සහෝදරියනේ. පස්සේ අන්තිම හරියෙදියි එහෙම නෙමෙයි කියලා දැක්කේ.
    මොනවා උනත් සිංහල උපසිරැසියට බොහොම ස්තුතියි ප්‍රබුද්ධ සහෝ.
    ලිපියත් ලෙසටම ලියවිලා තියෙනවා.
    ජයෙන් ජය.

    Reply
  • එල
    ස්තුතියි
    1

    Reply

Leave a Reply to bubba Cancel reply

Your email address will not be published. Required fields are marked *