Men in Black (1997) Sinhala Subtitles | ගමනක ඇරඹුම… [සිංහල උපසිරැසි සමඟ]

සමහරවිට ඔයාලා හිතනවා ඇති මේ මොකද මේ චරිත එක පාරටම ඉරිදා උදේම අවුරුදු පහක් විතර පරණ ෆිල්ම් එකකට සිංහල උපසිරැසි දාල ගෙනත් තියෙන්නේ ඇයි කියලා. ඇත්තටම හුඟක් කට්ටිය මේක බලලත් ඇති. සමහර විට නැතුවත් ඇති. ඔයාලටත් ප්‍රශ්නයක් ඇවිල්ලා ඇති චිත්‍රපටි කථා මාලාවක තුන්වෙනි චිත්‍රපටිය දුන්නට පස්සේ මොකද මේ පළවෙනි චිත්‍රපටය දෙන්නේ කියලා. ඒකට එකම හේතුව තමා බයිස්කෝප් සිංහලෙන් අපේ වෙබ් අඩවියට ලැබුණ ඉහල ප්‍රේක්ෂක ප්‍රතිචාරය සහ ප්‍රේක්ෂක ඉල්ලීම. අපත් එක්ක නිබඳවම සිටින ඔබේ මේ ඉල්ලීම අපි නොසලකා හැරියොත් අපි ඔබට කරන අසාධාරණයක් වෙනවා. ඒ නිසා අපි තීරණය කළා මේ චිත්‍රපටියේ පළවෙනි කොටසටත් ප්‍රමාදවී හෝ අපගේ අපමණ වැඩ රාජකාරි මැද සිංහල උපසිරැසි යොදන්න. අනික මෙය ඔස්කාර් සම්මාන ඇතුළු සම්මාන 13 ක් අත් කරගෙන තියෙන එකක්නේ. එහෙම වෙලත් සිංහල උපසිරැසි නැත්තම ඒක ලොකු අඩුවක්නේ. ඒ නිසා දැන් ඒ අඩුවත් ඉවරයි ඕන්… 😀

කට්ටියම දන්නවානේ මේකේ ඉන්න ප්‍රධාන නළු දෙපල කවුද කියලා. නියෝජිත K (Tommy Lee Jones), සහ ජේම්ස් ඩැරල් එඩ්වඩ්ස් III (Will Smith), පසුව ‘නියෝජිත J’. කථාව මෙහෙමයි, හිතුවක්කාර පොලිස් නිළධාරියෙකුවන එඩ්වඩ්ස්ට ඔහුගේ මේ සෙල්ලක්කාරකම නිසා අහම්බෙන් පෘතුවිය ඇතුලේ පිටසක්වල ජීවින් සමග ගනු දෙනු කරන ආයතනක වැඩ කටයුතු සමග පැටලෙනවා. නමුත් ඔහුගේ පවතින හැකියාවන් නිසා ඔහුට පුළුවන් වෙනවා කළු ඇදුමැති මිනිසුන් ගේ සාමාජිකත්වය ලබා ගන්න. නමුත් පසුව දැනගන්නේ නියෝජිත K තමයි ඔහුට මේ අවස්ථාව ලබා දෙන්නේ කියලා. නියෝජිත J රාජකාරී පටන් ගන්න දවසෙම ආක්‍රමණකාරී පිටසක්වල ජීවි විශේෂයක් වන කෘමියෙක් පෘතුවියට එනවා. මොහු පැමිණෙන්නේ ආකියුලියන් ජීවින් ලඟ තිබෙන මන්දාකිණිය නම් විශේෂ ආරක්‍ෂිත උපකරණය රැගෙන යන්න. මෙය දැනගන්නා ආකියුලියන් ජාතින් ඔවුන් පෘතුවියෙන් ඉල්ලා සිටිනවා ඔවුන්ට මන්දාකිණිය ලබාදෙන්න කියලා කෘමියා එය සොරා ගන්න කලින්. එය නොහැකි වුනොත් ඔවුන් පෘතුවිය විනාශ කරන බව දන්වා සිටිනවා. මෙන්න මේ පෘතුවියේ ආරක්ෂාවට සම්බන්ධ වැදගත් මෙහෙයුමට දායකත්වය දෙන්න නියෝජිත K සමග නව නිලධාරී නියෝජිත J ටත් සිදුවෙනවා. කෘමියා මන්දාකිනිය පැහැර ගනීවිද ? පෘතුවිය ආරක්ෂා කිරීමේ වගකීම මොවුන් ඉටු කරයිද ?

