අපගේ නිල ඩවුන්ලෝඩ් වෙබ් අඩවිය තවදුරටත් baiscopedownloads.co නොවේ. කරුණාකර අපගේ උපසිරසි සඳහා ගැලපෙන ලින්ක් බාගත කරගැනීමට https://baiscopedownloads.link/ හෝ https://baiscopedownloads.xyz/ වෙත පිවිසෙන්න.

MENU

Peepli (Live) (2010) | ගොවිකම ද?, රජකම ද?, ජීවිතයද? [සිංහල උපසිරසි සමඟ]

Rating: 8.0/10. From 2 votes.
Please wait...

Peepli Live

ආයුබෝවන් යාළුවනේ. ඉතිං පහුගිය දවස් වල ගොඩක් රාජකාරී බහුල වුණ නිසා බයිස්කෝප් එක පැත්තේ එන්නත් බැරිවුණා. කොච්චර රාජකාරි බහුල වුණත් දැන් සබ් දාන වැඩේ නම් අතාරින්න හිතෙන්නෙම නෑ. කොහොම වෙලා හරි ඔන්න අදත් ඔයගොල්ලන්ට බලන්න සුන්දර සිනමා කෘතියක් අරගෙන ආවා.

මේ චිත්‍රපටය ගැන මගේ මතකය අලුත් කරොත්, මේ චිත්‍රපටය තිරගත වූ 2010 අවුරුද්දේම තමයි මම මේ චිත්‍රපටය මුලින්ම බැලුවෙ. ඒ මම ඉගෙන ගත්ත විශ්වවිද්‍යාලයේ ජනසන්නිවේදන අධ්‍යනාංශයෙ සිනමාව ගැන ඉගෙන ගන්නකොට. එතකොට මම දෙවන වසරෙ. ඉතිං එදා මුල් වරට බැලුව මේ සුන්දර සිනමා සිත්තම තදින් මගෙ හිතට කා වැදුණා.

ඒකට හේතු කීපයක් තිබුණා…චිත්‍රපටයේ තිබුණු සිනමාරූපීභාවය, චිත්‍රපටය තුළින් කතා කරන මාතෘකාවේ සමීපබව, සංස්කරණය, පිටපත රචනයේ ශූර බව හා රංගන ශිල්පීන්ගේ විශිෂ්ට රංගනය, ඉන් කිහිපයක්… ඉතිං අද ඔයාලට මේ චිත්‍රපටය දෙන්න තවත් හේතුවක් තිබුණා. ඇත්තම කීවොත්, මේ වෙලාවෙ මේ සිනමා සිත්තම ගැන මතකයට ආවෙත් ඒ නිසා. මම රාජකාරි කරන පළාතෙ මේ වෙනකොට මැතිවරණයකට ලෑස්තිවෙනවා. ඉතිං මේ දවස් වල මම පාරෙ තොටේ, ගම් දනවි වල දකින සිදුවීම්. නිර්මාණාත්මකව මේ සලරුවේ දක්වලා තියනවා.

මේ සලරුවේ කතා කරන ප්‍රධාන කරුණ, ගොවියාගේ ණය බර. අපේ රටෙත් වගා ණය ගෙවා ගන්න බැරිව කොච්චර ගොවි මහතුන් පිරිසක් දිවිනසාගන්නවද? ඉන්දියාවට, වගේම අපේ රටටත් ගැලපෙන තත්කාලීන සමාජ ප්‍රශ්නයක් මේ සලරුවෙන් එක් පැත්තකින් දිගහරිනවා. අනෙක් පැත්තෙන්, දූෂිත බල ලෝභී දේශපාලනයේ නිරුවත හෙළි කරනවා. මෙතනදි, පිටපත රචනයේ දී, යොදාගෙන ඇති දෙබස් හා යොදාගෙන ඇති කෙටි ගීත ඛණ්ඩ කිහිපයේ පද රචනයන් පවා, නිර්මාණයේ ප්‍රස්තුතයට ඉතාම ගැලපෙන ආකාරයට යොදාගෙන තිබෙනවා.

