Love, Victor [S01 : E01] Sinhala Subtitles | ආදරණීය වික්ටර් [සිංහල උපසිරැසි සමග] [18+]

ගෝලාකාර ලෝකේ ඉන්න විවිධාකාර මිනිස්සු එක්ක පුදුමාකාරව ජීවිතේ ගත කරන කාලයක, ඒ විවිධාකාර පුද්ගලයන් කොටසක් තේමාව ලෙස යොදාගෙන නිර්මාණය කරපු බයිස්කෝප් එකක් මේ… විවිධ පුද්ගලයෝ විවිධ විදිහට ආද‍රේ බලාපොරොත්තු වෙනවනෙ. සම්මතයෙන් ඔබ්බට ගිය අසම්මත ආදර කතාත් තියනවානෙ. ඒ ගැන තවත් පුද්ගලයන් වෙනස්ම කෝණයකින් බලලා ගරහන අවස්ථාත් නැතුවා නොවේ. ඒත් ආදර කතාවක් ඒවායින් නවත්වන්න හැකිවෙයිද? නීතියකට පුලුවන්වේවිද ආදරයකට හරස් වෙන්න? කෙනෙක්ට පුලුවන්ද තවත් කෙනෙක් සිතන පතන ආකාරය වෙනස් කරන්න? අසම්මත නිසා තමන් ආදරය කරන පුද්ගලයාව සිතින් යටපත් කරන්න පුලුවන්ද? අසම්මත වුනත් ආදරයට කියන්න වෙනත් නමක් තියනවාද? මේ ගැටලු සියල්ලටම පිළිතුරක් හොයාගන්න පුලුවන්, මේ බයිස්කෝප් එක නැරඹුවොත්…!

මේ සමරිසි හා සංක්‍රාන්ති ලිංගික මාතෘකාව සම්බන්ධව වැඩි තොරතුරු Boys (2014) ෆිල්ම් එකේ ආටිකල් එකේ තියනවා. ඒ විස්තරය ගෙන ආවේ, මේ වගේ බයිස්කෝප් එකක් නරඹද්දි ඒකෙ තේමාව හා එහි ලාංකේය පසුබිම දැනගත්තොත් හොදයි කියලා හිතුනු නිසා. මේ බයිස්කෝප් එකේ තේමාව නම් ලංකාවට කිසිසේත් අදාළ වෙන්නේ නම් නෑ. ඒත් සබ් එකේ අවශ්‍ය තැන්වල ඒ ඒ විදිහට වචන පාවිච්චි කරලා තියනවා.

ඉස්සල්ලාම කියන්න ඕනේ මේ ටීවී සීරීස් එක බලන්න කලින් ”Love, Simon (2018)” ෆිල්ම් එක බලලා ඉන්න ඕනේ. ඒකේ සබ්ටයිටල් බයිස්කෝප් සිංහලෙන් වෙබ් සයිට් එකේ තියනවා. ඒ ෆිල්ම් එකේ කතාව අනුසාරයෙන් තමා මේ ටීවී සීරීස් එක හදලා තියෙන්නේ. ඒක බැලුවේ නැත්තම් මේකෙ කතාව හරියටම තේරෙන්නේ නෑ. මතකයිද ඒකෙ කතාව. සයිමන් කියන ළමයාගේ කතාව. සයිමන්ගේ ඉස්කෝලේ වෙබ්සයිට් එකේ ළමයෙක් නිර්නාමික ඊමේල් එකකින් පෝස්ට් එකක් දානවා එයා සමරිසි කියලා. ඉතින් සයිමන් නිර්නාමික ඊමේල් එකක් හදාගෙන ඒ ළමයට මැසේජ් කරනවා. දෙන්නට දෙන්නා දන්නෑ එයාලා කවුද කියලා. අන්තිමට එ් දෙන්නා ගොඩක් පුදුම විදිහකටනෙ හම්බෙන්නේ. ඒක බලපු අය ඒක දන්නවා. නොබලපු අය ඒ ෆිල්ම් එක බලලා මේ ටීවී සීරීස් එක බලන්න. ඒ සයිමන් හදපු නිර්නාමික ඊමේල් එක වෙන [email protected] ලිපිනයට ඔයාලටත් මැසේජ් එකක් දාන්න පුලුවන්. එතකොට අනිවාර්යයෙන්ම අපූරු රිප්ලයි එකක් එනවා.

