අපගේ නිල ඩවුන්ලෝඩ් වෙබ් අඩවිය තවදුරටත් baiscopedownloads.co නොවේ. කරුණාකර අපගේ උපසිරසි සඳහා ගැලපෙන ලින්ක් බාගත කරගැනීමට https://baiscopedownloads.link/ හෝ https://baiscopedownloads.xyz/ වෙත පිවිසෙන්න.

MENU

Mary Poppins Returns (2018) Sinhala Subtitles | මේරි පොපින්ස්ගේ පුනරාගමනය… [සිංහල උපසිරැසි සමඟ]

Rating: 8.8/10. From 39 votes.
Please wait...

මේරි පොපින්ස්, කවුද එයාට අකැමැති. Singin’ in the Rain (1952), The Sound of Music (1965) කියන සලෙරූ වලට පස්සේ මම ආසම කරන සලෙරූ දෙක තමා Mary Poppins (1964), Mary Poppins (2018) කියන්නේ. සංගීතමය සලෙරූ වලට කැමති කෙනෙක් විදිහට ඒ ෆිලුම් ටිකේ සිංදු තමා මගේ ප්ලේලිස්ට් එකේ උඩින්ම තියෙන්නේ. ඒකයි මලිත් අයියා මගෙන් පරණ ෆිලුමට උදව් ඉල්ලුවම කර කර හිටපු ෆිලුමත් පැත්තකට දාලා ඒකට උදව් වුනේ. මේ ෆිලුමත් නවෝදිනී අක්කයි මලිත් අයියයි කරන්න හිටපු ෆිලුමක්. ඒ දෙන්නගේ කාර්යබහුලත්වය මත ගිය සතියෙ සදුදා රෑ 11.30ට විතර තිසර නියෝ අයියා මැසේජ් එකක් දාලා මගෙන් අහනවා Mary Poppins Returns (2018) කරන්න කැමතිද කියලා. මාත් ඉතිං එක පයින්ම හා කිව්වට එතකොට මම ෆිලුම බාගත කරගෙනවත් තිබ්බෙ නෑ. අම්මත් එක්ක ගිහින් ඒක බලපු නිසා. මුලින්ම මම ආසම සලෙරුවක් මට වෙන්කරලා දුන්න තිසර නියෝ අයියටයි, “මේ සබ දඩස් ගාලා ඕනේ” කියලා නිතරම මතක් කරන රවිදු සහෝවයි පරණ ෆිලුමට මාත් සහයෝගය දුන්න නිසා මේක මට දෙන්න කියලා යෝජනා කරපු මලිත් අයියටයි ස්තූතිවන්ත වෙන්න ඕනේ. මේ ෆිලුම භාර අරන් පැය 10ක් යන්නත් කලියෙන් මගේ කණ්ණාඩියේ නිෂ්පාදන දෝසයක් ඇවිත් හදන්න දෙන්න වුණා. කණ්ණාඩි නෑ කියලා කැමතිම ෆිලුමක් නොකර ඉදීද මේ මම? මම සදුදා වෙද්දී උපසිරසම හදලා ඉවරයි අද ඒක පාට පාටින් අයිසින් කළා. ලංකා විදුලිබල මණ්ඩලයේ කාරුණික අනුග්‍රහයෙන් තමා මේ ෆිලුම පරක්කු වුනේ. ඇයි යකූ උදේටයි රෑටයි දෙකේම ලයිට් කපනවා (දවල්ටත් කපනවාද දන්නෙ නෑ. දවල්ට අපි ගෙදර නෑ නේ).එහෙමයි කියලා සැලුනේ නෑ මම හැමදාම රෑ 2වෙනකල් උපසිරසි කෙටුවා. (AL කාලෙවත් රෑ 2වෙනකල් ඇහැරන් හිටියෙ නෑ). දැන් වෙලාව උදේ 3යි. මේ වෙලවට මොළේ නිදි කියලා වෛද්‍යවරු කියන කතාව ඇත්තද කොහෙද! මගෙ ඔලුවට කිසිම අදහසක් එන්නෙ නෑ. මනුස්සයෙක් වුනාම පැය 2ක්වත් නිදාගන්න එපෑයැ. ඒ නිසා හෙට උදේ ඉතුරු ටික ටයිප් කරනවා.