එමෙන්ම කථාව අවසානයේ අප කවුරුත් නොසිතන දෙයක් වෙනවා. ඒ මොකද්ද කියලා දැන ගන්නම් ඔයාලට මේක ඩවුන්ලෝඩ් කරන්නම වෙනවා.

මීට පෙර gessy සොහොයුරා විසින් පල කළ ලිපිය

අද මං කියන්න යන්නේ ටිකක් අමුතුම විදිහේ බයිස්කෝප් එකක් ගැන…මේක ටිකක් පරණ එකක් උණාට ගොඩක් හොඳ බයිස්කෝප් එකක්. ගොඩක් අය බලලත් ඇති..පිටසක්වල ජීවීන් ලෝකයට තර්ජනයක් වෙන කාලයක් ගැන තමයි මේකේ තියෙන්නේ..මේකේ ප්‍රධාන නළු දෙපළ ලෙස Tommy Lee Jones සහ Will Smith රංගනයෙන් දායක වෙලා තියෙනවා. will smith ඉන්නවනම් ඒ ගැන මං අමුතුවෙන ඔයාලට කියන්න ඕනේ නැහැනේ..

මොවුන් රහස් පරීක්ෂක දෙපළක් ලෙස තමයි රංගනයේ යෙදෙන්නේ.මේ රහස් පරීක්ෂක දෙපලත් අහම්බෙන් වගේ තමයි මේ උගුලට පැටලෙන්නේ..ඒක බයිස්කෝප් එක බලනකොට ඔයාටත් තේරෙයි..මේ වන විටත් පිටසක්වල ජීවීන් විසින් පෘතුවිය ආක්‍රමණය කර අවසානයි…විශේෂම හේතුව තමයි මොවුන් තමන්ගේ අරමුණ ඉටු කරගන්න උපායක් ලෙස බොහෝවිට සමාජයේ සැරි සරන්නේ සාමාන්‍ය මිනිසුන් ලෙසයි..ඔවුන්ට යම්කිසි ක්‍රමයකින් පිටසක්වල ජීවීන් අදුරගන්න හැකියාව තියෙනව..නමුත් ඒ සුළු පිරිසක් විතරයි..

ඔවුන්ට හැකිවෙයිද පෘතුවිය පිටසක්වල ජීවීන්ගෙන් පෘතුවිය බේරගන්න..පිටසක්වල ජීවීන් පෘතුවිය ආක්‍රමණය කරන්න හේතුව කුමක් වෙන්න ඇතිද..ඔයාටත් ප්‍රෙහේලිකාවක් වෙනවා නිසැකයි.. මේවට උත්තර දැනගන්නනම් බයිස්කෝප් එක බාගන්නම වෙනවා…ටිකක් පරණ උණත් බයිස්කෝප් එකේ රූපරාමු ඉතා තාත්වික ලෙස යොදාගෙන තියෙනවා කියලයි මටනම් හිතෙන්නේ..

මේක IMDb 7.0/10 අගයක් ලබාගෙන තියෙනවා…oscar සම්මානය ඇතුළු සම්මාන 18ක් දිනාගෙන තියෙන මෙය තවත් සම්මාන 28කට සුදුසුකම් ලබාගෙනත් තියෙනවා…fun එක උපරිමයටත් ටිකක් වැඩියෙන් ගන්න පුළුවන් කියල මට බය නැතුව කියන්න පුළුවන්…ඉතින් හැමෝටම ආරාධනා කරනවා දැන්ම බාගෙන බලන්න කියලා..

Due to copyright issues, we do not provide any torrent links.

මෙම ලබා දී ඇති උපසිරැසි BR පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “චරිත පොල්ගස්දෙණිය” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
BRONZE MEMBER
JOINING DATE – 2011-09-01