Mujhse Shaadi Karogi (2004) | මාව විවාහ කර ගන්නවා ද? [සිංහල උපසිරැසි සමඟ]

යාළුවනේ ඔන්න මම මගෙ පළවෙනි උපසිරැසිය ඔයාලට ගෙනාවා. පළවෙනි එකනේ. වැරදි ගොඩක් ඇති. ඒව එච්චර ගණන් ගන්න එපා. මම කොහොමත් බලන්නෙ හින්දි නිසා පළවෙනි එක විදියට හින්දි එකක්ම ගෙනාවා. ඉස්සෙල්ලම ගෙනාවෙ ටිකක් පරණ එකක්. කොහොමත් පරණ දේවල් අලුත් දේවල් වලට වඩා හොඳයිනේ. ගොඩක් අය මේක බලල ඇති. ඒ වුණත් බයිස්කෝප් එකේ සබ් දාල නැත්නම් ඒක අඩුවක්නේ. මමත් මේක බලලා ගොඩක් කල් වෙනවා. ඒත් සබ් දාන්න හිතුණෙ ළඟදී. මේක කරන්න හිතුවට වඩා කාලයක් ගත වුණා. හින්දි නිසා ලයින් ගාන වැඩියිනෙ. අනික මේ දවස්වල පොඩි වැඩක හිටියේ. අනිත් එක තමයි මට හම්බ වුණ english sub එකේ ගොඩක් වැරදි තිබුණා. ඉතින් ඒවත් ටික ටික හදන්න වුණා. 2014 ට කලින් ඉවර කරන්නයි ටාගට් කරගෙන හිටියේ. කොහොම හරි ඒකත් කළා.

ඉතින් ෆිල්ම් එක දිහාට හැරෙන්නම්. මේක 2004 අවුරුද්දෙ ආපු ෆිල්ම් එකක්. මේක අධ්‍යක්ෂණය කරල තියෙන්නෙ David Dhawan. මේකෙ ජනප්‍රිය නළු නිළියො කීප දෙනෙක්ම ඉන්නවා. Salman Khaan, Priyanka Chopra වගේම Akshay Kumar මේකෙ ප්‍රධාන චරිත රඟ පානවා. ඒ වගේම Amrish Puri, Satish Shah සහ Rajpal Yadav අනෙක් චරිත වලින් දායක වෙලා තියනවා. මේක ලස්සන ආදර කතාවක්. හැබැයි ටිකක් වෙනස් කතාවක්. Comedy කියලත් කියන්න පුළුවන්. ඒ වගේම මේකට 6.5ක් වැනි ඉහළ IMDb අගයක් ලැබිල තියනවා. මේකෙ ලස්සන සින්දු කීපයකුත් තියනවා.

මම ටිකක් කතාව කියන්නම්. මේ ආදර කතාව සමීර්, රානි සහ සනී කියන තුන්දෙනා වටේ තමයි ගෙතිල තියෙන්නෙ. සමීර් කියන්නෙ ඉක්මනට තරහ යන, ඒ නිසාම ප්‍රශ්නවලට පැටලෙන කෙනෙක්. සමීර් තමන්ගෙ ප්‍රශ්න නිසා ගෝව වලට එනවා. ගෝවා වලදි තමයි සමීර්ට රානිව හම්බ වෙන්නේ. සමීර්ට රානිව දැක්ක දවසෙම ආදරයක් ඇති වෙනවා. ඒත් සමීර් හැම වෙලේම රානිගෙ තාත්තත් එක්ක ප්‍රශ්න ඇති කර ගන්නවා. ඒ අතරෙ තව කරදරයකුත් එනවා. ඒ තමයි සනී. සනී රානිට ළං වෙන්න හදනවා. ඔය අතරේ සමීර්ට ඇබැද්දි ගොඩකුත් වෙනවා. මෙහෙම ගියොත් මට මුළු කතාවම කියන්න වෙයි. ඉතින් ඉතුරු ටික දැන ගන්න නම් ෆිල්ම් එක බලන්නම වෙනවා. හැබැයි කතාවෙ අන්තිමට වෙන්නෙ අපි හිතන්නෙ නැති දෙයක්. තවත් කිවුවොත් අගේ නැති වෙනවනේ. එහෙනම් ෆිල්ම් එක බලලා අඩුපාඩු තියනවනම්, (අනිවාර්‍යයෙන් ඇති) ඒවා පෙන්නලා comment එකක් දාන්න. එහෙනම් ආයෙත් ඔයාලට තවත් උපසිරැසියක් අරන් එන්නම්.

955 MB කොපිය මෙතනින් බාගන්න

මේ ලබා දී ඇති සිංහල උපසිරැසි පිළිබද “අදිත ප්‍රවීන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.