ඉතිං ඒ විස්තරය ප්‍රමාණවත් කියලා මම හිතනවා. සලරුවේ නිර්මාපක පැත්ත ටිකක් බැලුවොත්, මේ සලරුව අධ්‍යක්ෂණය කරල තිබෙන්නේ, Anusha Rizvi. පිටපත රවනා කරල තියෙන්නෙත් එයාම තමා. නිෂ්පාදන දායකත්වය ලබා දීලා තියෙන්නෙ, කවුරුත් දන්න Aamir Khan. ප්‍රධාන වරිත සඳහා රංගනයෙන් දායක වී තිබෙන්නේ, Omkar Das, Raghubir Yadav, Shalini Vatsa, Naseeruddin Shah ඇතුළු පිරිසක්. IMDB දර්ශකයේ 7.6 අගයක් ලබා ගැනීමට මෙම සලරුව සමත්වෙලා තිබෙනවා.

චිත්‍රපටයේ කතාව ගැන ටිකක් බැලුවොත්, ඉන්දියාවෙ මුඛ්‍ය ප්‍රදේශ් ප්‍රාන්තයේ පිටිසර ගමක් වන පීප්ලි කියන ගමේ ජීවත් වෙන, නාථා දාස් මාණික්පූරි හා බුධියා කියන අහිංසක ගොවි සහෝදරයන් දෙදෙනා හා ඔවුන්ගේ පවුල වටා තමයි මෙම කතාව ගෙතී තිබෙන්නේ. තමාගේ එකම කුඹුර බැංකුවට සින්න වීම නිසා, නාථා දාස් තමා සියදිවි නසා ගන්නා බවට ප්‍රකාශ කරනවා…ඊට පස්සෙ මොකද වෙන්නෙ….?

හැමදාම කාඩ්බෝඩ් වීරයන් අතරෙ කොටුවෙලා ඉන්නැතිව මේ යථාර්තවාදී සලරුව, බැලූ, නොබැලූ හැමටම අනිවාර්යයෙන් බලන්න කියල මම ආරාධනා කරනවා. ආයෙත් සුන්දර සලරුවක් අරගෙන එන බලාපොරොත්තුවෙන් එහෙනම් ඔන්න මම ගියා…..

Peepli (Live) (2010) on IMDb

 

 

699 MB කොපිය මෙතනින් බාගන්න

EEB999F9B0E4D7D7543EDB8B54776FC364CA8402
ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

 

මේ ලබා දී ඇති සිංහල උපසිරැසි පිළිබද “රුවන් සම්පත් වර්ණසිරි” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

31 thoughts on “Peepli (Live) (2010) | ගොවිකම ද?, රජකම ද?, ජීවිතයද? [සිංහල උපසිරසි සමඟ]

  • ship of Theseus film eka ta sub ekak danawada,

    Reply
  • මට මඟ හැරුණු බොලිවුඩ් ෆිල්ම් එකක්.අද නිකමට වගේ search කලාම දැක්කෙ මේක තියෙනවා කියල.බොහොම ස්තුතියි ඔබට.

    Reply
  • සබ් නියමෙට තිබ්බා… මරු ෆිල්ම් එකක්… තාත්ත්වික කතාවක්… ස්තූතියි මේ වගේ ස්ටෝරිවලට සබ් දාන එකට.. තෑන්ක්ස්..

    Reply
  • ගොඩක් ස්තුතියි මෙවන් නිර්මාණයක් ගෙනාවට ජය වේවා!

    Reply
  • බොහොම ස්තූතියි රුවන් සහෝ සිංහල උපසිරැසියට. සමාවෙන්න කමෙන්ට් එකක් දාන්න පරක්කු වුණාට. ජය෴෴ 😛 😛

    Reply
  • උපසිරසියට බොහොම ස්තූතියි සහෝ…
    ඔබට ජය….!

