New York (2009) Sinhala Subtitles | 9/11 ප්‍රහාරයෙන් පසු නොදුටු පැත්ත…[සිංහල උපසිරැසි සමඟ]

“යහළුවන් තිදෙනෙක්.. එක් සිදුවීමක්.. ඔවුන්ගේ ජීවිතය සම්පූර්ණයෙන්ම වෙනස් කරයි”

ඔයාලට මොකද හිතෙන්නේ කිසිම වරදක් නැතිව කෙනෙකු මාස නවයක් නිරුවත්ව, උපරිම වද හිංසා සමග, (ඔවුන්ගේ මුහුණට රෙදි කෑල්ලක් ඔතලා ඒකට මුත්‍රා කරල) හිර අඩස්සියක දමලා මාස නවයකට පසුව “අපිට සමාවෙන්න දරුවෝ, අපෙන් වරදක් උනේ” කියල නිදහස් කලොත් එහෙම. ඔයාල ඊට පස්සේ මොකද කරන්නේ. මම දන්නවා දැන් ඔයාලට මතක් වෙන්නේ සන්ජේ දත් රඟපාපු, එයා අවුරුදු 14 ක් හිරකරලා තියපු Zinda චිත්‍රපටිය. මේ ඒකට වඩා හාත්පසින්ම වෙනස් එකක්.

මම පොඩි සාරාංශයක් දෙන්නම් දැන් ෆිල්ම් එක ගැන….

FBI වැටලීමකින් ඇමරිකාවේ නිව් යෝර්ක් නගරයේදී එක ඉන්දියානු පුද්ගලයෙක් අත්අඩංගුවට ගන්නවා “ඕමාර් අයිජාස්” කියන. ඒ ඔහු ලග පුපුරණ ද්‍රව්‍ය හා AK 47 ලඟ තබා ගැනීම නිසාත් ඔහු වැඩ කරන්නේ “සමීර් ෂෙයික්” කියන ත්‍රස්තවාදියාට කියලා අනුමාන කරන නිසාත්. සමීර් ෂෙයික් යනු ඕමාර් අයිජාස්ගේ කොලේජයේ යහළුවකු වන අතර ඔහු ත්‍රස්තවාදියෙක් නොවන බවත් හොයා ගනු ලැබූ ආයුධ ඔහුගේ නොවන බවත් ඕමාර් විසින් පවසනවා. නමුත් FBI එකේ නියෝජිත වන රෝෂන් පවසනුයේ සමීර් ෂෙයික් යනු ත්‍රස්තවාදියෙක් බවත් මෙම පටලැවිල්ලෙන් ගැලවීමට නම් සමීර් ෂෙයික් අල්ලා ගැනීමට FBI එකට උදව් කරන ලෙසත් ඕමාර් හට පවසනවා. ඕමාර් තම යාළුවා හට ද්‍රෝහී කම් කිරීමට මුලින් අකැමති උවත් පසුව මෙයින් ගැලවීමට වෙන මගක් නැති නිසාත් සමීර් ෂෙයික් යනු ත්‍රස්තවාදියෙක් නොවන බව ඔප්පු කිරීමටත් FBI එකට උදව් කිරීමට එකඟ වෙනවා.