මේරි පොපින්ස් කියන සලෙරුව නිර්මාණය වෙලා තියෙන්නෙ බ්‍රිතාන්‍ය- ඕස්ට්‍රේලියානු සම්භවයක් තියෙන P. L. Travers කියන ලේඛකයාගෙ පන්හිදෙන්. ඒ පොත් අටක ළමා කතා මාලාවක් විදිහට. Mary Poppins, Mary Poppins Comes Back, Mary Poppins Opens the Door, Mary Poppins in the Park, Mary Poppins From A to Z, Mary Poppins in the Kitchen, Mary Poppins in Cherry Tree Lane, Mary Poppins and the House Next Door කියන්නේ ඒ පොත් ටික තමා. ලෝකෙ ගොඩාක් ලස්සන නිර්මාණ වලට පදනම වැටෙන්නේ පොත් මගින් කියන එක ආපහු පාරක් ඔප්පු වුනා නේද? Mary Poppins (1964) සලෙරුවට Mary Poppins කියන පොතත් Mary Poppins Returns (2018) සලෙරුවට Mary Poppins Comes Back කියන පොතත් පදනම් වෙලා තියෙනවා හැබැයි පුතෝ පොතේ කරුණුයි ෆිලුමයි සිරිත් පරිදිම වෙනස් හොදේ…(මම කතාව ගැන කෙටි විස්තරයක් කළාට පස්සේ වෙනස්කම් ගැන කතා කරන්නම්කෝ)

කාලය දෙවල් කොයිතරම්නම් වෙනස් කරනවාද? අංක 17 චෙරි ගස් වීදිය වෙනදා වගෙම තමයි. ඒත් පොඩි පාළු ගතියක් තියේ. අල්ලපු ගෙදර අද්මිරාල් බෝම්බ්! එයා ටිකක් වයසට ගියාට තාම කාලතුවක්කුවෙන් වෙලාව දන්වනවා අහල පහල ගෙවල් ඔක්කොම හෙල්ලිලා යන්න. පුංචියට හිටපු මයිකල් කොලුවා කරකාර බැදලා ළමයි තුන්දෙනෙක් ඉන්න අප්පච්චියෙක් වෙලා! ගිය අවුරුද්දේ තමන්ගෙ ආදරණීය නෝනා නැතිවෙච්ච පීඩනයෙන් ඉන්න මයිකල් එයාගෙ අප්පච්චිගෙ කපාපු පළුවක් වගේ වෙලා! එතකොට පුංචි ජේන් කෙල්ල… දැන් කදිම තරුණියක්, තමන්ගෙ මල්ලි බැන්දට මෙයාටනම් බදින්න තියා හිතක්වත් නෑ… පොඩි කාලෙ විදිහටම තාමත් මොකකට හරි හිනාවෙච්ච ගමන් ඉන්න ජේන් කෙලී ජීවිතේ සරලව සතුටින් ගෙවනවා. (තනිකඩව ඉන්න පින් කරන්න ඕනෙ කියන්නෙ ඕකට තමා) ජේන් අම්මගෙ අඩි පාරෙ යනවා. අම්මා සටන්කළේ කාන්තාවන්ට ඡන්ද බලය දිනාගන්න. ජේන් සටන් කරන්නේ දුප්පත් අහිංසක ජනතාව වෙනුවෙන්. මයිකල්ගේ පොඩ්ඩෝ තුන්දෙනා.. ජෝජ්, ඇනබෙල්, ජෝජි… වගකීමෙන් වැඩ කරන ආදරණීය පොඩ්ඩෝ තුන්දෙනෙක්. ගිය අවුරුද්දේ ඉදන් පවුලෙ වෙච්ච අවුල් එක්ක මෙයාලා පොඩි-වැඩිහිටියෝ ටිකක් වෙලා. එලන් නම් ඉස්සර වගේම තමයි. තාමත් උයද්දී පිඟන් බිදිනවා. හැට පැන්නට මොකෝ එයාගෙ වක්කඩ කැඩුවා වගේ තියෙන කටට තාම “බ්‍රේක්” දාගන්න බැරිවෙලා. හැබැයි දැන් හොදටම වයසයි. හොදටම අබල දුබල වෙලා. සිහිය කොච්චර හොදද කියනවානම් මස් ගෙනාව මල්ල තොප්පි රාක්කෙන් එල්ලලා මයිකල්ගෙ තොප්පිය කෑම ගබඩාවෙ එල්ලන්න තරම් සිහිය හොදයි.

