Friday , September 24 2021
Breaking News

Normal People (2020) [S01 : E01] Sinhala Subtitles | ප්‍රේමය පසසනු වස් [සිංහල උපසිරැසි සමඟ] [18+]

Rating: 8.9/10. From 8 votes.
Please wait...

“ජීවිතයේ දිගු මග ඔබ එයි
ඒ එන තරමට ඔබ මිය යයි
මිය යන තරමට ජීවත් වෙයි
ජීවිතයේ ඇති තතු උගනියි..”

ඔය කතාව කිවුවේ මං නෙමෙයි, ‘මහගමසේකර’ මහත්තයා. එතුමා රචනා කරපු පොඩි කවියකින්ම මං අද කතාවට ප්‍රවේශය ගත්තේ වෙන හේතුවක් හින්දා නෙමෙයි, මේ කතාමාලාව ආදරය, ලිංගිකත්වය, බැඳීම් තුලින් ගලාගෙන ගොස් ආරම්භ ඌ තැනින්ම අවසානයක් කරා ලඟා වෙන, ජිවිතයට තවත් එක් අත්දැකීමක් නොව අත්දැකීම් ගොඩක් තිලින කරනා කතාමාලාවක් නිසයි. ඇත්තටම මං මේක තෝරාගත්තේ විශේෂ හේතුවක් නිසයි. මං කලින් දුන්නු Behind Her Eyes කියන මනෝවිද්‍යාත්මක කතාමාලාවට පස්සේ අලුතෙන් උපසිරැසි හදන්න හොඳ එකක් හොයන ගමන් ඉන්නකොට අහම්බෙන් වගේ දැකලා ඩව්න්ලෝඩ් කරාට පස්සෙයි දැනුනේ මං කාලෙකින් මේ වගේ කතාමාලාවක් බැලුවේ නෑ නේද කියල. මොකද කියනවනම් මේක ආදර කතාවක් නෙමෙයි, ආදරය ගැන කතාවක්. මම අනිත් Category වලට වඩා Drama කියන පැත්තට වැඩි ප්‍රියතාවයක් දක්වනවා. මේ ලොක්ඩවුන් කාලේ ගෙදරට වෙලා ඉන්න වැඩිහිටියන් වෙනුවෙනුයි මං මේක අරගෙන ආවේ. එහෙනම් යමු ඉදිරියට.

මං කලින් කියපු විදිහටම මේ කතාමාලාවත් වැඩිහිටියන්ට පමණයි , මොකද මෙහි ලිංගික දර්ශන හැම කොටසකම වගේ ඇතුලත් වෙනවා පලවෙනි කොටසේ ඇරෙන්න. මේක Sally Rooney කියන ලේඛිකාව විසින් 2018දි මෙනමින්ම නිකුත්කරපු පොතක් ආශ්‍රයෙන් නිපදවපු කොටස් 12කින් සමන්විට අයර්ලන්ත කතාමාලාවක්. ඒවගේම මේක නිර්මාණය කරලා තියෙන්නේ BBC Three සහ Hulu සමාගම් එකතුවෙනුයි. අයර්ලන්තයේ, ඉතාලියේ සහ ස්වීඩනයේ ඉතාමත් සුන්දර දර්ශන තල වල තමයි රූගත කරලා තියෙන්නේ. එහෙනම් මං කතාමාලාවට ලැබුණු ජයග්‍රහණ ගැන පොඩ්ඩක් කියල ඉන්නම්. සම්පුර්ණ වශයෙන් සම්මාන 48කට නිර්දේශ වෙලා ඒවගෙන් 17ක් දිනාගෙන තියෙනවා.

~ Primetime Emmy Awards 2020,AACTA International Awards 2021, BAFTA Awards 2021, Bafta TV Craft 2021, British Society of Cinematographers 2020, Broadcast Film Critics Association Awards 2021, Broadcasting Press Guild Awards 2021, Camerimage 2020, Casting Society of America, USA 2021, Gold Derby Awards 2020, Golden Globes USA 2021, International Online Cinema Awards (INOCA) 2020, Irish Film and Television Awards 2021, MTV Movie + TV Awards 2021 ආදී එකී මෙකි නොකී සම්මාන උළෙලවත් විශාල ප්‍රමාණයක ගෞරවාදරයට පත්වෙලා තියෙනවා. තවත් සඳහන් නොකරපු සම්මාන උළෙලවන් විශාල ප්‍රමාණයක් තියෙනවා, මං ඒ සේරම කියන්න යන්නේ නෑ, කැමති කෙනෙක්ට IMDb එකට ගිහින් බලන්න පුලුවන්.

