L’Auberge Espagnole (2002) | ස්පාඤ්ඤ නවාතැන (18+) [සිංහල උපසිරැසි සමඟ]

L’Auberge Espagnole (ඉංග්‍රීසියෙන් – The Spanish Apartment) කියන්නේ 2002 වසරේ ප්‍රංශ, ස්පාඤ්ඤ සම නිශ්පාදනයක් ලෙස නිර්මාණය වූ චිත්‍රපටයක්. මෙහි කතාව ශේවියර් නම් ප්‍රංශ සරසවි ශිෂ්‍යයෙක් “ඉරස්මස්” නම් වූ යුරෝපීය ශිෂ්‍ය හුවමාරු වැඩපිළිවෙලක් යටතේ ස්පාඤ්ඤයේ ගත කරන වසරක කාලය පිළිබඳව ගෙතී තිබෙනවා.ඒ වගේම මේ මගේ පළමු උපසිරස නිර්මාණයයි, 

බාසිලෝනා නුවර නවාතැනක ඔහු විවිධ බටහිර යුරෝපීය රටවලින් පැමිණි ශිෂ්‍ය ශිෂ්‍යාවන් සමග ගෙවන ජීවිතය මින් පිළිබිඹු වෙනවා. මෙය ඇත්තෙන්ම තුන් ඈඳුනු චිත්‍රපට පෙලක පලමුවැන්න ලෙසයි නිර්මාණය වී ඇත්තේ. මෙහි දෙවැන්න Russian Dolls ලෙස 2005 දී නිපදවා ඇති අතර, තුන් වැන්න Chinese Puzzle නමින් මේ වසරේ නිකුත් වීමට නියමිතයි.

මෙම චිත්‍රපටය Comady/Drama (හාස්‍යෝද්පාදක/ නාට්‍යමය) ලෙස වර්ගීකරණය වී ඇතත්, මේ තුල යුරෝපීය යෞවනයන්ගේ ආදරය හා ලිංගිකත්වය පිලිබඳ කරුණු බහුල ලෙස සාකච්ඡා වෙනවා. මේ නිසා මෙයට හිමිව ඇත්තේ R රේටින් එකක්. මෙම චිත්‍රපටයෙන් පෙන්වන වැදගත් කරුණක් වන්නේ විවිධ ජාතීන්ට අයත් වුවත් යුරෝපීය ජාතීන් සතු පොදු සංස්කෘතික ලක්ෂණ හේතුවෙන් එක්සත්ව එකිනෙකාට ගරු කරමින් කටයුතු කිරීමට ඇති හැකියාවයි.මෙය නවීන ලතින් සංගීත ඛන්ඩ වලින් සංගීතවත් වී ඇතින් අතර භාෂා කිහිපයක දෙබස් පාවිච්චි වෙනවා. ඉන් ප්‍රංශ භාෂාව ප්‍රධාන වශයෙනුත්, ඊට අමතරව ඉංග්‍රීසි, ස්පාඤ්ඤ, කැටලෑන්,ඩැනිශ්, ජර්මන්, බාස්ක්, ඉතාලි යන භාෂාවලින්ද දෙබස් ඇතුලත්.
IMDB rating- 7.2/10 රසවිදින්න! කමෙන්ට් කරන්න!

මේ ලබා දී ඇති සිංහල උපසිරැසි පිළිබද “rum2550” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.