Marvels Daredevil [S03 : E01] with Sinhala Subtitles | නොමියෙන යක්ෂයා…. [සිංහල උපසිරසි සමඟ]

අපි හැමෝම වගේ බලාගෙන හිටපු තවත්සු කතා මාලාවක් ඔන්න ඊයේ නිකුත් උනා. මාවල් කොමික් තුලින් නෙට්ෆ්ලික්ස් ආයතනය හරහා නිකුත් වූ පළමු කතා මාලාව තමයි ඩෙයාඩෙවිල් කියන්නේ. සාර්ථකව කතා මාලා දෙකක් පහුකරගෙන ඇවිත් අපි මේ එකතු වෙන්නේ තවත් සටන් ජවනිකා වලින් පිරිපුන් ත්‍රාසය කැටිකරගත් අන්ධ වීරයාගේ ජිවිතයේ තවත් කාල  පරිච්ඡේදයක් සමඟ එකතු වෙන්නයි. කතාමාලාව නිකුත් වෙන්න පෙරාතුව ඔයාල හැමෝටම දකින්න ලැබුනා මේ කතා සමයට අදාළ පූර්ව ප්‍රචාරක පටය. ඉතින් අපි දැන් දන්නවා මේ වතාවේ සතුරා එහෙම කවුද කියලත් කින්ග්පින් නැවත ඩෙයාඩෙවිල් හමුවෙන්න නියමිතයි. ඒ වගේම මේ කතාමාලාව අවසානයේ ඩෙයාඩෙවිල් කොමික් වල දකින්න ලැබෙන විදිහට තවත් දක්ෂ ප්‍රතිවාදියෙක් ඩෙයාඩෙවිල් හා සටන් කරන්න නියමිතයි. ඉතින් ඒ හැම දෙයක්ම නිරාකරණය කරගන්න ඔයාලට ඔන්න උණු උණුවෙම කොටස් 13ක් දැනටමත් නිකුත් වෙලා අවසන්. අද පටන් දවස් කීපයක්  ඇතුලත මේ කොටස් 13 ම සිංහල උපසිරසි සහිතව බලන්න ඩෙයාඩෙවිල් රසිකයෝ සියලු දෙනාටම ඔන්න එහෙනම් ආරාධනා කරනවා.

කතාව ආරම්භයට පෙර පොඩ්ඩක් අපි ඩෙයාඩෙවිල්ට මේතාක් කල් සිද්ධ උන දේවල් සහ ඔහුව අවසානයේ දකින්න ලැබුනේ කොතනදීද කියල පොඩ්ඩක් සොයා බලමු. ඩෙයාඩෙවිල් අවසානයට අපි ඇත්තටම දකින්න ලැබුනේ ඔයාල හැමෝටම මතක නම් ඉලෙක්ට්‍රා එක්ක ඉන්නවා. ඒ කොතනදීද කියල මතක් කලොත් ඔයාලට යන්න වෙනවා ඩෙයාඩෙවිල් කතා මාලාවෙන් ඔබ්බට. ඒ කියන්නේ ඩෙයාඩෙවිල් එක්ක නිව්යෝක් නගරයේ ආරක්ෂාවට එකතු උන වීරයෝ හතරදෙනාගේ කතාව හෙවත් The Defenders කතා මාලාවේ අවසන් කොටස එනම් 8 වෙනි කොටසට. ඔයාලට තවත් මතක නම් අවසානයේ සටන පැවැත්වුනේ ලොකු ගොඩනැගිල්ලක් යට තිබුනඅගාධයක් අතුලේදියි. ඒ සටන අවසානයේ ජෙසිකා ජෝන්ස්, අයන් ෆිස්ට් සහ ලූක් කේජ් පිටවෙලා ගියත් අවසානයේ අපි දැක්කේ ඩෙයාඩෙවිල්සහ ඉලෙක්ට්‍රා ගොඩනැගිල්ල කඩාවැටෙන මොහොතේදීත් ඒ අගාධය තුල සිරවී සිටිනවා. අපිට  ආරංචියක් ඊට පසු නිකුත් වූ කිසිම මේ කතාවට සම්බන්ධිත චරිත සිටින කතා  මාලාවකින්වත් දකින්න ලැබුනේ නැහැ. ඔව් ඔහු තවමත් ජිවතුන් අතර. හෙල්ස් කිචන් වල ආරක්ෂකයා හෙවත් ඩෙයාඩෙවිල් ඉන්නේ ලොකු අනතුරකට මුහුණ දීල තුවාල ලබලා. ඩෙයාඩෙවිල් අන්ධයෙක් උනත් ඔහු වීරයෙක් බවට පත්වෙන්න ඔහුට  දායාද තමයි ඉතාමත් තීව්‍ර දැනීම  සහ ඇසීමේ හැකියාව. ඊට අමතරව ඔහුට හොඳින් සටන් කිරීමේ හැකියාවකුත් තියෙනවා. ඉතින් මේ අනතුරට පස්සේ ඩෙයාඩෙවිල්ගේ මේ හැකියාවන් මේ විදිහටම තියෙනවද? එයා එක්ක  අවසානයේ අගාධය තුල හිර උන ඉලෙක්ට්‍රා කොහෙද? එතකොට පරණ හතුරා හෙවත් විල්සන් ෆිස්ක් දැන් මොකද කරන්නේ?  දේවල් නිරාකරණය කරගන්න ඔන්න පලවෙනි කොටස සිංහල උපසිරසි සහිතව බලන්න. එහෙනම් මීළඟ කොටස ඉතාමත් ඉක්මනින් අරගෙන එන්න මධුකප්‍රිය පෙරේරා සොයුරා මග බලාගෙන ඉන්නවා. එහෙනම් නැවත 8 වෙනි කොටසින් මම මුණ ගැහෙන්නම්. ජය!!

Due to copyright issues, we no longer provide any torrent links.

ලබා දී ඇති උපසිරසි WEB පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “හසන්ත වික්‍රමරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

ADMIN MEMBER
JOINING DATE – 2012-12-29
SUB MAKER RATING BY ADMINS