ඉස්සර ජේනුයි මයිකලුයි සෙල්ලම් කරපු සෙල්ලම් බඩු දැන් තියෙන්නේ අට්ටාලෙට දාලා. (පරණ ෆිල්ම් එක බලපු අයට අට්ටාලෙ දර්ශන යද්දී එයාලා සෙල්ලම් කරපු සෙල්ලම් බඩු 5ක්වත් අඩුම තරමේ මතකයට එන්න ඕනේ). මයිකල් නෝනගේ මරණෙත් එක්ක කොච්චර වෙනස් වෙලාද කියනවානම් එයා පොඩි කාලෙ සෙල්ලම් කරපු සෙල්ලම් බඩුවත් මතක නෑ. “මොකට මළ ජරාව තියාගෙන ඉන්නවද” කියලා අල්ලලා විසික් කරලා දානවා. (එතකොට ඒක බලන මට එන කේන්තිය! හ්ම්.. අපිට මෙයාට වඩා මෙයාගෙ සෙල්ලම් බඩු ගැන මතකයි. අර සරුංගලය එහෙම මොන හිතකින්ද අල්ලලා විසි කරලා දාන්නේ. කොච්චර වටින මතකයක්ද!)

ඒ අස්සේ නීතිඥයෝ දෙන්නෙක් ඇවිල්ලා කියනවා මයිකල් මාස කීපයක් බැංකු ණයක් ගෙවන්නෙ නැතුව පැහැර හැරිය නිසා ආයෙ මුලු ණයම සතියක් ඇතුලත ගෙව්වේ නැත්නම් ඇපේට තිබ්බ ගෙදර බැංකුවට පවරගන්නවාලු. බැංකුවේ කැශියර් කෙනෙක් වෙච්ච මයිකල්ට කොහෙන්ද එච්චර සල්ලියක්! තමන්ගෙ බිරිදගේ ආදරණීය මතක වලින් පිරිලා ඉතිරිලා තියෙන මේ ගෙදර බැංකුවකට සින්න වෙන්න දෙන්න පුලුවන්ද? මයිකල්ට යන එන මං නැතිවෙයිද? නැත්නම් මයිකල්ටයි එයාගෙ දරුවන්ටයි හෙනහුරා උච්චම වෙයිද? කගෙන්වත් පිළිසරණක් ලැබෙන්නෙ නැතිවෙයිද? අඩුම තරමේ… මැජික් එකක්… එහෙම එකක්වත් වේවිද? ගෙදරටයි බෑන්ක්ස් ළමයින්ටයි වෙන දේ ගැන ඔයාලා සලෙරුව බලලාම දැන ගන්නකෝ. මම ඔය කිව්වේ මුල් විනාඩි කීපයේ වෙන ටික විතරයි. ස්පොයිල් කරනවා කියන්නේ නරක පුරුද්දක්නේ…

