Men in Black 3 (2012) Sinhala Subtitles | අතීතය බේරා ගැනීම උදෙසා… [සිංහල උපසිරැසි සමඟ]

ඔන්න එහෙනම් මම හා හා පුරා කියලා තවත් අළුත්ම සුපිරිම ෆිල්ම් එකක් උණු උණුවෙම බයිස්කෝප් එකට ගෙනාවා.බයිස්කෝප් එක්ක ඉන්න ඔයාලට ඕනිම සුපිරි ෆිල්ම් එකක සිංහල සබ් එක ෆිල්ම් එකේ හොඳ කොපියක් ආව ගමන හම්බෙනවා කියලා දන්නවානේ 😀 මේක අධ්‍යක්ෂණය කරලා තියෙන්නේ Barry Sonnenfeld විසින්. ෆිල්ම් එක මුලින්ම තිරගත වීම අරඹන්නේ මේ අවුරුද්දේ මැයි 25. ෆිල්ම් එක හදන්න විතරක් ඇමරිකානු ඩොලර් මිලියන 215 ක වැයවෙලා තියෙනවා. ඒත් මේ ගාන වගේ හය ගුණයක් විතර හොයලා බොක්ස් ඔෆිස් රෙකෝඩ් එකක් තියලා තාමත් හොඳින් තිරගත වෙන ෆිල්ම් එකක් තමයි ඔයාලා මේ බලන්න යන්නේ….මේකේ ප්‍රධාන නළුවෝ දෙන්නා ගැන ඔයාලට අමුතුවෙන් කියන්න ඕනි නෑනේ. මේකේ ප්‍රධාන නළුවා වෙන්නේ Will Smith නියෝජිත J (Bad Boys , Independence Day, I Robot, I Am Legend, Hancock, The Karate Kid, MIB 1 & 2 ) මෙයාගේ ෆිල්ම් ටික ඔක්කොම දැම්මොත් මේ ලිපිය රචනයක් වෙනවා බොක්ස් ඔෆිස් හිට් වෙච්ච ටික විතරයි දැම්මේ හොඳේ ), Tommy Lee Jones නියෝජිත K (Captain America: The First Avenger, Volcano,) Josh Brolin තරුණ නියෝජිත K (Milk, True Grit, Wall Street: Money Never Sleeps) ,Emma Thompson නියෝජිත O [ (Harry Potter and the Deathly Hallows Part 2, I Am Legend, Harry Potter and the Order of the Phoenix,) ,Michael Stuhlbarg  Griffin (Hugo, Body of Lies, Law & Order) , Jemaine Clement බොරිස් පිටසක්වල ජීවියා (Rio, The Simpsons වෙනුවෙන් හඩ මුසු කරලා තියෙනවා ) මේ වගේ පට්ට සුපිරිම නළුවෝ නිලියෝ ටිකක් තමයි මේකේ ඉන්නේ.

ඔයාලා මේකේ දෙවැනි කොටස බලලා ඇතිනේ Men in Black – 2. මේ කතාවේදී නියෝජිත J ගේ තනතුර උසස් වෙලා ඔහු දැන් වල ජේෂ්ඨ නිලධාරියෙක් වෙලා MIB වල කලින් හිටපු අධ්‍යක්ෂකගේ මරණින් පසු අළුත් අධ්‍යක්ෂක ලෙස නියෝජිත K ගේ මනඃකල්පිත පෙම්වතියවන නියෝජිත O පත්වෙනවා. මේ අතර හඳේ තියෙන lunar max හිරගෙදරින් බොරිස් කියන පිටසක්වල ජීවියා පනිනවා. මොකද ඔහුට ඕනි වෙනවා නියෝජිත K ගෙන් පලි ගන්න. මොකද ඔහුව අල්ලලා හිරේට දාන්නේ අපේ කථාවේ උප ප්‍රධාන චරිතය වන නියෝජිත K විසින් නිසා. මෙන්න මේ සිදුවීම වෙන්නේ 1969 අවුරුද්දේ. එහිදී වන සිදු වන සටනකදී බොරිස් ගේ අතක් අහිමි වෙනවා. මෙසේ අංගවිකල වෙච්ච බොරිස්, නියෝජිත K විසින් හඳේ හිරගෙදරට යවනවා. එකේ අවුරුදු 40 ක ඉඳලා අන්තිමේට ඔහු හිරෙන් පැනලා පෘතුවියට එනවා තමන් හිර කරපු එකේ පලියගන්න. බොරිස් හදන්නේ 1969 අතීතයට ගිහින් තමුන්ගේ අත අහිමි වෙන සටනේදී නියෝජිත Kව මරලා දමන්න. නමුත් බොරිස් හිරෙන් පැනගත්තා කියන ආරංචිය නියෝජිත K දැනගත්තම ඔහු කල්පනා කරනවා අතීතයට ගිහින් බොරිස්ව මරා දමන්න.

ඉන් පසුව ඔහු තනියම අතීතයට යනවා. මේ අතර නියෝජිත K ගේ අතීතයට යෑම නිසා වර්තමානයේ සියළුම කටයුතු අවුල් වෙනවා. මොකද ඔහු තනියම අතීතයට ගියාට ඔහුට සිදුවන්නේ බොරිස් අතින් මරණයට පත්වෙන්න. ඒ නිසා පෘතුවියේ ආරක්ෂා වෙලා තියෙන්නේ වර්ෂ 1969 ජාතික පිටසක්වල Arcanian ජීවියෙක් වන ග්‍රිෆින් විසින් දෙනු ලබන විද්‍යුත් චාප ආරක්ෂණ දැල නිසයි. මෙය 1969 වර්ෂයේ ගුවන් ගතවෙන සඳ ගමනේ රොකට්ටුවේ තැන්පත් කරන්නේ නියෝජිත K විසින්. නමුත් අතීතයට ගිය නියෝජිත K මිය යන බව MIB අධ්‍යක්ෂක එමා තොම්සන් විසින් නියෝජිත J ට පවසනවා. එම නිසා පෘතුවියේ ආරක්ෂාවට තියෙන විද්‍යුත් චාප ආරක්ෂණ දැල ස්ථාපනය කිරීමට නොහැකිවූ බවත් හෙළි කරනවා. නියෝජිත K අතීතයට ගියාට පසු දා පෘතුවියට විසින් සතුරු ආක්‍රමණයක් එල්ල වෙනවා. පෘතුවිය Boglodite වරුන්ගෙන් බේරාගැනීමට නියෝජිත K ව මරණයෙන් බේරා ගැනීමට නියෝජිත J අතිතයට යනවා………

නියෝජිත J ට තම සගයා බේරාගැනීමට හැකිවෙයිද? බොරිස් තම අරමුණ ඉටු කරගනිවිද? නියෝජිත K තම අරමුණ ඉටු කරගනිවිද? යන ප්‍රශ්නවලට උත්තර ෆිල්ම් එක ඩවුන්ලෝඩ් කරගෙනම බලන්නකෝ….

Due to copyright issues, we do not provide any torrent links.

මෙම ලබා දී ඇති උපසිරැසි BR / DVD පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “චරිත පොල්ගස්දෙණිය” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
BRONZE MEMBER
JOINING DATE – 2011-09-01