Mars Needs Moms (2011) with Sinhala Subtitles | මවකගේ සෙනෙහස [සිංහල උපසිරසි සමඟ]

අසංක ප්‍රදීප් රණතුංග සහෝදරයා විසින් ලියන ලද ලිපිය.

ආයුබෝවන් යාලුවෝ ඔක්කොටම. මෙන්න මගේ තිස් හතරවන උපසිරැසිය. කියුවා විදියට ළමා චිත්‍රපටියක්, ඒවගේම IMDb අගය 5.4 ගත්ත ලොකු තේරුමක් තියන චිත්‍රපටියක්. Animation, Action, Adventure ගණයට අයිතිවෙන මෙම චිත්‍රපටියට අදාළ ලිපියක් විතරක් සංජය ප්‍රසාද් කියල සහෝදරයෙක් 2011 ජුනි විසිතුන් වන දින බයස්කෝප් අඩවියට එකතු කරලා තියෙනවා. එයාගේ ලිපිය අගය කිරීමක් විදියට මම එයා මෙම චිත්‍රපටයට යොදා ගත් නමත් එයා චිත්‍රපටය හඳුන්වා දීපු ආකාරයත් ඒ විදියටම යොදා ගන්නවා.

“ කතාව පිළිබ‍ඳ කෙටියෙන් පවසන්නේනම්, සැමවිටම මවගේ දෝෂ දර්ෂණයට ලක්වන අවුරුදු 9 ක පිරිමි ළමයෙකු වටා ගෙතී ඇති  මෙම චිත්‍රපයයේ පිටසක්වල ජීවීන් පිරිසක් විසින් පැහැරගනු ලබන තම මව බේරාගැනීමේ ස‍ඳහා අඟහරු ග්‍රහයා වෙත යන මෙම දරුවා සහ වසර ගණනාවකට කලින් පැහැරගත් කාන්තාවකගේ දරුවෙකුගේ (දැනට වැඩිහිටියෙකු වන) සහ අඟහරු ග්‍රහයා මත ජීවත්වන ජීවියෙකුගේ උදවුවෙන් තම මව බේරාගැනීම ගැනීමට දරන්නාවූ උත්සාහය පිළිබඳ  මෙන්ම  මවක් තුළ සහ දරුවා තුළ තම මව කෙරේ වූ අපිරිමත ප්‍රේමයක් ආදරයත්  පිළිබඳ වූ අපූරූ කතා තේමාවක් ඔස්සේ දිගහැරෙන මෙම කතාව අවසානය කුමක් වන්නේද යන්න පවසා ඔබගේ රසවින්දනය සහ කුතුහලය නැති කිරීමට මා උත්සහ නොකරමි. “

උසස් ගනයේ ත්‍රිමාන සජීවිකරණ තාක්‍ෂණය යොදා ගෙන නිර්මාණය කරලා තියන මේ චිත්‍රපටිය පවුලේ සැමට රස විඳින්න පුළුවන්. මම කියපු විදියට මම තෝරාගත් ළමා චිත්‍රපට එකතුවේ පලමුවැන්න තමා මේ. මම ඊළඟට දෙන්නේ මොන්ටිසෝරි ගුරුවරයෙක් ගැන කියවෙන කතාවක්. මම දන්නවා ගොඩක් අය දන්නවා ඒ චිත්‍රපටිය ගැන. නොදන්නා අයට පුදුමයකුත් දන්නා අයට විශ්මයකුත් වෙන්න ඒක අරන් මම එන්නම්.

සැලකිය යුතුයි…
මෙම චිත්‍ර පටියේ වීඩියෝ පිටපත ලබා ගැනීමේදී ඔබලා හොඳින්ම දන්නා වෙබ් අඩවියක තියෙන 3D පිටපත ගන්නේ නම් ඒක වැඩ කරන්නේ ජංගම දුරකථන වල Gear VR උපකරණය සඳහා පමණක් බව සලකන්න. මෙම උපසිරැසිය550mb සහ 700mb පිටපත් සඳහා සහ  Gear VR වෙනුවෙන්  3D පිටපත සඳහා පමණක් ගැලපෙන විදියට හදලා තියනවා. 

හොඳයි මම යනවා . එන්නම් ඉක්මනටම.

 බුදු සරණයි ඔක්කොටම…!

 

 

සංජය ප්‍රසාද් සොහොයුරා විසින් කළින් ලියන ලද ලිපිය.

මගේ දෙවන ඉදිරිපත් කිරීම ලෙස ළමුන් ස‍ඳහා නිපදවූ 3D Computer Animation  වර්ගයේ චිත්‍රපටයක් ඉදිරිපත් කිරීමට අදහස් කරමි. Animation  වර්ගයේ චිත්‍රපටයක් වුවද තාත්විකත්වයට ඉතා සමීපවූ නිෂ්පාදනයක් ලෙස දැක්විය හැකි මෙම චිත්‍රපටය සැබෑ මිනිසුන් යොදා ඔවුන්ගේ ඉරියවු යොදාගනිමින් නිපදවූ මේ චිත්‍රපටය ගැන කෙටි විස්තරයක්  කරනවානම්… විද්‍යාත්මක (science-fiction)  ක්‍රියාදාම (Action) සහ ත්‍රාසජනක (adventure) විනෝදාස්වාද (comedy) යන ආකාර යටතේ වර්ග කළ හැකි අතර  Simon Wells ගේ අධ්‍යක්ෂණය යටතේ 2011 මාර්තු මස  තිරගතවීම ඇරඹි මෙම චිත්‍රපටය Walt Disney Pictures ආයතනයේ සාඩම්බර නිෂ්පාදනයක් ලෙස එලිදැක්විනි.

කතාව පිළිබ‍ඳ කෙටියෙන් පවසන්නේනම්, සැමවිටම මවගේ දෝෂ දර්ෂණයට ලක්වන අවුරුදු 9 ක පිරිමි ළමයෙකු වටා ගෙතී ඇති  මෙම චිත්‍රපයයේ පිටසක්වල ජීවීන් පිරිසක් විසින් පැහැරගනු ලබන තම මව බේරාගැනීමේ ස‍ඳහා අඟහරු ග්‍රහයා වෙත යන මෙම දරුවා සහ වසර ගණනාවකට කලින් පැහැරගත් කාන්තාවකගේ දරුවෙකුගේ (දැනට වැඩිහිටියෙකු වන) සහ අඟහරු ග්‍රහයා මත ජීවත්වන ජීවියෙකුගේ උදවුවෙන් තම මව බේරාගැනීම ගැනීමට දරන්නාවූ උත්සාහය පිළිබඳ  මෙන්ම  මවක් තුළ සහ දරුවා තුළ තම මව කෙරේ වූ අපිරිමත ප්‍රේමයක් ආදරයත්  පිළිබඳ වූ අපූරූ කතා තේමාවක් ඔස්සේ දිගහැරෙන මෙම කතාව අවසානය කුමක් වන්නේද යන්න පවසා ඔබගේ රසවින්දනය සහ කුතුහලය නැති කිරීමට මා උත්සහ නොකරමි.

 

 

 

 

Due to copyright issues, we do not provide any torrent links.

මෙම උපසිරැසිය ඉහත පිටපත් සඳහා අදාළ වේ.