මට මෙහෙම අතීතයයි වර්තමානයයි ගොනු කරලා පොඩි අතීතාවර්ජනයක් කලේ වෙන මුකුත් නිසා නෙවෙයි. මම මේ ලිපිය ලියන වෙලාව වෙනකොට Mary Poppins (1964) ෆිලුමේ උපසිරස බාගත කරලා තියෙන්නේ 265ක් වගේ අති විශාල සංඛ්‍යාවක්. ඒවා දැක්කම මොකටද අපි මහ රෑ නිදි මරාගෙන සබ් කොටන්නේ කියලා හිතෙනවා. ඔහොම වෙන විත්තිය දන්න නිසාමයි මම ඔයිට කලින් ඔය උපසිරසට අත ගැහුවෙ නැත්තේ. තනියම උපසිරසක් කරලා ඩවුන්ලෝඩ් ඔය වගේ ගානක් තිබ්බම දරාගන්න හරිම අමාරුයි. මොකද සංගීතමය සලෙරූ වලට අනිත් සලෙරූ වලට වඩා මහන්සි වෙන්න ඕනේ. ඉගිවැකි, ව්‍යංගාර්ථ, උපමා, රූපක පිරිලා. අපි ඉංග්‍රීසි භාෂාවේ උපරිමයටම කෙළ පැමිණි අය නෙවෙයි නේ. තාම ඉගන ගන්න ළමයිනේ. මලිත් අයියත් එක්ක හවුලේ Mary Poppins (1964) කරපු නිසා එච්චර දුකක් නෑ. දුකත් හවුලේ බෙදාගන්න පුලුවන්නේ. මම ඕක තනියම කලානම්….එක්කෝ ඒ ගැන කතා කරලා වැඩක් නෑ. අඩු තරමේ සිංහලෙන් උපසිරසි දුන්නාමවත් ඒක පදනම් වෙච්ච අලුත් සලෙරුවක් තියේ කියලා දැන දැනත් කුණු තක්කලි මීටරේ 100%ක්ම හරවපු ෆිලුමක් බලන්න පින නැති අය ගැන අපි කතා නොකර ඉමු. මට කියන්න තියෙන්නේ ඔයාලා පරණ ෆිලුම බැලුවොත් අලුත් ෆිලුම වැඩියෙන් රසවිදින්න පුලුවන් කියන එකයි. හැබැයි ඉතිං නොබැලුවා කියලා රස විදින්න ලොකු භාධාවක් නෑ. කිඹුලා කිරිමැටි ගිලිනවා වගේ! මම සමහර තැන් වලනම් දැම්මා මේක පරණ ෆිලුම පාදක වෙච්ච දෙයක් කියලා. නැත්නම් හිතාගන්න බෑ නේ ඇයි මෙහෙම දෙබසක් කියන්නේ කියලා. ඔයාලා උඩ බිම් බලනවානේ.

(Mary Poppins 1964 සහා 2018 චරිත නිරූපණය)

මේ සලෙරුවත් එක්ක ඍජුවම බැදුනු සලෙරුව Mary Poppins (1964) වුනාට Saving Mr. Banks (2013) කියන්නෙත් මේරි පොපින්ස් කතා එක්ක බැදුණු සලෙරුවක්. මම අර කලින් වෙනස්කම් වගයක් ගැන කියන්නම් කිව්වේ. ඒ තමයි Mary Poppins Comes Back පොතෙයි Mary Poppins Returns (2018) මේරි පොපින්ස් සම්ප්‍රාප්ත වෙන්නේ එකම විදිහට. ඒකට සිරිත් පරිදි (පලමු ෆිලුම) සරුංගලය මහා දායකත්වයක් සපයනවා. වෙනස තමයි පොතේ හැටියට ඒ සරුංගලය යවන්නේ මයිකල් බෑන්ක්ස්. නැතුව ජෝජි නෙවෙයි. ඒ වගේම මයිකල් දරු පවුල් වෙලාත් නෑ. ඇනබෙලුයි, ජෝනු බාබරා කියන නිවුන්නු දෙන්නා (පොතේ හැටියට. ෆිලුමෙ නිවුනු ඇනබෙලුයි, ජෝනුයිනේ) මයිකල්ගේ සහෝදර සහෝදරියෝ! බෑන්ක්ස් මහත්තයාටයි නෝනටයි ළමයි පස් දෙනෙක්ම ලැබිලා! එතකොට කැඩුනු පෝසිලේන් බඩු හදන ට්‍රිපලොස්කි, එයාගෙ පොතේ තියෙන නම තමයි ඇන්ඩෘ මෙනවිය. (පොතක් පාදක කරන ෆිලුමක් ගහද්දී කවද්ද පොතේ විදිහටම ෆිලුම හැදුවේ? මටනම් එහෙම පොතේ විදිහටම හදපු ෆිලුමක් තාම හම්බවෙලා නෑ.) ඒ හින්දා “අපි ෆිලුම බැලුවනේ මොකටද ආයෙ පොතත් කියවන්නේ” කියන මෝඩ මතේ නම් ඉන්න එපා. පොත් කියවිල්ලට අංක එක දෙන්න. පොතෙයි ෆිලුමෙයි වෙනස්කම් හොයන එක හරිම විනෝද වැඩක්. වෙනම කලාවක්! අත්දැකීමෙන් කියන්නේ!

