Ladies vs. Ricky Bahl (2011) Sinhala Subtitles | අයියෝ සල්ලි…[සිංහල උපසිරැසි සමඟ]

ඔන්න යාළුවනේ මමත් අන්තිමේදී සබ් එකක් ගෙනාවා. මේක මගේ පළමුවෙනි උපසිරැසි ගැන්වීම. වැරදි තිබුනොත් සමාවෙන්න කියලත් හැමෝගෙන්ම ඉල්ලනවා. මං දෙන්න යන්නේ හින්දි චිත්‍රපටයක්. මේක ටිකක් විතර පරණයි.පරණයි කිව්වට 2011,ඒ කියන්නේ ගිය අවුරුද්දේ නොවැම්බර් මාසේ රිලීස් වෙච්ච එකක්. මේ ෆිල්ම් ඒකට IMDB 6/10 ක් ලැබී තිබෙනවා.

මේ ෆිල්ම් එක අධ්‍යක්‍ෂණය කරලා තියෙන්නේ මනීෂ් ශර්මා. මේ චිත්‍රපටයේ ප්‍රධාන චරිතයට පණ පොවන්නේ Band Baja Bharath චිත්‍රපටයට රංගනයෙන් දායක උන රාන්වීර් සිං. ඒවගේම අනුෂ්කා ශර්මාත් මේකට රංගනයෙන් දායකවෙනවා. පරිනීති චොප්රා,දිපන්නිතා ශර්මා,අදිති ශර්මා වැනි රංගන ශිල්පිණියන් සහය රංගනයක යෙදෙනවා. මේ ෆිල්ම් එක හින්දා පරිනීති චොප්රාට ෆිල්ම්ෆෙයාර් උළලේදී හොඳම නැගී එන නිලියට හිමි සම්මානයත් ලැබුණා.

මේක ඇත්තටම ලස්සන කතාවක් තියන ෆිල්ම් එකක්. මේ ෆිල්ම් එකට John Tucker Must Die කියන ඇමරිකන් ෆිල්ම් එකෙයි Bachna Ae Haseeno (2008) කියන හින්දි ෆිල්ම් එකෙයි සංකලනයක් කියන්නත් පුළුවන්. ඒ උනාට කොපියක් නෙමේ. මේකේ කතාවත් ටිකක් කියලා ඉන්නම්කෝ…..එක තරුණයෙක් ඉන්නවා මිනිහගේ රස්සාව කෙල්ලන්ව රවට්ටලා සල්ලි කඩා ගන්න එක. මිනිහා ඒකට එක එක උප්පරවැට්ටි යොදා ගන්නවා. කොහොමහරි මිනිහාගේ උප්පරවට්ටිවලින් සල්ලි අහිමි උන කෙල්ලෝ තුන්දෙනෙක් ඒගොල්ලන්ගේ සල්ලි ආපහු ලබා ගන්න හැටි තමයි මේකෙන් කියවෙන්නේ. තවත් දුරට කතාව කියන්න ගියොත් ඒකේ අගේ නැතිවෙනවා.බාගෙනම බලන්න. හැබැයි මේකේ සින්දු වලට නම් උපසිරැසි දැම්මේ නෑ, එහෙම දැම්මනම් ඒවායේ අර්ථය වෙනස් වෙනවා. කමෙන්ට් එකක් දාල යන්නත් අමතක කරන්න එපා.

මේ වැඩේට මාව උනන්දු කරවපු චතුර බුද්ධි සහෝදරයට විශේෂයෙන් ස්තුතිවන්ත වෙනගමන් මං සමු ගන්නවා ආයෙත් හොඳ ෆිල්ම් එකක් එක්ක හමුවෙමු. ජය වේවා ..!!

Due to copyright issues, we do not provide any torrent link.

මෙම ලබා දී ඇති උපසිරැසි DVD පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “හෂාන් මධුරංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
NEW MEMBER
JOINING DATE – 2012/07/10