    Reply
  • බොහොම ස්තුතියි සහෝ, දිගටම සබ් දෙන්න,ජයවේවා.

    Reply
  • ස්තුතියි රුවන්.විශිෂ්ඨ බොලිවුඩ් සිනමා කෘතියක්.කවද හරි සබ් දේවි කියලා බලන් හිටියෙ.ජය වේවා ! පුළුවන් නම් Ship of Theseus චිත්‍රපටියටත් දෙන්න..

    Reply
  • කතාව නම් පට්ට වගෙ .
    ජය පතනවා කොල්ලෝ .
    දිගටම සබ් දෙන්න .
    😀

    Reply
  • වෙලාවක බලන්න ඔනි මචෝ
    හොද එකක් වගෙ
    සබට තුති
    ඔබට ජය………

    Reply
  • මේක විශිෂ්ට නිමැවුමක්………..
    හින්දි බලන නොබලන හැමෝටම මේක බලන්න කියල ඉහළින් ම නිර්දේශ කරන්න කැමතියි.
    මේ වගේ වටින සලරුවක් සිංහලෙන් හැඩ කළාට බොහොම ස්තූතියි සහෝ.

    Reply
  • නියම කතාවක් සහෝ.
    ස්තුතියි සබ් එකට.

    Reply
  • බොහොම ස්තුතියි සහො 😛 ජය

    Reply
  • මමනම් හිතන්නේ මේ වගේ විකාරයකට කාලය යොදවපු එකෙන් කිසිම තේ රුමක් නෑ කියල.මීට වඩ කොයි තරම් සුපිරි නිර්මාන තියෙනවද

    Reply
  • ස්තුතියි සහෝ උපසිරැසියට.

    Reply
  • මේ වගේ හොඳ නිර්මාණ බලන්න ලැබෙනවා හරි අඩුයි! හුඟක් හින්දි ෆිල්ම් වල පෙන්වන සුරංගනා ලෝකය නෙමෙයි, ඇත්තටම ඉන්දියාවෙ තියෙන්නේ. මේ වගේ චිත්‍රපටි වලින් අපිට ඉන්දියාවේ ස්වභාවික පරිසරය, ජීවන පැවැත්ම දැක බලාගන්න පුළුවන්. ඇත්තටම මේ වගේ ඒව බලන්න මම හරි ආසයි. ඉතින් අදම මේක බාගෙන බලනවා. සබ් වලට ගොඩක් ස්තුතියි!

    Reply
  • Thanks very much ….Thanks very much..
    very..very..Thanks….!

    Reply
  • ඔව් සහෝ,
    මේකනම් සුපිරීම සුපිරි ෆිල්ම් එකක්..
    මාත් බැලුවා…
    මේ ෆිල්ම් එකේ භාෂාව, සහ ප්‍රධාන චරිත දෙකේ නූගත් කම් එහෙම ලසනට පෙන්නලා තියෙනවා..
    ලස්සනම ලස්සන ෆිල්ම් එකක්..
    හැමෝම බලන්න කියලා ඉල්ලනවා…
    ජය වේවා..

    Reply
  • film eka balala kyanna kohomada kyla kastiya…..

    Reply
  • ඔන්න බාගත්තා…සබ් එකට බොහොම ස්තූතියි සහෝ…ජය වේවා… 😀

    Reply
  • ela ela wanasakatat akka mawaga awa ona asawen balanna puluwan katawak waga thaz…. subapatum.

    Reply
  • ස්තුතියි රුවන් සහෝදරයා!

    ඇත්තටම අපිට මෙවගේ නිර්මාණ බලන්න ලැබෙනවා අඩුයි!
    ගොඩක් ස්තුතියි අපි වෙනුවෙන් මහාන්සි‍ නෙබලා මෙවන් නිර්මාණයක් ගෙනාවට

    ජය වේවා!

    Reply

Leave a Reply to arrow4srilanka Cancel reply

Your email address will not be published. Required fields are marked *