No Smoking (2007) Sinhala Subtitles | දුම් බීම තහනම් [සිංහල උපසිරසි සමඟ]

මේ වතාවෙ මම අරගෙන ආවෙ ටිකක් නෙවෙ ගොඩක්ම අමුතු film එකක්. සමහර වෙලාවට හිතෙනවා ටිකක් Interstellar හා Inception කියන film දෙක එකතු කරලා නිර්මාණය කරපු එකක් වගෙද කියලා. (නමුත් ඒ film දෙකම ආවෙ මේ film එකට පසුවයි). ඒ කියන්නෙ මේ film එක නැරඹුවාට පසුව නරඹපු කෙනාගෙ හිතට විවිධ ප්‍රශ්න එනවා. මම දන්නෙ නැහැ ඒ එන ප්‍රශ්න වලට මේක අධ්‍යක්ෂනය කරපු Anurag Kashyapටත් පිළිතුරු තියෙනවාද කියලා. Anurag කියන්නෙ Talaash, Happy new year, NH10, Ugly, Lootera, Bombay velvet වගෙ හොඳ ආදායම් වාර්තා තබපු නිර්මාණ බිහි කරපු කෙනෙක්. ඉතින් මේ film ගැන කියනවා නම් ටිකක් සංකීර්ණයි. එක වතාවක් නරඹලා සම්පුර්ණයෙන්ම තේරුම් ගන්න බැරි වෙවි බොහෝ දුරට. ඒ කියන්නෙ අඩුම තරමෙ දෙවතාවක්වත් නරඹන්න වෙනවා. කොපමණ නැරඹුවත් අනිවා මොකක් හරි ප්‍රශ්නයක් හිතට එනවා. ඒ නිසා ගොඩක් අවධානයෙන් මේක නරඹන්න වෙනවා. Film එකෙ මුල් භාගය ටිකක් සමහර අයට නම් එපා වෙවි එත් දෙවන භාගය ආරම්භ වුනාට පස්සෙ වෙන්නෙ මොකද්ද කියලා හිතාගන්න බැරුව දිගටම බලාවි.

මේක Psychological/Mystery/Thriller ගනයට වැටෙන imdb 7.2 ලැබිලා තියෙන film එකක්. සාමාන්‍යයෙන් john abraham දකින්න ලැබෙන්නෙ action තිබෙන film වල වුනාට මෙහි ඔහු වෙනස්ම චරිතයක් රඟාපාන්නෙ. ඒ කියන්නෙ මොහු (නමින් K ලෙස හඳුන්වනවා) දුම් පානයට තදින්ම ඇබ්බැහි වෙච්ච පුද්ගලයෙක්. නාන කාමරයේදි, නිදන කාමරයේදි, කාර්යාලයෙදි සෑම තැනකම මොහුට සිගරට් එකක් බොන්නම ඕන. ඒ කියන්නෙ එක මොහොතක්වත් ඔහුට සිගරට් එකක් නැතුව ජීවත් වෙන්න බැහැ. එනම් සිගරට් යනු ඔහුගෙ ජීවිතයෙ අත්‍යාවශ්‍යම සාධකයක්. ඉතින් මේ නිසා මොහුගෙ පවුල් ජීවිතයත් අවුල් තත්වයකට පත් වෙනවා. ඒ නිසා මොහුට මග පෑදෙනවා මෙම පුරුද්ද අත්හැරගන්න පුනරුත්ථාපන මධ්‍යස්ථානයකට යන්න. මෙතනින් තමයි film එක නරඹන අය සහ K පිස්සු වැටෙන්න ආරම්භ වෙන්නෙ. ඒ මොකද එතන අමුතුම තැනක්. ඒ කියන්නෙ මෙම මධ්‍යස්ථානය මෙම ඇබ්බැහිවූවන් ඒවායින් මුදවා ගන්න යොදා ගන්නෙ අපිට හිතාගන්න්වත් බැරි අමුතුම ප්‍රතිකාර ක්‍රමයක්. මේ ක්‍රමය නිසා K සිගරට් බීම, ප්‍රතිකාරයට වඩා හොඳයි කියන තත්වයකට සමහර වෙලාවට පත් වෙනවා.

ඉතින් මේ විස්තරය ඇති වෙවි මෙහි සිදුවිම තේරුම් ගන්න. ඉතිරි ටික මේක නරඹන අයම ඔළුව අවුල් කරගන්නෙ නැතුව තේරුම් ගන්න බලන්න. බලන්න K ට මේ නරක පුරුද්ද අත් හැරගන්න පුළුවන් වෙවිද? බැරි වෙවිද? නැත්නම් වෙන මොනවත් වේවිද කියලා.

Due to copyright issues, we do not provide any torrent link.

මෙම ලබා දී ඇති උපසිරසි HDRip පිටපත සඳහා වලංගු වේ.

මේ ලබා දී ඇති සිංහල උපසිරැසි පිළිබද “අතුල කාරියවසම්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2017-11-01
SUBMAKER RATING BY ADMINS