2018 දෙසැම්බර් මස 18 වෙනිදා තිරගත කරපු මේ සලෙරුව ඡන්ද 41,061කින් IMDb 7.0 ක් ලබාගන්න සමත් වෙච්ච අතරම කුණු තක්කලි මීටරේ 78%කින් කරකවපු හාස්‍යෝත්පාදක, සංගීතමය, ෆැන්ටසි කියන වර්ගීකරණයන්ට අයිති වෙන පවුලේ වැඩිහිටියන්ටත් පොඩි හිටියන්ටත් එකට එකතු වෙලා බලන්න පුලුවන් ලස්සනම ලස්සන සලෙරුවක්. Rob Marshall විසින් අධ්‍යක්ෂණය කළ David Magee විසින් තිර පිටපත රචනා කරන ලද මේ සලෙරුවට වියදම් වූ මුදල ඩොලර් මිලියන 130 වන අතර ඩොලර් මිලියන 348.8ක බොක්ස් ඔෆීස් වාර්තා තියලා තියෙනවා. මේක අධ්‍යක්ෂණය කරලා තියෙන විදිහ වගේම පරණ ෆිලුම මතු වෙන ආකාරයට හදපු තිර පිටපත හරිම දක්ෂ වැඩක් කියලා මම ලෝබ නැතුව කියනවා. ඇකඩමි සම්මාන හතරකට නාම යෝජනා වෙච්ච මේ සලෙරුව AFI හොදම සලෙරූ 10 අතරින් එකක්. මේකට හම්බෙච්ච සම්මාන ගනන වගේම නාම යෝජනා වෙච්ච සම්මාන ගනනේ මුළු එකතුව 57ක්! මට ඔය ඔක්කොම සම්මාන ලියන්න බෑ අෆ්ෆා! නිදිමතයි තාම. කැමතිනම් අන්තර්ජාලයෙන් හොයලා බලන්න.

ඔය කොච්චර සම්මාන ලැබුනත් මේ සලෙරුව පරණ සලෙරුවත් එක්ක තියද්දී හැරෙන්නවත් බෑ කියන එකයි මගේ පෞද්ගලික අදහස. මොකද මම 2018 සලෙරුවේ මේරි පොපින්ස් ලෙස රගපාන Emily Blunt ගේ රගපෑම Mary Poppins (1964)හි මේරි පොපින්ස්ට රගන Julie Andrews ගේ රගපෑම තරම් ප්‍රභලත් නෑ. සාර්ථකත් නෑ. Julie Andrews ආඩම්බර විදිහට උන්නට එයාගේ සුන්දර හිනාව, (ඒ නළ දත…), ජව සම්පන්න නර්ථන හැකියාව Emily Blunt(2018 කෙනා) ට පිහිටලා නෑ. එයා නටන කොටස් හරි අඩුයි. ඒ වගේම Emily Blunt ආඩම්බර මූණක් ගන්න හදද්දී මහ නපුරු පාටක් මට නම් පෙනෙන්නේ. Julie Andrews(1964කෙනා) ගෙ සිරියාවන්ත මූණත් එක්ක ඒ මූණට හැරෙන්න බෑ. ඒ වගේම 1964රේ ෆිලුමට බර්ට් ලෙස රංගනයෙන් දායක වෙන Dick Van Dyke තරම් ජව සම්පන්න ලෙස නටන්න රගපාන්න බැරි වුනාට 2018 සලෙරුවේ ජැක්ට රගපාන Lin Manuel එයාගෙම රංගන ශෛලයකට අනුව සලෙරුවට ලස්සනක් එකතු කරනවා. මුල් චිත්‍රපටයේ එලන්ට Hermione Baddeley රංගනයෙන් දායක වුනාට දෙවනි සලෙරුවේදී එලන්ට රංගනයෙන් දායක වෙන්නේ Julie Walter. එයාගෙ රංගනය කොච්චර තාත්විකද කියනවානම් මම හිතුවෙ ඒ පරණ එලන්මයි කියලා.