සැප්තැම්බර් 11 ( 9/11) ඇමරිකාවේ ලෝක වෙළඳ මධ්‍යස්ථානයට සිදු ප්‍රහාරයට ප්‍රථම සමීර්, මායා, සහ ඕමාර් යනු නිව් යෝර්ක් උසස් විශ්ව විද්‍යාලයේ ඉගෙනුම ලැබූ යහළුවන් තිදෙනෙක් විය. සමීර් සහ මායා යනු ඇමරිකානු පුරවැසිභාවය ලත් ඇමරිකානු ජීවිතයක් ගත කරනු ලැබූ දෙදෙනෙකි. ඕම්ර් එම විද්‍යාලයට පැමිණෙන්නේ ශිෂ්‍යත්වයක් ලැබීම නිසායි. ඔවුන් එහි ඉතා සතුටු දායක ලෙස තම ජීවිතය ගත කල අතර 9/11 ප්‍රහාරය සිදු විය. එමගින් ඔවුන්ගේ ජීවිත සහමුලින්ම වෙනස් විය. 9/11 ප්‍රහාරයෙන් දින 10 කට පසුව ලෝක වෙළඳ මධ්‍යස්ථානයේ පින්තුර දෙකක් ලඟ තබා ගැනීමේ වරදටත් ගුවන් ටිකට් පත් දෙකක් ලඟ තබා ගැනීමේ වරදටත් සමීර් ෂෙයික් ව FBI එක මගින් ත්‍රස්තවාදී සැකකරුවෙක් ලෙස අනුමාන කරමින් මාස නවයක් පුරා වද හිංසා සමග රැඳවුම්ගාරයක (හිර අඩස්සියක) හිර කරන ලදී. මාස නවයකට පසු ඔහු සම්බන්ධව කිසිදු සාක්ෂියක් FBI එකට සොයාගත නොහැකි වීම නිසා සමීර් ව ” FBI එක මගින් වරදක් වූ බවට සමාව ගෙන” නිදහස් කරන ලදී. (ඉහතින් සදහන් කර ඇත්තේ ෆිල්ම් එකේ මුල් විනාඩි කිහිපයයි. දෙවනුව සදහන් කර තියෙන්නේ ෆිල්ම් එකේ මැද හරියේ විස්තර කිහිපයක්. ෆිල්ම් එක බලන අතර ඔයාලට මේක ගලපගන්න පුළුවන් වෙයි)

මාස නවයකට පසු නිදහස් වන සමීර් හට වෙන්නේ මොනවද? ඔහු ත්‍රස්තවාදියෙක් නම් එසේ වන්නේ කාගේ වරදින්ද? ඔහු ත්‍රස්තවාදියෙක් නම් ඔහුගේ ඉලක්කය කුමක්ද? එය සාර්ථක කර ගැනීමට හැකි වේද ? ඕමාර් හට තම නිදොස් බාවයත් සමීර් ත්‍රස්තවාදියෙක් නොවන බවත් ඔප්පු කිරීමට හැකි වෙයිද ? පාසලේදී හොදම මිතුරා වූ ඕමාර් FBI එක සමග එක්ව තමන් ගැන ඔත්තු බැලීමට නැවත ඔහුගේ ජීවිතයට ආ බව සමීර් දැන ගනීද? අවසානයේ සමීර්, මායා හා ඕමාර් හට සිදු වන්නේ කුමක්ද ? දැන ගන්න ඉතින් ෆිල්ම් එක බලන්න වෙනවා….

මෙහි සමීර් ලෙස ජෝන් ඒබ්‍රහම්, මායා ලෙස කට්රිනා කයිෆ්, ඕමාර් ලෙස නීල් නිතින් මුකේෂ් හා,FBI නියෝජිත රෝෂන් ලෙස ඉර්ෆාන් කාන් විශිෂ්ට ලෙස රංගනයෙන් දායක වෙනවා. මෙය IMDb රේටින් තුල 6.7 ක අගයක් ලබාගෙන තිබෙනවා. මට නම් හිතෙන්නේ ඒ මදි කියලයි.

