Lagaan: Once Upon a Time in India (2001) | බද්ද වෙනුවෙන් ක්‍රිකට් තරඟයක්.[සිංහල උපසිරැසි සමඟ]

මගේ පලවෙනි පරිවර්තනයට ටිකක් පරණ ෆිල්ම් එකක් දෙන්න හිතුවා. ටිකක්මත් නෙවෙයි. මේක 2001 අවුට් වුන හිනිදි ෆිල්ම් එකක්. Taare Zameer Paar, Ghajini , 3 Idiots , Rang De Basanti වගේ ගොඩක් ජනප්‍රිය වුන ෆිල්ම්වල ප්‍රධාන නළුවා වුන Aamir Khan තමයි මේකෙත් ප්‍රධාන චරිතයට රගපාන්නේ. ඒ වගේම මේක අමීර් කාන්ගේම නිෂ්පාදනයක්. හිනායන කොටස් ගොඩක් ඇතුලත් එක දිගටම බලන්න පුලුවන් ෆිල්ම් එකක් කියලා සැකයක් නැතිවම කියන්න පුලුවන්.. . .

චම්පානීර් කියන්නේ ඉන්දියාවේ මධ්‍යම ප්‍රාන්තයේ තියෙන එක ගමක්. මේ ගමේ ආරක්ෂාවට බ්‍රිතාන්‍යයන් ගම වටේට කදවුරු පිහිටවලා තියෙනවා. ඉතින් ඒක වෙනුවෙන් මේ ප්‍රාන්තෙ අය බ්‍රිතාන්‍යයන්ට බදු ගෙවනවා. එක් අවුරැද්දක මේ ගමට වැස්ස ලැබුනෙ නැති නිසා වගාවන් පාලු වෙලා යනවා. ගහෙන් වැටුනු මිනිහට ගොනා ඇන්නා වගේ මේ කාලෙදිම බ්‍රිතාන්‍ය අය මුලු ප්‍රාන්තෙම බදු දෙගුණයකින් වැඩි කරනවා. බදු දෙගුණයක් තියා එක් ගුණයක්වත් දෙන්න බැරි තත්වෙක තමයි මෙයාලා ඉන්නේ.

ඉතින් මෙයාලා ඒ අවුරැද්දට විතරක් බදු නැති කරන්න කියලා ඉල්ලන්න යනවා. සුද්දොන්ගේ නායකයා බදු අඩු කරන්නම් කියනවා. හැබැයි එක කොන්දේසියක් උඩ. ඒක තමයි දක්ෂයන් වුන සුද්දන්ගේ පිලත් එක්ක ක්‍රිකට් තරගයක් ගහලා ඒකෙන් දිනින්න ඕනි. දින්නොත් එක අවුරැද්දක නෙවෙයි අවුරැදු තුනක සම්පුර්ණ බදුවලින් නිදහස් වෙනවා. මේ ගම විතරක් නෙවෙයි. මුලු ප්‍රාන්තෙ හැම ගමක්ම. හැබැයි පැරදුනොත්, බදු මුදල තුන්ගුණ වෙනවා.

වැඩේ කියන්නේ ගමේ කවුරැත් ක්‍රිකට් ගැන දන්නෙ නැ. එයාලා හිතන්නේ මේක ලේසි සෙල්ලමක් කියලා. ඉතින් මේ ගමේ කෙල්ලෙක් වෙන බුවන් (Aamirr Khan) මේ අභියෝගෙ බාරගන්නවා. මාස තුනකට පස්සෙ ඒ මැච් එක තියන්න දින නියම වෙනවා. මුලු ගමම අමාරැවක දැම්මා කියලා ගමේ අය බුවන්ට හොදටම බනිනවා. ඒ වගේම අහල පහල ගම් වලින් මෙයාට ගහන්න පවා එනවා. ඒත් මෙයා පහුබහින්නෙ නම් නෑ. මුලදි බුවන් විතරයි ඉන්නේ. ඒත් පස්සෙ දෙන්නෙක් මෙයාට එකතු වෙනවා. ඒ වගේම බ්‍රිතන්‍ය අයගේ නායකයාගේ සහෝදරිය පවා මෙයාලට ක්‍රිකට් ඉගෙන ගන්න උදව් කරන්න කැමති වෙනවා.