ඒ වගේම පරණ සලෙරුවේ ජේන්ට රඟපාපු පොඩි කෙල්ලත් දැන් ලොකු ළමයෙක් (Karen Dotrice). එයා තමයි ට්‍රෙපොලොස්කිගෙ කැමියෝ එක කරන්නේ. (පෝසිලේන් බඩු හදන ගෑනු කෙනා). කියන්න දුක හිතෙන දේ තමයි පොඩි මයිකල් විදිහට පරණ ෆිලුමට රංගනයෙන් දායක වුණු Matthew Adam Garber අග්න්‍යාසයේ ආභාධයකින් අපි අතරින් සමු අරගෙන!

මමඒ කිව්වේ මගේ පෞද්ගලික මතේ. වර්ථමානයේ තියෙන සලෙරූ එක්ක බලද්දි Mary Poppins Returns (2018) සාර්ථක වුනාට Mary Poppins (1964) එක්ක සංසන්දනය කරද්දී සාර්ථක නෑ තමයි. ඔයාලා කියයි මම එහෙම කියන්නේ මම මේ අවුරුද්දේ AL කරපු පොඩි එකෙක් වුණාට මම හද්දා පරණ ෆිලුම් වලට වැඩියෙන් කැමති නිසා කියලා. ඒත් මම අපක්ෂපාතීව තීරණය කලේ කියලා මේ කරුණු දැක්කම ඔයාලට තේරීවි. Mary Poppins Returns (2018) ඡන්ද 41,061කින් IMDb 7.0 ගත්තට Mary Poppins (1964) ඡන්ද 139,758කින් IMDb 7.8 ක අගයක් උපයාගත්තා. ඒ වගේම Mary Poppins Returns (2018) සලෙරුව කුණු තක්කලි මීටරේ 78% කින් කරකවද්දී Mary Poppins (1964) සලෙරුව කුණු තක්කලි මීටරේ 100% කින්ම කැරකෙව්වා. (Old is GOLD කියන්නේ කට කහනවාටයැ) . ඔයාලා මාත් එක්ක එකග නැත්නම් කමෙන්ටුවක් දාලා කියන්න. මොනවා වුනත් වර්ථමාන සලෙරූ එක්ක ගද්දී Mary Poppins Returns (2018) හොඳයි තමා.

ගීත ගැන සදහන් කලොත් මේකේ Cover is not the book කියන සිංදුවනම හරිම ලස්සනයි. තව මේ සලෙරුවේ හැම සිංදුවකටම වගේ පදනම් වෙච්ච වචන, ගී වැල් අරන් තියෙන්නේ මොන්ටිසෝරි කාලේ කිව්ව නර්සරි රයිම්ස් වලින්. ඔයාලට ෆිලුම බලද්දී අවධානයෙන් හිටියොත් ඒවා අහුවෙයි. මාත් එකක් දෙකක් සදහන් කලා ඔක්කොම සදහන් කරන්න ගියේ නෑ. (Hey Diddle Diddle,The cat and the fiddle,) කියන කවිය ඒකෙන් එකක් විතරයි.

අපි බලමු මගේ පෞද්ගලික මතයත් එක්ක එකග කීදෙනෙක් ඉන්නවාද කියලා? වෙන අදහස් දරන කීදෙනෙක් ඉන්නවද කියලා. ඒ වගේම මේරි පොපින්ස් පොත් සෙට් එකෙන් එක පොතක් හරි කියවලා තියේනම් ඒකත් කියලා යන්න අමතක කරන්න එපා! පොත්වලට ආදරේ අය දැනගන්න ආසයිනේ. ඒකයි. (කිව්වට වැඩක් නෑ අපේ අය ඔය අදහස් කොමෙන්ට් කරයියැ). ඒ වගේම මේ සලෙරුවේ කියන්නේ එක දෙයක් අදහස් කරන්නෙ තව දෙයක් උපමා, රූපක, ඉගි වැකි, ව්‍යංගාර්ථ පිරිලා! මම හිතනවා මම සලෙරුවට උපරිම සාධාරණයක් කරන්න ඇති කියලා. අඩු පාඩුවක් තියේනම් කමෙන්ට් එකක් දාලා කියන්න. මම හදාගන්නවා. මම කොහොමත් අලුතෙන් දෙයක් ඉගනගන්න කැමති කෙනෙක්.

