Leon the Professional (1994) with Sinhala Subtitles | අහිංසක කුලී ඝාතකයා. [සිංහල උපසිරැසි සමඟින්]

ඔන්න අද සිංහල උපසිරැසි එක්ක අරගෙන ආවේ ටිකක් වෙනස් කතා තේමාවක් අරගත්තු චිත්‍රපට වලට කැමති අයටත්, Action Film වලට කැමති අයටත් සරිලන චිත්‍රපටියක්. මේ චිත්‍රපටිය ඡන්ද 220,969 මඟින් IMDB ශ්‍රේණිගත කිරීම්වල 8.6/10 ලබා හොඳම චිත්‍රපට 250 අතර 34 වැනි ස්ථානය ලබාගන්න තරම් සමත් වෙච්ච චිත්‍රපටියක්. මේකේ ප්‍රධාන චරිත රඟ පාන්නේ Pink panther කතාමාලාවේ රඟපෑ Jean Reno සහ ගිය ඉරිදා පැවැත්වුනු 2011 Oscar සම්මාන උත්සවයේදී හොඳම නිළියට සම්මාන හිමිවූ Natalie Portman විසිනුයි. හැබැයි මේ ඇය කුඩාකාලයේ රඟපෑ චිත්‍රපටයක්. කොටින්ම ඔයාලා උපසිරැසි එක්කම නැරඹූ Brothers චිත්‍රපටයේ රඟපාපු කෙනාමද කියලා අඳුන ගන්නත් සෑහෙන්න අමාරු වේවි. මේ චිත්‍රපටය ගැන මට කිව්වෙ අපි කවුරුත් දන්න වාසල සහෝදරයා තමා. 😀

Leon කියන්නෙ කුළී ඝාතකයෙක්. ඔහු තරුණ කාලයේදීම මිනීමැරුමක් කර ඉතාලියේ සිට ඇමරිකාවට ආරක්ෂාව පතා පැන ආ තැනැත්තෙක්. ඔහු කුළී ඝාතකයෙක් වුනාට සාමාන්‍ය ජීවිතයේ ඔහු හරිම අහිංසක පුද්ගලයෙක්. කොටින්ම ඔහුට ලියන්න කියවන්න බැහැ. ඔහුට ලැබෙන කොන්ත්‍රාත් වල මුදල් ඔහු ගන්නෙ නෑ. ඔහුට සංකීර්ණ ජීවිතයක් නැහැ. ඔහුට කොන්ත්‍රාත් ලබාදෙන ටෝනී ගාවම ඔහුගේ මුදල් ඉතුරු වෙන්න හරිනවා. ජීවත් වන්නෙ තනිවම. ඒත් ඔහු ජීවත් වන මහල් නිවාසයේ සිදුවන එක් සිදුවීමක් නිසා මේ සියල්ල කනපිට හැරෙනවා. ඒ මොකක්ද කියලා මම නම් කියන්නෙම නෑ හැමෝම බාගෙන බලන්න කියලා ඉල්ලන ගමන්ම මම වෙන දෙයක් කියන්නම්.

මේ මම අවසානයට දීපු උපසිරැසි චිත්‍රපට තුනේ බාගත කිරීම් හා කමෙන්ට් පිළිබඳ විස්තර. මේ එකකවත් කමෙන්ට් වලට මම reply නොකළේ මේ දේ බලන්නයි.

The Prestige (2006) චිත්‍රපටිය 1,115 දෙනෙක් බානකොට කමෙන්ට් 99 යි.
Hotel Rwanda (2004) චිත්‍රපටිය 536 දෙනෙක් බානකොට කමෙන්ට් 68 යි.
The Tourist (2010) චිත්‍රපටිය 1,297 දෙනෙක් බානකොට කමෙන්ට් 123 යි.

ඇත්තෙන්ම මා සතුටු විය යුතුද දුක් විය යුතුද? හංගන්න දෙයක් නෑ. මමත් පෘතග්ජනයෙක්. බ්ලොග් ලියන හැමෝම වගේ මමත් කමෙන්ට් වලට ආසයි. මම සබ් එකක් දාන්න කාලය වැය කරන්නෙ පිටකොටුවෙ විකුණලා සල්ලි හම්බකරන්න නෙවෙයි. කමෙන්ට් බලාගෙනයි. හැමදාම කමෙන්ට් දාන හැමෝටම ගොඩක් පිං කියන ගමන්ම අනික් අයත් පොඩ්ඩක් හිතලා බලන්න කියලා ඉල්ලනවා.

Due to copyright issues, we do not provide any torrent link.

මෙම ලබා දී ඇති උපසිරැසි HDRip පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “රොයිලි ප්‍රනාන්දු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
ADMIN MEMBER
JOINING DATE – 2009/03/10