ඉතින් මෙයාලට කණ්ඩායමේ ඉතිරි අයව හොයාගන්න පුලුවන් වෙයිද? එයාලාට ක්‍රිකට් ඉගෙන ගන්න පුලුවන් වෙයිද? තරගයට මොනවා වෙයිද? කියලා බලන්න මේ ෆිල්ම එක බාගෙනම බලන්නකෝ… . . ^_^

2010 ජූලි 15 පලවූ ලිපිය.

මම වැඩියෙ හින්දි චිත්‍රපටි වලට කැමැත්තක් දක්වන්නෙ නෑ කියලා කට්ටිය දන්නවනෙ. ඒත් හිතට අල්ලපු හොඳ චිත්‍රපටි ගැන නොලිය ඉන්න එකත් හරි නෑ නේ. ඉතින් මම බලලා තියෙන අමුතුම ලස්සනක් කැටිවෙච්ච මේ චිත්‍රපටිය ගැන ගෝල සහෝ ගේ ඉල්ලීම මත ඔයගොල්ලො එක්ක බෙදාගන්න හිතුවා. ආ අමතක වුනානේ කියන්න, සම්මාන 44 දිනපු මේ චිත්‍රපටය ඔස්කාර් සම්මානයක් ඇතුළු තවත් සම්මාන 19 කට නිර්දේශ වූවක්. ඒ වගේම ඡන්ද 11,829 ලබා IMDB ශ්‍රේණි ගත කිරීම් වල 8.1/10 තරම් ඉහල අගයක් ලැබූවක්.

අමීර් ඛාන් ප්‍රධාන චරිතය රඟපාන මේ චිත්‍රපටයේ පසුබිම ඔවුන් බ්‍රිතාන්‍ය අධිරාජ්‍යයට නතුවූ කාලයට දිවයනවා. දැනටම ඉහිලිය නොහැකි බදු බරින් මිරිකී දිවි ගෙවන ඔවුන් හට නියඟය නිසා හරියාකාරව අස්වැන්නක් ලැබීමට නොහැකිවෙලා තියෙනවා. ඒත් බ්‍රිතාන්‍ය පාලකයින් ඔවුන් ගෙවිය යුතු (ලගාන්) බදු මුදල දෙගුණ කරනු ලබනවා. එය ඔවුන්ට කොහොමත් දැරිය නොහැකියි. එය අභියෝගයට ලක් කරන Bhuvan (අමීර් ඛාන්) හට ඔවුන් අඃතොනෝමතික අභියෝගයක් ලබා දෙනවා. එනම් දක්ෂ බ්‍රිතාන්‍ය ක්‍රීඩකයන් සමඟ ක්‍රිකට් තරඟයක් පවත්වා ජය ලැබීමයි. ඔහු එම අභියෝගය බාරගනු ලබනවා. එහෙත් ඔවුන් මෙම ක්‍රීඩාව යනු කුමක්දැයි දන්නේ නැහැ. ක්‍රීඩා කරනවා තබා පොළවත් සමඟ ඔට්ටු වී යන්තම් දිවි පෙවෙත රැක ගන්නන් ගේ ජීවිත රැදී පවතින්නේ මෙම අභියෝගය මතයි.

මෙතැන් සිට චිත්‍රපටය අලංකාර ලෙස ගලාගෙන යනවා. හාස්‍ය මුසු වූ සිද්ධි එමටයි. මෙහි අඩංගු ගීතද ඇත්තෙන්ම සිත් පැහැර ගන්නවා. මේ චිත්‍රපටයේ ධාවන කාලය වැඩිවුවත් ඇමෙරිකානුවන් මෙයට කැමති වූ බව ආරංචියි. ඒ මොකද කියනවනම් ඔවුනුත් බ්‍රිතාන්‍යයන්ගේ යටත් විජිතයක් ලෙස පැවති නිසා. අත නෑරම බාගෙන බලන්න කියලා මම නිර්දේශ කරනවා.
මේ ලිපියේ සම්පූර්ණ අයිතිය රොයිලි ප්‍රනාන්දු සොහොයුරා සතු වන අතර උපුටාගැනීම් සියල්ලම ඔහුගේ අවසරය මතම සිදුවිය යුතුය..

මේ ලබා දී ඇති සිංහල උපසිරැසි පිළිබද “කවිඳු ගිම්හාන් (පැතුම්)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.