Narcos: Mexico [S01 : E05] Sinhala Subtitles | නව මිතුරන්, නව ගිවිසුම්.!! [සිංහල උපසිරැසි සමඟ] [18+]

එහෙනම් ඔන්න Narcos: Mexico පළමු කතාසමයෙ පස්වැනි කොටසත් අරගෙන ආවා. මේ වතාවේ වෙන්නෙ මොකද කියලා දැනගන්න කලින් පසුගිය කොටසෙ වෙච්ච දේවල් ටිකක් කෙටියෙන් මතක් කරගෙන ඉමු.

පෙර කොටසින්

කලින් කොටස ගැන කිව්වොත් කතාව වෙන් වෙලා තිබුනෙ රාෆා ගැන. “Rafa, Rafa, Rafa!” කියලා ඒ කොටස නම් කරලා තිබුනෙත් මිනිහා සෑහෙන ලොකු ප්‍රශ්න ඇති කරපු නිසා. රාෆා සොෆියාට ආදරේ කරන්න පටන් ගත්ත කාලේ ඉදලම මිනිහා හිතන්නෙ ආදරේ ගැන විතරයි. සොෆියාව පැහැරගෙන ගිහින් එයාට ආදරේ කරගෙන ජීවත් වෙන්නයි රාෆාට ඕන වුනෙ. ඔතනින් තමයි ප්‍රශ්න මතු වෙන්න පටන් ගත්තෙත්. සොෆියාගෙ තාත්තා කියන්නෙ PRI පක්ෂ අග්‍රාමාත්‍ය කෙනෙක්. ඉතිං තමන්ගෙ දුවව පැහැරගෙන ගියෙ කවුද කියලා හිතලා පණිවිඩේ එවන එක එයාට අමාරු වැඩක් වුනෙත් නැහැ. මේකට අහුවුනෙ වෙන කවුරුත් නෙවෙයි ෆෙලික්ස්ව. රාෆා වගේම සොෆියා ආදරෙන් වේලිලා ඉන්නම වෙලාවක තමයි ෆෙලික්ස් ඇවිල්ලා කිව්වේ ඉහල පුටුවක ඉන්න මනුස්සයෙක්ගෙ දුවෙක්ව පැහැරගෙන ආවම එයාලගෙ බිස්නස් එකට බාධා ඇති වෙනවා කියලා. මේ දේවල් අවසානෙකට ගෙනල්ලා ෆෙලික්ස් රාෆාව නීටෝ එක්ක ආරක්‍ෂිත නිවාසයකට යැව්වා. මුලින් දෙන්නා රණ්ඩු වෙලා අන්තිමට කොකේන්ම උරලා සුපුරුදු පරිදි මත්වෙන්න ගත්තා.

රාෆා ඇති කරපු තත්වේ සැහැල්ලු කරන්න ෆෙලික්ස් DFS එකෙන් උදව් ඉල්ලනවා. මෙයාට උදව් කරන්නත් පොරොන්දු වෙනවා. මෙතෙනදී ෆෙලික්ස්ට සිද්දවුනා නිකරාගුවාවල ආරක්ෂක ලේකම්ට ආයුධ ගිහින් දෙන්න. මෙහෙට ගොඩබැස්සත් හරි එයාව හමුදාවේ අය අල්ලගෙන හොදටම ගැහුවා වෙඩින් එක වෙලාවෙදි DFS එකට බැහැ කිව්ව නිසා ඒකට දඩුවමක් විදිහට. මේ දේවල් මෙහෙම වෙද්දී රාෆාගෙ වැඩ නිසා DEA එකේ වැඩ තවත් පහසු වුනා. මොකද එතකොට එයාලට ෆෙලික්ස්ව අල්ලන්න ලේසි වෙන නිසා. හැබැයි DFS එකෙන් ෆෙලික්ස් ලගට කිට්ටු වෙන්නත් බැරි විදිහට වැඩ සලස්වලා තිබුනෙ. හැබැයි DEA එකේ අය මෙක්සිකෝ පොලිසියෙ අය එක්ක කණ්ඩායම ගැහෙනවා. මේකට කිකී කැමති වෙන්නෙ නැහැ මොකද එහෙ පොලිසිය අය මේ දේවල් හසුරවන විදිහට එයාට දිරවන්නෙම නැති නිසා. අමාරුවෙන් මේ අය රාෆා ඉන්න ආරක්‍ෂිත නිවාසය හොයාගන්නවා වගේම මිනිහව අල්ලගන්න ආරක්‍ෂිත නිවාසයට ඇතුල් වෙලා බාගයක් දුර යද්දී මෙක්සිකෝ පොලිසියෙ ලොක්කට ඉහලින් ලැබෙන නියෝගයක් නිසා රාෆාව ඇස් පනාපිට දැකලත් ඒ මෙහෙයුම එතනින් නවතිනවා.

අද කොටසින්

මේ කොටසදී මිගෙල්, ඉසබෙලා එක්ක කොලොම්බියාවට යනවා අලුත් අයව හොයාගෙන අලුත් ගිවිසුම් වලට එන්න. අලුත් අය කිව්වට Narcos මුල් කතාසමයන් තුන පුරාවටම දැකපු අයව තමයි ඔයාලට දැකගන්න ලැබෙන්නෙ. ඒ කවුද, අලුත් ගිවිසුම මොකක්ද කියලා මේ කොටසින් දැකගන්න ලැබේවි.

එහෙනම් අද කොටසෙදි වෙන්නෙ මොනාද කියලා බලලම ඉන්නකො. ගිහින් එන්නම්. ජය!!

 

 

 

 

 

Due to copyright issues, we do not provide any torrent link.

මෙම ලබා දී ඇති උපසිරැසිය Blu-Ray පිටපත් සඳහා අදාළ වේ.

 

Subtitle Contributor Rank

ADMIN MEMBER
JOINING DATE – 2015-02-12
SUBMAKER RATING BY ADMINS