ප.ලි. :-
මගෙ කණ්ණාඩිය තාම හදලා ඉවර නෑලු. ලොකු සමාගමකින් ටිකක් බරපතල ගානක් වෙන කණ්ණාඩියක් අරන් මාස දෙකෙන් නිෂ්පාධිත දෝශ ආවා. සතියක් ගියත් තාම හදලා ඉවර නෑ. මම ඉන්න අපහසුතාව හිතාගන්න පුලුවන්නේ. හොඳ වෙලාවට කණ්ණාඩි නැතත් ඇස් පෙනීමේ ලොකූ අවුලක් නෑ. වෙන ලෙඩ ටිකකුත් තියේ. ඕකයි මේරි පොපින්ස් කියන්නේ (Cover is not the book, So open it up and take a look) කියලා. මම සමාගමක් ගැන මගේ විශ්වාසය බිදුනු එක ගැන සයිට් එකේ කිව්ව එක හරි නැද්ද දන්නෙ නෑ, හරි නැත්නම් සමාවෙන්න. ඒ සමාගමේ කීර්ති නාමයට හානි කරන්න ඕනෙ වුනේ නැති නිසා තමයි ඒකෙ නමවත්, නම ගැන පොඩි ඉඟියක්වත් දුන්නෙ නැත්තෙ. ඔයාලා ඒවගේ සමාගමක වැඩ කරනවානම් පුළුවන් තරම් කාර්යක්ෂමව සේවය සපයන්න.

Cover is not the book
So open it up and take a look
‘Cause under the covers one discovers
That the king may be a crook

 

 

Due to copyright issues, we do not provide any torrent links.

මෙම ලබා දී ඇති උපසිරසි Blu-Ray පිටපත් සඳහා අදාළ වේ.

 width=

මේ ලබා දී ඇති සිංහල උපසිරැසි පිළිබද “සෙව්මිණී බණ්ඩාරනායක (සහස්‍රා)” සොහොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2018-09-06
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

48 thoughts on “Mary Poppins Returns (2018) Sinhala Subtitles | මේරි පොපින්ස්ගේ පුනරාගමනය… [සිංහල උපසිරැසි සමඟ]

  • සිංහල උපසිරස ලබා දුන්නාට ෙබාෙහාම ස්තූතියි

    Reply
  • Silvester Stallone ගේ Rocky Balboa 2006 චිත්‍රපටයට උපසිරැසි දෙන්න පුලුවන්ද?

    Reply
  • උපසිරැසියට බොහොම ස්තුතියි …..!

    Reply
  • සිංහල උපසිරසියට බොහොම ස්තුතියි.
    ජය වේවා!!!

    Reply
  • බොහොම ස්තූතියි සිංහල උපසිරැසියට. ජය෴෴ 😛 😛

    Reply
  • Ammoo eka patta bn aniwama supiriyak thawa deyak ube uda wadan tikath fatta

    Reply
  • amooo maru a…..thank bro

    Reply
  • Ela saho thanks

    Reply
  • උපසිරැසියට බොහෝම ස්තුතියි,
    ජයෙන් ජයම වේවා…!!

    Reply
  • Thanks a lot
    “Cover is not the book
    So open it up and a take a look
    ‘Cause under the covers one discovers
    That the king may be a crook.”

    Reply
  • බොහෝම ස්තූතියි …
    ලිපිය නියමෙට ලියලා තියෙනවා… ජය !! 😀

    Reply
  • ගොඩක් ස්තූතියි නංගි උපසිරසියට, ලොකු විස්තරයක් දැනගත්තා, ලිපිය ගොඩක් වටිනවා.. ඒ වගේම ලොකු මහන්සියක් වෙලා තියෙනවා. ඉස්සරහටත් මේ වගේ හොඳ ෆිල්ම් වලට උපසිරසි අරන් එන්න ☺☺☺

    Reply
  • Request :
    Nancy Drew and the Hidden Staircase (2019)
    How to Train Your Dragon: The Hidden World (2019)

    Reply
  • Sub ekata tnx, holmes and watson 2018 comedy movie ektath sub denwd plzzzzz

    Reply
  • thanks machan

    Reply
  • meke potha tranalate karala nadda thama.ewa kiyawadii ape oluwe film eka atuo hadena ekata thama man asa.thnks sub ekata sis.filumata asa hithuna post eka dakkama

    Reply
    • මම දන්න තරමින් නම් තාම කවුරුත් මේ පොත් මාලාව සිංහල බසට පරිවර්තනය කරලා නෑ. ඔයා කියනවා වගේ පොත කියවද්දි මනෝ රූප මැවෙනකොට එන හැගීම ෆිල්ම් එකක් බලලා ගන්න අමාරුයි. මොකද ලෝකෙ වැඩියෙන්ම නිර්මාණයශීලී දේ, හොදම ග්‍රැෆික් හදන තැන අපේ මොළයනේ.

