Oh My Friend (2011) | ආදරේට කියන්නේ “මිත්‍රත්වේ” කියල [සිංහල උපසිරැසි සමඟ]

ඔන්න ටිකක් පරන උනත් කාලෙකින් බලපු තවත් ලස්සන තෙලෙගු චිත්‍රපටියකට උපසිරැසි අරන් ආවේ.. මේකනම් ගොඩක් දෙනෙක් බලලත් ඇති හැබැයි මේකට බයිස්කෝප් අඩවියෙ උපසිරැසියක් නැති අඩුව මකන්නයි නොබලපු අයටත් දන්න සිංහලෙන්ම බලන්නත් එක්ක උපසිරැසි යෙදුවා.. කතාවෙ චරිත ගත්තොත් නම් ප්‍රදාන චරිත රගපාන්නෙ NH4 එකේ හිටිය සිද්දාර්ත් එක්ක 3 කේ හිටපු ස්රූතී හසන්, තව ආර්‍යා 2 එකේ හිටපු නව්දීප් එක්ක සිංගම් 2 එකේ හිටපු හන්සිකත් රංගනයෙන් දායක වෙනවා…. චරිත ගැන කිව්ව ඇතිනේ කතාව පොඩ්ඩක් බලමුකෝ

………..පුද්ගලයෝ දෙන්නෙක්ට ඕනම සබදකමක් පවත්වන්යන්න ආදරය ඕනේ…
එහෙම ආදරයක් තමා අපි දෙන්න අතරත් තියෙන්නේ
හැබැයි මේ ආදරේදි අපි දෙන්නම කිසිම දෙයක් බලාපොරොත්තු වෙන්නෙ නෑ
එහෙම කිසිදෙයක් බලාපොරොත්තු වෙන්නෙ නැතුව කරන ආදරේට කියන්නේ “මිත්‍රත්වේ” කියල……

ඇත්තටම ගෑනු ළමයෙකුටයි පිරිමි ළමයෙකුටයි ජීවිත කාලෙම හොදම යාලුවො විදිහට ඉන්න පුලුවන්ද? අද අපි ජීවත් වෙන සමාජය ඒ වගෙ සම්බන්දකමක් පිලිගනීද? ඉතින් ඔය විදිහට පොඩි කාලෙ ඉදන්ම යාලුවො විදිහට ඉන්න හිතාගෙන ඉන්න ගෑනු ළමයෙකුයි පිරිමි ළමයෙකුයි වටා තමා කතාව දිවෙන්නේ.. සිරී සහ චන්දු කියන්නෙ චූටි කාලේ ඉදන් හොදම යාලුවෝ ඉතින් මේ දෙන්නගෙ යාලුකම ලොකූ උනා කියලත් කිසි වෙනසක් නෑ.. මේ දෙන්නටම යාලුකම වෙනුවෙන් කරන්න බැරි දෙයක් නැති තරම්. හැබැයි හැමෝම මෙයාලගෙ යාලුකම ගැන හිතන්නෙ වැරදි විදිහට… ඉතින් කොහොම කොහොම හරි මේ දෙන්නට හම්බෙන ආදරවන්තයින්වත් මේ දෙන්නගේ යාලුකම හරියට තේරුම් නොගත්තොත්? එහෙම උනොත් මේ යාලුවෝ දෙන්නට සදහටම එකිනෙකාගෙන් ඈත් වෙන්න වෙයිද? ඒක ඉතින් මම කියන්නෙ මොකටද කතාව අරන්ම බලන්නකෝ …

ඇත්තටම හුගක් ලස්සන විදිහට ආදරයයි මිත්‍රත්වයයි අතර තියෙන ඒ චූටී පරතරේ පෙන්නන කතාවක්. සමහරවිට මේ වගේ අත්දැකීමකට සැබෑවටම මුහුන දෙන්න උනු චරිතත් ඕන තරම් අපි අතර ඇති ඉතින්. ඒ කට්ටියට ගොඩක් වැඩිපුර හිතට දැනෙන කතාවක් වෙනවා නිසකයි. එහෙනම් කට්ටියම අරන් බල්ලන්නකෝ පැයක් දෙකක් නාස්ති කරල බැලුවට පාඩුවක් වෙන එකක් නෑ… හැමෝම අවසානෙට කියනව වගේ මටත් කියන්න තියෙන්නෙ කාලෙකින් තමා උපසිරැසියක් කරේ ඉතින් හිත හැදෙන්නත් එක්ක පොඩි අදහසක් දක්වල යන්න…..

මේ ලබා දී ඇති සිංහල උපසිරැසි පිළිබද “රෙහාන් චානක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.