Legend of the Seeker [S02 : E06] | වියරුව. [සිංහල උපසිරසි සමඟ]

ලෙජන්ඩ් ඔෆ් ද සීකර් දෙවැනි කතා මාලාවෙ හයවැන්න සමඟ තමයි අද ඔයාලා එකතු වෙන්නෙ.අපේ වීරයෝ සිව් දෙනාගෙ තවත් වීර චාරිකාවකට එකතුවෙන්න පුළුවන් අදත්.

පසුගිය කොටස ගැන මතක් කළොත් සෙඩ් කෑමට ගන්න අවාරෙ හැදුණ ජීවම් කල පෙර්සිමොන් ගෙඩියක් නිසා සෙඩ්ගෙ මතකය ගිලිහි යනවා. මේක කරන්නෙ ශෝටා විසින්. ඒ සීකර්ව ඉවත් කරලා නව සීකර් කෙනෙක් පත් කරන්න. ශෝටා සෙඩ්ට තරුණ පෙනුමත් ලබාදෙනවා. ඒත් සෙඩ් ශෝටාට ඇහුම්කන් දෙන්නෙ නෑ. තැබැරුමේදි හමුවෙන සිලින්ඩ්‍රා කියන වෛශ්‍යාවට සෙඩ්ගෙ හිත ඇදිලා ගිහින්.තමන්ටම කියලා මාළිඟාවක් මවා ගන්න සෙඩ් වින්ටර්හේවන් වල අධිපතියා වෙනවා. සිලින්ඩ්‍රාව තම මෙහෙසිය කරගන්නවා. ඒ මදිවට තමන්වම නව සීකර් ලෙසත් නම් කරගන්නවා.ඊට පස්සෙ මළවුන්ගෙ ලෝකය සහ ජීවි ලෝකය අතර ඇති වී තියෙන විවරයන් වහන්න සෙඩ් කඳුළු පාෂාණය හොයන්න පිටත් වෙනවා. මේ ගමනෙදි සිදුවන ප්‍රහාරයකින් සිලින්ඩ්‍රා මියයනවා. මළවුන්ගෙ ලෝකයෙදි රහ්ල්ගෙ පිරි නැමීම පිළි අරගෙන සිලින්ඩ්‍රා නැවත ජීවි ලෝකයට එන්නෙ සෙඩ්ව අසිපත සහ මාලිමාව සමඟින් විවරයන් අතරින් මළවුන්ගෙ ලෝකයට එවන බව පොරොන්දු වෙමින්. සෙඩ්ව රවට්ටලා මළවුන්ගෙ ලෝකයට යවන්න සිලින්ඩ්‍රා සමත් වුණත් අවසන් මොහොතෙ රිචඩ් විසින් සෙඩ්ව බේරාගනු ලබනවා. ශෝටා ලවා මන්ත්‍රයත් ඉවත් කරවනවා.

ඉතින් අද කොටසෙදි දඩයමේ යෙදිලා ඉන්න රිචඩ් සහ කාරා එක්තරා ගෝත්‍රයකට උදව් වෙනවා ඔවුන්ව වහල්කමට ගෙනයන්න පැමිණි වහල් වෙළෙන්දන්ගෙන් බේරගෙන. මේ ගෝත්‍රය ඉතාම සාමකාමි ගෝත්‍රයක්. තමන්ව මරා දැම්මත් වහල් කමට ගෙනගියත් සටන් නොකරන තරමෙ සාමකාමි ගෝත්‍රයක්. ඔවුන්ව හඳුන්වන්නෙ රැකගන්නො කියලා. රෝගො රැකගන්නන්ගෙ නායිකාව සීකර්ට ස්තුති කරලා උදව් ප්‍රතික්ෂේප කරනවා. සාමකාමිව සිටින ඔවුන්ට වුවමනා වෙන්නෙ සටන් වලින් ඈත් වෙලා ඉන්න විතරයි. ඉතින් සීකර් සහ කාරා ඔවුන්ගෙන් ඉවත් වෙලා ආවත් සීකර්ට මඟ පෙන්වන මාලිමාව සිය දිශාව වෙනස් කර දක්වනවා. අළුත් දිශාව පෙන්වන්නෙ රැකගන්නන්ගෙ කඳවුර දෙසට. මේ අතරෙ සීකර් හොයාගෙන එන රෝගාගෙ පුතා කර් තමන්ව අතහැර නොයන ලෙසත් තම ගෝත්‍රය ආරක්ෂා කරගන්න තමන්ට සටන් උගන්වන ලෙසත් ඉල්ලා සිටිනවා. ඉතින් රිචඩ් සහ පිරිස තීරණය කරනවා සටන් ඉගෙනගන්න කැමති අයට ආරක්ෂාව උදෙසා සටන් පුහුණු කරවන්න. ඉතින් ඔයාලා තමයි මේ සාමකාමි ගෝත්‍රයට සටන් උගන්වන්න ගිහින් මොනවද වෙන්නෙ කියලා බලන්න ඕනි.

මට බැන බැන ඉන්න ඇති නේද මේ ටිකෙ අපේ කට්ටිය. ඒක තමා මේ ටිකෙ සෑහෙන කිඹුහුන් ගියෙ මට.. 😀 ඇත්තටම මගෙ ඉන්ටර්නෙට් කනෙක්ෂන් එකේ ඩේටා ඉවර වුණා හරියටම ගිය මාසෙ 21 වෙනිදා.ඒ මදිවට ෆෝන් ලයින් එකෙත් දෝෂයක් ආවා.ලයින් එක හදලා දුන්නෙ ඊයෙ.අද තමයි පළවෙනිදා ආයෙ ඩේටා ලැබුණෙ.ඉතින් මුලින්ම කරන්නෙ ඔයාලට මේ කොටස අප්ලෝඩ් කරන එක තමයි.පසුගිය දින කිහිපයෙ ප්‍රමාදය මඟහරවන්න ඔයාලට එක දිගට කොටස් කීපයක් හෝ ලබාදෙන්න පොරොන්දු වෙනවා.එහෙනම් අදට සමුගන්නම්.

ඔබට ජය හා සතුට…!!

ටොරන්ට් එක තුල සියලුම කොටස් ඇතුලත් වෙනවා. එයින් අවැසි කොටස පමණක් ඔබට බාගත කරගන්න පුළුවන්. එයට උපදෙස් සිංහලෙන්ම මෙතන තියනවා.

මේ ලබා දී ඇති සිංහල උපසිරැසි පිළිබද “කැලුම් රණවක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<< Previous Episode                            All Episodes                              Next Episode >>