~ BAFTA Awards 2021 / Irish Film and Television Awards 2021/ International Online Cinema Awards (INOCA) 2020/ Gold Derby Awards 2020 යන සම්මාන උළෙලවල් හිදී ප්‍රධාන නළුවා වන Paul Mescal හට හොඳම රඟපෑම වෙනුවෙන් සම්මානය ලැබෙනවා.  ප්‍රධාන නිළිය වන Daisy Edgar-Jones පවා සෑහෙන වතාවක් හොඳම නිළිය සම්මානය උදෙසා නිර්දේශ වෙලා තියෙනවා. ඒවගේම 8.5IMDb අගයක්, 94% ක ගූගල් පරිශීලක මනාප සහ Rotten Tomatoes හී 91% ක මනාප ලබාගෙන තියෙනවා. එතකොට ඔයාලට හිතාගන්න පුළුවන්නේ කොයිතරම් කැමැත්තක් ප්‍රේක්ෂකයින්ගෙන් ලැබිලා තියෙනවා කියල.

විශේෂයෙන්ම කියන්න තියෙන්නේ හදිස්සියක් තියෙනවනම් මේක බලන්න ගන්න එපා කියලයි. නිවීහැනහිල්ලේ පාඩුවේ ඉන්නගමන්,  ලාවට හපන්න මොනවහරි පැත්තකින් තියාගෙනම වාඩි උනානම් හොඳයි. කතාව මෙහෙමයි,

කොනල් කියන්නේ පාසල් ශිෂ්‍යයෙක්, කා අතරත් ජනප්‍රිය, හැමෝම ආදරය කරන, හැමෝම ආදරේ කරන්න කැමති කොල්ලෙක්. හැබැයි මැරියන් කියන්නේ හැමෝගෙම තාඩන පීඩන වලින් බැටකන,හැමෝගෙන්ම වෙන් වෙලා තනියම ඉන්න කැමති කෙල්ලෙක්. ඒ වෙන හේතුවක් හින්දා නෙමෙයි, එයා ජීවත්වෙන විදිහට අනිත් මිනිස්සු කැමති නෑ, කොටින්ම ගෙදර ඉන්න අය පවා. අර කතාවක් තියෙන්නේ<b> “අපේ වැරද්දක් හොයාගන්න වටේ මිනිස්සුන්ට බැරි උනාම, එයාලා ඒවා නිර්මාණය කරන්න පටන් ගන්නවා කියල.” අන්න ඒ වගේ කරදර තමයි මැරියන්ටත් සිද්ද වෙන්නේ. හැබැයි මේ කොනල්ගේ අම්මා සේවය කරන්නේ මැරියන්ගේ නිවසේ. ඒකනිසා මේ දෙන්නා නිතරම වගේ හමුවෙනවා. හැබැයි ඒ හමුවීම් ඒ දෙන්නට විතරක් සිමාවෙන්නේ, මැරියන් ව ආශ්‍රය කරන බව තමන්ගේ යාළුවො දැනගන්නවට කොනල් අකමැති නිසා. එයා හිතනවා මැරියන්ව ආශ්‍රය කරන එකෙන් තමන්ගේ ප්‍රතිරූපයට හානියක් වෙයි කියල. කොහොමින් හරි යම් කිසි බැඳීමක් ඇතිවෙන්න පලවෙනි අඩිතාලම දැමෙන්නේ මේ හමුවීම් මතයි.

