Paul (2011) | හමුවෙමු පෝල්…[සිංහල උපසිරැසි සමඟ]

කොහොමද යාලුවනේ, මේ මගේ පළමු උප සිරැසිය. මම මේ අඩවියේ සේවය ලබා ගන්න පටන් අරගෙන දැන් අවුරුදු දෙකක් විතර වෙනවා. ඉතින් මටත් මේ කාරියට දායක වෙන්න හිතුනා. ඇත්තටම මේක තමයි මම මේ අඩවියෙන් ගත්ත පලමු චිත්‍රපටිය. නමුත් මේකට සිංහල සබ් එකක් තිබුනේ නැහැ. අවුරුදු දෙකක්ම මේක මගේ ගාව තිබුණා. සබ් එකක් අද එයි හෙට එයි කියලා බල බල හිටියා බැරිම තැන වැඩේට අත ගැහුවා. හරි වටේ ගියා ඇති කතාවට බහිමු.

මේක නියම ජොලි යාලුවෝ දෙන්නෙක් සහ පිට සක්වලින් ආපු මරු විනෝදකාමී ජීවියෙක් ගැන කතාවක්. සාමාන්‍යයෙන් අපි බලන පිටසක්වල ෆිල්ම් වලට වඩා ගොඩක් වෙනස්. මේකේ යාළුකම, ජිවිතේ අපි දකින හින, එකිනෙකාට උදවු කිරීම, සහ සහ විශේෂයෙන් කල්‍යාණ මිත්‍ර කම කියන්නේ මොකක්ද වගේ දේවල් පෙන්වන නියම ෆිල්ම් එකක්. ඒවගේම කිසිම කම්මැලි කමක් නැතිව එක දිගට ෆුල් ෆන් එකේ මේක බලන්න පුළුවන්. මට ඇත්තටම හිතා ගන්න බැහැ මේකට ඇයි මෙච්චර කාලෙකට සබ් එකක් ආවේ නැත්තේ කියලා. කලින් ලිපියක් පලවෙලා තියෙන නිසා වැඩිය විස්තර කරන්නේ නැහැ. හැබයි මේක අනිවාර්යයෙන් බලන්න කියලා ඉල්ලනවා. හරිම ලස්සන මුළු චිත්‍රපටිය පුරාම හිනා වේවි බලන්න පුළුවන්.

මීට පෙර පළකල ලිපිය.

ඔබත් පිටසක්වල ජීවියෙක් දැක තිබෙනවාද? විශේෂයෙන් මිනිස් ගති හැසිරීම් කතා බහ හොඳින් හුරු පුරුදු වූ…

මගේ තුන්වන ඉදිරිපත් කිරීම ලෙස ඔබට දීමට අදහස කරන්නේ 2011 මාර්තු මස ඇමරිකාවේ තිරගත වීම ඇරඹි නවතම චිත්‍රපටයක් පිළිබඳවයි. විනාඩි 104 පුරා දිවෙන Greg Mottola ගේ තවත් සාර්ථක නිර්මාණයක් මෙන්ම Universal Pictures ආයතනයේ බෙදාහැරීම සිදුවන මෙම චිත්‍රපටය පිළිබඳ පුංචි හැඳින්වීමක් කරනවනම්,

Science fiction, Commedy සහ Adventure ලෙස වර්ග කළ හැකි නිෂ්පාදයක් වූ මෙම චිත්‍රපටය පෘථිවියේ අතරමංවී සිටි paul නැමති පිටසක්වල ජීවියා වටා දිවෙන කතා තේමාවක් යටතේ නිෂ්පානය වී ඇත.

මිනිසුන් යටතේ වසර 60 ක් පමණ සිටි paul නැමති මෙම පිටසක්වල ජීවියා මිනිස් ඇසුර නිසාම මිනිස් ගති ලක්ෂණ කතාබහ හොඳින් හුරු පුරුදු වූ ජීවියෙක් වන අතර හදිසියේ ඔවුන්ගෙන් මිදී පලායෑමට කරනු ලබන උත්සාහයේදී අභ්‍යාවකාශ තාක්ෂණය, පිටසක්වල ජීවීන් පිළිබඳව දැඩි අවධානයකින් සහ උනන්දුවකින් පසුවන යහළුවන් දෙදෙනෙකු හට මුණ ගැසෙන අතර, ඔවුන් හා එක්වී ඔවුන්ගේ ආරක්ෂාව යටතේ තම අරමුණ කරා යන ගමනේදී පෝල් හට මෙන්ම මෙම යහළුවන් දෙදෙනාහට මුහුණ පෑමට සිදුවන අති බිහිසුණු අත්දැකීම් සහ සිදු කිරීමට වන කැපකිරීම්, සුහදත්වය, ආදරය මෙන්ම විනෝදය කැටිවූ අත්දැකීම් සම්භාරය පිළිබඳව මෙන්ම ගමනාන්තය කරා මෙම පිරිසට යා හැකි වේවිද යන්න වගේම ගමනේ අවසානය කුමක් වනු ඇත්ද යන්න මෙම චිත්‍රපටය නරඹා දැනගැනීම ඔබට බාරයි

ඔබගේ අදහස් යෝජනා ඉතා අගේ කරන අතර, චිත්‍රපටය නරඹා පසුව හෝ ඔබගේ අදහස් ඉදිරිපත් කරනමෙන් ඉල්ලා සිටින අතර, මෙවන් නිර්මාන ඔබවෙත ගෙන ඒමට එය තවත් දෛර්යයක් වනු ඇත.

මේ ලිපියේ සම්පූර්ණ අයිතිය “සංජය ප්‍රසාද්” සොහොයුරා සතු වන අතර උපුටාගැනීම් සියල්ලම ඔහුගේ අවසරය මතම සිදුවිය යුතුය..

මේ ලබා දී ඇති සිංහල උපසිරැසි පිළිබද “සුනෙත් සේවික්‍රම” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.