මේ ටීවී සීරීස් එකේ විස්තර ටිකක් කිව්වොත්, මෙය අන්තර්ජාලයට නිකුත්වුනේ 2020 ජූනි17 වෙනිදා. මේක ඇමරිකාවේ නිශ්පාදනය කරලා තියෙන්නේ 20th Centuary Fox සහ Hulu සමාගම් එකතුවෙලා. මේ ටීවී සීරීස් එකේ අධ්‍යෂකවරු කීප දෙනෙක් ඉන්නවා. ඒ Jason Enster, Rebecca Asher, Pilar Boehm, Anne Fletcher, Todd Holland, Jay Karas, Michael Lennox, Anu Valta, Amy York Rubin යන අයයි. තිර රචානවත් කීප දෙනෙක් එකතුවෙලා කරලා තියෙන්නේ. ඒ නිසා කතාව ගොඩක් රසවත්. ඒ වගේම මේකෙ ප්‍රධාන චරිතවලට රංගනයෙන් දායක වෙන්නේ Michael Cimono, George Sear, Anthony Turpel යන අයයි. මේ ටීවී සීරීස් එකේ IMDb අගය 8.2 ක් වෙනවා. වචනයේ පරිසමාප්ත අර්ථයෙන්ම සුපිරිම ටීවී සීරීස් එකක්.

මේ ටීවී සීරීස් එකේ සම්පූර්ණ කතාව වෙන්නේ වයස අවුරුදු 16 ක් වෙන වික්ටර් කියන පිරිමි ළමයා අලුත් නගරෙක පදිංචියට ඇවිත්, අලුත් ඉස්කෝලෙකට ගිහින් සමරිසි ආදරයක් හොයා ගන්න හැටි. මුලින් එයා කෙල්ලෙක් එක්ක යාලුවෙලා හිටියත් එයාට තේරෙනවා ඒක එයා හොයන දේ නෙවේ කියලා. වික්ටර්ට විනෝදකාමී හොද යාලුවෙකුත් ඉන්නවා. යාලුවා කෙල්ලෝ පෙරේතයා. කොමඩි ගොඩකුත් මේකේ තියනවා. වයස 18ට වැඩි ඕන කෙනෙක්ට බලන්න පුලුවන් විදිහේ ටීවී සීරීස් එකක් මේක.

මේ පළවෙනි එපිසෝඩ් එක වන ‘Welcome to Creekwood’ අධ්‍යක්ෂණය කරලා තියෙන්නේ Amy York Rubin. තිර රචනය Isaac Aptaker සහ Elizabeth Berger විසින්. අන්තර්ජාලයට නිකුත්වුනේ 2020 ජූනි 17 වෙනිදා. පළවෙනි එපිසෝඩ් එකේදි වික්ටර් සහ එයාගේ පවුලේ අය ටෙක්සාස්වල ඉදලා ඇට්ලන්ටා වලට එනවා. ඒ වික්ටර්ගෙ තාත්තට අලුත් රස්සාවක් හම්බුනු නිසා. අලුත් ගෙදර ගාවින් වික්ටර්ට අලුත් යාලුවෙකුත් හම්බවෙනවා. අලුත් නගරෙට ඇවිත් වික්ටර් සහ එයාගේ සහෝදරිය යන්නේ ක්‍රීක්වුඩ් ඉස්කෝලෙට. මතකනෙ Love, Simon ෆිල්ම් එකේ තියන ඉස්කෝලේ. ඉතින් ඉස්කෝලෙකට අලුතින් ළමයෙක් ගියාම ප්‍රශ්න ගොඩකට මුහුණ දෙන්න වෙනවනෙ. වික්ටර්ටත් එහෙමවුනා. ඉස්කෝලේ පළවෙනි දවසෙදිම වික්ටර්ට අමුතුම අත්දැකීම් ගොඩකට මුහුණ දෙන්න වෙනවා. ඉතින් වික්ටර්..

ආයෙත් කියන්න තියෙන්නේ මේ ටීවී සීරීස් එක බලන්න කලින් Love, Simon (2018) ෆිල්ම් එක බලලා ඉන්න. ඒක බලලා තියන අය මේක කෙලින්ම බැලුවට අවුලක් නෑ. මේ ටීවී සීරීස් එකට විතරයි මට සබ් දෙන්න පුලුවන් වෙන්නේ. මේකේ එපිසෝඩ් ඔක්කොටම සබ් දානවා. ඊට පස්සේ ආයෙත් සබ් හදන්න වෙලාවක් නැතිවෙයි. දැන් ක්ලාස් පටන් අරන්. ඊට පස්සේ ඉස්කෝලේ පටන් ගන්නවා. ආයි සබ් එකක් හදන්න ට්‍රයි කරන්නම් වෙලාව තිබුනොත්.

සම්මතෙන් එහාගිය
අසම්මත බැඳීමක්….

ඒත්,
ආදරයට කොහෙද
සීමා මායිමක්….

හැගීම්
ආධ්‍යාත්මික නම්
කොහේද එතන
අසම්මතයක්….

ආදරය
අසීමාන්තිකයි….

එනිසයි ඔවුන් ලග
මෙතරම් ප්‍රේමයක්….

Due to copyright issues, we do not provide any torrent links.

සිංහල උපසිරැසි මෙතනින් බාගන්න

1002 downloads

මේ ලබා දී ඇති සිංහල උපසිරැසි පිළිබද “ රුසිත් දිලීප ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2020-05-25
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.