Lootera (2013) | කොල්ලකරුවා [සිංහල උපසිරැසි සමඟ]

ඔන්න එහෙනම් ඊයේ හා හා පුරා අන්තර්ජාලයට නිකුත් වුන හින්දි චිත්‍රපටියක් අරගෙන ආවා. ප්‍රධාන නළුවා විදිහට රඟපාන්නේ Ladies vs Ricky Bhal, Wedding Planners වගේ චිත්‍රපටි වල ප්‍රධාන නළුවගේ චරිතය රඟපාපු රන්වීර් සින්ග්. නිළිය ගැනනම්අමුතුවෙන් කියන්න ඕන නෑනේ. ප්‍රධාන නිළිය තමයි සෝනක්ෂි සින්හා. Himmatwala, Dhabaang 1 සහ 2, Son of Sardaar, OMG:Oh My God, Joker, Rowdy Rathor යන චිත්‍රපටි වල හිටපු ප්‍රධාන නිළියනේ. ඉතින් මේ චිත්‍රපිටය ගෙතිල තියෙන්නේ මංකොල්ලකාරයෙක් වටේට. ලස්සන ආදර කතාවක් කියල කියන්න පුලුවන් ඇත්තටම. ආදරය විහිලුවකට අරගෙන, කෙල්ලොන්ව අමාරුවේ දාන අපේ කාලේ කාඩ්බෝඩ් වීරයොන්ට මේ චිතපටියෙන් ගන්න දෙයක් තියෙයි කියල තමයි මගේ විශ්වාසය. යම් ආකාරයකට මේ කතාව ගලාගෙන ගියත් ගන්න තියෙන ආදර්ශනම් අපේ ජීවිතේට ගොඩක්. අර කතාවක් තියෙනවනේ “හිත ගිය තැන මාළිඟාව” කියලා. ඒ වගේම “හිදීවි කොතැනක හෝ, හිමි කාරයා ඔබේ නමින්” කියන පද පේලි දෙකෙනුයි මේ කතාව ගැන පුලුල් අදහසක් ගන්නත් පුලුවන්.

Lootera (ලූටෙරා) එහෙමත් නැත්නම් කොල්ලකරුවා ප්‍රදර්ශණය වෙන්නේ නම් 2013 ජූලි 5 වෙනිදා. කියන්න ඕන දෙයක් තියෙනවා. IMDb වෙබ් අඩවියේ සඳහන් කරල තියෙන විදිහටනම් මේ තියෙන්නේ Lootera පලවෙනි කොටස. දෙවනි කොටසකුත් එනවා වගේ කියල තමයි ඒක බලද්දි හිතෙන්නෙනම්. කොහොම උනත් ඉතිං දෙවනි කතාව ගැන කතා කරන්න කලින් පළවෙනි කතාව බලල ඉන්න එපැයි. කතාව පොඩ්ඩක් කියන්නම්.

අවුරුද්ද 1953. වරුන් ෂිවාස්ත්‍රව් කියලා පුරාවිද්‍යාඥයෙක් මනික්පූර් කියන ගමට බටහිර නැගෙනහරි බෙන්ගාලයේ ඉදන් සමින්ධර් කියන කෙනාට අයිති ඉඩමක තියෙන පන්සලක භූමිය කැණීම් වගයක් කරන්න. බුද්ධිය, හැකියාව වගේම පළපුරුද්දක් තියෙන වරුන්ව නොහිතන විදිහට සමින්ධර්ගේ පවුලට ලංවෙනවා. විශේෂයෙන්ම සමින්ධර්ගේ දුව වන පාකිත් සමඟ. ඉතින් පාකී වරුන්ට ආදරේ කරන්න ගන්නවා. ඒත් වරුන් පාකිට ආදරය කරනවා කියල දැනෙන්න ඉඩ තියන්නේවත්, එහෙම අඟවන්නෙවත් නෑ. ඒත් කොහොම හරි යම් අයුරකින් මේ දෙන්නා ආදරයෙන් වෙලෙනවා. වරුන්, සමින්ධර් එක්ක කතා කරගෙන පාකීගේයි වරුන්ගෙයි විවාහය තීන්දු කරනවා. ඒත් විවාහය දවසේ පාන්දරම වරුන් අතුරුදහන් වෙනවා. පාකීට තමන්ගේ ජීවිතය කාලකන්නි වෙනවා. තමන් ආදරය කරපු කෙනා නැතිව, නෑදෑයෝ ඉදිරිපිට ලැජ්ජ වෙලා ඇගේ ජීවිතය අවුල් වියවුල් කරගන්නවා. ඒ වගේම සමින්ධර්ට තමන්ගේ මුලු බූදලේම විකුනන්නත් සිද්ධ වෙනවා මේ වරුන්ගේ යම් ක්‍රියාවක් නිසා. කොහොම හරි මේ හේතුව නිසා පාකී වෙන දිහාවකට යනවා වරුන්ව අමතක කරන්න. ඒත් සිද්ධ වෙන්නේ හිතපු නැති දෙයක්. ඉතිං මොකක්ද මේ පාකීට වෙන්නේ, ඒ වගේම සමින්ධර්ට ඇයි තමන්ගේ හැම දේපලක්ම විකුණන්න වෙන්නේ, ඇයි වරුන් විවාහ නොවී අතුරුදහන් වෙන්නේ,… අනං මනං ප්‍රශ්ණ හැම එකකටම උත්තර ඔයාලම චිත්‍රපටිය බලලා හොයාගන්න.

එහෙනම් අලුත් චිත්‍රපටියකින් හම්බවෙමු. ජයවේවා!

මේ ලබා දී ඇති සිංහල උපසිරැසි පිළිබද “චලිදු දේශන් (කිනා)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.