එක්වීම්, වෙන්වීම්, දුක්වීම් මැද ගලාගෙන යන කොනල්ගේ සහ මැරියන්ගේ ආදර කතාව රසවිඳින්නට මං ඔයාලට ආරාධනා කරන්නේ අපි හැමෝටම මේ අත්දැකීම් ජීවිතේ යම්කිසි කාලයකදී අත්විඳින්න ලැබිලා තියෙන නිසයි, සමහර විට තවමත් අත්විඳිමින් ඉන්නවා වෙන්නත් පුළුවන්, එම හමුවීම් හෝ වෙන්වීම් නිසා අදටත් සමහර මිනිස්සු අතීතය දීලා බලලා සතුටුවෙනවා ඇති, ඇතැම්විට දුක්වෙනවත් ඇති. අපේ අත්දැකීම් වලට අනුවනම් වැඩිමනක් තියෙන්නේ දුක්වීම් කියල අපි හැමෝම දන්නවා, හැබැයි මේ කතාවේ අවසානයක් වෙනකන් බැලුවොත්, ඔයාටත් හිතෙයි අපි ජීවිතේ සතුට කියල හිතාගෙන ඉන්න දේවල් වල තියෙන්නේ සතුට නෙමෙයි පුහු ආශාවල් පමණයි කියල. ජීවිතේ යම් යම් අවස්තාවන් වලදී අපිට හොඳයි කියල හිතුනු තීරණ වලින් සිද්ධවුණේ පරණ තුවාල ආයෙත් පෑරුණු එක පමණයි කියල ඔයාලට හිතෙයි. ඒවගේම මොන දේ උනත් අපිට යම් බැඳීමක් විශේෂයිනම්, ඒක ඉදිරිපසට මොන ආකාරයෙන් බාධක ආවත් හිතේ තියෙන ඒ විශේෂ හැඟීම කවදාහරි පුපුරලා ගිහින් ආයෙත් පරණ පුරුදු ජීවිතේම හොයාගෙන යනවා කියන එක ඔයාලට තේරෙයි.

අවසාන වශයෙන් ෆේස්බුක් එකේ මිත්‍රයෙක් කතාමාලාව ගැන දාලා තිබුණු සටහනකින් ලිපිය ඉවරයක් කරන්නම්.

“සරලව ඉතිං මෙහෙමයි.
ආදරය ගැන තියෙන එක එක නිර්වචන අස්සෙ
මේ කතාවටත් කැමති නිර්වචනයක් දෙන්න පුළුවන්
ආදරය ඒ හැම එකක්ම බාරගනීවී, ආදරෙන්.
මැරියන්, කොනල්ව බාරගත්තා වගේ,
කොනල්, මැරියන්ව බාරගත්තා වගේ.
මේක බැලුවට පස්සෙ මට හිතුනෙ මෙච්චරයි….
අපි ආදරේ බලෙන් අල්ලගෙන අපි ගාව තියාගන්න හදන හැමවෙලේකම,
ඒක අපෙන් ඈතට යනවා. ආදරේට නිදහසේ ඉන්න දුන්නම හැමදාම ඒක අපිගාව.”

“අද දවසේ සැබෑ ක්‍රමවිරෝධය වන්නේ ලිංගිකත්වය නොව , ප්‍රේමය කෙරෙහි වන අත්‍යන්ත කැපවීමයි”

 

 

 

 

 

Due to copyright issues, we do not provide any torrent links. 

ලබා දී ඇති උපසිරැසි WEB පිටපත් සඳහා පමණක් අදාළ වේ.

 width=

මේ ලබා දී ඇති සිංහල උපසිරැසි පිළිබද “රඛිත රණතුංග” සොහොයුරාට සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2013-05-21
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

All BT1

Next BT1

Check Also

මුම්බායි ඩයරීස් 26/11 [S01 : E08] Sinhala Subtitles | අවසානය සහ අරුනෝදය… [සිංහල උපසිරැසි]

මේ අරන් ආවෙ කතා මාලාවෙ අවසන් කොටස. පහුගිය කොටසෙ කට්ටියම එකතු වෙලා ආච්චිව බේර ගත්තනෙ. …

Leave a Reply

Your email address will not be published.

9 comments

  1. Thanks bro for sub

  2. Thanks bro for sub

  3. ගොඩක් ස්තුතියි උපසිරසියට

  4. Thanks….jayawewa….!

  5. Sub ekata thanx

  6. Supun Kaushalya

    තෑන්ක්ස් සබ් එකට සහෝ

  7. නලින් පෙරේරා

    සුපිරි රඛිත මල්ලි!

    ජය වේවා!

  8. සිංහල උපසිරැසියට ස්තූතියි

error: Alert: Content is protected !!