My Mighty Princess (2008) Sinhala Subtitles | ඇත්තටම කෙල්ලෙක්ද..? [සිංහල උපසිරැසි සමඟ]

මගේ දෙවැනි උපසිරැසි ගැන්වීමත් ඔන්න මම ඉවර කළා. මගේ පළවෙනි ෆිල්ම් එක වගේම මේකත් ජනප්‍රිය කොරියානු චිත්‍රපටයක්. මේකේ කොරියානු නම 림여대생 (Mu-rim-yeo-dae-saeng). මේ චිත්‍රපටය අධ්‍යක්ෂණය කරලා තියෙන්නේ Jae-young Kwak කියන දකුණු කොරියානු අධ්‍යක්ෂක වරයායි. මේක මිනිත්තු 122ක් පුරා දිවෙන තරමක් දිග ච්ත්‍රපටියක්. 2008 මුලින්ම තිරගත වුනු මේ චිත්‍ර පටය IMDb අගය 6.5ක් ලෙස හිමි කරගෙන සිටිනවා. මේ චිත්‍රපටය සටන්, ආදර වගේම විකට ජවනිකා යන සිල්ලගෙන්ම සමන්විතයි. සටන් ජවනිකා නම් බලන් ඉන්න ආස හිතෙනවා.

කන්ග් සෝ-හුයි (Kang So-Hui), සටන් කලා ප්‍රගුණ කරපු ලස්සන ගැහැණු ළමයෙක්. එයා නව යොවුන් වියේ කෙල්ලෙක් වුනත් එයාට එයාගේ ජීවිත ගමන අනික් ළමයින්ගේ වගේ වෙන්නේ නැහැ. ඇගේ අසාමාන්‍ය හැකියාවන් හා සටන් කලා හැකියාවන් අනිත් අයව පුදුමයට මෙන්ම බියට පත් කරවනවා. ඒ නිසාම ඇය සටන් කලාවට සමු දෙන්න තීරණය කරනවා. සටන් කලා කරුවෙක් වන ඇගේ පියා උරුමයෙන් ආපු සටන් කලාව අභාවයට යයි සිතා බිය වෙනවා. මේ අතරේ ඇගේ පැරණි යාළුවෙක් වන ඉල්-යෙඔන්ග් (Il-Yeong) ඇයව නැවත සටන් කලාවන්ට පොළඹවා ගන්න උත්සාහ කරනවා. මේ අතරේම නපුරු හෙයුක්-බොන්ග් (Heuk-Bong) සටන් කලාවන් යටත් කර ගැනීමට උත්සාහ දරනවා ඔහු විසින් සොරාගත් පූජනීය බලගතු අසිපතක් වන “හරිත දෛවය” භාවිතා කරලා. ඔහු එය කරන්න හදන්නේ සියලුම සටන් කලා ප්‍රවීනයින්ව මරා දමලා. ඔහුට අභියෝග කරමින් සටනට යන සෝ-හුයි ගේ පියාට දරුණු තුවාල සිදුවෙනවා.ඉල්-යෙඔන්ග් ත් නපුරු මායාවන්ට ගොදුරු වෙනවා. තම දෙමාපියන් වෙනුවෙන් පලිගන්න සෝ-හුයි අසිපත සියතට ගන්නවා. ඇයට නපුර පරදවන්නට හැකිවේවිද? ඉල්-යෙඔන්ග් ට නපුරෙන් මිදෙන්න හැකිවේවිද?

Due to copyright issues, we do not provide any torrent link.

මෙම ලබා දී ඇති උපසිරැසි CD පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “දිනුක මධුශාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
NEW MEMBER
JOINING DATE – 2013/02/24