මේ මගේ ගීත වලටත් සබ් දාපු මගේ දෙවන චිත්‍රපටයයි.ඒ වගේම හරිම අසාවෙන් කල එකක්.අනික ඔයාලට මෙම ෆිල්ම් ඒකෙන් මගේ ඉන්ග්ලිෂ් සබ් දැමීම ගැනත් තීරණය කරන්න පුළුවන් වෙයි…මොකද වැඩි හරියක් ලයින් ඉන්ග්ලිෂ් වලින් තිබුණු නිසා. අනික කිහිපයක් ලයින් විකියා සහෝගේ උපදෙස් අනුව,ටයිම් ලයින් මටම හදලා දාන්නත් උනා. ඉතින් ගොඩක් මහන්සි උනා වැඩේට….දැන් ගොඩක් කොමන්ටුත් අඩුවෙන් වැටෙන්නේ.මොනා කරන්නද ඉතින් නේද..කාරියක් නැ….ෆිල්ම් එක නම් පට්ටම පට්ට ෆිල්ම් එකක්, අනිවා බලන්න කියලා ඉල්ලනවා අන්තිම හරිය නම් හිතා ගන්න බැරි විදියට දුකයි…පුළුවන් නම් බලල ඉවර වෙලා කොමන්ට් එකක් දාන්න කියලා ඉල්ලනවා.
මේ මගේ අටද කොහෙද….එහෙනම් ජය වේවා….

මීට පෙර පළ කළ ලිපිය.

මේ කියන්න යන්නෙ අලුත්ම ෆිල්ම් එකක් ගැන..ගොඩක් අය බලාගෙන හිටිය මේකෙ හොද ටොරන්ට් එකක් එනකම්..ඔන්න දැන් ඇවිත් තියෙනව..මේ ගැන මුලින්ම මාව දැනුවත් කළ ‘Dark Shadow’ සොහොයුරාට ස්තූතියි.. 🙂 මේ ෆිල්ම් එක අනික් හින්දි ෆිල්ම් වලට වඩා වෙනස් වෙන්න හේතු ටිකක් තියෙනව..මේක හදල තියෙන්නෙ සම්පූර්ණයෙන්ම ඉංග්‍රීසි චිත්‍රපටයක ආකාරයට..ඒ වගෙම බොහෝදුරට කතාබහ වෙන්නෙත් ඉංග්‍රීසියෙන්..ජෝන් ඒබ්‍රහම්,කට්‍රිනා කායිෆ් වගේම නේල් නිතින් මුකේශ් යන නලු නිළි පිරිසගේ රංගනයෙන් මේ ෆිල්ම් එක හැඩ වෙලා තියෙනව..
මෙන්න මෙහෙමයි New York චිත්‍රපටයේ කතාව ගලාගෙන යන්නෙ,ඒ පිලිවෙලටම මම කියන්නම්..ඇමරිකානු ආරක්ශක අංශ විසින් ලුහුබදිනව එක්තරා කැබ් රථයක්..මේ රථය නවත්වා පරීක්ශා කළවිට පොලීසිය හොයාගන්නව අවි ආයුධ තොගයක්ම..පසුව මේ කැබ් රථයේ අයිතිකාරය අතඩංගුවට ගැනෙනව..ඔහු මේ පිළිබද කිසි දෙයක් දන්නෙ නෑ..
නමුත් බොහෝ දිනක් පොලිසියෙ නතර කරගෙන සිටිය ඔහුට පැවරෙනව අමුතුම රාජකාරියක්..මීට වඩා කියල ෆිල්ම් එකේ රසය අඩු කරන්න මම අදහස් කරන්නෙ නෑ..
ඇමරිකාවට එල්ලවූ 9/11 ප්‍රහාරයෙන් පසුව ආසියානුවන්ට ඇමරිකාවෙදි විදින්න උන දුක් ගැහැට ආදිය හොදින් සාකච්චා වෙන ලස්සන ෆිල්ම් එකක්..මෙය නිකම්ම නිකම් ෆිල්ම් එකකට වඩා රසවත් හා අර්ථවත් එකක් වෙලා තියනව මෙහි කතා වෙන මාතෘකාව නිසා..

Due to copyright issues, we no longer provide any torrent links.

ලබා දී ඇති උපසිරැසි BR / DVD පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “ හේවා ලුණුවිලගේ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2012-07-25