      Reply
  • මේ ෆිලුමට සබ් දෙනකන් බලන් හිටියේ. සිංහල උපසිරැසියට ගොඩාක් ස්තූතියි.

    Reply
  • මේක බලන්න ලෑස්ති වෙන්න ඕන හින්දම පරණ එක බැළුවා… ඒක බලලා මේකේ ට්‍රේලරේ බැළුව ගමන්ම මේක එපා වෙලා ගියා… පරණ මේරිගේ අහලකින් තියන්න බැහැ අළුත් බඩ්ඩ… ඒත් ඉතිං ෆිල්ම් එක බාගෙන තියෙන හින්දයි… මෙච්චර මහන්සි වෙලා සබ් එක කරලා තියෙන හින්දයි ඔන්නොහේ බලලා දාන්නං…
    බොහොම ස්තූතියි පරණ අළුත් දෙකටම සබ් දුන්නට…

    Reply
  • නියමයි….සබ් එකට තැන්ක්ස්….
    මේකට සබ් එක දෙනකම් බලන් හිටියේ…

    Reply
  • හොද විස්තරයක් කරල තියෙනවා. සබ් එකත් හොදටම ඇති. බොහොම ස්තූතියි. තව තව සබ් කරන්න හැකියාව ලැබේවා…

    Reply
  • නියමයි නංගි වැඩ තිබ්බත් අනිව බලනව මම

    Reply
  • බොහොම ස්තූතියි උපසිරැසියට
    ජය වේවා!

    Reply
  • සිංහල උපසිරැසියට ස්තූතියි සහෝ
    ජය

    Reply
  • Anee mm me poth kiywl na et oyge vsthare dakkm poth tk hoyn kiywnn htun sub ekt thnks klin flm ekt blnn on

    Reply
  • උපසිරැසිය වෙනුවෙන් ගොඩක් ස්තුතියි දරුවෝ. විස්තරය නම් දිගම දිගයි. ඒත් කියෙවුවා ආසාවෙන්. මං පොත් කියවන කෙනෙක් වුනාට කියවන්නෙ පරිවර්තනනෙ. (ඉංග්‍රීසි පොත්ඔ පරිවර්යතනය වුනාමනෙ බලන්න වෙන්නෙ.. )
    පොත් පරිවර්තනය කරලා නැද්ද දන්නෑ මට නම් අහු වෙලා නෑ.
    විස්තරය කියෙවුවාම මේ පිලුම බලන්නම ඕන කියලා හිතුනා. කණ්ණාඩි දෙකත් ඉක්මනින්ම ලැබෙන්න කියලා පතනවා.
    තෙරුවන් සරණයි…!
    ජයවේවා…!

    Reply
    • මම දන්න තරමින් තාම කවුරුත් මේ පොත් සිංහලයට නගලා නෑ. 🙁 ඉංග්‍රීසි පොත් නම් ඔන්ලයින් ගන්න පුලුවන්. ඔබේ පැතුමට ගොඩක් පිං!

      Reply
  • Thank you sis sub ekata..
    Jaya wewa!

    Reply
  • සබ් එකට බොහොම ස්තූතියි…!
    ෆිල්ම් එක බාලා සබ් එක එනකල් බලන් හිටියා…

    Reply
  • අම්මේ ඇති යන්තම්. ආව දවසේ ඉඳන් බලන් හිටිය සබ් දෙනකල්. බොහොම ස්තුතියි. බලලා ඇවිත් ගුණ දොස් කියන්නම්කො.

    Reply
  • උපසිරසියට ගොඩක් ස්තූතියි.
     ඔබට සහ ඔබ පවුලේ සැමට
     තෙරුවන් සරණ ලැබේවා..!

    Reply

Leave a Reply to Sahasra Cancel reply

Your email address will not be published. Required fields are marked *