Oceans (2009) with Sinhala Subtitles | ඇයට ආදරය කරන්න! ඇයව ආරක්ෂා කරන්න! [සිංහල උපසිරැසි සමඟ]

මේ පාසල් නිවාඩු කාලෙනේ! අපේ නංගිල මල්ලිල; දූල පුතාල හුඟ දෙනෙකුට පාසල් වැඩවලින් ඈත්වෙලා තරමක විවේකයක් ලැබෙන කාලය. අමතර පන්ති තිබුණා වුණත් පාසල නිවාඩු නිසා වෙනදාට වඩා ටිකක් විනෝදෙටත් ඉඩ කඩක් තියෙනවා ඇති. ඉතිං එහෙව් එකේ ඒ අයටත් රසවිඳින්න හැකියාවක් ලැබෙන සිනමා නිර්මාණ කිහිපයක් සිංහල සමග තිලිණ කරන්නට මම තීරණය කළා; මේ කාලය තුළ! හ්ම් අනිත් අය මා එක්ක අමනාප වෙන්න එපා මම දැනට ලිස්ට් එකේ තියෙන අනිත් කතා දෙකම දෙන්න ඔන්න මෙන්න කියලා තියෙන කොට මගේ යන්තරේ කැඩුණනේ. ඒ ගමන ඒක හදද්දී ඒවා ඔක්කෝම විනාශ වෙලා ගියා; ඒකෙන් ඒ දෙකම ආපහු මුල ඉඳලා හදන්න වෙලා තියෙන්නේ. වැඩ කටයුතු ඔය විදිහට යෙදෙන අතරේ පාසල් නිවාඩු සමයත් එළැඹුණු නිසා මම හදිසියෙන්ම වෙනත් යමක් ගැන හිත යොමු කළා.

ඒ තමා අපේ නිවාඩුකාරයින්ට රසවිඳ ගන්න හැකිවෙන ඒ වගේම අධ්‍යාපනික වටිනාකමකුත් සහිත චිත්‍රපට කිහිපයක් (මම කලක් තිස්සේ එකතු කරගෙන ඉන්න ඒවා) සිංහලෙම්ම ලබාදෙන්න. මේවා දෙන්නේ ඒ අය වෙනුවෙන්ම වුණත් පරිසරයට සත්තුන්ට කොටිම්ම මේ ලෝකයට ආදරය කරන කාටවුණත් හිතපුරා විඳගන්න කිසිම බාධාවක් ඇත්තේ නෑ. හේතුව මේවා මනමෝහනීය වාර්තා චිත්‍රපට වීම. නිවාඩු කාලය අතරතුරේ මා ළඟ තියෙන ඒවායින් හැකි තරමක් මේ විදිහට සිංහලෙන් දෙන්න උත්සාහ කරනවා. බලමුකෝ ඉතිං; නේද?

සොබාදහමට පෙම් බඳින කොයිකවුරු වුණත් මේ චිත්‍රපටියට වහ වැටේවි. මේක අපේ සාගරය ගැන, සාගරයේ පැවැත්ම ගැන නිර්මාණය වූ වාර්තා චිත්‍රපටයක්! එනිසා අප බොහෝ දෙනෙක් ජීවිත කාලය පුරාමවත් අත්නොදකින අමුතු අසිරියක් මේ හරහා විඳගන්න ඔබට ඉඩ සලසා දෙනවා. සාගරය විඳගන්න, සාගරය හඳුනන්න, සාගරය අත්දකින්න, සාගරය ‍රැකගන්න සහ සාගරයට පෙම් බඳින්න මෙය ඔබට අත්වැලක් සපයාවි. ඒ වගේම සාගරය ජීවත් කරවන්න අවශ්‍ය ඔබේ දායකත්වයත් සපයන්න ඔබ පෙළඹෙනවානම් මා වඩාත්ම සතුටට පත්වන කාරණය එය තමයි.

එහෙමනම් මීළඟට… කියන්නේ නෑ!! දෙනකම් ඉන්නකෝ!!!

Due to copyright issues, we do not provide any torrent link.

මෙම ලබා දී ඇති උපසිරසි DVD පිටපත් සඳහා අදාළ වේ.

සිංහල උපසිරැසි මෙතනින් බාගන්න

4757 downloads

මේ ලබා දී ඇති සිංහල උපසිරැසි පිළිබද “උදා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank
BRONZE MEMBER
JOINING DATE – 2010-11-22