Not Without My Daughter (1991) Sinhala Subtitles | දෙවියන්ගේ අඩවිය [සිංහල උපසිරසි සමඟ]

අපි කවද හරි නන්නාදුනන රටක කාගෙන්වත් පිළිසරණක් නැතුව අතරමං වුනොත් මොනවා නම් හිතෙයිද? මේ දෙන්න යන බයිස්කෝප් එකෙත් එවැනිම කතාවක් තමයි ගලා යන්නේ. මුලින්ම කියන්න ඕනි මේක මගේ පලවෙනි උපසිරස නිර්මාණය. ඉතින් වැරදි අඩුපාඩු ගොඩාක් ඇති. ඒවා මට කොමෙන්ටුවකින් හරි පෙන්නලා දුන්නොත් බොහොම වටිනවා. මේකට සබ් දාන්න ඉගන ගත්තේ විකියා සහෝගේ බ්ලොග් එකකින්. ඒ වගේම අපේ වාසල සහෝටත් ස්තුතිවන්ත වෙන්න ඕනි මේකට උදව් කලාට.

මේ ෆිල්ම් ඒක “not without my daughter” නවකතාව මුල් කරගෙන නිෂ්පාදනය කරලා තියන්නේ.. “not without my daughter” නව කතාව අනුලා ද සිල්වා ලේඛිකාව අතින් “දෙවියන්ගේ අඩවිය” නමින් පසු කාලෙක සිංහලට පරිවර්තනය වෙනවා. මෙම චිත්‍රපටියේ imdb අගය 5.9/10ක් වෙනවා..මේක අධ්‍යක්ෂණය කරලා තියන්නේ බ්‍රයන් ගිල්බට් විසින්. මේක සත්‍ය කතාවක් ඇසුරෙන් නිෂ්පාදනය වුනු චිත්‍රපටියක්.

ඉතින් අපි කතාවට බහිමු. මේකේ සිද්ද වෙන්නේ බෙටී නම් ඇමරිකානු කාන්තාවට එයාගේ ස්වාමිපුරුෂයා වන මහමුදි හා දියණිය වන මාතුබීත් එක්ක සිය ස්වාමිපුරුෂයාගේ උපන් බිම වන ඉරානයට නිවාඩුවකට යන්න සිදුවෙනවා. මහමුදි කියන්නේ ඇමරිකාවේ ජීවත්වන ඉරාණ ජාතික වෛද්‍යවරයෙක්. මුලදී අකමැති උනත් බෙටී නිවාඩුවට ඉරානයට යන්නට කැමති වෙන්නේ මහමුදි ආපසු එනතුරු කිසිඳු අනතුරක් වෙන්නේ නෑ කියලා කුරාණය මත අත තියල දිවුරලා කිව්වට පස්සේ. ඒත් ඉරානයට ගියාට පස්සේ සියල්ල කණපිට ගහනවා. මහමුදි කියනවා නැවත ඇමරිකාවට යන්නේ නෑ කියලා. මේ සියල්ලට ම මුලික වෙන්නේ ඊට වසර කිහිපයකට ඉරානයේ පෙර පැවතිච්ච විප්ලවයක්. ඒකෙන් පස්සේ ඉරානයේ හොඳ දේවල් තුරන් වෙනවා. ඉරානයේ ගැහැනුන්ට සලකන ක්‍රමයත් ඉරාණ නීතියත් නිසා බෙටී පුදුම දුකක් විඳින්න සිද්ද වෙන්නේ. එයා නිත්‍යානුකුලව ඇමරිකාවට යන්න උත්සහ කරනවා ඇමරිකානු ජනපද දෙපාර්තමේන්තුවේ සහය ලබා ගන්න උත්සහ කරනවා. ඒත් ඒ උත්සාහය ව්‍යර්ථ වෙනවා. කොහොම වුනත් බෙටී තීරණය කරනවා ආපහු කොහොම හරි ඇමරිකාවට යන්න ඕනි කියලා. එයාට ඇලන් කියල ඇමරිකානු ස්ත්‍රියක් මුණ ගැහෙනවා. ඒත් එයා පීඩිත ක්‍රමයට හැඩගැහිලා ඉවරයි. එයාට දුවව දාල යන්න මගක් සැලසෙනවා. පස්සේ එයාට හමීඩ් කියලා රෙදි කඩේක වැඩකරන කෙනෙක් හමුවෙනවා.

මෙතනිනුත් එහාට කිව්වොත් බලන්න දෙයක් නැති වෙනවනේ. ඉතින් බෙටීට ආපහු ඇමරිකාවට එන්න පුළුවන් වේවිද? ඇය දුව දමා ඇමරිකාවට යාවිද? මහමුදිගේ පවුලේ අනාගතය කොහොමවෙයි ද? බෙටීට මාතුබී නැතුව ඇමරිකාවට යන්න වේවිද? නැත්තම් ඇලන් වගේ ඉරානෙම ඉන්න වෙයිද? කොහොමවෙයි ද කියලා දැනගන්න බාලම බලන්නකෝ. පට්ට ෆිල්ම් එකක්..

මේ ලබා දී ඇති සිංහල උපසිරැසි පිළිබද “චතුර සුපුන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

NEW MEMBER
JOINING DATE – 2013-05-30